ମାତିଉ 5:22 - New Testament in Pengo Parja Language22 ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା, ଇନେର୍ ଜାର୍ ଟଣ୍ତେନିଙ୍ଗ୍ ରିସା ଆନାନ୍, ହେୱାନ୍ ବିଚାର୍କିନି ବାହାତାକେ ଦଣ୍ଡ୍ ପାୟା ଆନାନ୍। ଆରେ ଇନେର୍ ଯଦି ଜାର୍ ଟଣ୍ତେନିଙ୍ଗ୍ ମୁର୍କ ଇଞ୍ଜି ଇନାନ୍, ହେୱାନ୍ ଗାଜାସବାତାକେ ଦଣ୍ଡ୍ ପାୟା ଆନାନ୍। ଆରେ ଇନେର୍ ଯଦି ବାନ୍ୟା ମାନାୟ୍ ଇଞ୍ଜ୍ନାର୍, ହେୱାନ୍ ନାଣିନି ନରକ୍ତାକେ ଦଣ୍ଡ୍ ପାୟା ଆନାନ୍। အခန်းကိုကြည့်ပါ။ସତ୍ ବଚନ୍ ପୁନି ନିୟମ୍22 ମାତର୍ ଆନ୍ ମିଙ୍ଗେଙ୍ଗ୍ ଇଞ୍ଜ୍ନାଙ୍ଗା, ଇନେର୍ ଇମ୍ଣି ଟଣ୍ଡେନ୍ ଜପି ଟାକ୍ରି ଆନାନ୍, ହେୱାନ୍ ବିଚାର୍ଣ୍ଣା ବାହାତ ଦାଣ୍ଡ୍ ପାୟାନାନ୍ । ଆରେ, ଇନେର୍ ଜାର୍ ଟଣ୍ଡେନିଂ ବକ୍ୱା ଇଞ୍ଜି ଇନାନ୍, ହେୱାନ୍ ଗାଜା ବିଚାର୍ଣ୍ଣାତ ଡାଣ୍ଡ୍ପାୟାନାନ୍, ଆରେ ଇନେର୍ ନାର୍ବକ୍ୱା ମୁର୍କିୟା ଇଞ୍ଜି ଇନାନ୍, ହେୱାନ୍ ନାଣିଡ଼ିଞ୍ଜ୍ନିତ ନରକ୍ତ ଡାଣ୍ଡ୍ ପାୟାନାନ୍ । အခန်းကိုကြည့်ပါ။ |
ମାତିଉ 5:22
93 ပူးပေါင်းရင်းမြစ်များ
ପାଉଲ କେତେକ୍ ଏପିକୁରିୟ ଆରେ ସ୍ତଇକ ଦଳ୍ନି ଜ୍ଞାନି ମାଷ୍ଟେରାର୍ ହୁଦାଙ୍ଗ୍ ଆଲ୍ଚାନା କିଦେଙ୍ଗ୍ ଲାଗାତାନ୍, ହେୱାର୍ ବିତ୍ରେତାଙ୍ଗ୍ କେତ୍ଜାଣ୍ ୱେଚ୍ଚାର୍, “ଇୱାନ୍ ବୁଦି ହିଲ୍ୱାକାନ୍ ଇନାକା ୱେଚ୍ଚେଙ୍ଗ୍ ଇଚା କିନାନା?” ଆରେ କେତ୍ଜାଣ୍ ୱେଚ୍ଚାର୍, “ହେୱାନ୍ ରକାନ୍ ପୁନି ପେନ୍ ବିଷୟରେ ଶୁଣାୟ୍ କିନି ମାନାୟ୍ ଲେକେ ଲାଗ୍ଦାନାନା।” ଇନେସ୍କି ପାଉଲ ଯୀଶୁ ଆରେ ଆରେରଗ ଜିବୁନ୍ଆନି ବିଷୟରେ ହାର୍ଦିକାବୁର୍ ଶୁଣାୟ୍ କିଜି ମାଚାନ୍।
