ମାତିଉ 5:46 - New Testament in Pengo Parja Language

⁴⁶ ଆରେ ଇମ୍‌ଣାକାର୍ ମିଙ୍ଗେଙ୍ଗ୍ ଲାଡ୍ କିଦ୍‌ନାର୍, ଏପେଙ୍ଗ୍ ପା ଆପ୍‌କା ହେ ମାନାୟାରିଙ୍ଗ୍ ଲାଡ୍ କିନାଦେରା, ହେୱାରିଙ୍ଗ୍ ଲାଡ୍ କିତିସ୍ ମିଙ୍ଗେଙ୍ଗ୍ ଇନା ପୁରଷ୍କାର୍ ଗାଟାଆଦ୍‍ନାତ୍? ସିସ୍ତୁଅନାକାନ୍ ପା ହେଲେକେ କିନାନ୍।

ସତ୍‌ ବଚନ୍‌ ପୁନି ନିୟମ୍‌

⁴⁶ ଆରେ ଇମ୍‌ଣାକାର୍‌ ମିଙ୍ଗେଙ୍ଗ୍‌ ଜିଉନଦ୍‌ନାର୍‌, ହେୱାରିଂ ଜିଉନତିସ୍‌, ଇସ୍ୱର୍‌ ଇନେକିଦେଂ ନିଙ୍ଗେଙ୍ଗ୍‌ ଇନାମ୍‌ ହିଦ୍‌ନାନ୍‌ ? ସିସ୍ତୁଏନ୍‌ନାକାର୍‌ ପା ହେଦାଂ କିତାର୍‌ ।”

ମାତିଉ 5:46 ပူးပေါင်းရင်းမြစ်များ

ମାତିଉ 11:19

ମାତର୍ ଏଚେପାଦ୍ନା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଉଟାନ୍ ଚିଚାନ୍, ମାନାୟାର୍ ହେୱାନିଙ୍ଗ୍ ୱେଚ୍‌ଚାର୍, ‘ହୁଡ଼ାଟ୍, ଇୱାନ୍ ପେଟୁ, ମଦୁୱା। ଆରେ ସିସ୍ତୁଏନ୍‌ନାକାର୍ ଆରେ ପାପିର୍ ହାଙ୍ଗ୍‌ଦାକାନ୍।’ ମାତର୍ ରକାନିଙ୍ଗ୍ ତା କାମାୟ୍‌ତିଙ୍ଗ୍ ହୁଡ଼୍‌ଜି ତା ବୁଦି ଆରେ ଜ୍ଞାନ୍‌ତିଙ୍ଗ୍ ପୁନିଆନାତ୍।”

ମାତିଉ 18:17

ହେୱାର୍ କାତା ପା ଯଦି ମାନିକିୱିତିସ୍, ତା ବିଷୟତିଙ୍ଗ୍ ମଣ୍ଡ୍‌ଲିତାକେ ୱେଚାଟ୍। ହେୱାନ୍ ଯଦି ପାର୍ତି କିନାକାର୍ କାତା ପା ମାନିକିୱିତିସ୍, ଲାଗିଙ୍ଗ୍ ହେୱାନ୍ ମାନିକିୱିତିସ୍ ର ସିସ୍ତୁଅନାକାନ୍ ନଇଲେ ର ବିନ୍‌ଜାତିନି ମାନାୟ୍ ଇଞ୍ଜି ଇନାଟ୍।

ମାତିଉ 5:47

ଆରେ ଏପେଙ୍ଗ୍ ଯଦି ମି ଟଣ୍ଡାଦିଙ୍ଗ୍ ଜୱାର୍ କିନାଦେର୍, ଲାଗିଙ୍ଗ୍ ଏପେଙ୍ଗ୍ ଜେକନିକାର୍ କିତିତାଙ୍ଗ୍ ପା ଆଦିକ୍‌ବେଶି ଇନାକା କିୱାତାଦେର୍‍ନା। ବିନେନି ଜାତିନି ମାନାୟାର୍ ପା ହେଲେକେ କିନାରା, ଇମ୍‌ଣାକାନ୍ କି ମାପୃ ସାସ୍ତର୍‌ତିଙ୍ଗ୍ ପୁନ୍‌ୱାତାନ୍‌ନା।

