ମାତିଉ 8:6 - New Testament in Pengo Parja Language

⁶ “ଏ ମାପୃ, ନା ହଲିଆ ହିର୍କଲ୍ ରଗ୍‍ତାଙ୍ଗ୍ ବେସି କଷ୍ଟ ପାୟାଆଜି ଲେମ୍‌ଦେଙ୍ଗ୍ ଆଡୁନା, ଆରେ ହେୱାନ୍ ଇଞ୍ଜ ଟାଟିତ ନେ ମାକ୍‌ତାନ୍‌ନା।”

ସତ୍‌ ବଚନ୍‌ ପୁନି ନିୟମ୍‌

⁶ “ଏ ମାପ୍ରୁ ନା ଆଡ଼ିଏନ୍‌ ହିର୍‌କଲ୍‌ ଇଡ଼୍‌ୟାତି ରଗି ବେସି ନନାକାଦିଂ ଇଞ୍ଜ ମାକ୍‌ତାନ୍‌ନା ।”

ମାତିଉ 8:6 ပူးပေါင်းရင်းမြစ်များ

ମାତିଉ 4:24

ଆରେ ତା ବିଷୟ ସିରିୟା ଦେସ୍ ପାତେକ୍ ବିଚାଆତାତ୍। ଆରେ ହେବେ ବୁତ୍ଆତ୍ମା ଡୁୟାଆତାକାରିଙ୍ଗ୍, ଆପ୍ରାଙ୍ଗ୍ ରଗ୍, ଆରେ ହିର୍କଲ୍ ରଗ୍, ଆରେ ବାରବିନି ରଗ୍ ଆତାକାରିଙ୍ଗ୍ ଆରେ କଷ୍ଟନିକାରିଙ୍ଗ୍ ତା କଚଣ୍‌ତ ତାହିୱାତାର୍, ଆରେ ଯୀଶୁ ହେୱାରିଙ୍ଗ୍ ହାର୍‍କିତାନ୍।

ମାତିଉ 8:7

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ୱାଜି ହେୱାନିଙ୍ଗ୍ ହାର୍ କିନାଙ୍ଗ୍।”

ମାତିଉ 9:2

ଆରେ ହୁଡ଼ାଟ୍, ହିର୍କଲ୍ ରଗ୍‌କାଟାକାନିଙ୍ଗ୍‌ ଟାଟିଲାହାଙ୍ଗ୍ ପିଣ୍‌ଜି ଯୀଶୁ ଲାଗାୟ୍ ତାହିୱାତାର୍, ଯୀଶୁ ହେୱାର୍ ପାର୍ତି ହୁଡ଼୍‌ଜି ହେ ହିର୍କଲ୍ ରଗ୍‌କାଟାକାନିଙ୍ଗ୍‌ ୱାଚ୍‍ଚାନ୍, କାଡ଼୍‍ଦେ, ଶାସ୍ ଆହା, ନି ପାପ୍ ୱିଜୁ କେମା ଆତାତ୍।

ପକ୍ୟାତାକା 10:7

କର୍ଣିଲିୟ ହୁଦାଙ୍ଗ୍ ଦୁତ୍ ବେଣ୍‌କିଜି ହାଚି ପାଚେ, ହେୱାନ୍ ତା ଇଞ୍ଜ କାମାୟ୍ କିନି ହଲିଆ ବିତ୍ରେତାଙ୍ଗ୍ ରିକାରିଙ୍ଗ୍, ଆରେ ସେନାର୍ ବିତ୍ରେତାଙ୍ଗ୍ ଈଶ୍ୱରତିଙ୍ଗ୍ ହେବା କିକିନାକାନିଙ୍ଗ୍ ରକାନିଙ୍ଗ୍ କୁକ୍‌ତାନ୍।

ପକ୍ୟାତାକା 8:7

ଏଚେପାଦ୍ନା ପିଲିପ ବୁତ୍ଆତ୍ମା ଡୁୟାଆତି ମାନାୟାରିଙ୍ଗ୍ ଆଦେସ୍ ହିଜିମାଚାନ୍, ହେ ବୁତ୍‌କୁ ହେୱାର୍‌ତାଙ୍ଗ୍ ରାଟୁଆଜି ହସିହାଲ୍‍ଜି ମାଚିକ୍। ଆରେ ପିଲିପ କେତେକ୍ ହେନି ହିର୍କଲ୍ ରଗ୍‌ଦାକାରିଙ୍ଗ୍ ଆରେ ଚଟା ମେଟାରିଙ୍ଗ୍ ହାର୍ କିଜି ମାଚାନ୍।

