ମାତିଉ 6:24 - New Testament in Pengo Parja Language

²⁴ ରକାନ୍ ହଲିଆ ରଞ୍ଜେମାଡ୍ ରିକାର୍ ମାଲିକ୍‌ତିଙ୍ଗ୍ ହେବା କିଦେଙ୍ଗ୍ ଆଡୁନ୍। ଲାଗିଙ୍ଗ୍ ହେୱାନ୍ ରକାନିଙ୍ଗ୍ ଆକାର୍ ଆନାନ୍ ଆରେ ଜେକନିକାରିଙ୍ଗ୍ ଲାଡ୍ କିନାନ୍, ରକାନିଙ୍ଗ୍ ଇଚା ଆନାତ୍ ଆରେ ଜେକନିକାରିଙ୍ଗ୍ ଗିଣ୍ କିନାନ୍। ଏପେଙ୍ଗ୍ ଈଶ୍ୱର ଆରେ ଦନ୍ ଇ ରିଣ୍ଡେକାଙ୍ଗ୍ ହେବା କିଦେଙ୍ଗ୍ ଆଡୁଦେର୍।”

ସତ୍‌ ବଚନ୍‌ ପୁନି ନିୟମ୍‌

²⁴ “ରକାନ୍‌ ମାନାୟ୍‌ ରି ମାପ୍ରୁତି ଆଡ଼ିଏନ୍‌ ଆଦେଂ ଆଡୁନ୍‌; ଇନାକିଦେଂକି ହେୱାନ୍‌ ରକାନିଂ ଗିଣ୍‌ କିନାନ୍‌ ଆରି ବିନ୍‌ ଲଗାଂ ଜିଉନନାନ୍, ଆୱିତିସ୍‌ ରକାନ୍‌ ପାଚେ ହାନାନ୍ ଆରି ବିନ୍‌ ନିକାନିଂ ମାନିକିଉନ୍‌ । ଏପେଙ୍ଗ୍‌ ଇସ୍ୱର୍‌ ଆରି ଦାନ୍‌, ରିୟାର୍‌ତି ଆଡ଼ିଏନ୍‌ ଆଦେଂ ଆଡୁନ୍‌ ।”

ମାତିଉ 6:24 ပူးပေါင်းရင်းမြစ်များ

ମାତିଉ 4:10

ହେବେ ଯୀଶୁ ତାଙ୍ଗେଙ୍ଗ୍ ୱେଚ୍‌ଚାନ୍, “ନାବେତାଙ୍ଗ୍ ଦେହା ଆ ଶୟତାନ, ‘ଲାଗିଙ୍ଗ୍ ଈଶ୍ୱର ସାସ୍ତର୍‌ତାକେ ଲେକା ମାନାତ୍, ଏପେଙ୍ଗ୍ ଜାର୍ ମାପୃତିଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିନାଦେର୍, ଆରେ ହେୱାନିଙ୍ଗ୍‌ନେ ହେବା କିନାଦେର୍।’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:11

ଏପେଙ୍ଗ୍ ଯଦି ଇ ଯୁଗ୍‌ନି ଦନ୍ ସମ୍ପତି ହାର୍ଦି କାମାୟ୍ କାଜିଙ୍ଗ୍ ବାଉରା ଆୱିତିସ୍, ଈଶ୍ୱର ପା ସରଗ୍‌ନି ଦନ୍ ସମ୍ପତି ହିଦୁନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:13

ରକାନ୍ ହଲିଆ ରିକାର୍ ମାଲିକ୍‌ତିଙ୍ଗ୍ ହେବା କିଦେଙ୍ଗ୍ ଆଡୁନ୍। ଲାଗିଙ୍ଗ୍ ହେୱାନ୍ ରକାନିଙ୍ଗ୍ ଆକାର୍ ଆନାନ୍ ଆରେ ରକାନିଙ୍ଗ୍ ଲାଡ୍ କିନାନ୍। ଏଲେଙ୍ଗ୍ ଆୱିତିସ୍‌ ରକାନିଙ୍ଗ୍ ଇଚା ଆନାତ୍ ଆରେ ରକାନିଙ୍ଗ୍ ଗିଣ୍ କିନାନ୍। ଏପେଙ୍ଗ୍ ଈଶ୍ୱର ଆରେ ଦନ୍ ଇ ରିଣ୍ଡେକାଙ୍ଗ୍ ହେବା କିଦେଙ୍ଗ୍ ଆଡୁଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:9

