ମାତିଉ 9:20 - New Testament in Pengo Parja Language

²⁰ ହେ ମାନାୟ୍ ଗଉଲି ବିତ୍ରେ ର କଗ୍‌ଲେ ମାଚାତ୍। ହେଦେଲିଙ୍ଗ୍ ବାର ବାର୍ହୁ ପାତେକ୍ ବିଟାଡ଼୍ ରଗ୍ ଆସ୍‍ତି ମାଚାତ୍। ହେ କଗ୍‌ଲେ ଯୀଶୁ ପାଚ୍‌ବାଗାୟ୍ ୱାଜି ତା ଉସ୍‌ପିତି ହେନ୍ଦ୍ରାନି ଅଟିତିଙ୍ଗ୍ ଆସ୍‌ପାତାତ୍।

ସତ୍‌ ବଚନ୍‌ ପୁନି ନିୟମ୍‌

²⁰ ଜିସୁ ହାଜ଼ିତ ହାନିହିଂ ର କଗ୍‌ଲେ ତା ପାଚ୍‌ ବାଗାଙ୍ଗ୍‌ ୱାଜ଼ି ତା ହେନ୍ଦ୍ରାନି ଚେଲିଂ ଡୁତାତ୍‌ । ହେଦେଲ୍‌ ବାର ବାର୍ହୁ ପାତେକ୍‌ ଗାଗାଡ଼୍‌ନାଡ୍‌ୱି ରଗ୍‌ତ ଡଣ୍ଡ୍‌ ଆଜ଼ି ମାଚାତ୍‌ ।

ମାତିଉ 9:20 ပူးပေါင်းရင်းမြစ်များ

ମାତିଉ 14:36

ଆରେ ହେୱାର୍ ଯୀଶୁଙ୍ଗ୍ ତା ହେନ୍ଦ୍ରାନି ଅଟିତିଙ୍ଗ୍ ଆସ୍‌ପେଦେଙ୍ଗ୍ ଗୁୱାରି କିଦେଙ୍ଗ୍ ଲାଗାତାର୍, ଆରେ ହେନ୍ଦ୍ରାନି ଅଟି ଆସ୍‌ପିତି ଦାପ୍ରେ ରଗିୟାର୍ ହାର୍‌ଆତାର୍।

ମାତିଉ 23:5

“ମାତର୍ ହେୱାର୍ ମାନାୟ୍‌ତିଙ୍ଗ୍ ଚଚ୍‌ଚେଙ୍ଗ୍ ୱିଜୁ ହାର୍ କାମାୟ୍ କିନାର୍। ହୁଡ଼ାଟ୍, ଜାର୍‌ତିଙ୍ଗ୍ ଦରମ୍ ଚଚିୟାଆନି କାଜିଙ୍ଗ୍ ଗାଜାଗାଜା ଡଙ୍ଗ୍‌ରୁ ମାରାତ ଗାଚିଆ ଆନାର୍, ଆରେ ଜାର୍ ପାର୍ତାନା କିନିହିଙ୍ଗ୍ ଉସ୍‌ପିତି ହେନ୍ଦ୍ରା ବେସି ଲାମାୟ୍ କିନାର୍।

ମାତିଉ 9:19

ହେବେତାଙ୍ଗ୍ ଯୀଶୁ ନିଙ୍ଗ୍‌ତାନ୍, ଆରେ ଚେଲାହିର୍ ହୁଦାଙ୍ଗ୍ ଯିହୁଦିର୍ ପାର୍ତାନା ଇଞ୍ଜି ମୁକ୍ୟା ଯାଇରସ୍‌ ପା ତାପାଚେ ପାଚେ ହାଚାନ୍।

ମାର୍କ 6:56

ଯୀଶୁ ଇମ୍‌ଣିନାସ୍, ସହର୍ କି ହିରୁ ନାସ୍‌କୁକାଙ୍ଗ୍ ଇକାତାନ୍। ହେବେ ଆଟ୍ ବାଜାର୍‌ତାକେ ପା ରଗିରିଙ୍ଗ୍ ଇଡ଼୍‌ତାର୍, ଆରେ ଯୀଶୁଙ୍ଗ୍ ତା ହେନ୍ଦ୍ରାନି ଗାଟିଙ୍ଗ୍ ଆସ୍‌ପେଦେଙ୍ଗ୍ ଗୁୱାରି କିଦେଙ୍ଗ୍ ଲାଗାତାର୍, ଆରେ ହେନ୍ଦ୍ରା ଗାଟିଙ୍ଗ୍ ଆସ୍‌ପିତି ଦାପ୍ରେ ରଗିୟାର୍ ହାର୍‌ଆତାର୍।

ମାର୍କ 8:22

ଯୀଶୁ ଆରେ ତା ଚେଲାହିର୍ ବେଥ୍‍ସାଇଦା ସହର୍‌ତାକେ ୱାତାର୍। ହେବେ ମାନାୟାର୍ ର କାଣା ମାନାୟ୍‌ତିଙ୍ଗ୍ ଯୀଶୁ କଚଣ୍‌ତ ତାହିୱାତାର୍, ହେୱାନିଙ୍ଗ୍ ଆସ୍‌ପି ହାର୍‌କିଦେଙ୍ଗ୍ ଯୀଶୁଙ୍ଗ୍ ଗୁୱାରି କିତାର୍।

ପକ୍ୟାତାକା 19:12

ପାଉଲ ଇଲେକେ ସାକ୍ତି ପାୟାଆଜି ମାଚାନ୍ ଯେ, ହେୱାନ୍ ବାଉରା ଆତି ରୁମାଲ୍ କି ତା ତୁୱାଲ୍ ମାନାୟାର୍ ରଗି ଲାଗାୟ୍ ଅତିସ୍, ରଗ୍‌ଦାକାର୍ ହାର୍ ଆଜି ମାଚାର୍। ଆରେ ବୁତ୍ ଡୁୟାଆତି ମାନାୟାର୍‌ତାଙ୍ଗ୍ ବୁତ୍ଆତ୍ମା ହସିହାଲ୍‍ଜି ମାଚିକ୍‌।

ପକ୍ୟାତାକା 5:15

ବାଚିକିତି ଚେଲାର୍ ଚାନିଆଆନି କାମାୟ୍ କିଜି ମାଚାର୍। ହେଦାଙ୍ଗ୍ କାଜିଙ୍ଗ୍ ପିତର ୱାନିହିଙ୍ଗ୍ ତା ଡ଼ିଗାଆଜି ହାର୍ ଆଏର୍ ଇଞ୍ଜି ମାନାୟାର୍ ରଗିୟାରିଙ୍ଗ୍ ପିଣ୍‌ଜି ଅଜି ରାସ୍ତା କାଟାତାକେ ଟାଟି ଆରେ କାଟେଲ୍‌ତାକେ ହୁଚ୍‌ପିସ୍ ମାଚାର୍।