ମାତିଉ 6:9 - New Testament in Pengo Parja Language

⁹ ଏପେଙ୍ଗ୍ ଇଲେକେ ପାର୍ତାନା କିୟାଟ୍, ‘ଏ ମା ସରଗ୍‌ନି ଆବା, ନି ତର୍‌ ଈଶ୍ୱରଆତ୍ମା ଇଞ୍ଜି ମାନିକିନାପ୍।

ସତ୍‌ ବଚନ୍‌ ପୁନି ନିୟମ୍‌

⁹ ଲାଗିଂ ଏପେଙ୍ଗ୍‌ ଇବାନି ପାର୍ତାନା କିନାଦେର୍‌; ଏ ମା ସାର୍ଗେନି ଆବା, ନି ତର୍‌ ପୁଇପୁୟା ଇଞ୍ଜି ମାନି ଆୟେତ୍‌ ।

ମାତିଉ 6:9 ပူးပေါင်းရင်းမြစ်များ

ମାତିଉ 10:29

ଏପେଙ୍ଗ୍ କଡିହାଡ଼ା ପଟିକାଙ୍ଗ୍ ବାବିକିଜି ହୁଡ଼ାଟ୍। ରିଣ୍ଡି କଡିହାଡ଼ା ପଟିଙ୍ଗ୍ ଅଲପ୍ ଡାବୁକାଙ୍ଗ୍ ପୟିଆନିକ୍, ମାତର୍ ହେ ପଟିଙ୍ଗ୍ ବିତ୍ରେତାଙ୍ଗ୍ ରଞ୍ଜାଙ୍ଗ୍ ପା ପଟି ମେଦ୍‌ନିତ ଆର୍ଜି ହାଃନାତ୍ ହେଦାଙ୍ଗ୍ ପା ଈଶ୍ୱର ପୁଚାନ୍‌ନା। ଇନେସ୍‌କି ହେୱାନ୍ ୱିଜାକାରିଙ୍ଗ୍ ଜାତୁନ୍ ଅନାନ୍।

ମାତିଉ 23:9

ଆରେ ପୁର୍ତିତାକେ ଇନେରିଙ୍ଗ୍ ଆଁ ଆବା ଇଞ୍ଜି ହିର୍‌ବାନାକା ଉଚିତ୍ ଆକାଇ। ଇନେସ୍‌କି ମି ଆବା ଆପ୍‌କା ରକାନ୍ ହେୱାନ୍ ସରଗ୍‌ତାକେ ମାନାନ୍।

ମାତିଉ 26:29

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ନା ଆବା ଈଶ୍ୱର ସାସନ୍ କିନି ରାଜିତାକେ ମିହୁଦାଙ୍ଗ୍ ପୁଃନି ଅଙ୍ଗୁର୍ ରାସ୍ ଉଣି ପାତେକ୍ ଆନେଙ୍ଗ୍ ଆରେ ଇନାୱେଡ଼ାଙ୍ଗ୍ ପା ଇ ଅଙ୍ଗୁର୍ ରାସ୍ ଉଣୁଙ୍ଗ୍।”

ମାତିଉ 26:42

ଆରେରଗ ଯୀଶୁ ହାଚାନ୍, ଆରେ ପାର୍ତାନା କିତାନ୍, “ଏ ନା ଆବା, ଯଦି ଇ କଷ୍ଟନି ବାହା ନାବେତାଙ୍ଗ୍ ଦେହାଆୱିତିସ୍, ହେଲେକେ ଆୟେତ୍ ହେଦାଙ୍ଗ୍ ଆନେଙ୍ଗ୍ ଉଣାଙ୍ଗ୍। ଲାଗିଙ୍ଗ୍ ଆନେଙ୍ଗ୍ ପାର୍ତାନା କିନାଙ୍ଗା ଯେ, ଏନେଙ୍ଗ୍ ଇନାକା ଇଚା କିନାୟା ହେଦାଙ୍ଗ୍‌ନେ ଆଏତ୍।”

ମାତିଉ 5:16

ହେଲେକେ ମି ବଇଟାନି ଅଜଡ଼୍ ମାନାୟ୍ ମୁମ୍‌ଦ ଚଞ୍ଜିଆ ଆୟେତ୍, ଇନେସ୍‌କି ହେୱାର୍ ମି ହାର୍ଦି କାମାୟ୍ ହୁଡ଼୍‌ଜି ସରଗ୍‌ନି ଆବାଙ୍ଗ୍‌ ଜୟ୍-ଜୟ୍ କିନାର୍।

