ମାତିଉ 8:12 - New Testament in Pengo Parja Language

¹² ମାତର୍ ଯିହୁଦିର୍ ମାନାୟାରିଙ୍ଗ୍ ବାର୍ତ ମାଜ୍‌ଗାତାକେ ତୁସିହିନାର୍। ହେବେ ହେୱାର୍ ଦୁକ୍ କଷ୍ଟତାଙ୍ଗ୍ ଟାଡାଙ୍ଗ୍ କାପ୍‌ଚି କିଲ୍‌ବିଲ୍ ଆନାର୍।”

ସତ୍‌ ବଚନ୍‌ ପୁନି ନିୟମ୍‌

¹² ମାତର୍‌ ଇମ୍‌ଣାକାର୍‌ ଇ ରାଜିତ ମାନି କାତା ହେୱାରିଂ ବାର୍ତ ମାଜ୍‌ଗାତ ତୁହିୟା ଆନାର୍‌; ହେବେ ଆଡ଼୍‌ବିସ୍‌ ଆରି ଟାଡାଙ୍ଗ୍ କାଟ୍‌ନାର୍‌ ।”

ମାତିଉ 8:12 ပူးပေါင်းရင်းမြစ်များ

ମାତିଉ 13:38

ଏ ଜମି ଆନାତା ପୁର୍ତି, ଈଶ୍ୱର ସାସନ୍ କିନି ରାଜିନି ମାନାୟାର୍ ହାର୍ଦି ବିୟାନ୍ ଲେକେ, ଆରେ ଇମ୍‌ଣାକାର୍ ଶୟତାନନି ମାନାୟାର୍ ହେୱାର୍ ବାରବିନି କାଚ୍ରା ଲେକେ।

ମାତିଉ 13:42

ଆରେ ଦୁତ୍‌କୁ ହେୱାରିଙ୍ଗ୍ ନରକ୍‌ନି ନାଣିତାକେ ତୁଇନାର୍। କାକୁଲ୍‌ତି ଆଜି ହେବେ ଆଡ଼୍‌ବାନାର୍ ଆରେ ଟାଡାଙ୍ଗ୍ କାପ୍‌ଚି-କାପ୍‌ଚି ଆର୍ଲା ଆନାର୍,

ମାତିଉ 13:50

ଆରେ ହେୱାରିଙ୍ଗ୍ ନରକ୍‌ନି ନାଣିତାକେ ତୁସିହିନିକ୍। ହେବେ ହେୱାର୍ କାକୁଲ୍‌ତି ଆଜି ହେବେ ଆଡ଼୍‌ବାନାର୍ ଆରେ ଟାଡାଙ୍ଗ୍ କାପ୍‌ଚି ଆର୍ଲା ଆନାର୍।”

ମାତିଉ 21:43

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ‘ଈଶ୍ୱର ସାସନ୍ କିନି ରାଜି ମି ତାକେତାଙ୍ଗ୍ କିସ୍ତି ଅନାର୍। ଆରେ ଈଶ୍ୱର ତା ରାଜିତାକେ ଇନାକା ହିଦେଙ୍ଗ୍ ଇଚା କିନାନା। ଇମ୍‌ଣି ଜାତିର୍‌ତାକେ ହେଲେକେ କିନାର୍ ହେୱାରିଙ୍ଗ୍ ଈଶ୍ୱର ତା ସାସନ୍ କିନି ରାଜି ହିନାନ୍।’

ମାତିଉ 24:51

ହେ ହଲିଆହିଙ୍ଗ୍ ବେସି ଦଣ୍ଡ୍ ହିନାନ୍ ଆରେ ପାଟ୍‌କାର୍ ମାନାୟାର୍‌ତାକେ ପିସ୍ତିହିନାନ୍। ଇମେତାକେ ମାନାୟାର୍ ଆଡ଼୍‌ବିସ୍‌ ଟାଡାଙ୍ଗ୍ କାପ୍‌ଚି କିଲ୍‌ବିଲ୍ ଆନି ବାହାତ ପକ୍ତାନାନ୍।”

