ମାତିଉ 6:12 - New Testament in Pengo Parja Language

¹² ଆରେ ଆପେଙ୍ଗ୍ ଇନେସ୍ କିଜି ଜାର୍-ଜାର୍ ବିରୁଦ୍ ନିକାରିଙ୍ଗ୍ ପାପ୍ କେମା କିତାପ୍‌ନା, ହେଲେକେନେ ମା ପାପ୍ ୱିଜୁ କେମା କିଦା।

ସତ୍‌ ବଚନ୍‌ ପୁନି ନିୟମ୍‌

¹² ଆପେଂ ଇନେସ୍‌ ଜାର୍‌ ଜାର୍‌ ପାପିରିଂ କେମା କିନାପା, ହେ ଲାକେ ମା ପାପ୍‌ ସବୁ କେମା କିଦା ।

ମାତିଉ 6:12 ပူးပေါင်းရင်းမြစ်များ

ମାତିଉ 26:28

ଆରେ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇ ଅଙ୍ଗୁର୍ ରାସ୍ ନା ନେତେର୍। ଇ ନେତେର୍ କାଜିଙ୍ଗ୍ ଈଶ୍ୱର ଆରେ ମାନାୟାର୍ ଲାହାଙ୍ଗ୍ ପୁନି ନିୟମ୍ ଆନାତ୍‌। ଆନେଙ୍ଗ୍ ଏଚେପାଦ୍ନା ହାଃନାଙ୍ଗ୍ ହେ ନେତେର୍ ୱିଜାକାର୍ ପାପ୍ କେମା କାଜିଙ୍ଗ୍ ବଡ଼ାଆନାତ୍।

ମାତିଉ 9:2

ଆରେ ହୁଡ଼ାଟ୍, ହିର୍କଲ୍ ରଗ୍‌କାଟାକାନିଙ୍ଗ୍‌ ଟାଟିଲାହାଙ୍ଗ୍ ପିଣ୍‌ଜି ଯୀଶୁ ଲାଗାୟ୍ ତାହିୱାତାର୍, ଯୀଶୁ ହେୱାର୍ ପାର୍ତି ହୁଡ଼୍‌ଜି ହେ ହିର୍କଲ୍ ରଗ୍‌କାଟାକାନିଙ୍ଗ୍‌ ୱାଚ୍‍ଚାନ୍, କାଡ଼୍‍ଦେ, ଶାସ୍ ଆହା, ନି ପାପ୍ ୱିଜୁ କେମା ଆତାତ୍।

ମାର୍କ 11:25

ଆରେ, ଏପେଙ୍ଗ୍ ଏଚେକାଡ଼୍‌ଦ ପା ପାର୍ତାନା କିଦେଙ୍ଗ୍ ନିଲ୍‌ନାଦେର୍, ଯଦି ଏପେଙ୍ଗ୍ ଇନେର୍‌ତାକେ ବିରଦ୍ ମାନାଦେର୍, ହେୱାନିଙ୍ଗ୍ ଏପେଙ୍ଗ୍ କେମା କିୟାଟ୍। ଇନେସ୍‌କି ସରଗ୍‌ନି ଆବା ମିଙ୍ଗେଙ୍ଗ୍ ପାପ୍ କେମା କିତ୍‌ତାନ୍‌ନା ହେଲେକେ ମି ବିରଦ୍ ଲଗାଙ୍ଗ୍ କେମା କିୟାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:4

ମା ପାପ୍ ୱିଜୁ କେମା କିଦା, ଲାଗିଙ୍ଗ୍ ଇମ୍‌ଣାକାର୍ ମା କାଜିଙ୍ଗ୍ ଅନ୍ୟାୟ୍ କିତ୍‌ତାର୍‌ନା, ଆପେଙ୍ଗ୍ ୱିଜାକାରିଙ୍ଗ୍ ପା କେମା କିତାପ୍। ମାଙ୍ଗେଙ୍ଗ୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା।’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:4

ଶିଲୋହ ସହର୍‌ତାକେ କାଲ୍‌କୁତାଙ୍ଗ୍ ରସ୍ତି ର ଡେଙ୍ଗା ବିଲ୍‌ଡିଙ୍ଗ୍ ବାଡ଼୍‌ହାଆଜି ହେ ଅଟ୍‌ର ଜାଣ୍‌ତିଙ୍ଗ୍ ଲେଦିଆଜି ହାଃତାର୍। ହେୱାର୍ ଯିରୁଶାଲାମ ସହର୍‌ତାକେ ମାନି ଜେକନି ମାନାୟାର୍‌ତାଙ୍ଗ୍ ଆଦିକ୍ ପାପି ମାଚାର୍ ଇଞ୍ଜି ଏପେଙ୍ଗ୍ ଇନାକା ବାବିକିନାଦେରା?