ମାତିଉ 5:48

ଲାଗିଙ୍ଗ୍ ମି ସରଗ୍‌ନି ଆବା ଇନେସ୍‌କି ହାର୍ ମାନାନ୍, ଏପେଙ୍ଗ୍ ପା ହେଲେକେ ହାର୍ ଆଡୁ।”

ମାତିଉ 6:14

ମାତର୍ ଏଚେପାଦ୍ନା ମି ବିରୁଦ୍ ନିକାରିଙ୍ଗ୍ ପାପ୍ କେମା କିତିସ୍, ଲାଗିଙ୍ଗ୍ ମି ସରଗ୍‌ନି ଆବା ପା ମିଙ୍ଗେଙ୍ଗ୍ ପାପ୍ କେମା କିଦ୍‌ନାନ୍।

ମାତିଉ 6:6

ମାତର୍ ଏପେଙ୍ଗ୍ ପାର୍ତାନା କିନିହିଙ୍ଗ୍ ମି ବିତ୍ରେ ଇଞ୍ଜ ହାଲାଟ୍, ଆରେ ଏପେଙ୍ଗ୍ କାପାଟ୍ ଗେସ୍ତି ମି ଡ଼ୁକ୍‌ତି ସରଗ୍‌ନି ଆବା ମୁମ୍‌ଦ ପାର୍ତାନା କିୟାଟ୍। ଲାଗିଙ୍ଗ୍ ମି ସରଗ୍‌ନି ଆବା, ଇନେସ୍‌କି ମି କାପାଟ୍ ଗେସ୍ତି ପାର୍ତାନା କିନାକା ହୁଡ଼୍‌ଦାନାନ୍। ଆରେ ହେୱାନ୍ ମିଙ୍ଗେଙ୍ଗ୍ ପାଡ଼୍‌ ହିଦ୍‌ନାନ୍।

ମାତିଉ 7:11

ଏପେଙ୍ଗ୍ ବାନ୍ଯା ମାନାୟ୍ ଆଜି ମାଚିସ୍ ପା ମି ହିମ୍‌ଣାକାଙ୍ଗ୍ ଇନେସ୍ ଲେଗ୍‌ଦି ହାର୍ଦି ଜିନିଷ୍ ହିଦେଙ୍ଗ୍ ପୁନାଦେର୍। ଲାଗିଙ୍ଗ୍ ସରଗ୍‌ତାକେ ମାନି ମି ଆବା ପୁନାନ୍ ଯେ ହେୱାନିଙ୍ଗ୍ ଏନ୍‌ନି ମାନାୟାରିଙ୍ଗ୍ ହେୱାନ୍ ହାର୍ଦି ଜିନିଷ୍ ହିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:18

ଆନେଙ୍ଗ୍ ଇବାହା ପିସ୍ତି ମାଞ୍ଜ୍‌ବା ଲାଗାୟ୍ ହାନାଙ୍ଗ୍। ଆନେଙ୍ଗ୍ ଆବାଙ୍ଗ୍ ୱେଚ୍‌ନାଙ୍ଗ୍, ‘ଆବା, ଆନେଙ୍ଗ୍ ଈଶ୍ୱର ବିରୁଦ୍‌ତାକେ ଆରେ ନି ବିରୁଦ୍‌ତାକେ ପାପ୍ କାମାୟ୍ କିତାଙ୍ଗ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:21

ହିମ୍‌ଣା ତାଞ୍ଜିବାଙ୍ଗ୍ ୱେଚ୍‌ଚାନ୍, ‘ଆବା, ଆନେଙ୍ଗ୍ ଈଶ୍ୱର ବିରୁଦ୍‌ତାକେ ଆରେ ନି ବିରୁଦ୍‌ତାକେ ପାପ୍ କିତାଙ୍ଗ୍‌ନା। ଆନେଙ୍ଗ୍ ନି ହିମ୍‌ଣା ଆନି ଆଦିକାର୍ ଆକାୟ୍।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:14

“ସରଗ୍‌ତାକେ ମାନି ଈଶ୍ୱରତିଙ୍ଗ୍ ଜୟ୍-ଜୟ୍‌ ଆୟେତ୍, ଆରେ ଇ ପୁର୍ତିତାକେ ଇମ୍‌ଣି ମାନାୟାରିଙ୍ଗ୍ ଈଶ୍ୱର ଦୟା କିନାନ୍ ହେୱାରିଙ୍ଗ୍ ଶାନ୍ତି ଆୟେତ୍।”

