ମାତିଉ 8:11 - New Testament in Pengo Parja Language

¹¹ ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “କେତେକ୍ ମାନାୟ୍ ପୁର୍ବ, ପଶ୍ଚିମତାଙ୍ଗ୍, ୱାଜି ଅବ୍ରାହାମ୍‌, ଇସାକ ଆରେ ଯାକୁବ ଲାହାଙ୍ଗ୍ ଈଶ୍ୱର ସାସନ୍ କିନି ରାଜିତାକେ କାଦି ଚିଞ୍ଜେଙ୍ଗ୍ କୁଚ୍‌ନାର୍।

ସତ୍‌ ବଚନ୍‌ ପୁନି ନିୟମ୍‌

¹¹ ମାତର୍‌ ଆନ୍‌ ମିଙ୍ଗେଙ୍ଗ୍‌ ଇଞ୍ଜ୍‌ନାଙ୍ଗା, ବେସି ୱେଡ଼ାହତ୍‌ନି ବାଗାଙ୍ଗ୍‌ ଆରି ୱେଡ଼ାହାନି ବାଗାଙ୍ଗ୍‌ ୱାଜ଼ି ଅବ୍ରାହାମ୍‌, ଇସ୍‌ହାକ୍‌ ଆରି ଜାକୁବ୍‌ ଲାହାଙ୍ଗ୍‌ ସାର୍ଗେ ରାଜିତ ବଜି ଚିଞ୍ଜେଙ୍ଗ୍‌ କୁଚ୍‌ନାର୍‌ ।

ମାତିଉ 8:11 ပူးပေါင်းရင်းမြစ်များ

ମାତିଉ 21:41

ଈଶ୍ୱର ହେବାକିନି ମୁଡ଼୍‌ଦି ପୁଜାରି ଆରେ ନାୟକ୍ ନେତାର୍ ହେୱାନିଙ୍ଗ୍ ୱେଚ୍‌ଚାର୍, “ହେ ବାଡ଼୍‍ଦି ମାଲିକ୍‌ତିଙ୍ଗ୍ ଆଦି ଆସ୍ତାକାନିଙ୍ଗ୍ ଅପ୍ରାବଲ୍ ଆର୍ଲା କିଜି ଟ୍ରାକ୍‌ନାନ୍‌। ଆରେ ତାପାଚେ ହେ ଅଙ୍ଗୁର୍ ବାଡ଼୍‍ଦିଙ୍ଗ୍ ଜେକନିକାରିଙ୍ଗ୍ ବାଡ଼୍ ଆଦି ହିନାନ୍। ଇମ୍‌ଣାକାର୍ ଅଙ୍ଗୁର୍ ଆତିସ୍ ତା ବାଗ୍ ହେୱାନିଙ୍ଗ୍ ହିନାନ୍।”

ମାତିଉ 24:31

ଆରେ ହେୱାନ୍ ଗାଜାମରିବାଜା ହୁଦାଙ୍ଗ୍ ଜାର୍ ଦୁତ୍‌କୁକାଙ୍ଗ୍ ପୁର୍ତିତାକେ ପକ୍‌ନାନ୍। ଆରେ ହେୱାର୍ ବାଦାଡ଼୍ ୱିସ୍ତିତାଙ୍ଗ୍ ହାନାର୍। ଆରେ ବାଚିକିତି ମାନାୟାରିଙ୍ଗ୍ ୱିଜୁ ନିପ୍‌ଣି କନାତାଙ୍ଗ୍ ରବେ ରୁଣ୍ଡାଇ କିନାର୍।

ମାତିଉ 3:2

“ପାପ୍ କାମାୟ୍ ପିସ୍ତି ମାପୃତାକେ ୱାଡ। ଇନେସ୍‌କି ଈଶ୍ୱର ସାସନ୍ କିନି ରାଜି ଲାଗେ ଇକାୱାତାତେ।”