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ପୁର୍ତିନି ଦନ୍ ହିଜି ସାଙ୍ଗ ରହାଟ୍। ଏଚେକାଡ଼୍‌ଦ ଏପେଙ୍ଗ୍ ହାଃନାଦେର୍, ଈଶ୍ୱର ମିଙ୍ଗେଙ୍ଗ୍ ସରଗ୍‌ତାକେ ମାନି ଇଞ୍ଜ ଆସ୍ତାନାନ୍।

ଗାଲାତିୟ 1:10

ସତ୍‌ରେ ଆନେଙ୍ଗ୍ ମାନାୟାରିଙ୍ଗ୍ ୱାରି କିୟିକିଦେଙ୍ଗ୍ ଉପାୟ୍ କିଉଙ୍ଗା, ମାତର୍ ଈଶ୍ୱରତିଙ୍ଗ୍ ୱାରି କିୟିକିଦେଙ୍ଗ୍ ଇଚା କିନାଙ୍ଗା। ଯଦି ଆନେଙ୍ଗ୍ ନଙ୍ଗୟ୍ ପା ମାନାୟାରିଙ୍ଗ୍ ୱାରି କିୟିକିଦେଙ୍ଗ୍ ଇଚା କିନାଙ୍ଗା, ଲାଗିଙ୍ଗ୍ ଆନେଙ୍ଗ୍ ଖ୍ରୀଷ୍ଟ ଦାସ୍ ଆକାୟ୍।

୧ ତିମତି 6:17

ଇମ୍‌ଣାକାର୍ ଇ ଯୁଗ୍‌ତ ହାଉକାର୍, ହେୱାର୍ ଇନେସ୍ ଲେକେ ଆକାର୍ ଆଉର୍ ଆରେ ଟେବାଆୱି ଦନ୍‌ତିଙ୍ଗ୍ ଆହା କିଉର୍, ବାଉରା ଆଦେଙ୍ଗ୍ ୱିଜୁ ବିଷୟ ବେସି ମାଙ୍ଗେଙ୍ଗ୍ ଦାନ୍ କିଦ୍‌ନି ଈଶ୍ୱର ଜପି ଆହା ଇଟ୍‌ନାର୍।

୨ ତିମଥି 4:10

ଇନେସ୍‌କି ଦୀମା ଇ ପୁର୍ତିତିଙ୍ଗ୍ ଲାଡ୍‌କିଜି ନାଙ୍ଗେଙ୍ଗ୍ ପିସ୍ତି ହାନ୍‌ଞ୍ଚାନ୍ ଆରେ ଥେସଲନିକି ସହର୍‌ତାକେ ହାଚାନ୍‌ନା। କ୍ରେସ୍‌କେନସ୍ ଗାଲାତିୟ ଜିଲ୍ଲାତ ହାଚାନ୍‌ନା, ଆରେ ତିତସ ଦଲ୍ମତିଆ ସହର୍‌ତିଙ୍ଗ୍ ହାଚାନ୍‌ନା।

ଜାକ୍‌ବ 4:4

ଏପେଙ୍ଗ୍ ଈଶ୍ୱରତାକେ ବିସ୍‌ବାସ୍ ହିଲ୍‌ୱିତି ମାନାୟ୍ କାଦେର୍, ଇନେସ୍‌କି ପୁର୍ତିନି ବିଷୟତିଙ୍ଗ୍ ସାଙ୍ଗ ଆତିସ୍ ଈଶ୍ୱରତିଙ୍ଗ୍ ଶତ୍ରୁ ଆନାଦେର୍, ଇଦାଙ୍ଗ୍ ମିଙ୍ଗେଙ୍ଗ୍ ଇନାକା ଜାଣା ଆକାୟ୍ କି? ଲାଗିଙ୍ଗ୍ ଇମ୍‌ଣାକାନ୍ ପୁର୍ତିନି ବିଷୟତିଙ୍ଗ୍ ସାଙ୍ଗ ଆଦେଙ୍ଗ୍ ଇଚାକିନାନ୍, ହେୱାନ୍ ନିଜେ ଈଶ୍ୱରତିଙ୍ଗ୍ ଶତ୍ରୁ ଆନାନ୍।