ମାର୍କ 11:18 - New Testament in Pengo Parja Language

¹⁸ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍, ଆରେ ଯିହୁଦି ଦରମ୍‌ନି ପଣ୍ଡିତାର୍, ଯୀଶୁ କିତି କାମାୟ୍‌ତିଙ୍ଗ୍ ଆରେ ୱେଚ୍‌ଚି ବେଣ୍‌ତିଙ୍ଗ୍ ୱେନ୍‌ଞ୍ଜି ହେୱାର୍‌ ଯୀଶୁଙ୍ଗ୍ ଅସ୍ତେଙ୍ଗ୍ ଉପାୟ୍ କିଦେଙ୍ଗ୍ ଲାଗାତାର୍, ମାତର୍ ଯୀଶୁଙ୍ଗ୍ ହେୱାର୍ ପାଣ୍ଡ୍ରାଆଜି ମାଚାର୍। ଇନେସ୍‌କି ମାନାୟାର୍ ତା କାତାତିଙ୍ଗ୍ ମାନିକିଜି ମାଚାର୍।

ସତ୍‌ ବଚନ୍‌ ପୁନି ନିୟମ୍‌

¹⁸ ମୁଡ଼୍‌ ମାପ୍ରୁହେବାକିନାକାନ୍‌ ଆରି ଦରମ୍‌ ଗୁରୁର୍‌ ଇଦାଂ ୱେନ୍‌ଞ୍ଜି ଜିସୁଙ୍ଗ୍‌ ଇନେସ୍‌ କିଜ଼ି ନାସ୍‌ କିନାର୍‌ ହେଦାଂ ଉପାୟ୍‌ କିଦେଙ୍ଗ୍‌ ଲାଗାତାର୍‌; ଇନେକିଦେଂକି ଲକୁ ହେୱାନ୍‌ ହିକ୍ୟାତ କାବା ଆତିଲେ ହେୱାର୍‌ ହେୱାନିଂ ପାଣ୍ଡ୍ରା ଆଜ଼ି ମାଚାର୍‌ ।

ମାର୍କ 11:18 ပူးပေါင်းရင်းမြစ်များ

ମାତିଉ 21:15

ମାତର୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ପଣ୍ଡିତାର୍ ଚାନିଆଆନି କାମାୟ୍ ୱିଜୁ ହୁଡ଼୍‌ଜି। ଆରେ ଈଶ୍ୱର ମାନି ମନ୍ଦିର୍‌ ବିତ୍ରେ ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍ ଦାଉଦ ହିମ୍‍ଣାଇଞ୍ଜି ବିଲ୍‌କି ଆଜି ତା ହିମ୍‌ଣାରିଙ୍ଗ୍ ହୁଡ଼୍‌ଜି ରିସାଆତାର୍।”

ମାତିଉ 7:28

ଯୀଶୁ ଇ ୱିଜୁବେଣ୍ ୱେଚ୍‌ଚି ୱିସ୍ତି ପାଚେ, ହେବେ ରୁଣ୍ଡାଆତି ମାନାୟାର୍ ତା ହିକ୍ଷା ୱେନ୍‌ଞ୍ଜି କାବା ଆତାର୍,

ମାର୍କ 1:22

ଆରେ ମାନାୟାର୍ ତା ହିକ୍ଷା ୱେନ୍‌ଞ୍ଜି କାବା ଆତାର୍, ଇନେସ୍‌କି ହେୱାନ୍ ଯିହୁଦି ଦରମ୍‌ନି ପଣ୍ଡିତ୍‌ଲେକେ ହିକ୍ଷା ହିୱାଦାଙ୍ଗ୍, ଆଦିକାର୍ ପାୟାଆତି ମାନାୟ୍ ଲେକେ ହେୱାରିଙ୍ଗ୍ ହିକ୍ଷାହିଜି ମାଚାନ୍।

ମାର୍କ 11:32

ମାତର୍ ଆସେଙ୍ଗ୍ ଏଲେଙ୍ଗ୍ ପା ୱେଚ୍‌ଚେଙ୍ଗ୍ ଆଡୁସ୍ ଯେ ହେୱାନ୍ ମାନାୟ୍ ଆଦିକାର୍ ତାକେଣ୍ଡାଙ୍ଗ୍ ୱାତାତ୍‌ନା।” ଇନେସ୍‌କି ମାନାୟ୍ ମୁମ୍‌ଦ ପାଣ୍ଡ୍ରାଆଜି ମାଚାର୍, ୱିଜାର୍ ଯୋହନତିଙ୍ଗ୍ ହାତ୍‌ପା ରକାନ୍ ଭବିଷ୍ଯତବକ୍ତା ଇଞ୍ଜି ମାନିକିଜି ମାଚାର୍।

