ମାର୍କ 4:2 - New Testament in Pengo Parja Language

² ହେପାଦ୍ନା ଯୀଶୁ କାତା ୱେଚ୍‌ନିଲେକେ କିଜି ହେୱାରିଙ୍ଗ୍ ହିକ୍ଷାହିଜି ୱେଚ୍‌ଚାନ୍,

ସତ୍‌ ବଚନ୍‌ ପୁନି ନିୟମ୍‌

² ହେବେଣ୍ଡାଂ ହେୱାନ୍‌ ଉତର୍‌ମୁଡ଼୍‌ ହିଜ଼ି ହେୱାରିଂ ବେସି କାତା ବିସ୍ରେ ହିକ୍ୟା ହିଦେଂ ଲାଗାତାନ୍‌, ପାଚେ ନିଜ୍ ହିକ୍ୟା ବିସ୍ରେ ହେୱାରିଂ ଇଚାନ୍‌ ୱେନାଟ୍‌ ।

ମାର୍କ 4:2 ပူးပေါင်းရင်းမြစ်များ

ମାତିଉ 13:10

ଆରେ ଯୀଶୁ ରକାନ୍ ମାନିହିଙ୍ଗ୍ ଚେଲାହିର୍ ତା କଚଣ୍‌ତ ୱାଜି ୱେନ୍‌ବାତାର୍, “ଏନେଙ୍ଗ୍ ହେୱାରିଙ୍ଗ୍ ୱିଜୁଦିନ୍ କାତା ୱେଚ୍‌ନିଲେକେ କିଜି ହିକ୍ଷା ହିନାୟା ହେ ଅର୍ତ ଆପେଙ୍ଗ୍ ପୁନୁପା ଆରେରଗ ମାଙ୍ଗେଙ୍ଗ୍ ୱେଚ୍‌ଚା।”

ମାତିଉ 13:3

ଆରେ ଯୀଶୁ କାତା ୱେଚ୍‌ନିଲେକେ କିଜି ହେୱାରିଙ୍ଗ୍ କେତେକ୍ ହିକ୍ଷାହିଜି ମାଚାନ୍।

ମାତିଉ 7:28

ଯୀଶୁ ଇ ୱିଜୁବେଣ୍ ୱେଚ୍‌ଚି ୱିସ୍ତି ପାଚେ, ହେବେ ରୁଣ୍ଡାଆତି ମାନାୟାର୍ ତା ହିକ୍ଷା ୱେନ୍‌ଞ୍ଜି କାବା ଆତାର୍,

ମାର୍କ 10:1

ଯୀଶୁ ଆରେ ତା ଚେଲାହିର୍ କପୁର୍‌ନାହୁମ୍‌ ସହର୍ ପିସ୍ତି ହେୱାନ୍ ଯିହୁଦା ଜିଲ୍ଲା ନିପଡାଙ୍ଗ୍ ଆଜି ଯର୍ଦ୍ଦନ ନାଗୁଡ଼୍ ଆରେ ର ପାଡ଼୍‌କା ହାଚାର୍। ହେବେ ମାନାୟାର୍ ଆରେରଗ ତା କଚଣ୍‌ତ ରୁଣ୍ଡାଆତାର୍, ଆରେ ଇନେସ୍ ଲେକେ ହିକ୍ଷାହିଜି ମାଚାନ୍ ହେଲେକେ ଆରେରଗ ହିକ୍ଷାହିଦେଙ୍ଗ୍ ଲାଗାତାନ୍।

ମାର୍କ 12:1

ତାପାଚେ ଯୀଶୁ ଯିହୁଦି ନେତାରିଙ୍ଗ୍ କାତା ୱେଚ୍‌ନିଲେକେ ୱେଚ୍‌ଚାନ୍, “ର ମାନାୟ୍ ତା ବାଡ୍‍ଦ ଅଙ୍ଗୁର୍ ରୁସ୍ତାନ୍, ଆରେ ତା ଚାରିବେଣ୍‌ତାଙ୍ଗ୍ ବାଡ଼୍ ମୁକ୍ତାନ୍। ହେୱାନ୍ ଆରେ ପା ଅଙ୍ଗୁର୍ ଉହ୍‌ନି କୁଣ୍ଡ୍ ରସ୍ତାନ୍, ଆରେ ହେବେ ଜାଗୁୱାଡ଼ି ଇଲ୍ ରଞ୍ଜି ରସ୍ତାନ୍। ତାପାଚେ, ହେ ଅଙ୍ଗୁର୍ ବାଡ଼୍‍ଦିଙ୍ଗ୍ ଆଦି ହିଜି ବିଦେସ୍ ହାଚାନ୍।

ମାର୍କ 12:38

ଆରେରଗ ଯୀଶୁ ହିକ୍ଷା ହିନିହିଙ୍ଗ୍ ୱେଚ୍‌ଚାନ୍, “ଯିହୁଦି ଦରମ୍‌ନି ପଣ୍ଡିତାର୍‌ତାଙ୍ଗ୍ ସାବ୍‌ଦାନ୍! ହେୱାର୍ ଡେଙ୍ଗା ଆରେ ଦାମ୍‌କିୟା ହେନ୍ଦ୍ରା ଉସ୍‌ପେଦେଙ୍ଗ୍ ଆରେ, ଆଟ୍ ବାଜାର୍‌ତାକେ ସନ୍‌ମାନ୍ ପାୟା ଆଦେଙ୍ଗ୍ ଇଚାକିନାର୍,

ମାର୍କ 3:23

ଯୀଶୁ ତା ଲାଗାୟ୍ କୁକ୍‌ଚି କାତା ୱେଚ୍‌ନିଲେକେ କିଜି ହେୱାରିଙ୍ଗ୍ ୱେଚ୍‌ଚାନ୍, “ଶୟତାନ୍ ଇନେସ୍ କିଜି ଶୟତାନ୍‌ତିଙ୍ଗ୍ ପିହିକିଦେଙ୍ଗ୍ ଆଡ୍‌ନାତ୍?

ମାର୍କ 4:11

ହେବେ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଈଶ୍ୱର ତା ରାଜିନି ପୁନ୍‌ୱିତି କାତାତିଙ୍ଗ୍ ପୁଞ୍ଜେଙ୍ଗ୍ ଏପେଙ୍ଗ୍ ସୁଯଗ୍ ଗାଟାଆତାଦେର୍‌ନା। ମାତର୍ ଇମ୍‌ଣାକାର୍ ଈଶ୍ୱରତିଙ୍ଗ୍ ପୁନୁୱାତାର୍‌ନା ହେୱାରିଙ୍ଗ୍ ସୁଯଗ୍ ଗଟାଆୱାତାତ୍‌ନା ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାରିଙ୍ଗ୍ କାତା ୱେଚ୍‌ନିଲେକେ କିଜି ୱେଚ୍‌ଚାନାଙ୍ଗା।

ମାର୍କ 4:3

“ୱେନାଟ୍, ର ଚାଷି ତା ଜମିତ ବିୟାନ୍ ୱିତ୍‍ଦେଙ୍ଗ୍ ହାଚାନ୍।

ଜହନ୍‌ 18:19

ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଯୀଶୁଙ୍ଗ୍ ତା ଚେଲାହିର୍ ବିଷୟରେ ଆରେ ତା ହିକ୍ଷା ବିଷୟରେ ପ୍ରଶ୍ନ ୱେନ୍‌ବାତାନ୍।