ମାର୍କ 10:22 - New Testament in Pengo Parja Language

²² ମାତର୍ ଯୀଶୁ ଇଚି ବେଣ୍ ୱେନ୍‌ଞ୍ଜି ହେ ମାନାୟ୍ ମୁମ୍ ରାତ୍‌ତାନ୍, ଆରେ ହେୱାନ୍ ଦୁଃକ୍ ଆଜି ହାଚାନ୍, ଇନେସ୍‌କି ତାବେ ବେସି ଦନ୍ ସମ୍ପତି ମାଚାତ୍।

ସତ୍‌ ବଚନ୍‌ ପୁନି ନିୟମ୍‌

²² ମାତର୍‌ ଇ କାତାତ ତା ମୁମ୍‌ ରାତ୍‌ତାନ୍ ଆରେ ହେୱାନ୍‌ ଦୁକ୍‌ ଆଜ଼ି ହାଚାନ୍‌, ଇଚିସ୍‌ ହେୱାନ୍ତି ବେସି ଦାନ୍‌ ମାଚାତ୍‌ ।

ମାର୍କ 10:22 ပူးပေါင်းရင်းမြစ်များ

ମାତିଉ 13:22

ଆରେ କେତେକ୍ ମାନାୟ୍ ଈଶ୍ୱର କାତାତିଙ୍ଗ୍ ୱେନାର୍। ମାତର୍ ଦୁନିଆନି ଚିନ୍ତା, ହାଉକାର୍ ଆନି ଚିନ୍ତା, ଆରେ ବାରବିନି ଚିନ୍ତା ଇୱିଜୁ ଚିନ୍ତା ମାନ୍ତ ଆଜି ଈଶ୍ୱର କାତାତିଙ୍ଗ୍ ଡାବାଇ କିନାତ୍। ହେଦାଙ୍ଗ୍ କାଜିଙ୍ଗ୍ ଈଶ୍ୱର କାତାତିଙ୍ଗ୍ ମାନିକିଉର୍। ହେଲେଗ୍‌ଦି ମାନାୟ୍ ୱାଡ଼ି ମାର୍‌କୁକାଙ୍ଗ୍ ଆର୍ଜିମାଚି ବିୟାନ୍ ଲେକେ।

ମାତିଉ 19:22

ମାତର୍ ଇ ବେଣ୍ ୱେନ୍‌ଞ୍ଜି ଦାଙ୍ଗ୍‌ଣେନ୍ ଦୁଃକ୍ ଆଜି ହସିହାଚାନ୍। ଇନେସ୍‌କି ତାବେ ବେସି ଦନ୍ ସମ୍ପତି ମାଚାତ୍।

ମାତିଉ 27:3

ଇଷ୍କାରିତିୟ ଯିହୁଦା ହୁଡ଼୍‌ତାନ୍ ଯେ, ହେୱାର୍ ଯୀଶୁଙ୍ଗ୍ ମାର୍ନେ ଅହ୍‌ନି କାଜିଙ୍ଗ୍ ଉପାୟ୍ କିତାର୍‌ନା। ଯିହୁଦାନେ ଯୀଶୁଙ୍ଗ୍ ହେୱାର୍ ଶାତ୍ରୁ କେଇଦ ହିଜିମାଚାନ୍। ଲାଗିଙ୍ଗ୍ ହେୱାନ୍ ଇ ୱିଜୁଗଟ୍‌ନା ହୁଡ଼୍‌ଜି ଜାର୍ କାମାୟ୍ କାଜିଙ୍ଗ୍ ବେସିଦୁକ୍ ଆତାନ୍। ହେୱାନ୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ପ୍ରାଚିନ୍‌ ନେତାରିଙ୍ଗ୍ ହେ ତିରିଶ୍ ଗଟା ରୁପା ଡାବୁଙ୍ଗ୍ ଲେଉଟାୟ୍ କିତାନ୍।

ମାର୍କ 10:21

ଯୀଶୁ ଲାଡ଼୍ କିଜି ହୁଡ଼୍‌ଜି ହେୱାନିଙ୍ଗ୍ ୱେଚ୍‌ଚାନ୍, “ନିଦି ର ବିଷୟ ଉଣା ମାନାତ୍, ଏନେଙ୍ଗ୍ ହାଲ୍‌ଜି ନିତାଙ୍ଗ୍ ୱିଜେ ଦନ୍ ସମ୍ପତି ପସି ନାସ୍‌କି ନିକାରିଙ୍ଗ୍ ଡାବୁଙ୍ଗ୍ ହିୟା, ଆରେ ନା ପାଚେ ୱା, ଆରେ ଏନେଙ୍ଗ୍ କିତିସ୍ ସରଗ୍‌ତାକେ ଦନ୍ ପାୟାଆନାୟ୍।”

ମାର୍କ 10:23

ହେବେତାଙ୍ଗ୍ ଯୀଶୁ ତା ଚେଲାହିରିଙ୍ଗ୍ ଚାରିବେଣ୍‌ତାଙ୍ଗ୍ ହୁଡ଼୍‌ଜି ୱେଚ୍‌ଚାନ୍, “ଈଶ୍ୱର ସାସନ୍ କିନି ରାଜିତାକେ ହାଉକାର୍ ମାନାୟାରିଙ୍ଗ୍ ହାଞ୍ଜେଙ୍ଗ୍ ବେସି କଷ୍ଟ!”

