ମାର୍କ 14:21 - New Testament in Pengo Parja Language

²¹ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ବିଷୟରେ ସାସ୍ତର୍‌ତାକେ ଇନେସ୍ ଲେକେ ଲେକା ମାନାତ୍, ହେଲେକେ ହେୱାନ୍ ହାଃନାକା ସତ୍, ମାତର୍ ଇମ୍‌ଣାକାନ୍ ନାଙ୍ଗେଙ୍ଗ୍ ଶାତ୍ରୁ କେଇଦ ଆହିକିଦ୍‍ନାନ୍, ହେୱାନ୍‌ ବୟଙ୍କାର୍ ଦଣ୍ଡ୍ ପାୟା ଆନାନ୍। ହେୱାନ୍ ଜନମ୍ ଆୱାଦାଙ୍ଗ୍ ମାଚିସ୍ ହାର୍ ଆତାତ୍‌ମା।”

ସତ୍‌ ବଚନ୍‌ ପୁନି ନିୟମ୍‌

²¹ ମାନାୟ୍‌ ମାଜ଼ି ବିସ୍ରେ ସାସ୍ତର୍‌ ତାକେ ଇନେସ୍‌ ଲେକା ଆତାତ୍‌ନ୍ନା, ହେ ଲାକେ ହାକି ଡାଣ୍ଡ୍‌ ପାୟାଦେଂ ହାନାନା, ମାତର୍‌ ମାନାୟ୍‌ ମାଜ଼ି ସତ୍ରୁ କେଇଦ ହେଲାୟ୍‌ କିୟା ଆନାନ୍‌, ଆ ହେୱାନ୍‌ ଦାଣ୍ଡ୍‌ ପାୟା ଆନାନ୍‌ ! ହେୱାନ୍‌ ମାନାୟ୍‌ ଜଲମ୍‌ ଆୱାଦାଂ ମାଚିସ୍‌ ହେୱାନ୍‌ ତା ପାକ୍ୟାତ ହାର୍‌ ଆତାତ୍ମା !”

ମାର୍କ 14:21 ပူးပေါင်းရင်းမြစ်များ

ମାତିଉ 26:54

ମାତର୍ ଆନେଙ୍ଗ୍ ହେଦାଙ୍ଗ୍ କିତିସ୍ ଦରମ୍ ସାସ୍ତର୍ ଇନେସ୍ ଲେକେ ପୁରାଆନାତ୍? ୱିଜୁବେଣ୍ ହେଲେକେ ଗଟାଆନାତ୍ ଇଞ୍ଜି ସାସ୍ତର୍‌ତ ଲେକା ମାନାତ୍।”

ମାତିଉ 26:56

ମାତର୍ ଭବିଷ୍ଯତବକ୍ତାର୍ ଇନେସ୍ ଲେକେ ଲେକିକିଜି ମାଚାର୍। ହେଲେକେ ଆଦେଙ୍ଗ୍ ଇୱିଜୁ ଗାଟାଆତାତ୍।” ତାପାଚେ ୱିଜାର୍ ଚେଲାହିର୍ ଯୀଶୁଙ୍ଗ୍ ପିସ୍ତି ହନ୍‍ଚିହାଚାର୍।

ମାର୍କ 14:20

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, ବାରଜାଣ୍ ବିତ୍ରେତାଙ୍ଗ୍ ରକାନ୍, “ଇନେର୍‌କି ନା ତିନି ତାଡ଼ିୟାତ ତିନାନା।

ମାର୍କ 14:22

ହେୱାର୍ ତିନିହିଙ୍ଗ୍ ଯୀଶୁ ରୁଟିଙ୍ଗ୍ ଆସ୍ତି ଈଶ୍ୱରତିଙ୍ଗ୍ ଦନ୍ଯବାଦ୍ କିତାନ୍ ଆରେ ରୁଟି ଡ୍ରିକ୍‌ଚି ଚେଲାହିରିଙ୍ଗ୍ ହିଜି ୱେଚ୍‌ଚାନ୍, “ଅୱାଟ୍, ଆରେ ତିନାଟ୍ ଇଦାଙ୍ଗ୍ ନା ଗାଗାଡ଼୍।”

