ମାର୍କ 11:23 - New Testament in Pengo Parja Language

²³ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ‘ଇନେର୍ ଇ ମାଡ଼ିତିଙ୍ଗ୍ ନିଙ୍ଗ୍‌ଞ୍ଜି ହାମ୍‌ଦୁର୍‌ତାକେ ହାଲ୍‌ଜି ଆରା ଇଞ୍ଜି ୱେଚ୍‌ନାନ୍,’ ଆରେ ଜାର୍ ଗରବ୍ ତାକେନି ଡାଉଟ୍ କିୱାଦାଙ୍ଗ୍, ଇନାକା ୱେଚ୍‌ଚାନାଙ୍ଗା। ହେଦାଙ୍ଗ୍ ଗଟାଆନାତ୍ ଇଞ୍ଜି ପାର୍ତି କିନାଦେର୍, ତା କାଜିଙ୍ଗ୍ ହେଦାଙ୍ଗ୍ ଗଟାଆନାତ୍।

ସତ୍‌ ବଚନ୍‌ ପୁନି ନିୟମ୍‌

²³ ଆନ୍‌ ମିଙ୍ଗେଙ୍ଗ୍‌ ହାତ୍‌ପା ଇଞ୍ଜ୍‌ନାଙ୍ଗା, ଇନେର୍‌ପା ଇ ମାଡ଼ିତିଂ ନିଙ୍ଗା ଆରି ହାମ୍‌ଦୁର୍‌ତ ଆର୍‍ଗା ଇଚିସ୍‌ ଆରି ଜାର୍‌ ମାନ୍‌ ପାର୍ତି କିତିସ୍‌ ଇନାକା ଇଚିସ୍‌, ହେଦାଂ ଗିଟା ଆନାତ୍‌ ଇଞ୍ଜି ପାର୍ତି କିଜ଼ି, ହେୱାନ୍‌ କାଜିଂ ହେଦାଂ ଗିଟା ଆନାତ୍‌ ।

ମାର୍କ 11:23 ပူးပေါင်းရင်းမြစ်များ

ମାତିଉ 14:13

ଯୀଶୁ ଡୁବନ୍‌ହିନି ଯୋହନ୍ ବିଷୟରେ ୱିଜୁ ୱେଚି ପାଚେ ହେୱାନ୍ ହେ ବାହା ପିସ୍ତାନ୍ ଆରେ ରକାନ୍ ନେ ଡଙ୍ଗାତାକେ କୁଚ୍‌ଚି ର ଟାଙ୍ଗ୍ରାବାହାତାକେ ହାଚାନ୍। ମାନାୟାର୍ ଯୀଶୁ ହାଚି କାବୁର୍ ୱେନ୍‌ଞ୍ଜି ଜାର୍ ସହର୍ ପିସ୍ତି ତାପାଚେ-ପାଚେ ହାଚାର୍। ହେୱାନ୍ ଇମେତାକେ ହାନାକା ହେୱାର୍ ତାଙ୍ଗ୍‌ଜି-ତାଙ୍ଗ୍‌ଜି ହେବେ ଏକି ମାଚାର୍।

ମାତିଉ 17:20

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଅଲପ୍ ପାର୍ତି କିନାଦେରା। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଯଦି ମିବେ ର ହାର୍‌ହୁ ମାଞ୍ଜି ଲେକେ ପାର୍ତି ମାନ୍‌ଗାନାତ୍, ଲାଗିଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହେବେ ଗୁଚାଆ ଇଞ୍ଜି ୱେଚିସ୍ ହେ ମାଡ଼ି ଗୁଚା ଆନାତ୍। ଆରେ ଇନାକାପା ନି ବେଣ୍‌ତିଙ୍ଗ୍ ମାନିକିୱାକା ହିଲ୍‌ଗୁତ୍।