ମାର୍କ 6:20

ମାତର୍ ହେରୋଦ ଯୋହନତିଙ୍ଗ୍ ମାନିକିଜି ମାଚାନ୍, ଇନେସ୍‌କି ହେୱାନ୍ ସଦ୍‌ଦରମ୍ ଆରେ ଦରମ୍ ମାନାୟ୍ ଇଞ୍ଜି ପୁନ୍‌ଞ୍ଜି ମାଚାନ୍। ହେଦାଙ୍ଗ୍ କାଜିଙ୍ଗ୍ ହେରୋଦ ରାଜା ଯୋହନ୍‌ତିଙ୍ଗ୍ ଜଇଲ୍ ଇଞ୍ଜ ହାର୍‌ଦାଙ୍ଗ୍ ଇଡ଼୍‌ଜି ମାଚାନ୍। ଏଚେପାଦ୍ନା ଯୋହନ ହିକ୍ଷା ହିନାକା ୱେନ୍‌ଞ୍ଜି ହେରୋଦ ରାଜା ବାଙ୍ଗାଆଜି ମାଚିସ୍ ପା ତା ବେଣ୍ ୱେଞ୍ଜେଙ୍ଗ୍ ମାନ୍ କିଜି ମାଚାନ୍।

ମାର୍କ 6:26

ଇବେଣ୍ ୱେନ୍‌ଞ୍ଜି ରାଜା ବେସି ଦୁଃକ୍ ଆତାନ୍, ମାତର୍ ତା ଗତାଙ୍ଗ୍ ମୁମ୍‌ଦ ପାର୍ମାଣ୍ କିଜି ମାଚାନ୍ ହେଦାଙ୍ଗ୍ କାଜିଙ୍ଗ୍ ରାଜା ମୁନା କିଦେଙ୍ଗ୍ ଆଡ୍‌ୱାତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:15

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ୱିଜୁ ପର୍‌କାର୍ ଲବ୍ରା ଆମାଟ୍, ସାବ୍‌ଦାନ୍ ଆଜି ମାନାଟ୍। ଇନେସ୍‌କି ତା ଦନ୍‌ସମ୍ଫତି ତା ଜିବୁନ୍‌ତିଙ୍ଗ୍ ରକ୍ଷା କିଦେଙ୍ଗ୍ ଆଡୁତ୍‌।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:23

ମାତର୍ ହେୱାନ୍ ବେସି ହାଉକାର୍ ମାଚାନ୍। ହେଦାଙ୍ଗ୍ କାଜିଙ୍ଗ୍ ଯୀଶୁ ବେଣ୍ ୱେନ୍‌ଞ୍ଜି ହେ ମୁଡ଼୍‌ଦାକାନ୍ ଆଦିକ୍ ଦୁଃକ୍ ଆତାନ୍।

୨ କରନ୍ତିୟ 7:10

ଇନେସ୍‌କି ଈଶ୍ୱର ଇଚା ଅନୁସାରେ ଯଦି ଆସେଙ୍ଗ୍ ଇ ଦୁଃକ୍ ପାୟାଆନାସ୍, ଲାଗିଙ୍ଗ୍ ଆସେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଜି ଉଦାର୍ ପାୟାଆନି କାଜିଙ୍ଗ୍ ଉପାୟ୍ କିନାସ୍। ଆରେ ଇଲେକେ ଦୁଃକ୍ କାଜିଙ୍ଗ୍ ଆସେଙ୍ଗ୍ ମାନ୍ ଦୁଃକ୍ ଆଉସ୍। ମାତର୍ ଇ ପୁର୍ତିନି ମାନାୟାର୍ ପାପ୍ କାମାୟ୍ ପିହ୍‌ୱାଦାଙ୍ଗ୍‌ ମାନ୍‌ବାଦ୍‌ଲାୟ୍ କିୱିତିସ୍, ହେୱାର୍ ପାୟାଆନି ଦୁଃକ୍ କଷ୍ଟ ୱିଜୁଦିନ୍ ଦଣ୍ଡ୍ ହିନାତ୍।

ଏପିସିୟ 5:5

ଇନେସ୍‌କି ଏପେଙ୍ଗ୍ ହାର୍‌ଦାଙ୍ଗ୍ ପୁଚାଦେର୍‌ନା ଯେ, ଦାରି କାମାୟ୍ କିନି ମାନାୟ୍, କି କରାପ୍ ବ୍ଯବହାର୍ କିନି ମାନାୟ୍, କି ଦନ୍ ଲବ୍ରାର୍ କାଜିଙ୍ଗ୍, ଖ୍ରୀଷ୍ଟ ଆରେ ଈଶ୍ୱର ରାଜିତାକେ ଆଦିକାର୍ ଆକାୟ୍। ଦନ୍ ଲବ୍ରାର୍ ମୁର୍ତିତିଙ୍ଗ୍ ପୁଜା କିନାକାର୍ ଲେକେ।

୨ ତିମଥି 4:10

ଇନେସ୍‌କି ଦୀମା ଇ ପୁର୍ତିତିଙ୍ଗ୍ ଲାଡ୍‌କିଜି ନାଙ୍ଗେଙ୍ଗ୍ ପିସ୍ତି ହାନ୍‌ଞ୍ଚାନ୍ ଆରେ ଥେସଲନିକି ସହର୍‌ତାକେ ହାଚାନ୍‌ନା। କ୍ରେସ୍‌କେନସ୍ ଗାଲାତିୟ ଜିଲ୍ଲାତ ହାଚାନ୍‌ନା, ଆରେ ତିତସ ଦଲ୍ମତିଆ ସହର୍‌ତିଙ୍ଗ୍ ହାଚାନ୍‌ନା।