ମାର୍କ 14:33 - New Testament in Pengo Parja Language

³³ ଆରେ, ହେୱାର୍ ର ବଗିଚାତାକେ ହାଚାର୍, ଆରେ ହେୱାନ୍ ତିନ୍‌ଗଟା ବାହାକାଙ୍ଗ୍ ମାଚାର୍ ର ବାହାତ ନଅଜାଣ୍ ଚେଲାହିର୍ ରବେ ମାଚାର୍, ଆରେ ପିତର, ଯାକୁବ ଆରେ ଯୋହନ ଇ ତିନ୍‌ଜାଣ୍‌ତିଙ୍ଗ୍ ଅଜି ଯୀଶୁ ଅଲପ୍ ଦେହା ହାଲ୍‌ଜି ଅଜଡ଼୍ ଆତାନ୍ ଆରେ କାକୁଲ୍‌ତି ଆଦେଙ୍ଗ୍ ଲାଗାତାନ୍‌।

ସତ୍‌ ବଚନ୍‌ ପୁନି ନିୟମ୍‌

³³ ଆରେ, ହେୱାନ୍‌ ପିତର୍‌, ଜାକୁବ୍‌ ଆରି ଜହନ୍‌ତିଂ ହାଙ୍ଗ୍‌ ଅଜ଼ି ଆଦିକ୍‌ କାବା ଆଜ଼ି ଆରି ବିପ୍ତି ଆଦେଂ ଲାଗାତାନ୍‌ ।

ମାର୍କ 14:33 ပူးပေါင်းရင်းမြစ်များ

ମାର୍କ 16:5

ହେୱେକ୍ ପାରାତାକେ ଏକିସ୍ ବିତ୍ରେ ହଟିକ୍, ଆରେ ହେୱେକ୍ ର ବେଣ୍ଡିଆ କାଡ଼୍‍ଦେ ଡ଼ିଞ୍ଜ୍‌ନି ହେନ୍ଦ୍ରା ଉସ୍‌ପିସ୍ ତା ତିନି ବାଗାୟ୍ କୁଚି ମାଚାକା ହୁଡ଼୍‌ଜି କାବା ଆତିକ୍।

ମାର୍କ 16:6

ହେବେ ହେ ସରଗ୍‌ଦୁତ୍ କଗ୍‍ଲେକାଙ୍ଗ୍ ୱେଚ୍‌ଚାନ୍, “ଚାନିଆ ଆମାଟ୍! ଏପେଙ୍ଗ୍ କୃଶକାଟ୍‌ତାକେ ହାଃତାକାନିଙ୍ଗ୍ ନାଜରିତ ସହର୍‌ନି ଯୀଶୁଙ୍ଗ୍ ଦାହ୍‍ନାଦେରା। ଯୀଶୁ ନିଙ୍ଗ୍‍ତାନ୍‍ନା, ହେୱାନ୍ ଇବେ ହିଲେନ୍। ହୁଡ଼ାଟ୍, ଇ ବାହାତାକେ ହେୱାର୍ ଯୀଶୁଙ୍ଗ୍ ଇଡ଼୍‌ଜି ମାଚାର୍।

ମାର୍କ 5:37

ତାପାଚେ ଯୀଶୁ ଯାଇରସ୍‌ ହୁଦାଙ୍ଗ୍ ପିତର, ଯାକୁବ ଆରେ ତା ଟଣ୍ଡାହି ଯୋହନ୍‌ତିଙ୍ଗ୍ ଇ ତିନ୍‌ଜାଣ୍ ତିଙ୍ଗ୍‍ନେ ତା ଲାହାଙ୍ଗ୍ ହାଞ୍ଜେଙ୍ଗ୍ ୱେଚ୍‌ଚାନ୍, ଆରେ ଇନେରିଙ୍ଗ୍ ପା ବିତ୍ରେ ଅୱାତାର୍।

ମାର୍କ 9:15

ମାନାୟାର୍ ଏଚେପାଦ୍ନା ଯୀଶୁଙ୍ଗ୍ ହୁଡ଼୍‌ଜି କାବା ଆତାର୍, ଆରେ ହନ୍‍ଚି ୱାଜି ଯୀଶୁଙ୍ଗ୍ ଜୱାର୍ କିତାର୍।

ମାର୍କ 9:2

ଚଅଦିନ୍ ପାଚେ ଯୀଶୁ, ପିତର, ଯାକୁବ ଆରେ ଯୋହନତିଙ୍ଗ୍ ଆସ୍ତି ହେୱାର୍ ର ପାନ୍ତି ମାଡ଼ିତ ହାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:44

ଯୀଶୁ ବେସି ଦୁଃକ୍‌ତାକେ ମାନ୍‌ଞ୍ଜି ପା ଆରେ ବେଗି-ବେଗି ପାର୍ତାନା କିଦେଙ୍ଗ୍ ଲାଗାତାନ୍। ତା ମୁମ୍‌ଦାଙ୍ଗ୍ ରୁମି, ନେତେର୍ ଟୁପା ଲେକେ ହସି ନେଲା ଆର୍‍ତାତ୍।

ଏବ୍ରି 5:7

ଯୀଶୁ ଖ୍ରୀଷ୍ଟ ପୁର୍ତିତାକେ ମାନିହିଙ୍ଗ୍, ଇମ୍‌ଣି ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍, ତା ଲାଗାୟ୍ ହେୱାନ୍ ଗାଜା କାଟ୍‌ତାଙ୍ଗ୍ ଆଡ଼ାକୁକା ଆଜି ପାର୍ତାନା ଆରେ ଗୁୱାରି କିତାନ୍। ଈଶ୍ୱରତିଙ୍ଗ୍ ହେୱାନ୍ ବେସି ସନ୍‌ମାନ୍ ଆରେ ଜାର୍‌ତିଙ୍ଗ୍ ହିରୁ ଆନି କାଜିଙ୍ଗ୍, ଈଶ୍ୱର ହେୱାନ୍ କିତି ପାର୍ତାନାତିଙ୍ଗ୍ ୱେଚାନ୍।