ପକ୍ୟାତାକା 9:33

ହେବେ ହେୱାନ୍ ଏନିୟ ତର୍‍ଦାକାନ୍ ରକାନ୍ ମାନାୟ୍‌ତିଙ୍ଗ୍ ଗିଟାଆତାନ୍। ହେୱାନ୍ ଆଟ୍ ବାର୍ହୁ ପାତେକ୍ ହିର୍କଲ୍ ରଗ୍ ଆହିଆଜି ହୁନ୍‌ଞ୍ଜି ମାଚାନ୍।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।

କଲସିୟ 4:1

ଏ ମାଲିକ୍ କାଦେର୍, ସରଗ୍‌ତାକେ ମି କାଜିଙ୍ଗ୍ ର ମାଲିକ୍ ମାନାନ୍ ଇଞ୍ଜି ପୁନ୍‌ଞ୍ଜି, ମି ହଲିଆରିଙ୍ଗ୍ ନ୍ୟାୟ୍ ଆରେ ହାର୍ଦି ବ୍ଯବହାର୍ ହିୟାଟ୍।

୧ ତିମତି 6:2

ଇମ୍‌ଣି ମାଲିକାର୍ ପାର୍ତି କିନାକାର୍ ଆନାର୍, ହେୱାର୍ ଦାସ୍‌ରିଙ୍ଗ୍ ଖ୍ରୀଷ୍ଟତାକେ ପାର୍ତିକିନି ଟଣ୍ଡାର୍ ଇଞ୍ଜି ପୁନ୍‌ଞ୍ଜି ହେୱାରିଙ୍ଗ୍ ଇନସ୍ତା କିମେର୍। ଆରେ ହେୱାର୍ ହେୱାରିଙ୍ଗ୍ ପା ହାର୍‌ଦାଙ୍ଗ୍ ଦିୟାନ୍ ହିଜି ହେବା କିୟେର୍। ଇନେସ୍‌କି ମାଲିକ୍‌ତିଙ୍ଗ୍ ହେବାକିନି ଦାସାର୍ ପା ପାର୍ତି କିନାକାର୍। ଲାଗିଙ୍ଗ୍ ଦାସାର୍ ପା ଜେକନିକାରିଙ୍ଗ୍ ଲାଡ୍ କିତିଲେକେ ହେୱାରିଙ୍ଗ୍ ଲାଡ୍ କିନାର୍। ଇ ୱିଜୁ ବିଷୟ ହିକ୍ଷା ହିୟା ଆରେ ମାନି କିଦେଙ୍ଗ୍ ସାହାସ୍ ହିୟା।

ଫିଲୀମୋନ 1:16

ନଙ୍ଗୟ୍ ଏନେଙ୍ଗ୍ ହେୱାନିଙ୍ଗ୍ ଚାକର୍ ନେ ଇଞ୍ଜି ବାବିକିମା, ହେୱାନ୍ ର ଦାସ୍‌ତାଙ୍ଗ୍ ପା ଗାଜାକାନ୍‌। ମାତର୍ ହେୱାନ୍ ରକାନ୍ ମା ଲେକେ ପାର୍ତିକିନି ଟଣ୍ଡେନ୍, ହେଦାଙ୍ଗ୍ କାଜିଙ୍ଗ୍ ହେୱାନିଙ୍ଗ୍ ଏନେଙ୍ଗ୍ ଲାଡ୍ କିୟା। ଆନେଙ୍ଗ୍ ହେୱାନିଙ୍ଗ୍ ଲାଡ୍ କିନାଙ୍ଗ୍ ମାତର୍ ଏନେଙ୍ଗ୍ ହେୱାନିଙ୍ଗ୍ ନି ଦାସ୍ ଆରେ ଖ୍ରୀଷ୍ଟତାକେ ପାର୍ତିକିନି ଟଣ୍ଡେନ୍ ଆତି କାଜିଙ୍ଗ୍ ଏନେଙ୍ଗ୍ ନାବେତାଙ୍ଗ୍ ଆଦିକ୍ ଲାଡ୍ କିୟା।