ମାର୍କ 4:20 - New Testament in Pengo Parja Language

²⁰ ଆରେ, କେତେକ୍ ମାନାୟ୍ ହାର୍ ମେଦ୍‌ନିତ ଆର୍ଜିମାଚି ବିୟାନ୍ ଲେକେ, ଇନେର୍ ଈଶ୍ୱର କାତାତିଙ୍ଗ୍ ୱେନ୍‌ଞ୍ଜି ହାର୍‌ଦାଙ୍ଗ୍ ମାନ୍ତ ଆହ୍ନାର୍। ଆରେ ହେୱାର୍ ର ପାଡ଼୍‌ ଆହ୍‌ନି ଲେକେ ଇନେର୍ ତିରିଶ୍ ଗୁଣ୍, ଇନେର୍ ଶାଟେ ଗୁଣ୍ ଆରେ ଶହେ ଗୁଣ୍ ପାତେକ୍ ପାଡ଼୍‌ ଆହ୍ନାତ୍।”

ସତ୍‌ ବଚନ୍‌ ପୁନି ନିୟମ୍‌

²⁰ ଆରେ, ଇନେର୍‌ ବେରଣ୍‌ ୱେନ୍‌ଞ୍ଜି ହେଦାଂ ମାନିକିନାର୍‌ ଆରି ରିକଡ଼ିଦସ୍‍ ଗାଡ଼୍‌ହା, ତିନିକଡ଼ି ଗାଡ଼୍‌ହା, ଆରେ ପାଞ୍ଚ୍‍କଡ଼ି ଗାଡ଼୍‌ହା ପାଡ୍‌ ୱାନାତ୍‌, ହେୱାର୍‌ ୱିତିୟା ଆଜ଼ି ମାଚି ହାର୍ଦି ମେଦ୍‌ନି ଲାକେ ।”

ମାର୍କ 4:20 ပူးပေါင်းရင်းမြစ်များ

ମାତିଉ 13:23

ମାତର୍ ଇମ୍‌ଣାକାନ୍ ଈଶ୍ୱର କାତାତିଙ୍ଗ୍ ୱେନ୍‌ଞ୍ଜି ହାର୍‌ଦାଙ୍ଗ୍ ମାନ୍ତ ଆହ୍‌ନାନ୍ ଆରେ ମାନି କିନାନ୍ ହେୱାନ୍ ତିରିଶ୍ ଗୁଣ୍ ଇନେର୍ ଶାଟେ ଗୁଣ୍, ଇନେର୍ ଶହେ ଗୁଣ୍ ପାତେକ୍ ପାଡ଼୍‌ ଆହ୍‌ନାର୍। ହେୱାର୍ ହାର୍ଦି ମେଦ୍‌ନିତ ୱିତ୍‍ତି ବିୟାନ୍ ଲେକେ।”

ମାତିଉ 13:8

ମାତର୍ କେତେକ୍ ବିୟାନ୍ ହାର୍ ମେଦ୍‌ନିତ ଆର୍‍ତିକ୍, ହେ ୱିଜୁ ଗଜାଆଜି ଗାଜା ଆତିକ୍ ଆରେ ପାଡ଼୍‌ ଆସ୍‍ତିକ୍ କେତେକ୍ ତିରିଶ୍ ଗୁଣ୍, କେତେକ୍ ଶାଟେ ଗୁଣ୍ ଆରେ ଶହେ ଗୁଣ୍ ପାତେକ୍ ପାଡ଼୍‌ ଆସ୍ତାତ୍।

ମାର୍କ 4:8

ମାତର୍ କେତେକ୍ ବିୟାନ୍ ହାର୍ ମେଦ୍‌ନିତ ଆର୍‍ତିକ୍, ହେ ୱିଜୁ ଗଜାଆଜି ଗାଜା ଆତିକ୍ ଆରେ ପାଡ଼୍‌ ଆସ୍‍ତିକ୍ କେତେକ୍ ତିରିଶ୍ ଗୁଣ୍, କେତେକ୍ ଶାଟେ ଗୁଣ୍ ଆରେ ଶହେ ଗୁଣ୍ ପାତେକ୍ ପାଡ଼୍‌ ଆସ୍‍ତାତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:15

ଇନେର୍ ଈଶ୍ୱର କାତାତିଙ୍ଗ୍ ୱେନ୍‌ଞ୍ଜି ହାର୍‌ଦାଙ୍ଗ୍ ମାନ୍ତ ଆହ୍ନାର୍, ହେୱାର୍ ହାଦ୍‌ଦାରୁମ୍ ଆଜି ଜିବୁନ୍ କାଟିକିନାର୍, ଆରେ ହେୱାର୍ ଈଶ୍ୱର କାତାତିଙ୍ଗ୍ ମାନିକିଜି ମାନାର୍। ହେୱାର୍ ହାର୍ଦି ମେଦ୍‌ନିତ ଆର୍ତି ବିୟାନ୍ ଲେକେ।”