ମାତିଉ 6:1

“ମାନାୟ୍ ଚଚ୍‌ନି କାଜିଙ୍ଗ୍ ହେୱାର୍ ମୁମ୍‌ଦ ହେଲେକେ ହାର୍ଦି କାମାୟ୍ କିମାଟ୍, ନଇଲେ ମିଙ୍ଗେଙ୍ଗ୍ ସରଗ୍‌ନି ଆବା ମିଙ୍ଗେଙ୍ଗ୍ ପୁରଷ୍କାର୍ ହିଦୁନ୍, ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ସାବ୍‌ଦାନ୍ ଆଜି ମାନାଟ୍।

ମାର୍କ 2:15

ତାପାଚେ ଯୀଶୁ ଲେବିର୍ ଇଞ୍ଜ ଚିଞ୍ଜେଙ୍ଗ୍ କୁଚ୍‍ଚାର୍, ହେପାଦ୍ନା କେତେକ୍ ସିସ୍ତୁଏନ୍‌ନାକାର୍, ଆରେ ଇନେରିଙ୍ଗ୍ ପାପିର୍ ଇଞ୍ଜିମାଚାର୍ ଆରେ ତା ଚେଲାହିର୍ ହୁଦାଙ୍ଗ୍ କୁଚ୍‍ଚାର୍, ମାତର୍ ହେୱାର୍ ବେସିହେନି ମାଚାର୍, ଆରେ ତାପାଚେ ହାଲ୍‌ଜି ମାଚାର୍।

ମାର୍କ 2:16

ଇଦାଙ୍ଗ୍ ହୁଡ଼୍‌ଜି ପାରୁସିଦଳ୍‍ନି କେତେକ୍ ଯିହୁଦି ଦରମ୍‌ନି ପଣ୍ଡିତାର୍ ଯୀଶୁ ଚେଲାହିରିଙ୍ଗ୍ ୱେଚ୍‌ଚାର୍, “ଇଦାଙ୍ଗ୍ ଇନେସ୍? ପାପି ଆରେ ସିସ୍ତୁଏନ୍‌ନାକାର୍ ହୁଦାଙ୍ଗ୍ ହେୱାନ୍ ଇନେସ୍‌କିଜି କୁଚ୍‌ଚି ତିନାନା!”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:1

ଦିନେକ୍ କେତେକ୍ ସିସ୍ତୁଏନ୍‌ନାକାର୍ ଆରେ ପାପି ମାନାୟାର୍ ଯୀଶୁ କାତା ୱେଞ୍ଜେଙ୍ଗ୍ ୱାତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:13

ସିସ୍ତୁ ଏନ୍‌ନାକାନ୍ ପା ଜେକ ରକାନ୍ ନିଲ୍‌ଚି ମାଚାନ୍। ମାତର୍ ପାର୍ତାନା କିନିହିଙ୍ଗ୍ ହେୱାନ୍ ସରଗ୍ ନିପଣ୍ ହୁଡ଼୍‌ଦେଙ୍ଗ୍ ଶାସ୍ କିୱାତାନ୍। ସିସ୍ତୁ ଏନ୍‌ନାକାନ୍ ଈଶ୍ୱର ଲାଗାୟ୍ ଦୁକ୍‌ଆଜି ନେଞ୍ଜାଡାକିତାକେ ଇଡ଼ିଆ ଆଜି ପାର୍ତାନା କିତାନ୍, ‘ଏ ଈଶ୍ୱର, ନାଙ୍ଗେଙ୍ଗ୍ ଦୟାକିଦା। ଆନେଙ୍ଗ୍ ରକାଙ୍ଗ୍ ପାପି ମାନାୟ୍।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:2