ମାର୍କ 12:12

ହେବେତାଙ୍ଗ୍ ଈଶ୍ୱର ହେବାକିନି ମୁଡ଼୍‌ଦି ପୁଜାରି, ଯିହୁଦି ଦରମ୍‌ନି ପଣ୍ଡିତାର୍ ଆରେ ନାୟକ୍ ଯୀଶୁ ହେୱାରିଙ୍ଗ୍ ର କାତା ୱେଚ୍‌ନିଲେକେ ବୁଜାଇକିଜି ୱେଚ୍‌ଚି ମାଚାନ୍, ଇଦାଙ୍ଗ୍ କାଜିଙ୍ଗ୍ ଅସ୍ତେଙ୍ଗ୍ ଉପାୟ୍ କିତାର୍। ମାତର୍ ହେୱାର୍ ମାନାୟ୍ ମୁମ୍‌ଦ ଇଞ୍ଜି ପାଣ୍ଡ୍ରା ଆତାର୍, ଇନେସ୍‌କି ଯୀଶୁ କାତାତିଙ୍ଗ୍ ବୁଜାଆଜି ମାଚାର୍, ଆରେ ହେୱାର୍ ହେୱାନିଙ୍ଗ୍ ପିସ୍ତି ହାଚାର୍।

ମାର୍କ 3:6

ହେବେତାଙ୍ଗ୍ ପାରୁସିଦଳ୍‍ନି ମାନାୟ୍ ହସିହାଚାର୍ ଆରେ ହେଦାପ୍ରେ ହେରୋଦ ନିପଣ୍ ଆନି ମାନାୟ୍ ନିକାର୍ ହୁଦାଙ୍ଗ୍ ମାହାଆଜି ଯୀଶୁଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିଦେଙ୍ଗ୍ ଲାଗାତାର୍।

ମାର୍କ 6:20

ମାତର୍ ହେରୋଦ ଯୋହନତିଙ୍ଗ୍ ମାନିକିଜି ମାଚାନ୍, ଇନେସ୍‌କି ହେୱାନ୍ ସଦ୍‌ଦରମ୍ ଆରେ ଦରମ୍ ମାନାୟ୍ ଇଞ୍ଜି ପୁନ୍‌ଞ୍ଜି ମାଚାନ୍। ହେଦାଙ୍ଗ୍ କାଜିଙ୍ଗ୍ ହେରୋଦ ରାଜା ଯୋହନ୍‌ତିଙ୍ଗ୍ ଜଇଲ୍ ଇଞ୍ଜ ହାର୍‌ଦାଙ୍ଗ୍ ଇଡ଼୍‌ଜି ମାଚାନ୍। ଏଚେପାଦ୍ନା ଯୋହନ ହିକ୍ଷା ହିନାକା ୱେନ୍‌ଞ୍ଜି ହେରୋଦ ରାଜା ବାଙ୍ଗାଆଜି ମାଚିସ୍ ପା ତା ବେଣ୍ ୱେଞ୍ଜେଙ୍ଗ୍ ମାନ୍ କିଜି ମାଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:47

ଯୀଶୁ ୱିଜୁଦିନ୍ ଈଶ୍ୱର ମାନି ମନ୍ଦିର୍‌ନି ପିଣ୍ଡାତାକେ ହିକ୍ଷାହିଜି ମାଚାନ୍। ହେପାଦ୍ନା ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍, ଆରେ ପଣ୍ଡିତାର୍ ଆରେ ନାୟକାର୍ ମାନାୟାର୍ ହୁଦାଙ୍ଗ୍ ମାହାଆଜି ଯୀଶୁଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିଜି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:47

ଏଚେଜାଣ୍ ତା ବୁଦିତାଙ୍ଗ୍ ଉତର୍ ହିନି କାତା ୱେନ୍‌ଞ୍ଜି ମାଚାର୍ ହେୱାର୍ ୱିଜାକାର୍ ଚାନିଆ ଆଜି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:19

ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ପଣ୍ଡିତାରିଙ୍ଗ୍ ଯୀଶୁ ର କାତା ୱେଚ୍‌ନିଲେକେ କିଜି ୱେଚ୍‌ନାକା ପୁଚାର୍। ହେଦାଙ୍ଗ୍ କାଜିଙ୍ଗ୍ ଯୀଶୁଙ୍ଗ୍ ହେବେ ଆସ୍ତେଙ୍ଗ୍ ଉପାୟ୍ କିତାର୍। ମାତର୍ ହେୱାର୍ ମାନାୟାରିଙ୍ଗ୍ ପାଣ୍ଡ୍ରାଆଜି ଆହ୍‌ୱାତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:22

ଏଚେଜାଣ୍ ତା ହିକ୍ଷାତିଙ୍ଗ୍ ୱେନ୍‌ଞ୍ଜି ୱିଜାକାର୍ ୱେଚ୍‌ଚେଙ୍ଗ୍ ଲାଗାତାର୍, “ଇୱାନ୍ ହିକ୍ଷା ବେସି ବଡ଼ିଆ।” ଆରେ ତା ହାର୍ଦି ବେଣ୍ ୱେନ୍‌ଞ୍ଜି ଚାନିଆଆତାର୍। ଆରେ ହେୱାର୍ ୱେଚ୍‌ପା ୱେଚ୍‌ପି ଆଜି ୱେଚ୍‌ଚାର୍, “ଇୱାନ୍‌ତ ଯୋଷେପ୍‌ ମେହି।”

ଜହନ୍‌ 7:1

ଇଦାଙ୍ଗ୍ ପାଚେ ଯୀଶୁ ଗାଲିଲୀ ଜିଲ୍ଲାତାକେ ବୁଲାଆଦେଙ୍ଗ୍ ଲାଗାତାନ୍। ଯିହୁଦି ନେତାର୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଇଚାକିଜି ମାଚାର୍। ହେଦାଙ୍ଗ୍ କାଜିଙ୍ଗ୍ ହେୱାନ୍ ଯିହୁଦା ଜିଲ୍ଲାତ ହାଞ୍ଜେଙ୍ଗ୍ ଇଚା କିୱାଦାଙ୍ଗ୍ ମାଚାନ୍।

ଜହନ୍‌ 7:19

ଇଦାଙ୍ଗ୍ ସତ୍ ମୋଶା ଲେକିକିତି ନିୟମ୍‌ନି ସାସ୍ତର୍ ମିଙ୍ଗେଙ୍ଗ୍ ହିତ୍‌ତାନ୍‌ନା। ମାତର୍ ମି ବିତ୍ରେତାଙ୍ଗ୍ ଇନେର୍ ପା ହେ ନିୟମ୍‌ତିଙ୍ଗ୍ ମାନି କିଉଦେରା। ଏପେଙ୍ଗ୍ ନାଙ୍ଗେଙ୍ଗ୍ ଇନା କିଦେଙ୍ଗ୍ ଅସ୍ତେଦେଙ୍ଗ୍ ଉପାୟ୍ କିନାଦେରା?”

ଜହନ୍‌ 7:46

ଈଶ୍ୱର ମାନି ମନ୍ଦିର୍‌ନି ସେନାର୍ ୱେଚ୍‌ଚାର୍, “ହେୱାନ୍ ଇନାକା ୱେଚ୍‌ଚାନାନା, ହେଦାଙ୍ଗ୍ ଜେକନିକାର୍‌ ଇନେର୍ ପା ୱେଚ୍‌ଚେଙ୍ଗ୍ ଆଡୁର୍।”

ପକ୍ୟାତାକା 24:25

ଆରେ ଈଶ୍ୱର କାତାତିଙ୍ଗ୍ ମାନିକିଜି ମାନାକା, ଜାର୍ କରାପ୍ ବାବ୍‌ନାତିଙ୍ଗ୍ ସମ୍ବାଲି କିନାକା ଆରେ ଈଶ୍ୱର ସେସ୍‌ଦିନ୍‌ତ ବିଚାର୍‌କିନି ବିଷୟରେ ପାଉଲ ୱେଚ୍‌ଚାନ୍। ଲାଗିଙ୍ଗ୍ ଫେଲିକ୍‌ସ ରାଜା ପାଣ୍ଡ୍ରାଆଜି ୱେଚ୍‌ଚାନ୍, “ନେଞ୍ଜେଙ୍ଗ୍ ଏଚେକ୍ ମାନେତ୍, ସୁବିଦା ଆତିସ୍ ନିଙ୍ଗେଙ୍ଗ୍ କୁକ୍ତାନାଙ୍ଗ୍ ଏନେଙ୍ଗ୍ ନଙ୍ଗୟ୍ ହାଲା।”