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:37

ଯୀଶୁ ଆରେ ୱେଚ୍‌ଚାନ୍, “ଏପେଙ୍ଗ୍ ଇନେରିଙ୍ଗ୍ ପା ବିଚାର୍ କିମାଟ୍। ଲାଗିଙ୍ଗ୍ ମିଙ୍ଗେଙ୍ଗ୍ ପା ଈଶ୍ୱର ବିଚାର୍ କିଦୁନ୍। ଇନେରିଙ୍ଗ୍ ପା ଦସି କିମାଟ୍, ଲାଗିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପା ଦସି ଇଞ୍ଜି ଇଞ୍ଜୁନ୍। ଜେକନିକାରିଙ୍ଗ୍ କେମା ହିୟାଟ୍, ଲାଗିଙ୍ଗ୍ ମିଙ୍ଗେଙ୍ଗ୍ ପା ଈଶ୍ୱର କେମା କିଦ୍‌ନାନ୍।

ପକ୍ୟାତାକା 13:38

ହେବେତାଙ୍ଗ୍ ଏ ଟଣ୍ଡାର୍‌କାଦେର୍ ଇ କାତା ଏପେଙ୍ଗ୍ ପୁନ୍‌ଞ୍ଜି ମାନାଟ୍, “ଯୀଶୁତାକେ ଏପେଙ୍ଗ୍ ଯଦି ପାର୍ତି କିତିସ୍ ଈଶ୍ୱର ମି ପାପ୍ ୱିଜୁ କେମା କିଦ୍‌ନାନ୍। ଇ ବିଷୟରେ ଆପେଙ୍ଗ୍ ମିଙ୍ଗେଙ୍ଗ୍ ଶୁଣାୟ୍ କିଦ୍‌ନାପା।

ଏପିସିୟ 1:7

ଈଶ୍ୱର ବେସି ଦୟାତାଙ୍ଗ୍ ଆସେଙ୍ଗ୍ ହେ ଯୀଶୁ ଖ୍ରୀଷ୍ଟନି ନେତେର୍ କାଜିଙ୍ଗ୍ ମୁକ୍ତି ପାୟାଆତାସ୍, ଇଦାଙ୍ଗ୍‌ନି ଅର୍‌ତ ଈଶ୍ୱର ମା ପାପ୍ ୱିଜୁତିଙ୍ଗ୍ କେମା କିତ୍‌ତାନ୍‌ନା।

ଏପିସିୟ 4:32

ଆରେ ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ସାଇଜ କିୟାଟ୍ ଆରେ ଦୟା ଚଚାଟ୍। ଆରେ ଖ୍ରୀଷ୍ଟତାକେ ରବେ ଆତି କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଇନେସ୍ କେମା କିତ୍‌ତାନ୍‌ନା, ହେଲେକେ ଜାର୍-ଜାର୍‌ତିଙ୍ଗ୍ କେମା କିୟାଟ୍।

କଲସିୟ 3:13

ଯଦି ମି ବିତ୍ରେ ଇନେର୍ ବୁଲ୍ କିତିସ୍ ସମ୍ୱାଲି କିୟାଟ୍, ମି ବିରଦ୍‌ତାକେ ଅପ୍‌ମାନ୍ କିଦ୍‍ନାକାରିଙ୍ଗ୍ କେମା କିୟାଟ୍। ଇନେସ୍‌କି ମାପୃ ମିଙ୍ଗେଙ୍ଗ୍ କେମା କିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ପା ମାନାୟାରିଙ୍ଗ୍ କେମା କିୟାଟ୍।