ମାତିଉ 25:30

ତାପାଚେ ମାଲିକ୍ ୱେଚ୍‌ଚାନ୍, ‘ହେୱାନ୍ ଦର୍‌କାର୍‌ଆୱି ହଲିଆହିଙ୍ଗ୍ ବାର୍ତ ମାଜ୍‌ଗାତ ତୁହିହିୟାଟ୍। ହେବେ ମାନାୟାର୍ ଆଡ଼୍‌ବାନାର୍ ଆରେ କଷ୍ଟତାଙ୍ଗ୍ ଟାଡାଙ୍ଗ୍ କାପ୍‌ନାର୍।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:28

ଏପେଙ୍ଗ୍ ଅବ୍ରାହାମ୍‌, ଇସାକ, ଯାକୁବ ଆରେ, ୱିଜୁ ଭବିଷ୍ଯତବକ୍ତାରିଙ୍ଗ୍ ଈଶ୍ୱର ସାସନ୍ କିନି ରାଜିତାକେ ହୁଡ଼୍‌ଦେଙ୍ଗ୍ ଆଡ୍‌ନାଦେର୍। ମାତର୍ ମିଙ୍ଗେଙ୍ଗ୍ ନରକ୍‌ତାକେ ତୁସିହିଦ୍‌ନାର୍‌। ହେପାଦ୍ନା ଏପେଙ୍ଗ୍ ଆଡ଼୍‌ବାନାଦେର୍, ଆରେ ଟାଡାଙ୍ଗ୍ କାପ୍‌ଚି କିଲ୍‌ବିଲ୍ ଆନାଦେର୍।

ପକ୍ୟାତାକା 3:25

ଏପେଙ୍ଗ୍ ହେ ଭବିଷ୍ଯତବକ୍ତାର୍ ମେହି କାଦେର୍, ଆରେ ମି ଲାତ୍ରା କାଜିଙ୍ଗ୍ ପୁର୍ତିନି ୱିଜୁ ମାନାୟାର୍ ଆଶ୍ରିବାଦ୍ ପାୟାଆନାର୍‌, ଇ କାତା ଈଶ୍ୱର ଅବ୍ରାହାମ ଆରେ ମା ଆକଦାଦିର୍‌ତାକେ ପାର୍ମାଣ୍ କିଜି ମାଚାର୍, ଏପେଙ୍ଗ୍ ହେ ପାର୍ମାଣ୍‌ନି ମେହି କାଦେର୍।

ରୋମିୟ 9:4

ହେୱାର୍ ଇସ୍ରାଏଲନି ମାନାୟାର୍, ଈଶ୍ୱର ହେୱାରିଙ୍ଗ୍ ନେ ତା ମେହିର୍ ଆନି କାଜିଙ୍ଗ୍ ବାଚିକିଜି ମାଚାନ୍। ଈଶ୍ୱର ତା ଗୌରବ ହେୱାରିଙ୍ଗ୍ ହିଜିମାଚାନ୍। ହେୱାନ୍ ହେୱାର୍ ହୁଦାଙ୍ଗ୍ ପାର୍ମାଣ୍ କିଜି ମାଚାନ୍, ଆରେ ହେୱାନ୍ ତା ଦରମ୍ ସାସ୍ତର୍‌ତିଙ୍ଗ୍ ହିତାନ୍। ହେୱାର୍ ତାଙ୍ଗେଙ୍ଗ୍ ପୁଜାକିନି ସୁଯଗ୍ ପାୟାଆତାର୍ ଆରେ ହେୱାରିଙ୍ଗ୍ କାବା ଆନି ପାର୍ମାଣ୍ ୱିଜୁ ଈଶ୍ୱର କିତାନ୍।

