ମାର୍କ 16:14 - New Testament in Pengo Parja Language

¹⁴ ତାପାଚେ ଏଗାର୍‌ଜାଣ୍ ବାଚିକିତି ଚେଲାହିର୍ ଚିଞ୍ଜେଙ୍ଗ୍ କୁଚ୍‌ଚିହିଙ୍ଗ୍ ଯୀଶୁ ହେୱାରିଙ୍ଗ୍ ଚଞ୍ଜିଆତାନ୍। ଆରେ ହେୱାନ୍ ହେୱାର୍ ପାର୍ତି କିୱାକା ଆରେ ମାନ୍ତି ଆଟ୍‌ୱା କାଜିଙ୍ଗ୍ ହେୱାରିଙ୍ଗ୍ କେତ୍‌ତାନ୍। ଇନେସ୍‌କି ଇମ୍‌ଣାକାର୍ ହେୱାନ୍ ହାଃଜି ଆରେରଗ ନିଙ୍ଗ୍‍ତାକା ହୁଡ଼୍‌ଜି ମାଚାର୍, ହେୱାର୍ ବେଣ୍‌ତିଙ୍ଗ୍ ହେୱାର୍ ପାର୍ତି କିୱାଦାଙ୍ଗ୍ ମାଚାର୍।

ସତ୍‌ ବଚନ୍‌ ପୁନି ନିୟମ୍‌

¹⁴ ଇଦାଂ ପାଚେ ଏଗାର୍ ଜାଣ୍‌ ଚେଲାର୍‌ ଚିଞ୍ଜେଙ୍ଗ୍‌ କୁଚ୍‌ଚି ୱେଡ଼ାଲିଂ ଜିସୁ ହେୱାରିଂ ଚଞ୍ଜ୍ୟା ଆତାନ୍‌ ଆରି ହେୱାର୍‌ତି ପାର୍ତି କିୱାକା ଆରି ମାନ୍‌ ଆଟ୍‌ୱା କାଜିଂ ହେୱାରିଂ ଲେତ୍‍ତାନ୍, ମାତର୍‌ ଇନେର୍‌ ହେୱାନିଂ ଆରି ନିଙ୍ଗ୍‌ନାକା ହୁଡ଼୍‌ଜି ମାଚାର୍‌, ହେୱାର୍‌ କାତା ୱିଜ଼ାକାର୍‌ ପାର୍ତି କିୱାଦାଂ ମାଚାର୍‌ ।

ମାର୍କ 16:14 ပူးပေါင်းရင်းမြစ်များ

ମାତିଉ 11:20

ହେପାଦ୍ନା ଯୀଶୁ ଇମ୍‌ଣି-ଇମ୍‌ଣି ସହର୍‌ତାକେ ଚାନିଆଆନି କାମାୟ୍ କିତାନ୍। ହେୱାନ୍ ହେ ସହର୍‌ତାକେ ମାନି ମାନାୟାରିଙ୍ଗ୍ କେତ୍‌ତେଙ୍ଗ୍ ଲାଗାତାନ୍। ଇନେସ୍‌କି ହେୱାର୍ ଯୀଶୁ କିତି କାମାୟ୍ ହୁଡ଼୍‌ଜି ପା ପାପ୍ କାମାୟ୍ ପିସ୍ତି ଈଶ୍ୱର ଲାଗାୟ ୱାୱାଦାଙ୍ଗ୍ ମାଚାର୍।

ମାତିଉ 17:20

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଅଲପ୍ ପାର୍ତି କିନାଦେରା। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଯଦି ମିବେ ର ହାର୍‌ହୁ ମାଞ୍ଜି ଲେକେ ପାର୍ତି ମାନ୍‌ଗାନାତ୍, ଲାଗିଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହେବେ ଗୁଚାଆ ଇଞ୍ଜି ୱେଚିସ୍ ହେ ମାଡ଼ି ଗୁଚା ଆନାତ୍। ଆରେ ଇନାକାପା ନି ବେଣ୍‌ତିଙ୍ଗ୍ ମାନିକିୱାକା ହିଲ୍‌ଗୁତ୍।