ଜହନ୍‌ 15:16

ଏପେଙ୍ଗ୍ ନାଙ୍ଗେଙ୍ଗ୍ ବାଚି କିଦ୍‌ୱାତାଦେର୍‌ନା, ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା। ଆରେ ଏପେଙ୍ଗ୍ ଇନେସ୍‌କି ପାଡ଼୍‌ ଆସ୍ତେଙ୍ଗ୍ ଆଡ୍‌ନାଦେର୍, ମି ପାଡ଼୍‌ ତିର୍‌ଆଜି ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ଆବା ଈଶ୍ୱରତାକେ ଏନ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ଏପେଙ୍ଗ୍ ଚେଲା କାଦେର୍।

ଜହନ୍‌ 15:2

ନାବେ ମାନି ଇମ୍‌ଣି କେନ୍ଦାତାକେ ପାଡ଼୍‌ ଆହ୍‌ୱିତିସ୍, ହେୱାନ୍ ହେଦାଙ୍ଗ୍‌ତିଙ୍ଗ୍ କାତ୍‌ନାନ୍। ଇମ୍‌ଣି କେନ୍ଦାତାକେ ପାଡ଼୍‌ ଆସ୍ତି ମାନାତ୍, ଆଦିକ୍ ପାଡ଼୍‌ ଆହ୍‌ନି କାଜିଙ୍ଗ୍ ହେ କେନ୍ଦାତିଙ୍ଗ୍ ଜାତୁନ୍ କିନାନ୍‌।

ରୋମିୟ 7:4

ହେଲେକେ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ନଙ୍ଗୟ୍ ହେ ନିୟମ୍‌ନି ତାରେନ୍ ହିଲୁଦେର୍, ଇନେସ୍‌କି ଏପେଙ୍ଗ୍ ନିୟମ୍ କାଜିଙ୍ଗ୍ ହାଃତାଦେର୍‌ନା। ଏଚେପାଦ୍ନା ଖ୍ରୀଷ୍ଟ ହାଃତାନ୍ ଆରେ ଆରେରଗ ଜିବୁନ୍ ଆତାନ୍, ଏପେଙ୍ଗ୍ ତା ହୁଦାଙ୍ଗ୍ ହାଃତାଦେର୍ ଆରେ ତା ହୁଦାଙ୍ଗ୍ ଏକ୍ ଆତାଦେର୍‌ନା। ଲାଗିଙ୍ଗ୍ ଏପେଙ୍ଗ୍ ଈଶ୍ୱର କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଆଡ୍‌ନାଦେର୍।

ପିଲିପିୟ 1:11

ମାର୍ ଇନେସ୍ ପାଡ଼୍‌ ଆହ୍‌ନାତ୍ ଏପେଙ୍ଗ୍ ପା ଯୀଶୁ ଖ୍ରୀଷ୍ଟ ସାଇଜତାଙ୍ଗ୍ ଦରମ୍ କାମାୟ୍ କିନାଦେର୍। ଏଲେଙ୍ଗ୍ ଆତିସ୍ ମାନାୟାର୍ ଈଶ୍ୱରତିଙ୍ଗ୍ ସନ୍‌ମାନ୍ ଆରେ ଜୟ୍-ଜୟ୍ କିନାର୍।

କଲସିୟ 1:10

ଆରେ ଏପେଙ୍ଗ୍ ଇନେସ୍‌କି ମାପୃଙ୍ଗ୍ ୱିଜୁଦିନ୍ ସନ୍‌ମାନ୍ ଆରେ ୱାରି କିତିଲେକେ ଜିବୁନ୍ କାଟିକିନାଦେର୍। ଏପେଙ୍ଗ୍ ୱିଜୁଦିନ୍ ହାର୍ଦି କାମାୟ୍ କିନାଦେର୍, ଆରେ ଈଶ୍ୱରତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

୧ ଥେସଲନୀକିୟ 4:1

ଏ ଟଣ୍ଡାର୍‌କାଦେର୍, ଆପେଙ୍ଗ୍ ମାପୃ ଯୀଶୁ ତର୍‍ଦାଙ୍ଗ୍ ଗୁୱାରି କିଦ୍‌ନାପା ଯେ, ଏପେଙ୍ଗ୍ ଈଶ୍ୱର ୱାରିୟା ଆନିଲେକେ କାମାୟ୍ କିଜି ଯିବୁନ୍ କାଟିକିୟାଟ୍। ଆଗେ ଇନେସ୍ ଆପେଙ୍ଗ୍ ୱେଚ୍‌ଚି ମାନ୍‌ଞ୍ଚାପ୍, ଆରେ ଏପେଙ୍ଗ୍ ହେଲେକେ କିନାଦେରା, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ସାସ୍ ହିଦ୍‌ନାପା, ଲାଗିଙ୍ଗ୍ ଏପେଙ୍ଗ୍ ହେଲେକେ ଆଦିକ୍ କିନାଦେର୍।

୨ ପିତର 1:8

ଇ ୱିଜୁ ବିଷୟ ଯଦି ମିବେ ମାନ୍‌ଞ୍ଜି ବାଡା ଆନାତ୍, ଲାଗିଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ବିଷୟନି ବୁଦିତାଙ୍ଗ୍ ଏପେଙ୍ଗ୍ ବ୍ଯବହାର୍ କିତିଲେକେ ଆରେ ପାଡ଼୍‌ ଆସ୍ତି ଲେକେ ଆଦେଙ୍ଗ୍ ଆଡ୍‌ନାଦେର୍।