ମାତିଉ 5:28 - New Testament in Pengo Parja Language

²⁸ ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଇନେର୍ ପା ଇମ୍‌ଣି କଗ୍‌ଲେଙ୍ଗ୍ ପା ଦାରି କାମାୟ୍ କିଦେଙ୍ଗ୍ ହୁଡ଼୍‌ତିସ୍, ହେୱାନ୍ ତା ଲାହାଙ୍ଗ୍ ମାନ୍ତ-ମାନ୍ତ ଦାରି କିତାନେ।

ସତ୍‌ ବଚନ୍‌ ପୁନି ନିୟମ୍‌

²⁸ ମାତର୍‌ ଆନ୍‌ ମିଙ୍ଗେଙ୍ଗ୍‌ ଇଞ୍ଜ୍‌ନାଙ୍ଗା, ଇନେର୍‌ ଇମ୍‌ଣି କଗ୍‌ଲେତିଂ କାମାୟ୍‌ କାଜିଂ ହୁଡ଼୍‌ତିସ୍‌, ହେୱାନ୍‌ ତା ହୁକେ ମାନ୍‌ତ ମାନ୍‌ତ ଦାରି କିତାନେ ।

ମାତିଉ 5:28 ပူးပေါင်းရင်းမြစ်များ

ମାତିଉ 15:19

ମାତର୍ ମାନାୟ୍ ଗରବ୍‌ତାଙ୍ଗ୍ ନେ କରାପ୍ ଚିନ୍ତା ହତ୍‌ନାତ୍, ଦାରି, ଚର୍, ମାନାୟ୍ ଅହ୍ନାକା, ମିଚ୍‌ୱା, ନିନ୍ଦା ଇୱିଜୁ କରାପ୍ ବେଣ୍ ହତ୍‌ନାତ୍।

ମାତିଉ 5:22

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଇନେର୍ ଜାର୍ ଟଣ୍ତେନିଙ୍ଗ୍ ରିସା ଆନାନ୍, ହେୱାନ୍ ବିଚାର୍‌କିନି ବାହାତାକେ ଦଣ୍ଡ୍ ପାୟା ଆନାନ୍। ଆରେ ଇନେର୍ ଯଦି ଜାର୍ ଟଣ୍ତେନିଙ୍ଗ୍ ମୁର୍କ ଇଞ୍ଜି ଇନାନ୍, ହେୱାନ୍ ଗାଜାସବାତାକେ ଦଣ୍ଡ୍ ପାୟା ଆନାନ୍। ଆରେ ଇନେର୍ ଯଦି ବାନ୍ୟା ମାନାୟ୍ ଇଞ୍ଜ୍‌ନାର୍, ହେୱାନ୍ ନାଣିନି ନରକ୍‌ତାକେ ଦଣ୍ଡ୍ ପାୟା ଆନାନ୍।

ମାତିଉ 5:39

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଶୟତାନ ମାନାୟ୍ ଲଗାଙ୍ଗ୍ ଟେବାଇ କିମାଟ୍, ମାତର୍ ଇନେର୍ ପା ମି ତିନି କୁର୍‌ୱାତ ଚାପ୍ଡ଼ା ଇଡ଼୍‌ଦାନାର୍, ହେୱାନିଙ୍ଗ୍ ଆରେ ର କୁର୍‌ୱା ପା ଚଚ୍‌ଚି ହିୟାଟ୍।

ରୋମିୟ 7:14

ଲାଗିଙ୍ଗ୍ ଆସେଙ୍ଗ୍ ପୁଚାସ୍ ଯେ, ଦରମ୍ ସାସ୍ତର୍‌ନି ନିୟମ୍ ହାର୍, ମାତର୍ ଆନେଙ୍ଗ୍ ନିଜେ କରାପ୍, ଆରେ ଆନେଙ୍ଗ୍ ପାପ୍‌ନି ଦାସ୍ ଆତାଙ୍ଗ୍‌ନା, ଆରେ ପାପ୍ ନା ମାଲିକ୍ ଆତାତ୍‌ନା।

୨ ପିତର 2:14

ହେୱାର୍ ହୁଡ଼୍‌ତି କଗ୍‌ଲେକ୍‌ତାଙ୍ଗ୍ ଦାରି କାମାୟ୍ କିଦେଙ୍ଗ୍ ଇଚା କିନାର୍। ହେୱାର୍ ପାପ୍ କାମାୟ୍ କିନି ସୁଯଗ୍‌ତିଙ୍ଗ୍ ପିହୁର୍। ଖ୍ରୀଷ୍ଟତାକେ ଇମ୍‌ଣାକାର୍ ଷ୍ଟ୍ରଙ୍ଗ୍‌କିଜି ପାର୍ତି କିଉର୍, ହେୱାରିଙ୍ଗ୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ଟକାୟ୍ କିନାର୍, ଆରେ ହେୱାରିଙ୍ଗ୍ ଇ ମାଷ୍ଟେରାର୍ ପାପ୍ କାମାୟ୍ କିୟିକିନାର୍। ଆରେ ହେୱାର୍ ବେସି ଲବ୍ରା ଆତି କାଜିଙ୍ଗ୍, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

୧ ଯୋହନ 2:16

ଇନେସ୍‌କି ମାନାୟାର୍ ଜାର୍ ଇଚାତାଙ୍ଗ୍ କିନି ପାପ୍ କାମାୟ୍, ଆରେ ଲକାର୍ ଜିନିସ୍‌ତିଙ୍ଗ୍ ଲବ୍ ଆନି ବୁଦି ଆରେ ବାଟ୍‌ପାଣ୍ ଆନି ବୁଦି ଇ ୱିଜୁ ଜଗତ୍‌ନି ବିଷୟ। ଇ ୱିଜୁ ବିଷୟ ଆବା ଈଶ୍ୱରତାଙ୍ଗ୍ ୱାୱାତାତ୍‌ନା ମାତର୍ ଇ କରାପ୍ ଜଗତ୍‌ତାଙ୍ଗ୍ ୱାତାତ୍‌ନା।