ମାତିଉ 28:17

ହେବେ ମାଡ଼ିଜପି ଯୀଶୁଙ୍ଗ୍ ହୁଡ଼୍‌ତାର୍। ହେୱାର୍ ହେୱାନିଙ୍ଗ୍ ପୁଜା କିତାର୍। ମାତର୍ ହେ ଚେଲାହିର୍ ବିତ୍ରେତାଙ୍ଗ୍ କେତେକ୍ ପାର୍ତି କିୱାତାର୍ ଯେ, ଇୱାନ୍ ଆନାନା ହେ ଯୀଶୁ।

ମାର୍କ 7:18

ଯୀଶୁ ଚେଲାହିରିଙ୍ଗ୍ ୱେନ୍‌ବାତାନ୍, “ଏପେଙ୍ଗ୍ ପୁନ୍‌ୱାତାଦେର୍‌ନା କି? ଇନେର୍ ପା କାଦି ଚିଚିସ୍ ତାଙ୍ଗେଙ୍ଗ୍ କରାପ୍ କିଉତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:11

ମାତର୍ ପକିଆତି ଚେଲାହିର୍ ହେ କଗ୍‍ଲେକ୍ ବେଣ୍‌ତିଙ୍ଗ୍ ଅଲପ୍‌ପା ପାର୍ତି କିୱାତାର୍। ହେୱାରିଙ୍ଗ୍ ଇଦାଙ୍ଗ୍ ପାଗଲ୍ ବେଣ୍ ଲେକେ ହତାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:25

ତାପାଚେ ଯୀଶୁ ହେ ରିକାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଏଚେକ୍ ବକୁଆ। ଭବିଷ୍ଯତବକ୍ତାର୍ ଇନାକା ୱିଜୁ ୱେଚ୍‌ଚି ମାନ୍‌ଞ୍ଚାର୍, ହେ ସତ୍‌ତିଙ୍ଗ୍ ଏପେଙ୍ଗ୍ ପାର୍ତି କିଦେଙ୍ଗ୍ ଆଡୁଦେରା।

ଜହନ୍‌ 20:25

ଜେକନି ଚେଲାହିର୍ ଥୋମାଙ୍ଗ୍ ୱେଚ୍‌ଚାର୍, “ଆପେଙ୍ଗ୍ ମାପୃଙ୍ଗ୍ ହୁଡ଼୍‌ତାପ୍।” ଥୋମା ୱେଚ୍‌ଚାନ୍, “ଆନେଙ୍ଗ୍ ତା କେଇଦ କୁଟିଙ୍ଗ୍ ହୁଦାଙ୍ଗ୍ ଇଡ଼୍‌ତି ଚିନା ହୁଡ଼୍‌ୱାଦାଙ୍ଗ୍ ପାର୍ତି କିଉଙ୍ଗ୍। ଆନେଙ୍ଗ୍ ନା ୱାଚ୍‌କା ହେ କୁଟିଙ୍ଗ୍ ଇଡ଼୍‌ତି କାଣାତାକେ ଇଟ୍‌ୱାଦାଙ୍ଗ୍, ଆରେ ତା ନେଞ୍ଜାଡାକିତାକେ ନା କେଇ ଇଟ୍‌ୱାଦାଙ୍ଗ୍ ଆନେଙ୍ଗ୍ ପାର୍ତି କିଦେଙ୍ଗ୍ ଆଡୁଙ୍ଗ୍।”

ଜହନ୍‌ 20:26

ଆଡ଼୍‌ଦିନ୍ ପାଚେ ତା ଚେଲାହିର୍ ଆରେରଗ ଇଲ୍ ବିତ୍ରେ ମାଚାର୍। ଥୋମା ହେୱାର୍ ହୁଦାଙ୍ଗ୍ ମାଚାନ୍। କାପାଟ୍‌ତାକେ କୁଚି ଆହିଆଜି ମାଚାତ୍। ମାତର୍ ଯୀଶୁ ୱାଜି ହେୱାର୍‌ତାକେ ନିଲ୍‌ତାନ୍। ହେୱାନ୍ ୱେଚ୍‌ଚାନ୍, “ଈଶ୍ୱର ମିଙ୍ଗେଙ୍ଗ୍ ଶାନ୍ତି ହିଦେନ୍।”