ମାତିଉ 8:10

ଯୀଶୁ ଇଦାଙ୍ଗ୍ ୱେନ୍‌ଞ୍ଜି ଚାନିଆ ଆତାନ୍। ତାପାଚେ ୱାଜିମାଚି ମାନାୟାରିଙ୍ଗ୍ ୱେଚ୍‌ଚାନ୍, ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଯେ ଇଲେକେ ପାର୍ତି କିନାକାରିଙ୍ଗ୍ ଇସ୍ରାଏଲତ ମାନି ମାନାୟାର୍‌ତାକେ ଇନେର୍‌ତାକେ ପା ହୁଡ଼୍‌ୱାତାଙ୍ଗ୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:37

ହେ ହଲିଆହିର୍ ବାଗ୍ଯ, ଇମ୍‌ଣାକାରିଙ୍ଗ୍ ମାଲିକ୍ ୱାଜି ହୁଡ଼୍‌ତାନ୍ ଯେ ହେୱାର୍ ଜାଗ୍ରତ୍ ଆଜି ହେୱାନିଙ୍ଗ୍ କାତାର୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗ୍। ମାଲିକ୍ ପା ହଲିଆ ଲେକେ ଆଜି ହେୱାରିଙ୍ଗ୍ ହେବା କିଦେଙ୍ଗ୍ ଇଚାକିନାନ୍। ଆରେ ନିଜେ କାଦି ବାଟାକିଜି ହିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:22

ତାପାଚେ ଲାଜର୍‌ ହାଃତାନ୍। ସରଗ୍‌ଦୁତ୍‌କୁ ୱାତିକ୍ ଆରେ ମା ଆକଦାଦି ଅବ୍ରାହାମ୍‌ ଲାଗାୟ୍ ଅତିକ୍‌। ଆରେ କେତ୍‌ଦିନ୍ ପାଚେ ସାଉକାର୍ ମାନାୟ୍ ପା ହାଃତାନ୍ ଆରେ ହେୱାନିଙ୍ଗ୍ ମୁଚ୍‍ଚାର୍।

ପକ୍ୟାତାକା 10:45

ଲାଗିଙ୍ଗ୍ ବିନ୍‌ଜାତିନି ମାନାୟାରିଙ୍ଗ୍ ପା ପବିତ୍ର ଆତ୍ମାନି ବର୍‌ଦାନ୍ ପାୟାଆତାକା ହୁଡ଼୍‌ଜି, ପିତର ହୁଦାଙ୍ଗ୍ ୱାଜିମାଚି ଯିହୁଦି ଜାତିନି ପାର୍ତିକିନି ମାନାୟାର୍ ଚାନିଆଆତାର୍।

ପକ୍ୟାତାକା 11:18

ଯିହୁଦି ଜାତିର୍ ପାର୍ତି କିନାକାର୍ ଇ ୱିଜୁବେଣ୍ ୱେଚାର୍ ହେୱାର୍ ଚିମ୍ରା ଆଜି ମାଚାର୍। ଆରେ ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ୱେଚ୍‌ଚାର୍, “ଲାଗିଙ୍ଗ୍ ଈଶ୍ୱର ବିନ୍‌ଜାତିରିଙ୍ଗ୍ ପା ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଦାନ୍ କିତାନ୍‌ନା।”

ପକ୍ୟାତାକା 14:22

ଆରେ ହେୱାର୍ ୱିଜୁ ସହର୍‌ତାକେ ମାନି ପାର୍ତିକିନି ଚେଲାହିର୍ ମେହାଆଜି ହେୱାରିଙ୍ଗ୍ ଶାନ୍ତି କିଜି ମାଚାର୍। ଆରେ ହେୱାର୍ ହେୱାରିଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାହାସ୍‌ନି କାତା ୱେଚ୍‌ଚାର୍। ଆରେ ହେୱାର୍ ୱେଚ୍‌ଚାର୍, “ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ମାଙ୍ଗେଙ୍ଗ୍ ବେସି ଦୁକ୍‌କଷ୍ଟ ପାୟାଆନାକା ଆନାତ୍।”

