ମାତିଉ 6:4 - New Testament in Pengo Parja Language

⁴ ହେଲେକେ ମି ଦାନ୍ ହିନାକା ଡ଼ୁକ୍‌ଚି ହିତିଲେକେ ଆନାତ୍, ଆରେ ମି ସରଗ୍‌ନି ଆବା ପା ହେ ୱିଜୁ ହୁଡ଼୍‌ଦାନାନ୍, ହେୱାନ୍ ମିଙ୍ଗେଙ୍ଗ୍ ପାଡ଼୍‌ ହିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

⁴ ଇନେସ୍‌ ମି ଦାନ୍‌ ଡ଼ୁକ୍‌ଚି ଆନାତ୍‌, ଆରେ ମି ବାୱା ଜେ ଡ଼ୁଗ୍‌ଜି ହୁଡ଼୍‍ଦାନାନ୍, ହେୱାନ୍‌ ଇ ଲାକେ ଇ ଦାନ୍‌ ଡ଼ୁଗ୍‌ଜି ହିଦ୍‌ନାନ୍‌ ।”

ମାତିଉ 6:4 ပူးပေါင်းရင်းမြစ်များ

ମାତିଉ 10:42

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ନାଙ୍ଗେଙ୍ଗ୍ ପାର୍ତିକିନି ହିରୁ ଲଗାଙ୍ଗ୍ ପା ନା ଚେଲାଇଞ୍ଜି ଯଦି ର ଗିଲାସ୍ ଏଜୁଙ୍ଗ୍ ଉଣ୍ଡେଙ୍ଗ୍ ହିନାର୍ ହେୱାନିଙ୍ଗ୍ ଈଶ୍ୱର ହାତ୍‌ପା ପୁରଷ୍କାର୍ ହିନାନ୍।”

ମାତିଉ 6:18

ଲାଗିଙ୍ଗ୍ ଏପେଙ୍ଗ୍ ଉପାସ୍ କିନାଦେରା ଇଞ୍ଜି ଇନେର୍ ପା ପୁଞ୍ଜୁର୍, ମାତର୍ ମି ସରଗ୍‌ନି ଆବା ପୁଞ୍ଜ୍‌ନାନ୍ କି ଏପେଙ୍ଗ୍ ଡ଼ୁକ୍‌ଚି ଇନାକା କିନାଦେରା। ଆରେ ମି ସରଗ୍‌ନି ଆବା ୱିଜୁ ହୁଡ଼୍‌ଦାନାନ୍ ହେୱାନ୍ ମିଙ୍ଗେଙ୍ଗ୍ ପାଡ଼୍‌ ହିଦ୍‌ନାନ୍।

ମାତିଉ 6:3

ମାତର୍ ଏପେଙ୍ଗ୍ ଦାନ୍ ହିନିହିଙ୍ଗ୍ ମି ତିନିକେଇ ଇନାକା କିନାତା, ହେଦାଙ୍ଗ୍ ମି ଡେବା କେଇ ପୁନ୍‌ମେତ୍,

ମାତିଉ 6:6

ମାତର୍ ଏପେଙ୍ଗ୍ ପାର୍ତାନା କିନିହିଙ୍ଗ୍ ମି ବିତ୍ରେ ଇଞ୍ଜ ହାଲାଟ୍, ଆରେ ଏପେଙ୍ଗ୍ କାପାଟ୍ ଗେସ୍ତି ମି ଡ଼ୁକ୍‌ତି ସରଗ୍‌ନି ଆବା ମୁମ୍‌ଦ ପାର୍ତାନା କିୟାଟ୍। ଲାଗିଙ୍ଗ୍ ମି ସରଗ୍‌ନି ଆବା, ଇନେସ୍‌କି ମି କାପାଟ୍ ଗେସ୍ତି ପାର୍ତାନା କିନାକା ହୁଡ଼୍‌ଦାନାନ୍। ଆରେ ହେୱାନ୍ ମିଙ୍ଗେଙ୍ଗ୍ ପାଡ଼୍‌ ହିଦ୍‌ନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:14

ଇ ମାନାୟାରିଙ୍ଗ୍ ଇନାକା ହିଲ୍‌ୱିତିଲେ ହେୱାର୍ ନିଙ୍ଗେଙ୍ଗ୍ ଦାନ୍‌ହିନି ବାଦୁଲ୍ ଇନାକା ହିତ୍‌ଦେଙ୍ଗ୍ ଆଡ଼୍‌ଦୁର୍। ଲାଗିଙ୍ଗ୍ ଇଦାଙ୍ଗ୍ ମି କାଜିଙ୍ଗ୍ ଆଶ୍ରିବାଦ୍ ପାୟାଆନାଦେର୍। ମାତର୍ ଏଚେପାଦ୍ନା ଦରମ୍ ମାନାୟାର୍ ହାଃତାକାର୍‌ତାଙ୍ଗ୍ ଆରେରଗ ଜିବୁନ୍ ଆନାର୍, ହେପାଦ୍ନା ଏପେଙ୍ଗ୍ ମି ପୁରଷ୍କାର୍ ପାୟାଆନାଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:17