ମାତିଉ 21:21

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଯଦି ଈଶ୍ୱରତାକେ ମି ପାର୍ତି ମାଚିସ୍, ଏପେଙ୍ଗ୍ ଜାର୍ ଗରବ୍‌ତାକେ ଡାଉଟ୍ କିମାଟ୍। ଲାଗିଙ୍ଗ୍ ଇ ତଗାମାର୍‌ତାଙ୍ଗ୍ ଇନେସ୍ କିତାଙ୍ଗ୍ ହେଲେକେ ଏପେଙ୍ଗ୍ କିନାଦେର୍। ହେଦାଙ୍ଗ୍ ଆକାୟ୍, ଏପେଙ୍ଗ୍ ଇ ମାଡ଼ିତିଙ୍ଗ୍ ପା ଏନେଙ୍ଗ୍ ନିଙ୍ଗ୍‌ଞ୍ଜି ହାମ୍‌ଦୁର୍‌ତାକେ ହାଲ୍‌ଜି ଆରା ଇଞ୍ଜି ୱେଚ୍‌ଚିସ୍ ହେଦାଙ୍ଗ୍ ଆର୍ନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 17:6

ମାପୃ ଚେଲାରିହିଙ୍ଗ୍ ୱେଚ୍‌ଚାନ୍, “ଇନେରିଙ୍ଗ୍ ଯଦି ର ହାର୍‌ହୁ ମାଞ୍ଜି ଲେକେ ମି ପାର୍ତି ମାନ୍‌ଗାନାତ୍, ଲାଗିଙ୍ଗ୍ ଚିଟିପାଡ଼୍ ମାର୍‌ତିଙ୍ଗ୍ ଏନେଙ୍ଗ୍ ଚିରାଙ୍ଗ୍ ଲାହାଙ୍ଗ୍ ଜେଲିଆଜି ହାମ୍‌ଦୁର୍‌ତାକେ ରୁଜିଆ ଇଞ୍ଜି ୱେଚ୍‌ଚିସ୍, ହେଦାଙ୍ଗ୍ ମି କାତା ମାନିକିନାତ୍।”

ଜହନ୍‌ 14:13

ଏପେଙ୍ଗ୍ ନା ତର୍‍ଦାଙ୍ଗ୍ ଇନାକା ଏନ୍‌ନାଦେର୍, ଆନେଙ୍ଗ୍ ହେଦାଙ୍ଗ୍ ମି କାଜିଙ୍ଗ୍ ହିଦ୍‌ନାଙ୍ଗ୍। ଇଦାଙ୍ଗ୍ କାଜିଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତାଙ୍ଗ୍ ଆବା ଈଶ୍ୱର ଜୟ୍-ଜୟ୍ ପାୟା ଆନାନ୍।

ଜହନ୍‌ 15:7

ନାବେ ମାନାଟ୍ ଆରେ ନା ହିକ୍ଷାତିଙ୍ଗ୍ ମାନି କିୟାଟ୍। ଏପେଙ୍ଗ୍ ଯଦି ଏଲେଙ୍ଗ୍ କିନାଦେର୍, ଲାଗିଙ୍ଗ୍ ଇନାକା ଇଚା କିନାଦେର୍ ହେଦାଙ୍ଗ୍ ଏନାଟ୍ ହେଦାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ହିଦ୍‌ନାଙ୍ଗ୍।

୧ କରନ୍ତିୟ 13:2

ଆରେ ଯଦି ଆନେଙ୍ଗ୍, ଈଶ୍ୱର କାତାତିଙ୍ଗ୍ ବୁଜାୟ୍ କିନି ଶାକ୍ତି ମାନାତ୍, ଆରେ ଈଶ୍ୱର ଡ଼ୁକ୍‌ତି ଉପାୟ୍ ବିଷୟତିଙ୍ଗ୍ ପୁନ୍‌ଞ୍ଜି ମାଚିସ୍ ପା, ମାତର୍ ଜେକନିକାରିଙ୍ଗ୍ ଲାଡ୍ କିୱିତିସ୍ ଇନା ଲାବ୍ ଆକାୟ୍। ଆରେ ନା ପାର୍ତି ଇଲେକେ ମାଚିସ୍ ପା, ଯଦି ଆନେଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହାବେ ଗୁଚାୟ୍ କିଦେଙ୍ଗ୍ ଆଡ଼୍‌ତିସ୍, ଆରେ ଆନେଙ୍ଗ୍ ଜେକନିକାରିଙ୍ଗ୍ ଲାଡ୍ କିୱିତିସ୍ ନାଦି ଇନା ମୁଲ୍ଯ ଆକାୟ୍।