ପକ୍ୟାତାକା 14:27

ହେୱାର୍ ହେ ସହର୍‌ତାକେ ଇକାତାର୍, ଆରେ ମଣ୍ଡ୍‌ଲିନି ମାନାୟାରିଙ୍ଗ୍ ରବେ କୁକ୍‌ତାର୍‌। ହେୱାର୍ ଈଶ୍ୱର ସାଇଜତାଙ୍ଗ୍ ଇନା-ଇନା କାମାୟ୍ କିତାର୍, ଆରେ ଈଶ୍ୱର ବିନ୍‌ଜାତିନି ମାନାୟାରିଙ୍ଗ୍ ଯୀଶୁତାକେ ପାର୍ତି କିଦେଙ୍ଗ୍ ସୁଯଗ୍ ହିତି ୱିଜୁ ବିଷୟ ହେୱାରିଙ୍ଗ୍ ୱେଚ୍‌ଚାର୍।

୧ କରନ୍ତିୟ 15:20

ମାତର୍ ଖ୍ରୀଷ୍ଟ ଆରେରଗ ଜିବୁନ୍ ଆତାନ୍‌ନା। ହେୱାନ୍ ନେ ର ଗାଜା ତାସ୍‌ଲେକେ ପାର୍ତୁମ୍ ହାଃତାକାର୍‌ତାଙ୍ଗ୍ ଜିବୁନ୍ ଆତାନ୍‌ନା।

୧ କରନ୍ତିୟ 6:9

ଏପେଙ୍ଗ୍ ତ ପୁଚାଦେର୍‌ନା ଇମ୍‌ଣି ମାନାୟ୍ କରାପ୍ କାମାୟ୍ କିନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍। ଏପେଙ୍ଗ୍ ଜାର୍‌ତିଙ୍ଗ୍ ଟକାୟ୍ କିୟାଆମାଟ୍। ଇନେସ୍‌କି ଇମ୍‌ଣି ମାନାୟାର୍ ହୁଞ୍ଜା ମାଗା ଆନି ପାପ୍, ମୁର୍ତି ପୁଜା, ଦାରି କାମାୟ୍, ଆଣ୍ଡ୍ରାଙ୍ଗ୍ ଦାରି କାମାୟ୍,

ଏପିସିୟ 3:6

ଈଶ୍ୱର ଡ଼ୁକ୍‌ତି ଜଜ୍‌ନା ଇଦାଙ୍ଗ୍ ଯେ, ହାର୍ଦିକାବୁର୍ କାଜିଙ୍ଗ୍ ଯୀଶୁ ଖ୍ରୀଷ୍ଟତାକେ ଆପେଙ୍ଗ୍ ରବେ ଆତି କାଜିଙ୍ଗ୍ ବିନ୍‌ଜାତିର୍ ପା ଯିହୁଦିର୍ ଲେକେ ହାମାନ୍ ଆଦିକାର୍ ପାୟାଆତାର୍‌ନା। ହେୱାର୍ ର ଗାଗାଡ଼୍, ଆରେ ଈଶ୍ୱର ପାର୍ମାଣ୍‌ତାକେ ମାହା ଆତାର୍‌ନା।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।

୨ ଥେସଲନୀକିୟ 1:5

ଏପେଙ୍ଗ୍ ଈଶ୍ୱର ସାସନ୍ କିନି ରାଜିତାକେ ହାନି କାଜିଙ୍ଗ୍ ଦୁଃକ୍ କଷ୍ଟ ପାୟାଆନାଦେରା, ଆରେ ହେ ଦୁଃକ୍ କଷ୍ଟ କାଜିଙ୍ଗ୍ ଈଶ୍ୱର ତା ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଯଗ୍ଯ କିନାନ୍।