ମାର୍କ 14:54 - New Testament in Pengo Parja Language

⁵⁴ ପିତର ଅଲପ୍ ଦେହା ମାନ୍‌ଞ୍ଜି ହେୱାର୍ ପାଚେ-ପାଚେ ହାଚାନ୍ ଆରେ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ହାକ୍‌ଡ଼ିତାକେ ହାଚାନ୍। ଆରେ ହେୱାନ୍ ମନ୍ଦିର ଜାଗୁୱାଡ଼ି ହୁଦାଙ୍ଗ୍ କୁଚ୍‌ଚି ନାଣି କାଇଜି ମାଚାନ୍।

ସତ୍‌ ବଚନ୍‌ ପୁନି ନିୟମ୍‌

⁵⁴ ପିତର୍‌ ଦେହା ମାନ୍‌ଞ୍ଜି ହେୱାର୍‌ ପାଚେ ପାଚେ ମୁଡ଼୍‌ ମାପ୍ରୁ ହେବା କିନାକାର୍‌ ହାକ୍‌ଡ଼ି ବିତ୍ରେ ହାଚାନ୍‌ ଆରି ପାଦ୍‌ ଆଦିକାରି ହୁକେ କୁଚ୍‌ଚି ନାଣି କାଇଜି ମାଚାର୍‌ ।

ମାର୍କ 14:54 ပူးပေါင်းရင်းမြစ်များ

ମାତିଉ 26:3

ହେପାଦ୍ନା ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ମାନାୟାର୍ ପ୍ରାଚିନ୍‌ କୟାପା ତର୍‍ଦାକାନ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ହୁଦାଙ୍ଗ୍ ପିଣ୍ଡାତ ରବେ ଆତାର୍।

ମାତିଉ 26:58

ମାତର୍ ପିତର ଅଲପ୍ ଦେହା ମାନ୍‌ଞ୍ଜି ହେୱାର୍ ପାଚେ-ପାଚେ ହାଚାନ୍। ଆରେ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ହାକ୍‌ଡ଼ି ପାତେକ୍ ହାଚାନ୍। ଆରେ ହେୱାନ୍ ମନ୍ଦିର ଜାଗୁୱାଡ଼ି ହୁଦାଙ୍ଗ୍ କୁଚ୍‌ଚି ନାଣି କାଇଜି ମାଚାନ୍।

ମାର୍କ 14:38

ଆରେରଗ ଯୀଶୁ ଚେଲାହିରିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ କାସି ମାଞ୍ଜାଟ୍, ଆରେ ଏପେଙ୍ଗ୍ ଇନେସ୍‌କି ପରିକ୍ଷାତାକେ ପଡ଼ାଆଉଦେର୍‌ ହେଦାଙ୍ଗ୍ କାଜିଙ୍ଗ୍ ପାର୍ତାନା କିୟାଟ୍, ମି ମାନ୍ ସତ୍ କିଦେଙ୍ଗ୍ ଇଚା କିନାତ୍, ମାତର୍ ମି ଗାଗାଡ଼୍ ବାଡ଼୍‌କାସ୍ ହିଲେତ୍।”

ମାର୍କ 14:66

ପିତର ହେ ହାକ୍‌ଡ଼ିତ ହେପାଦ୍ନା ପାତେକ୍ ନାଣି କାୟ୍‍‍ଜି ମାଚାନ୍, ହେପାଦ୍ନା ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରିନି ଚାକ୍‌ରାଣି ହେୱାନିଙ୍ଗ୍ ହୁଡ଼୍‍ତାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:44

ଯୀଶୁ ବେସି ଦୁଃକ୍‌ତାକେ ମାନ୍‌ଞ୍ଜି ପା ଆରେ ବେଗି-ବେଗି ପାର୍ତାନା କିଦେଙ୍ଗ୍ ଲାଗାତାନ୍। ତା ମୁମ୍‌ଦାଙ୍ଗ୍ ରୁମି, ନେତେର୍ ଟୁପା ଲେକେ ହସି ନେଲା ଆର୍‍ତାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:54

ତାପାଚେ ହେୱାର୍ ଯୀଶୁଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜ ଅତାର୍, ମାତର୍ ପିତର ଅଲପ୍ ଦେହା ମାନ୍‌ଞ୍ଜି ତାପାଚେ ପାଚେ ହାଚାନ୍।

ଜହନ୍‌ 18:18

ପିନି ଆଜିମାଚାତ୍। ହଲିଆର୍ ଆରେ ଜାଗୁୱାଡ଼ି ନାଣି ତୁବ୍‌ଜି ମାଚାର୍। ହେୱାର୍ ଚାରିବେଣ୍‌ତାଙ୍ଗ୍ ନିଲ୍‌ଚି ନାଣି କାଇଜି ମାଚାର୍। ପିତର ପା ହେବେ ହେୱାର୍ ହୁଦାଙ୍ଗ୍ ନିଲ୍‌ଚି ନାଣି କାଇଜି ମାଚାନ୍।

ଜହନ୍‌ 18:25

ଶିମୋନ ପିତର ନାଣି କାଇଜି ମାଚାନ୍। ଜେକ ମାନାୟାର୍ ହେୱାନିଙ୍ଗ୍ ୱେନ୍‌ବାତାର୍, “ଏନେଙ୍ଗ୍ ଇନାକା ଇୱାନ୍ ଚେଲାହି ବିତ୍ରେତାଙ୍ଗ୍ ରକାଇ? ମାତର୍ ପିତର ୱେଚ୍‌ଚାନ୍ ଆକାୟ୍। ଆନେଙ୍ଗ୍ ଆକାୟ୍।”