ମାତର୍ ମାନାୟାର୍ ନଙ୍ଗୟ୍ ପାତେକ୍ ଇମ୍‌ଣି ବିଷୟ ପୁନ୍‌ୱାତାର୍‌ନା ଈଶ୍ୱର ୱିଜୁ ବିଷୟ ପୁନିକିଦ୍‍ନାନ୍। ଆରେ ଇମ୍‌ଣି କାତା ପୁନ୍‌ୱାଦାଙ୍ଗ୍ ମାନାଦେର୍ ହେ ବିଷୟ ଈଶ୍ୱର ମିଙ୍ଗେଙ୍ଗ୍ ପୁନିକିଦ୍‍ନାନ୍।

୧ କରନ୍ତିୟ 4:5

ହେଦାଙ୍ଗ୍ କାଜିଙ୍ଗ୍ ମାପୃ ଆରେରଗ ପୁର୍ତିତାକେ ୱାୱି ପାତେକ୍ ମାନାୟାରିଙ୍ଗ୍ ଏପେଙ୍ଗ୍ ବିଚାର୍ କିମାଟ୍, ଏଚେପାଦ୍ନା ମାପୃ ୱାନାନ୍‌ ହେୱାନ୍ ମାନାୟାର୍ ମାନ୍ତି କାତାତିଙ୍ଗ୍ ୱେଚ୍‌ନାନ୍, ଇମ୍‌ଣାକା ଇନେର୍ ପା ପୁନୁର୍। ହେୱାନ୍ ମାନାୟାର୍ ଗରବ୍ ବିତ୍ରେନି ଇଚାତାଙ୍ଗ୍ ପୁନିକିନାନ୍। ହେପାଦ୍ନା ଈଶ୍ୱର ୱିଜୁ ମାନାୟାରିଙ୍ଗ୍ ହେୱାର୍ ଅଦିକାର୍ ଅନୁସାରେ ସନ୍‌ମାନ୍ ହିନାନ୍।

ଏବ୍ରି 4:13

ଈଶ୍ୱର କାଣ୍‍କୁକାଙ୍ଗ୍ ଇମ୍‌ଣି ମାନାୟ୍ ପା ଡ଼ୁଗ୍‌ୱାତାର୍‌ନା। ଇନେସ୍‌କି ତା କାଣ୍‍କୁକାଙ୍ଗ୍ ୱିଜୁ ବିଷୟ ଚଞ୍ଜି ଆନାତ୍। ଆରେ ତା ମୁମ୍‌ଦ ମାଙ୍ଗେଙ୍ଗ୍ ୱିଜୁ କାତା ୱେଚ୍‌ଚେଙ୍ଗ୍ ଆନାତ୍ ଇନାକା ମା ଜିବୁନ୍ ମାନିହିଙ୍ଗ୍ କିତାସ୍‌ନା।

ଜିହୁଦା 1:24

ଈଶ୍ୱର ନେ ମିଙ୍ଗେଙ୍ଗ୍ ଉଜ୍‌ଦି ଗୁର୍‌ନିତାଙ୍ଗ୍‌ ଉଦାର୍ କିଦ୍‌ଦେଙ୍ଗ୍ ଆଡ୍‌ନାନ୍। ଆରେ ତା ଗୌରବନି ମୁମ୍‌ଦ ନିଲି କିଦ୍‌ଦେଙ୍ଗ୍ ଏଚେପାଦ୍ନା ହେୱାନ୍ ମିଙ୍ଗେଙ୍ଗ୍ ତାସିୱାଦ୍‌ନାନ୍, ହେପାଦ୍ନା ହେୱାନ୍ ମିଙ୍ଗେଙ୍ଗ୍ ପାପ୍‌ନି ଦସ୍ ହିଲ୍‌ୱି ମାନାୟ୍ ଲେକେ ଆରେ ୱାରି ହିଦ୍‌ଦେଙ୍ଗ୍ ଆଡ଼୍‌ଦାନାନ୍। ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଉବ୍‌ଜାଣ୍ ଆତି ଆରମ୍‌ତାଙ୍ଗ୍ ଗୌରବ, ଜୟ୍-ଜୟ୍ କିନାକା, ଶାକ୍ତି ଆରେ ଆଦିକାର୍ ହେୱାନ୍‌ତି, ଆରେ ନଙ୍ଗୟ୍ ପା ହେୱାନ୍‌ତି, ଆରେ ୱିଜ୍‌ୱିଦିନ୍ କାଜିଙ୍ଗ୍ ହେୱାନ୍‌ତି ମାନ୍‌ଗାନାତ୍। ଆମେନ୍।

ହତ୍‌ତି 2:23

ଆନେଙ୍ଗ୍ ତା ହିକ୍ଷାତିଙ୍ଗ୍ ମାନି କିନାକାରିଙ୍ଗ୍ ମାର୍ନେ ଅହ୍‌ନାଙ୍ଗ୍, ଲାଗିଙ୍ଗ୍ ୱିଜୁ ମଣ୍ଡ୍‌ଲିନି ମାନାୟାର୍ ପୁନାର୍ ଯେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ୱିଜାର୍ ମାନ୍ତି ବାବ୍‌ନାତିଙ୍ଗ୍ ଆରେ ଚିନ୍ତାତିଙ୍ଗ୍ ପୁନି ମାନାୟ୍। ଆରେ ଆନେଙ୍ଗ୍ ମି ଜାର୍-ଜାର୍ କାମାୟ୍ ଅନୁସାରେ ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାଙ୍ଗ୍।