ମାର୍କ 14:49

ଆନେଙ୍ଗ୍ ୱିଜୁଦିନ୍ ମିହୁଦାଙ୍ଗ୍ ମାନ୍‌ଞ୍ଜି ଈଶ୍ୱର ମାନି ମନ୍ଦିର୍‌ନି ହାକ୍‌ଡ଼ିତ ହିକ୍ଷାହିଜି ମାନ୍‍ଚାଙ୍ଗ୍, ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ଆସ୍ତିଗାଚ୍‍ଚା ୱାତାଦେର୍। ମାତର୍ ଦରମ୍ ସାସ୍ତର୍‌ନି ବାକ୍ୟତାକେ ଇନେସ୍ ଲେକେ ପୁରାଆନାତ୍, ହେଦାଙ୍ଗ୍ କାଜିଙ୍ଗ୍ ଇୱିଜୁ ଗଟାଆନାତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:22

ଈଶ୍ୱର ଇନେସ୍‌କିଜି ହିତାନ୍‌ନା, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପା ହେଲେକେ ହାଃନାନ୍। ମାତର୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ଇମ୍‌ଣାକାନ୍ ଶାତ୍ରୁ କେଇଦ ଆହିକିଦ୍‍ନାନ୍, ତା କାଜିଙ୍ଗ୍ ଇଦାଙ୍ଗ୍ ବେସି କରାପ୍ ଆନାତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:44

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ମି ଲାଗାୟ୍ ଆନେଙ୍ଗ୍ ମାନି ୱେଡ଼ାଙ୍ଗ୍‌ନି କାତାତିଙ୍ଗ୍ ଏତୁକିୟାଟ୍। ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍ ଯେ ମୋଶା ଲେକିକିତି ନିୟମ୍‌ନି ସାସ୍ତର୍‌ତାକେ, ଭବିଷ୍ଯତବକ୍ତା ବହିତାକେ ଆରେ କେର୍‌କଣ୍‌ବିହିତାକେ ନା ବିଷୟରେ ଇନାକା ୱିଜୁ ଲେକାଆତାତ୍‌ନା, ହେ ୱିଜୁ ହାତ୍‌ପା ଗଟାଆତାତ୍‌ନା।”

ଜହନ୍‌ 19:28

ତାପାଚେ ଯୀଶୁ ଦରମ୍ ସାସ୍ତର୍ ପୁରା ଆନି କାଜିଙ୍ଗ୍ ହେୱାନ୍ ୱେଚ୍‌ଚାନ୍, “ନାଙ୍ଗେଙ୍ଗ୍ ଏସ୍‌କି କିଦ୍‌ନାତା।”

ପକ୍ୟାତାକା 2:23

ଈଶ୍ୱର ହେୱାର୍ ଯଜନାତାଙ୍ଗ୍ ଯୀଶୁଙ୍ଗ୍ ମି କେଇଦ ଆହିକିଦେଙ୍ଗ୍ ଉପାୟ୍ କିଜି ମାଚାନ୍‌। ଆରେ ଏପେଙ୍ଗ୍ ହେୱାନିଙ୍ଗ୍ ବିନ୍‌ଜାତିର୍ ମାନାୟାର୍‌ତାଙ୍ଗ୍ କୃଶକାଟ୍‌ତାକେ ଦୁପ୍‌ଚି ମାର୍ନେ ଅସ୍ତି ମାଚାଦେର୍।

ପକ୍ୟାତାକା 4:27

ଈଶ୍ୱର ଏନେଙ୍ଗ୍ ବାଚିକିତି ପବିତ୍ର ଯୀଶୁ ଖ୍ରୀଷ୍ଟ ନିଙ୍ଗେଙ୍ଗ୍ ବେସି ହେବାକିଜି ମାନ୍‌ଞ୍ଚାନ୍। ମାତର୍ ଇ ଯିରୁଶାଲାମ ସହର୍‌ତାକେ ହେରୋଦ ରାଜା ଆରେ ପନ୍ତିୟ ପିଲାତ ରାଜା, ବିନ୍‌ଜାତିନି ଆରେ ଇସ୍ରାଏଲ ଜାତିନି ମାନାୟାର୍ ହୁଦାଙ୍ଗ୍ ମେହାଆଜି ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିତାର୍।