ମାର୍କ 13:32 - New Testament in Pengo Parja Language

³² ମାତର୍ ହେ ଦିନ୍ ତିପ୍‌କୁ ୱାନାତ୍, ହେଦାଙ୍ଗ୍ ସରଗ୍‌ତାଙ୍ଗ୍ ୱାତି ଈଶ୍ୱର ମେହି କି ସରଗ୍‌ନି ଦୁତ୍‌କୁ ପା ଇ ବେଣ୍‌ତିଙ୍ଗ୍ ପୁନୁର୍, ମାତର୍ ଈଶ୍ୱର ନେ ପୁନାନ୍।

ସତ୍‌ ବଚନ୍‌ ପୁନି ନିୟମ୍‌

³² ମାତର୍‌ ହେ ଦିନ୍‌ କି ସମୁ ବିସ୍ରେ ଇନେର୍‌ ପୁନୁର୍‌,” ସାର୍ଗେପୁର୍‍ନି ଦୁତ୍‌ର୍‌ କି ମାଜ଼ିପା ପୁନୁନ୍; ମାତର୍‌ ନା ସାର୍ଗେନି ଆବା ପୁନାନ୍‌ ।

ମାର୍କ 13:32 ပူးပေါင်းရင်းမြစ်များ

ମାତିଉ 25:13

ଲାଗିଙ୍ଗ୍ ଏପେଙ୍ଗ୍ ପାର୍ତାନାତାକେ ଜାଗ୍ରତ୍ ଆଜି ମାନାଟ୍। ଲାଗିଙ୍ଗ୍ ଏପେଙ୍ଗ୍ ହେ ଦିନ୍ ଇନାୱେଡ଼ାଙ୍ଗ୍ ଇ ଗଟ୍‌ନା ଏକିୱାନାତ୍ ହେଦାଙ୍ଗ୍ ଏପେଙ୍ଗ୍ ପୁନୁଦେର୍।”

ମାତିଉ 25:19

ବେସିଦିନ୍ ପାଚେ ମାଲିକ୍ ଇଞ୍ଜ ୱାତାନ୍। ହେ ହଲିଆହିରିଙ୍ଗ୍ କୁକ୍‌ତାନ୍, ଆରେ ତା ଡାବୁଙ୍ଗ୍ ହୁଦାଙ୍ଗ୍ ଇନାକା କିତାର୍, ହେଦାଙ୍ଗ୍ ହେୱାରିଙ୍ଗ୍ ୱେନ୍‌ବାତାନ୍।

ମାତିଉ 25:6

ମାଦିମାଦାନାଣା ରକାନ୍ ଇନେର୍ ଶୁଣାୟ୍ କିତାନ୍, ‘ବର ୱାନାନା ବାର୍ତ ହାଲ୍‌ଜି ତାଙ୍ଗେଙ୍ଗ୍ ମାହାଆଡ।’

ମାର୍କ 13:31

ବାଦାଡ଼୍ ଆରେ ପୁର୍ତି ବୁଡାଆନାତ୍ ହିନା, ମାତର୍ ନା କାତା ଅଲପ୍‌ପା ବୁଡା ଆଉତ୍।’

ପକ୍ୟାତାକା 1:7

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇୱିଜୁ ବିଷୟ ଇନାୱେଡ଼ାଙ୍ଗ୍ ଗଟାଆନାତ୍ ହେ ସମୟତିଙ୍ଗ୍ ଏପେଙ୍ଗ୍ ପୁଞ୍ଜେଙ୍ଗ୍ ଦର୍‌କାର୍ ଆକାୟ୍। ହେଦାଙ୍ଗ୍ ଆବା ଈଶ୍ୱରତି ନେ ଆଦିକାର୍ ମାନାତ୍।

୨ ପିତର 3:10

ଖ୍ରୀଷ୍ଟ ହାତ୍‌ପା ଆରେରଗ ୱାନାନ୍। ଚର୍ ଇନେସ୍ ଇନେର୍ ପୁନ୍‌ୱିହିଙ୍ଗ୍ ହେଦାପ୍ରେ ୱାଜି ମାନାନ୍, ହେଲେକେ ମାପୃ ପା ହେଦାପ୍ରେ ୱାନାନ୍। ହେ ସମୟ୍‌ତ ବାଦାଡ଼୍‌ତାକେ ଗାଜା ଶବଦ୍ ଆନାତ୍, ଆରେ ବାଦାଡ଼୍ ଅଲପ୍‌ପା ଚଞ୍ଜ୍‌ଜୁତ୍। ସରଗ୍‌ତାକେ ମାନି ୱିଜୁ ଜିନିଷ୍, ୱେଡ଼ା, ଲେଞ୍ଜ୍ ଆରେ ହୁକାକାଙ୍ଗ୍ ଈଶ୍ୱର ପୁରାପୁରି ବାବ୍‌ରେ ନାଣିତାକେ କାଡି କିନାନ୍। ହେ ଦିନ୍ ମାନାୟାର୍ ଇ ପୁର୍ତିତାକେ ମାନିହିଙ୍ଗ୍ କିଜିମାଚି ୱିଜୁ ବିଷୟ ଈଶ୍ୱର ଚଚ୍‍ନାନ୍ ଆରେ ହେୱାରିଙ୍ଗ୍ ହେୱାନ୍ ବିଚାର୍ କିନାନ୍।

ହତ୍‌ତି 1:1

“ଈଶ୍ୱର ୱିଜୁ ଡ଼ୁକ୍‌ତି ବିଷୟତିଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ଚଚ୍‌ଚାନ୍ ହେ ୱିଜୁ ବିଷୟ ବେଗି ଗଟାଆନାତ୍, ଇନେସ୍‌କି ହେୱାନ୍ ତା ଦାସ୍‌ରିଙ୍ଗ୍ ପୁନିକିଦେଙ୍ଗ୍ ଆଡ୍‌ନାନ୍। ଲାଗିଙ୍ଗ୍ ଯୀଶୁ ତା ଦାସ୍ ଯୋହନତିଙ୍ଗ୍ ଇ ୱିଜୁ ବିଷୟ ଚଚ୍‌ନି କାଜିଙ୍ଗ୍ ହେୱାନ୍ ତା ଦୁତ୍‌ତିଙ୍ଗ୍ ପକ୍ତାତାନ୍।

ହତ୍‌ତି 3:3

ଲାଗିଙ୍ଗ୍ ଏପେଙ୍ଗ୍ ଆଗେ ୱେଚାକା ଏତୁକିୟାଟ୍ ଆରେ ପାର୍ତୁମ୍ ପାର୍ତି କିତିଲେକେ ପାର୍ତିକିୟାଟ୍। ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାନ୍‌ବାଦ୍‌ଲାୟ୍ କିଜି ନାବେ ୱାଡ, ଯଦି ଏପେଙ୍ଗ୍ ହେଲେକେ କିଉଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ଦେଙ୍ଗ୍ ତିପ୍‌କୁ ୱାନାଙ୍ଗ୍ ଇନେସ୍ ର ଚରେନ୍ ତିପ୍‌କୁ ଚର୍‌କିଦେଙ୍ଗ୍ ୱାନାନ୍।