ମାତିଉ 9:34 - New Testament in Pengo Parja Language

³⁴ ମାତର୍ ପାରୁସିଦଳ୍‍ନି ମାନାୟାର୍ ୱେଚ୍‌ଚାର୍, “ଇୱାନ୍ ଶୟତାନ ଆତ୍ମା ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାନା।”

ସତ୍‌ ବଚନ୍‌ ପୁନି ନିୟମ୍‌

³⁴ ମାତର୍‌ ପାରୁସିର୍‌ ଇଚାର୍‌, “ହେ ମୁଣିକା ‌ଗାଜା ବୁତ୍‌ ଉପ୍‌କାର୍‌ତାଂ ପୁଦାଂ ପିହିକିନାନା ।”

ମାତିଉ 9:34 ပူးပေါင်းရင်းမြစ်များ

ମାତିଉ 10:25

ଚେଲା ତା ଗୁରୁ ଲେକେ ଆରେ ହଲିଆ ତା ମାଲିକ୍ ଲେକେ ଆଦେଙ୍ଗ୍ ଆଡ଼୍‌ତିସ୍ ହାର୍। ମାତର୍ ଇଲ୍ ମାଲିକ୍‌ତିଙ୍ଗ୍ ବାଲ୍‌ଜିବୁଲ୍ ଶୟତାନ ଇଞ୍ଜି କୁକ୍ତିସ୍, ଆରେ ଇଲ୍‌ନି ଜେକନିକାରିଙ୍ଗ୍ ତ ଆଦିକ୍ ବାନ୍ୟା ତର୍‍ଦାଙ୍ଗ୍ କୁକିୟା ଆନାତ୍।”

ମାତିଉ 11:18

ଡୁବନ୍‌ହିନି ଯୋହନ ୱିଜୁଦିନ୍ ଲେକେ ତିନ୍‌ୱାଦାଙ୍ଗ୍ କି ଉଣ୍‌ୱାଦାଙ୍ଗ୍ ଉପାସ୍ କିଜି ମାଚାନ୍। ମାତର୍ ମାନାୟାର୍ ହେୱାନିଙ୍ଗ୍ ୱେଚ୍‌ଚାର୍, ‘ହେୱାନିଙ୍ଗ୍ ବୁତ୍ଆତ୍ମା ଡୁତାତ୍‌ନା।’

ମାତିଉ 12:22

ରଦିନ୍ ପାଚେ ର ବୁତ୍ ଡୁୟାଆତି ମାନାୟ୍‌ତିଙ୍ଗ୍ ଯୀଶୁ କଚଣ୍‌ତ ତାହିୱାତାର୍। ହେୱାନ୍ ବେଣ୍‌କିଦେଙ୍ଗ୍ ଆଡ୍‌ୱାଦାଙ୍ଗ୍ ମାଚାନ୍ ଆରେ ହୁଡ଼୍‌ଦେଙ୍ଗ୍ ଆଡ୍‌ୱାଦାଙ୍ଗ୍ ମାଚାନ୍। ଯୀଶୁ ତାଙ୍ଗେଙ୍ଗ୍ ହାର୍‍କିତାନ୍। ହେବେତାଙ୍ଗ୍ ହେ ତତ୍‌ଲା ବେଣ୍‌କିଦେଙ୍ଗ୍ ଆଡ଼୍‌ତାନ୍ ଆରେ ହୁଡ଼୍‌ଦେଙ୍ଗ୍ ଆଡ଼୍‌ତାନ୍।

ମାତିଉ 12:27

ଯଦି ଆନେଙ୍ଗ୍ ଶୟତାନ ଆତ୍ମା ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାଙ୍ଗ୍, ଲାଗିଙ୍ଗ୍ ମି ହିମ୍‌ଣାଙ୍ଗ୍ ଇନେର୍ ସାଇଜତାଙ୍ଗ୍ ହେୱାରିଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାର୍। ଏପେଙ୍ଗ୍ ଇମ୍‌ଣି କାତା ନାଙ୍ଗେଙ୍ଗ୍ ଦସ୍ ହିଜି ଇଞ୍ଜ୍‌ନାଦେରା, ହେୱାର୍ ମିଙ୍ଗେଙ୍ଗ୍ ବିଚାର୍ କିଦ୍‌ନାର୍।

ମାର୍କ 3:22

ଆରେ, ଯିରୁଶାଲାମ ସହର୍‌ତାଙ୍ଗ୍ ୱାତି କେତେକ୍ ଯିହୁଦି ଦରମ୍‌ନି ପଣ୍ଡିତାର୍ ୱେଚ୍‌ଚାର୍, “ଇୱାନିଙ୍ଗ୍ ଶୟତାନ ଆତ୍ମା ଡୁତାତ୍‌ନା, ହେଦାଙ୍ଗ୍ କାଜିଙ୍ଗ୍ ଇୱାନ୍ ଶଇତାନ୍ ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:15

ମାତର୍ ହେବେ ମାନି ମାନାୟ୍ ବିତ୍ରେତାଙ୍ଗ୍ କେତ୍‌ଜାଣ୍ ୱେଚ୍‌ଚାର୍, ଇୱାନ୍ ଶୟତାନ ଆତ୍ମା ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାନା।

ଜହନ୍‌ 3:20

କରାପ୍ କାମାୟ୍ କିନାକାର୍ ଅଜଡ଼୍‌ତିଙ୍ଗ୍ ଗିଣ୍ କିନାର୍। ହେୱାନ୍ ଇନାୱେଡ଼ାଙ୍ଗ୍ ପା ଅଜଡ଼୍‌ତାକେ ୱାଉନ୍‌, ଇନେସ୍‌କି ଅଜଡ଼୍ ତା କିତି କରାପ୍ କାମାୟ୍ ୱିଜୁ ଚଚ୍‌ଚି ହିନାତ୍।

ଜହନ୍‌ 7:20

ମାନାୟାର୍ ୱେଚ୍‌ଚାର୍, “ନିଙ୍ଗେଙ୍ଗ୍ ବୁତ୍ଆତ୍ମା ଡୁତ୍‌ତାତ୍‌ନା। ଇନେର୍ ନିଙ୍ଗେଙ୍ଗ୍ ଅସ୍ତେଦେଙ୍ଗ୍ ଉପାୟ୍ କିଦ୍‌ନାରା?”