ଜହନ୍‌ 20:17

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ ଆସ୍ତେଦେଙ୍ଗ୍ ଉପାୟ୍ କିଦ୍‌ମା। ଆନେଙ୍ଗ୍ ନଙ୍ଗୟ୍ ପାତେକ୍ ଆବା ଈଶ୍ୱରତାକେ ହାଲ୍‌ୱାତାଙ୍ଗ୍‌ନା। ମାତର୍ ଏନେଙ୍ଗ୍ ହାଲ୍‌ଜି ନା ଟଣ୍ଡାରିଙ୍ଗ୍ ୱେଚା, ଆନେଙ୍ଗ୍ ମି ଆରେ ନା ଆବାତାକେ ହାନାଙ୍ଗା। ଆରେ ମି ଆରେ ନା ଈଶ୍ୱରତାକେ ହାନାଙ୍ଗା।”

ରୋମିୟ 1:7

ଆନେଙ୍ଗ୍ ଇ ଚିଟି ରୋମ ସହରନି ମାନାୟାର୍ କାଜିଙ୍ଗ୍ ଲେକିକିନାଙ୍ଗା, ଈଶ୍ୱର ମିଙ୍ଗେଙ୍ଗ୍ ବେସି ଲାଡ୍ କିଦ୍‌ନାନା ଆରେ ମିଙ୍ଗେଙ୍ଗ୍ ତା ଜାର୍ ଲକ୍ ଆନି କାଜିଙ୍ଗ୍ ବାଚି କିତ୍‌ତାନ୍‌ନା। ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍।

ରୋମିୟ 8:15

ଲାଗିଙ୍ଗ୍ ଏପେଙ୍ଗ୍ ଚାକର୍ ଆଜି ଈଶ୍ୱରତିଙ୍ଗ୍ ପାଣ୍ଡ୍ରାଆନି ଆତ୍ମା ପାୟା ଆୱାତାଦେର୍‌ନା, ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ଈଶ୍ୱର ମେହିର୍ କିଜି ତା କୁଟୁମ୍‌ତାକେ ମାହାୟ୍ କିତ୍‌ତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଈଶ୍ୱରତିଙ୍ଗ୍, “ଆବା-ଆବା ଇଞ୍ଜି ହିର୍‌ବାନାସା।”

ଗାଲାତିୟ 1:1

ଆନେଙ୍ଗ୍ ବାଚିକିତି ଚେଲା ପାଉଲ ଇ ଚିଟି ଲେକିକିନାଙ୍ଗା। ଆନେଙ୍ଗ୍ ରକାଙ୍ଗ୍ ବାଚିକିତି ଚେଲା। ଆନେଙ୍ଗ୍ ଇନେର୍ ଆଦିକାର୍‌ତାକେ କି ମାନାୟ୍ ନାଙ୍ଗେଙ୍ଗ୍ ବାଚି କିଦ୍‌ୱାତାର୍‌ନା, ମାତର୍ ଯୀଶୁ ଖ୍ରୀଷ୍ଟ ଆରେ ଆବା ଈଶ୍ୱର ନାଙ୍ଗେଙ୍ଗ୍ ବାଚି କିତ୍‌ତାର୍‌ନା। ହେ ଈଶ୍ୱର ଯୀଶୁଙ୍ଗ୍ ହାଃତି ମାନାୟାର୍‌ତାଙ୍ଗ୍ ଜିବୁନ୍ କିଜି ନିକ୍ତାନ୍‌ନା।

ଗାଲାତିୟ 4:6

ଆରେ ଆସେଙ୍ଗ୍ ତା ହିମ୍‌ଣା ଆତି କାଜିଙ୍ଗ୍, ଈଶ୍ୱର ତା ହିମ୍‌ଣାନି ଆତ୍ମାତିଙ୍ଗ୍ ମା ଗରବ୍ ବିତ୍ରେ ପକ୍ତାତାନ୍‌ନା। ହେ ଆତ୍ମା ଆବା ପିତା ଇଞ୍ଜି କୁକ୍‍ତେଙ୍ଗ୍ ମାଙ୍ଗେଙ୍ଗ୍ ସାହାସ୍ ହିଦ୍‌ନାତା।

