ମାତିଉ 7:23 - New Testament in Pengo Parja Language

²³ ହେପାଦ୍ନା ଆନେଙ୍ଗ୍ ହେୱାରିଙ୍ଗ୍ ହାର୍‌ଦାଙ୍ଗ୍ ୱେଚ୍‌ନାଙ୍ଗ୍, ଆନେଙ୍ଗ୍ ମିଙ୍ଗେଙ୍ଗ୍ ଇନାୱେଡ଼ାଙ୍ଗ୍ ପା ପୁଞ୍ଜୁଙ୍ଗ୍। ଏ ଅଦରମ୍‌ନି ମାନାୟାର୍ ନା ଲାଗାୟ୍‌ତାଙ୍ଗ୍ ଦେହାଆଡ।

ସତ୍‌ ବଚନ୍‌ ପୁନି ନିୟମ୍‌

²³ ହେ ପାଦ୍‌ନା ହେୱାରିଂ ଆନ୍‌ ଇନାଙ୍ଗ୍‌, ମିଙ୍ଗେଙ୍ଗ୍‌ ଆନ୍‌ ପୁଞ୍ଜୁଙ୍ଗ୍‌ । ବାନ୍ୟାକାଦେର୍‌, ନା ଲାଗାଂତାଂ ଗୁଚା ଆଡ !”

ମାତିଉ 7:23 ပူးပေါင်းရင်းမြစ်များ

ମାତିଉ 25:12

ମାତର୍ ବର ୱେଚ୍‌ଚାନ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଆନେଙ୍ଗ୍ ମିଙ୍ଗେଙ୍ଗ୍ ପୁଞ୍ଜୁଙ୍ଗ୍।’

ମାତିଉ 25:41

ତାପାଚେ ରାଜା ତା ଡେବା ବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାନ୍, ‘ନାବେତାଙ୍ଗ୍ ହାଲାଟ୍। ଈଶ୍ୱର ମି କାଜିଙ୍ଗ୍ ଦଣ୍ଡ୍ ବାଚି କିତାନ୍‌ନା। ଏପେଙ୍ଗ୍ ୱିଜୁଦିନ୍ କାଚାଆନି ନାଣିତାକେ ହାନାଦେର୍। ଇନେସ୍‌କି ଶୟତାନ ଆରେ ତା ଦୁତ୍‌କୁକାଜିଙ୍ଗ୍ ରହିଆତାତ୍‌ନା।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:25

ଯଦି ଈଶ୍ୱର ତା ଇଲ୍‌ନି କାପାଟ୍ ଗେସ୍ତିତିସ୍, ଲାଗିଙ୍ଗ୍ ଏପେଙ୍ଗ୍ ବାର୍ତ ନିଲ୍‌ଚି କାପାଟ୍ ଇହ୍‌ନାଦେର୍। ମାତର୍ ହେୱାନ୍ କାପାଟ୍ ଜେତୁନ୍। ଏପେଙ୍ଗ୍ ୱେଚ୍‌ନାଦେର୍, ‘ମାପୃ, ମାପୃ, ମା କାଜିଙ୍ଗ୍ ଦୁୱେର୍ ଜେତା।’ ମାତର୍ ହେୱାନ୍ ଇଞ୍ଜ୍‌ନାନ୍ ଆନେଙ୍ଗ୍ ମିଙ୍ଗେଙ୍ଗ୍ ପୁଞ୍ଜ୍‌ୱାତାଙ୍ଗ୍‌ନା, ‘ଏପେଙ୍ଗ୍ ଇମେତାଙ୍ଗ୍ ୱାତାଦେର୍‌ନା?’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:27

ତାପାଚେ ହେୱାନ୍ ମିଙ୍ଗେଙ୍ଗ୍ ୱେଚ୍‌ଚାନାନ୍, ‘ଆନେଙ୍ଗ୍ ମିଙ୍ଗେଙ୍ଗ୍ ପୁଞ୍ଜ୍‌ୱାତାଙ୍ଗ୍‌ନା। ଏପେଙ୍ଗ୍ ଇମେତାଙ୍ଗ୍ ୱାତାଦେର୍‌ନା? ଏପେଙ୍ଗ୍ ବାନ୍ଯା କାମାୟ୍ କିନାକାଦେର୍ ନା ଲାଗାୟ୍‌ତାଙ୍ଗ୍ ହାଲାଟ୍।’

ଜହନ୍‌ 10:14

ଆନେଙ୍ଗ୍ ହାର୍ଦି ମେଣ୍ଢାଗଡ଼ିଆ। ଆବା ଈଶ୍ୱର ନାଙ୍ଗେଙ୍ଗ୍ ଇନେସ୍ ପୁନ୍‌ଞ୍ଚାନ୍‌ନା, ଆନେଙ୍ଗ୍ ପା ହେଲେକେ ଆବା ଈଶ୍ୱରତିଙ୍ଗ୍ ପୁଚାଙ୍ଗ୍‌ନା।

୨ ତିମଥି 2:19

ପାଉଣ୍ଡେସେନ୍ ଇନେସ୍ ପୁରା ଆଟ୍‌ୱା ଆଜି ମାନ୍‌ଗାନାତ୍ ହେଲେକେ ଈଶ୍ୱର ମାନାୟାର୍ ମାନ୍‌ଗାନାର୍। ଇ ପାଉଣ୍ଡେସେନ୍ ଜପି ଇଦାଙ୍ଗ୍ ଲେକାଆତାତ୍‌ନା, “ମାପୃ ତା ଜାର୍ ମାନାୟାରିଙ୍ଗ୍ ପୁଚାନ୍‌ନା।” ଆରେ, “ଇନେର୍ ମାପୃ ତର୍‍ଦାଙ୍ଗ୍ ହେବା କିନାନ୍, ହେୱାନ୍ କରାପ୍ କାମାୟ୍ କିନାକା ପିହେନ୍।”

ହତ୍‌ତି 22:15

ମାତର୍ ନିକୁଡ଼୍‌ଲେକେ ଇମ୍‌ଣି ମାନାୟାର୍ କରାପ୍ କାମାୟ୍ କିନାର୍, ଯାଦୁ ମନ୍ତର୍ କିନାର୍, ଦାରି କାମାୟ୍ କିନାର୍, ମାନାୟାରିଙ୍ଗ୍ ଅହ୍‌ନାର୍, ମୁର୍ତି ପୁଜାକିଜି ମାନାର୍ ଆରେ ମିଚ୍ ୱେଚ୍‌ନି ମାନାୟାର୍ ସହର୍ ବାର୍ତ ମାନାର୍।