୨ ପିତର 2:17

ୱାଚ୍‌ଚି ଜାରାଣ୍‌ଲେକେ ଇ ବୁଲ୍ ହିକ୍ଷାହିନି ମାଷ୍ଟେରାର୍। ବାହ୍‌ରା ଆନି ଆଗେ ଇନେସ୍ ବେସି ଡ଼ୁଇଦୁକା ଆଜି ବାଦାଡ଼୍‌ତିଙ୍ଗ୍ ଗୁଚାଇ କିନାତ୍, ଇ ମାଷ୍ଟେରାର୍ ହେଲେକେ ମୁଲ୍ୟ ହିଲାକାର୍। ଈଶ୍ୱର ହେୱାର୍ କାଜିଙ୍ଗ୍ ବେସି ମାଜ୍‌ଗା ଆତି ବାହା ରସ୍ତାନ୍‌ନା।

୨ ପିତର 2:4

ଇନେସ୍‌କି ଆସେଙ୍ଗ୍ ପୁନାସ୍ ଯେ ଇମ୍‌ଣି ଦୁତ୍‌କୁ ଈଶ୍ୱର ଆଗେ ପାପ୍ କାମାୟ୍ କିଜି ମାଚିକ୍, ଈଶ୍ୱର ହେୱେକିୟାକାଙ୍ଗ୍ ଦଣ୍ଡ୍ ହିତାନ୍। ହେୱାନ୍ ହେୱେକିୟାକାଙ୍ଗ୍ ନରକ୍‌ତାକେ ତୁସିହିତାନ୍‌ନା, ଆରେ ହେୱେକିୟାକାଙ୍ଗ୍ ବିଚାର୍ କିଜି ଦଣ୍ଡ୍ ହିନି ଦିନ୍ ପାତେକ୍, ହେୱାନ୍ ହେୱେକାଙ୍ଗ୍ ମାଜ୍‌ଗା ଜଇଲ୍ ଇଞ୍ଜ ଇଡ଼୍‌ତାନ୍‌ନା।

ଜିହୁଦା 1:13

ହାମ୍‌ଦୁର୍‌ନି ଗାଜା ଲଉଡ଼ି ଇନେସ୍ କରାପ୍ ପେପୁଲ୍ ରହ୍‌ନାତ୍, ହେଲେକେ ଇ ମାନାୟାର୍ ଲାଜାଆନି ବିଷୟ ୱିଜୁ କିନାର୍। କେତେକ୍ ହୁକାଙ୍ଗ୍ ଇନେସ୍ ହାଣ୍‌କୁ ହାଜ୍‌ଦିଙ୍ଗ୍ ହାଲୁକ୍, ହେଲେକେ ହେୱାର୍ ହାର୍ଦି ହାଜ୍‌ଦିଙ୍ଗ୍ ହାଲୁର୍। ମାପୃ ହେୱାର୍ କାଜିଙ୍ଗ୍ ରଞ୍ଜାଙ୍ଗ୍ ପୁରାପୁରି ମାଜ୍‌ଗା ବାହା ଇଡ଼୍‌ତାନ୍‌ନା ଆରେ ହେୱାର୍ ହେ ବାହାତାକେ ୱିଜୁଦିନ୍ କାଜିଙ୍ଗ୍ ମାନ୍‌ଗାନାର୍।

ହତ୍‌ତି 22:15

ମାତର୍ ନିକୁଡ଼୍‌ଲେକେ ଇମ୍‌ଣି ମାନାୟାର୍ କରାପ୍ କାମାୟ୍ କିନାର୍, ଯାଦୁ ମନ୍ତର୍ କିନାର୍, ଦାରି କାମାୟ୍ କିନାର୍, ମାନାୟାରିଙ୍ଗ୍ ଅହ୍‌ନାର୍, ମୁର୍ତି ପୁଜାକିଜି ମାନାର୍ ଆରେ ମିଚ୍ ୱେଚ୍‌ନି ମାନାୟାର୍ ସହର୍ ବାର୍ତ ମାନାର୍।