୧ ତିମତି 6:16

ହେୱାନ୍ ରକାନ୍ ଇନାୱେଡ଼ାଙ୍ଗ୍ ପା ହାଃଉନ୍, ଆରେ ହେୱାନ୍ ବେସି ଅଜଡ଼୍‌ତାକେ ମାନାନ୍ ଆରେ ତା ଲାଗାୟ୍ ଇନେର୍ ପା ହାଞ୍ଜେଙ୍ଗ୍ ଆଡୁର୍। ହେୱାନିଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା କି ହୁଡ଼୍‌ଦେଙ୍ଗ୍ ଆଡୁର୍, ମାନାୟାର୍ ହେୱାନିଙ୍ଗ୍ ସନ୍‌ମାନ୍ ହିନାର୍, ଆରେ ହେୱାନ୍ ୱିଜୁଦିନ୍ ଶାକ୍ତି ମାନ୍‌ଗାନାନ୍।

୧ ପିତର 1:17

ଈଶ୍ୱର ୱିଜାକାର୍ କିତି କାମାୟ୍‌ତିଙ୍ଗ୍ ପୁନାନା, ଆରେ ହେୱାନ୍ ୱିଜାରିଙ୍ଗ୍ ହାମାନ୍ ବିଚାର୍ କିନାନ୍। ଏପେଙ୍ଗ୍ ଏଚେପାଦ୍ନା ଈଶ୍ୱରତିଙ୍ଗ୍ ଆବା ଇଞ୍ଜି ପାର୍ତାନା କିନାଦେରା, ହେପାଦ୍ନା ଏପେଙ୍ଗ୍ ଇ ପୁର୍ତିତାକେ ବିନ୍ ଦେସ୍‌ତାକେ ମାନିଲେକେ ଈଶ୍ୱରତିଙ୍ଗ୍ ପାଣ୍ଡ୍ରାଆଜି ଜିବୁନ୍ କାଟିକିନି ଦର୍‌କାର୍।

ହତ୍‌ତି 4:11

“ମା ମାପୃ, ଈଶ୍ୱର, ଏନେଙ୍ଗ୍ ଜୟ୍-ଜୟ୍ ପାୟାଆନି ଦର୍‌କାର୍। ଏନେଙ୍ଗ୍ ସନ୍‌ମାନ୍ ପାୟାଆନି ଦର୍‌କାର୍ ଆରେ ନିଙ୍ଗେଙ୍ଗ୍ ଶାକ୍ତି ମାଚି କାଜିଙ୍ଗ୍ ୱିଜୁ ଜିନିଷ୍ ଉବ୍‌ଜାଇ କିତାୟ୍‍ନା। ଏନେଙ୍ଗ୍ ଇଚାକିତି କାଜିଙ୍ଗ୍ ହେ ୱିଜୁ ଜିନିଷ୍‌ତିଙ୍ଗ୍ ଉବ୍‌ଜା ଆତାତ୍‌ନା ଆରେ ମାନାତା।”

ହତ୍‌ତି 5:12

ହେୱାର୍ ଗାଜା କାଟ୍‌ତାଙ୍ଗ୍ ଦନ୍ଯବାଦ୍‍କିଜି ଇଲେକେ କେର୍‌ଜି ମାଚାର୍, “ହାଃଜି ମାଚି ମେଣ୍ଢା ଇନେର୍‌କି ଯୀଶୁ ଜୟ୍-ଜୟ୍ ପାୟାଆନି ଯଗ୍ୟ ମାନାତ୍, ତାଙ୍ଗେଙ୍ଗ୍ ଗାଜା ଅଦିକାର୍ ମାନାତ୍। ତାଙ୍ଗେଙ୍ଗ୍ ବେସି ଜ୍ଞାନ୍ ମାନାତ୍। ହେୱାନିଙ୍ଗ୍‌ନେ ବେସି ଶାକ୍ତି ମାନାତ୍। ହେୱାନ୍ ନେ ହାତ୍‌ପା ହାଉକାର୍, ହେୱାନ୍ ସନ୍‌ମାନ୍ ପାୟାଆନି ଯଗ୍ୟ, ହେୱାନ୍ ଗୌରବ ପାୟାଆନି ଯଗ୍ୟ, ହେୱାନ୍ ଜୟ୍-ଜୟ୍ ପାୟାଆନି ଯଗ୍ୟ।”