ମାର୍କ 15:45 - New Testament in Pengo Parja Language

⁴⁵ ଶହେଜାଣ୍‌ ସେନାର୍‍ନି ମୁକ୍ୟା ୱେଚ୍‌ଚାନ୍, “ଆଁ ହେୱାନ୍ ହାଃତାନେ।” ତାପାଚେ ରୋମିୟ ସର୍‌କାର୍ ପିଲାତ ଯୋଷେପତିଙ୍ଗ୍ ତା ହାଃତି ଗାଗାଡ଼୍‌ତିଙ୍ଗ୍ ଅଦେଙ୍ଗ୍ ଅନୁମତି ହିତାନ୍।

ସତ୍‌ ବଚନ୍‌ ପୁନି ନିୟମ୍‌

⁴⁵ ପାଞ୍ଚ୍‌ କଡ଼ିନି ମେଲ୍ୟାର୍‌ ଆଦିକାର୍‌ ତାଙ୍ଗ୍‌ ପୁନ୍‌ଞ୍ଜି ଜିସୁ ଗାଗାଡ଼୍‌ତିଂ ଜସେପ୍‌ତିଂ ହିତାନ୍‌ ।

ମାର୍କ 15:45 ပူးပေါင်းရင်းမြစ်များ

ମାତିଉ 27:58

ହେୱାନ୍ ପାଣ୍ଡ୍ରା ଆୱାଦାଙ୍ଗ୍ ରୋମିୟ ସର୍‌କାର୍ ପିଲାତତାକେ ହାଲ୍‌ଜି ଯୀଶୁ ହାଃତି ମାଡ଼ାତିଙ୍ଗ୍ କୃଶକାଟ୍‌ତାଙ୍ଗ୍ ଜୁତ୍‌ତି ମୁଚ୍‍ଚେଙ୍ଗ୍ ଅନୁମତି ଏନ୍ତାନ୍। ହେବେତାଙ୍ଗ୍ ପିଲାତ ହେଦାଙ୍ଗ୍ ହିଦେଙ୍ଗ୍ ଆଦେସ୍ ହିତାନ୍।

ମାର୍କ 15:39

ଆରେ ଯୀଶୁ ମୁମ୍‌ଦ ନିଲ୍‌ତି ଶହେଜାଣ୍‌ ସେନାର୍‌ତାଙ୍ଗ୍ ମୁଡ଼୍‌ଦାକାନ୍ ଚେରାଆଜି ଯୀଶୁ ହାତାକା ହୁଡ଼୍‌ଜି ୱେଚ୍‌ଚାନ୍, “ହାତ୍‌ପା, ଇୱାନ୍ ରକାନ୍ ଈଶ୍ୱର ମେହି ମାଚାନ୍।”

ମାର୍କ 15:44

ଯୀଶୁ ହାଃତି କାବୁର୍ ୱେନ୍‌ଞ୍ଜି ରୋମିୟ ସରକାର୍ ପିଲାତ କାବା ଆତାନ୍, ଆରେ ଶହେଜାଣ୍‌ ସେନାର୍‍ନି ମୁକ୍ୟାଙ୍ଗ୍ କୁକ୍‌ଚି ହେୱାନିଙ୍ଗ୍ ୱେନ୍‌ବାତାନ୍, “ହେୱାନ୍ ହାତ୍‌ପା ହାଃତାନେ କି?”

ମାର୍କ 15:46

ଯଷେପ ତା ହାଃତି ଗାଗାଡ଼୍‌ତିଙ୍ଗ୍ କୃଶକାଟ୍‌ତାଙ୍ଗ୍ ଜୁତ୍‌ତି ପାଚେ ହେ ଗାଗାଡ଼୍‌ତିଙ୍ଗ୍ ର ହାର୍ଦି ପାତାଡ଼୍‌ ହେନ୍ଦ୍ରାତାଙ୍ଗ୍ ହୁର୍‍ପାତାନ୍।, ଆରେ ହେ ଦୁଗେର୍‌ତିଙ୍ଗ୍ କାଲ୍‌କୁକାଙ୍ଗ୍ ପତ୍‌ତି ରହିୟାଆଜି ମାଚାତ୍। ହେ ଦୁଗେର୍‌ତାକେ ହେୱାନିଙ୍ଗ୍ ଇଡ଼୍‌ତାର୍। ତାପାଚେ ହେ ଦୁଗେର୍ ଦୁୱେର୍ ମୁମ୍‌ଦ ର ଗାଜାକାଲ୍ ଡାବାଇ କିତାନ୍।

ଜହନ୍‌ 19:38

ତାପାଚେ ହାରାମାତିଆନି ଯୋଷେପ ତର୍‍ଦାକାନ୍ ରକାନ୍ ମାନାୟ୍ ପାଣ୍ଡ୍ରା ଆୱାଦାଙ୍ଗ୍ ରମିୟ ସର୍‌କାର୍ ପିଲାତତାକେ ହାଲ୍‌ଜି ଯୀଶୁ ହାଃତି ମାଡ଼ାତିଙ୍ଗ୍ କୃଶକାଟ୍‌ତାଙ୍ଗ୍ ଜୁତ୍‌ତି ମୁଚ୍‍ଚେଙ୍ଗ୍ ଅନୁମତି ଏନ୍ତାନ୍। ଯୋଷେପ ଯୀଶୁ ଚେଲାହି ମାଚାନ୍। ମାତର୍ ହେୱାନ୍ ମାନାୟାରିଙ୍ଗ୍ ହେଦାଙ୍ଗ୍ ୱେଚ୍‌ୱାତାନ୍, ଇନେସ୍‌କି ହେୱାନ୍ ଯିହୁଦିରିଙ୍ଗ୍ ପାଣ୍ଡ୍ରାଆଜି ମାଚାନ୍। ପିଲାତ ଗବର୍‌ନର୍ ଯୋଷେପତିଙ୍ଗ୍ ଯୀଶୁ ଗାଗାଡ଼୍‌ତିଙ୍ଗ୍ ଅଦେଙ୍ଗ୍ ଆଦିକାର୍ ହିତାନ୍। ଲାଗିଙ୍ଗ୍ ଯୋଷେପ ୱାଜି ଯୀଶୁ ହାଃତି ଗାଗାଡ଼୍‌ତିଙ୍ଗ୍ ଅତାନ୍।