ଜହନ୍‌ 20:27

ତାପାଚେ ଯୀଶୁ ଥୋମାଙ୍ଗ୍ ୱେଚ୍‌ଚାନ୍, “ଇବେ ନି ୱାଚ୍‌କା ଇଟା। ନା କେଇଦିଙ୍ଗ୍ ହୁଡ଼ା। ନା ନେଞ୍ଜାଡାକିତାକେ ନି କେଇ ଇଟା। ପାର୍ତି କିୱାଦାଙ୍ଗ୍ ପାର୍ତି କିୟା।”

ଜହନ୍‌ 21:1

ଗାଲିଲୀ ଜିଲ୍ଲାନି ତିବିରିଆ ହାମ୍‌ଦୁର୍ କାଣ୍ଡିତାକେ ଯୀଶୁ ଚେଲାହିର୍ ମୁମ୍‌ଦ ଚଞ୍ଜିଆତାନ୍। ହେୱାନ୍ ହେଲେକେ ଚଞ୍ଜିଆତାନ୍।

ଜହନ୍‌ 21:14

ଯୀଶୁ ହାଃତିତାଙ୍ଗ୍ ଜିବୁନ୍‌ଆଜି ନିଙ୍ଗ୍‌ତି ପାଚେ ଚେଲାହିରିଙ୍ଗ୍ ଇ ତିନ୍‌ହଟ୍ ଚଞ୍ଜିଆତାନ୍।

ପକ୍ୟାତାକା 1:3

ଯୀଶୁ ନିଜେ ଦୁକ୍‌କଷ୍ଟ ପାୟାଆଜି କୃଶକାଟ୍‌ତାକେ ହାଃତି ପାଚେ, ହେୱାନ୍ ଆରେରଗ ଜିବୁନ୍ ପାୟାଆତାନ୍‌। ଆରେ ତା ବାଚିକିତି ଚେଲାହିରିଙ୍ଗ୍ ଜାର୍‌ତିଙ୍ଗ୍ ଜିବୁନ୍ ଆତାଙ୍ଗ୍‌ନା ଇଞ୍ଜି ଚଚିୟାଆତାନ୍। ହେୱାନ୍ ଚାଲିଶ୍ ଦିନ୍ ପାତେକ୍ ବାରମ୍-ବାରମ୍ ହେୱାରିଙ୍ଗ୍ ଚଚିୟାଆତାନ୍। ଆରେ ହେୱାନ୍ ଈଶ୍ୱର ସାସନ୍ ରାଜିନି ବିଷୟରେ ହେୱାରିଙ୍ଗ୍ ୱେଚ୍‌ଚି ମାଚାନ୍।

୧ କରନ୍ତିୟ 15:5

ତାପାଚେ ଯୀଶୁ କେପା ଆରେ ତା ବାଚିକିତି ବାରଜାଣ୍ ଚେଲାହିରିଙ୍ଗ୍ ଚଞ୍ଜିଆତାନ୍।

ହତ୍‌ତି 3:19

ଆନେଙ୍ଗ୍ ଇନେରିଙ୍ଗ୍ ଲାଡ୍ କିନାଙ୍ଗା ତାଙ୍ଗେଙ୍ଗ୍ ହିକାୟ୍ କିନାଙ୍ଗ୍ ଆରେ ଦନ୍ ହିନାଙ୍ଗ୍, ଲାଗିଙ୍ଗ୍ ହେୱାର୍ ହାର୍ଦି ମାନାୟାର୍ ଆନାର୍। ଲାଗିଙ୍ଗ୍ ଏପେଙ୍ଗ୍ ହାର୍ କାମାୟ୍ କିୟାଟ୍ ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍।”