ଯିରିହୋ ସହର୍‌ତାକେ ଜକିୟ ତର୍‍ଦାକାନ୍ ରକାନ୍ ମାନାୟ୍ ମାଚାନ୍। ହେୱାନ୍ ରକାନ୍ ସିସ୍ତୁଏନ୍‌ନି ମୁଡ଼୍‌ଦାକାନ୍ ମାଚାନ୍। ଆରେ ହେୱାନ୍ ବେସି ସାଉକାର୍ ମାଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:7

ଇଦାଙ୍ଗ୍ ହୁଡ଼୍‌ଜି ୱିଜାକାର୍ ୱେଚ୍‌ପା ୱେଚ୍‌ପି ଆଜି ୱେଚ୍‌ଚାର୍, “ହୁଡ଼ାଟ୍, ଯୀଶୁ ଇନେସ୍ ରକାନ୍ ପାପି ଇଞ୍ଜ ମାଞ୍ଜେଙ୍ଗ୍ ହାଚାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:12

କେତେକ୍ ସିସ୍ତୁଏନ୍‌ନାକାର୍ ଡୁବନ୍ ଅନି କାଜିଙ୍ଗ୍ ତା ଲାଗାୟ୍ ୱାତାର୍। ହେୱାର୍ ଯୋହନତିଙ୍ଗ୍ ୱେନ୍‌ବାତାର୍, “ଏ ଗୁରୁ! ଆପେଙ୍ଗ୍ ଇନାକା କିନାପ୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:29

ତାପାଚେ ଲେବି ତାଞ୍ଜ ଯୀଶୁ କାଜିଙ୍ଗ୍ ର ଗାଜାବଜି କିତାନ୍। ହେପାଦ୍ନା କେତେକ୍ ସିସ୍ତୁଏନ୍‌ନାକାର୍ ଆରେ ଜେକନି ମାନାୟାର୍ ଯୀଶୁ ହୁଦାଙ୍ଗ୍ ଚିଞ୍ଜେଙ୍ଗ୍ କୁଚ୍‌ଚି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:30

ଲାଗିଙ୍ଗ୍ ପାରୁସିଦଳ୍‍ନି ମାନାୟ୍ ଆରେ ପଣ୍ଡିତାର୍ ଯୀଶୁ ଚେଲାହିରିଙ୍ଗ୍ ୱେଚ୍‌ଚାର୍, “ଏପେଙ୍ଗ୍ ଇନେସ୍‌କିଜି ପାପି ଆରେ ସିସ୍ତୁଏନ୍‌ନାକାର୍ ହୁଦାଙ୍ଗ୍ କୁକ୍‌ଚି ତିନାଦେରା ଉଣାଦେରା?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:29

ହେପାଦ୍ନା ହେୱାର୍ ଯୀଶୁ କାତା ୱେନ୍‌ଞ୍ଜି ହେୱାର୍ ୱେଚ୍‌ଚାର୍, ଡୁବନ୍‌ହିନି ଯୋହନତାଙ୍ଗ୍ ଡୁବନ୍ ଆତାକା ଈଶ୍ୱର ଯଜ୍‌ନା ଟିକ୍ ମାଚାତ୍ ଇଞ୍ଜି ୱେଚ୍‌ଚାର୍। ଇଲେକେକି ସିସ୍ତୁଏନ୍‌କାର୍ ପା ୱେଚ୍‌ଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:34

ମାତର୍ ଆନେଙ୍ଗ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଉଣ୍ଡେଙ୍ଗ୍ କି ଚିଞ୍ଜେଙ୍ଗ୍, ୱାତାୟ୍‌ନା ଇଞ୍ଜି ମାନାୟାର୍ ୱେଚ୍‌ଚାତାର୍, ‘ହୁଡ଼ାଟ୍, ଇୱାନ୍ ପେଟୁ, ମଦୁୱା। ଆରେ ସିସ୍ତୁଏନ୍‌ନାକାର୍ ଆରେ ପାପିର୍ ହାଙ୍ଗ୍‌ଦାକାନ୍।’