ମାର୍କ 1:34 - New Testament in Pengo Parja Language

³⁴ ହେବେତାଙ୍ଗ୍ ହେୱାନ୍ ୱିଜୁ ପର୍‌କାର୍ ରଗିୟାରିଙ୍ଗ୍ ହାର୍‍କିତାନ୍, ଆରେ କେତେକ୍ ବୁତ୍ଆତ୍ମା ଡୁୟାଆତାକାରିଙ୍ଗ୍ ପିହିକିତାନ୍। ମାତର୍ ବୁତ୍‌କୁ ଈଶ୍ୱର ମେହି ଯୀଶୁ ଇଞ୍ଜି ପୁନ୍‌ଞ୍ଜି ମାଚିକ୍, ହେଦାଙ୍ଗ୍ କାଜିଙ୍ଗ୍ ଯୀଶୁ ବୁତ୍‌କୁକାଙ୍ଗ୍ ବେଣ୍ ୱେଚ୍‌ଚେଙ୍ଗ୍ ହିୱାଦାଙ୍ଗ୍ ମାଚାନ୍।

ସତ୍‌ ବଚନ୍‌ ପୁନି ନିୟମ୍‌

³⁴ ହେବେ ଜିସୁ ବାରବିନି ରଗ୍‌ ଆହ୍‌ୟା ଆତାକାରିଂ ବେସି ରଗିରିଂ ଉଜ୍‌ କିତାନ୍‌, ଆରି ବେସି ପୁଦାଂ ପିହିକିତାନ୍‍, ପାଚେ ପୁଦାକାଂ ବେରଣ୍‌ କିଦେଙ୍ଗ୍‌ ହିୱାତାନ୍, ହେଦାଂ କାଜିଂ ହେୱାନିଂ ଚିନ୍‌ କିଜ଼ି ମାଚିକ୍‌ ।

ମାର୍କ 1:34 ပူးပေါင်းရင်းမြစ်များ

ମାତିଉ 4:23

ପାଚେ ଯୀଶୁ ଗାଲିଲୀ ଜିଲ୍ଲାତ ବୁଲାଆନିହିଙ୍ଗ୍, ଯିହୁଦିର୍ ପାର୍ତାନା ଇଞ୍ଜ ହିକ୍ଷାହିଜି ଈଶ୍ୱର ସାସନ୍ କିନି ରାଜିନି ହାର୍ଦିକାବୁର୍ ଶୁଣାୟ୍ କିଜି ଆରେ ବାରବିନି ରଗ୍ ଆରେ ୱିଜୁ ଦୁକ୍ କଷ୍ଟନିକାରିଙ୍ଗ୍ ହାର୍‍କିତାନ୍।

ମାତିଉ 4:24

ଆରେ ତା ବିଷୟ ସିରିୟା ଦେସ୍ ପାତେକ୍ ବିଚାଆତାତ୍। ଆରେ ହେବେ ବୁତ୍ଆତ୍ମା ଡୁୟାଆତାକାରିଙ୍ଗ୍, ଆପ୍ରାଙ୍ଗ୍ ରଗ୍, ଆରେ ହିର୍କଲ୍ ରଗ୍, ଆରେ ବାରବିନି ରଗ୍ ଆତାକାରିଙ୍ଗ୍ ଆରେ କଷ୍ଟନିକାରିଙ୍ଗ୍ ତା କଚଣ୍‌ତ ତାହିୱାତାର୍, ଆରେ ଯୀଶୁ ହେୱାରିଙ୍ଗ୍ ହାର୍‍କିତାନ୍।

ମାର୍କ 1:25

ଯୀଶୁ ତାଙ୍ଗେଙ୍ଗ୍ ଦମ୍‍କାଇକିଜି ୱେଚ୍‌ଚାନ୍, “ଚିମ୍ରାଆ! ଇୱାନ୍‌ତାଙ୍ଗ୍ ହସିହାଲା!”

ମାର୍କ 3:12

ହେବେତାଙ୍ଗ୍ ଯୀଶୁ ବୁତ୍ଆତ୍ମାକାଙ୍ଗ୍ ଆଦେସ୍ କିଜି ୱେଚ୍‌ଚାନ୍, “ଆନେଙ୍ଗ୍ ଇନେର୍‌ ଇଞ୍ଜି ଇନେରିଙ୍ଗ୍ ପା ୱେଚ୍‌ମାଟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:41

ଆରେ ହେୱାନ୍ ବୁତ୍ଆତ୍ମା ଡୁୟାଆତାକାରିଙ୍ଗ୍ ପା ପିହିକିତାନ୍। ହେୱାର୍‌ତାଙ୍ଗ୍ ବୁତ୍ଆତ୍ମାକ୍‌ ପିସ୍ତି ହାନିହିଙ୍ଗ୍ ଯୀଶୁଙ୍ଗ୍ ଚେରାଆଜି ୱେଚ୍‌ଚି ମାଚିକ୍, “ଏନେଙ୍ଗ୍ ଈଶ୍ୱର ମେହି ଇଞ୍ଜି।” ବୁତ୍ଆତ୍ମାକ୍‌ ପୁନ୍‌ଞ୍ଜି ମାଚିକ୍ ଯେ ଯୀଶୁ ନେ ଖ୍ରୀଷ୍ଟ। ମାତର୍ ହେୱାନ୍‌ ବୁତ୍‌କୁକାଙ୍ଗ୍ ବେଣ୍ କିୱେଦେଙ୍ଗ୍ ଦମ୍‍କାଇକିଜି ମାଚାନ୍।