ଦୁତ୍ ୱେଚ୍ଚି ହିସାବ୍ରେ ହେୱାର୍ ନାଣାଙ୍ଗେ ଈଶ୍ୱର ମାନି ମନ୍ଦିର୍ତାକେ ହଣ୍ଜି ହିକ୍ଷାହିଦେଙ୍ଗ୍ ଲାଗାତାର୍। ଲାଗିଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରି ଆରେ ତା ହାଙ୍ଗ୍ଦାକାର୍ ଇସ୍ରାଏଲ ଜାତିନି ପ୍ରାଚିନାରିଙ୍ଗ୍ କୁକ୍ଚି ର ଗାଜା ବିଚାର୍ କିତାର୍। ବାଚିକିତି ଚେଲାରିଙ୍ଗ୍ ଜଇଲ୍ ଇଞ୍ଜାଙ୍ଗ୍ ତାହିୱାଦେଙ୍ଗ୍ ମନ୍ଦିର୍ ଜାଗୁୱାଡ଼ିରିଙ୍ଗ୍ ପକ୍ତାର୍।
ଜାଗ୍ରତ୍ ଆଜି ମାନାଟ୍, ଇମ୍ଣି ଈଶ୍ୱର ମିହୁଦାଙ୍ଗ୍ ବେଣ୍ କିଦ୍ନାନା, ତା କାତା ଏପେଙ୍ଗ୍ ମାନି କିୟାଟ୍। ଇନେସ୍କି ଇ ପୁର୍ତିତାକେ ମୋଶା ଇସ୍ରାଏଲନି ମାନାୟାରିଙ୍ଗ୍ ଆଦେସ୍ ହିତାନ୍, ଆରେ ହେୱାର୍ ଅମାନ୍ୟା ଆତି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ହିଜି ମାଚାନ୍। ସରଗ୍ତାଙ୍ଗ୍ ୱେଚ୍ଚିନି ଈଶ୍ୱର ଆଦେସ୍ତିଙ୍ଗ୍ ଯଦି ଆସେଙ୍ଗ୍ ଅମାନ୍ୟା କିନାସ୍, ଲାଗିଙ୍ଗ୍ ସତ୍ରେ ଆସେଙ୍ଗ୍ ଆଦିକ୍ ଦଣ୍ଡ୍ ପାୟାଆନାସ୍।
ଏଚେପାଦ୍ନା ମାନାୟାର୍ ଯୀଶୁଙ୍ଗ୍ ଇନସ୍ତା କିତାର୍, ହେୱାନ୍ ଉଲ୍ଟା ମାନାୟାରିଙ୍ଗ୍ ଇନସ୍ତା କିୱାତାନ୍ନା। ମାନାୟାର୍ ଏଚେପାଦ୍ନା ତାଙ୍ଗେଙ୍ଗ୍ ଦୁଃକ୍ କଷ୍ଟ ହିତାର୍, ହେୱାନ୍ ଉଲ୍ଟା ହେୱାରିଙ୍ଗ୍ ଦୁଃକ୍ କଷ୍ଟ ହିଦେଙ୍ଗ୍ ଉପାୟ୍ କିୱାତାନ୍ନା। ମାତର୍ ତା ବାଦୁଲ୍ରେ ହେୱାନ୍ ଈଶ୍ୱରତିଙ୍ଗ୍ ସାଇଜ କିଦେନ୍ ଇଞ୍ଜି ପାର୍ତି କିତାନ୍। ହେୱାନ୍ ପୁନ୍ଞ୍ଜି ମାଚାନ୍ ଯେ, ଈଶ୍ୱର ୱିଜାକାରିଙ୍ଗ୍ ନ୍ୟାୟ୍ ବିଚାର୍ କିନାନ୍।
ଯଦି ମି ବିରୁଦ୍ତାକେ ଇନେର୍ ମି ଜିନିଷ୍ତିଙ୍ଗ୍ ନଷ୍ଟ କିନାନ୍, ଲାଗିଙ୍ଗ୍ ଏପେଙ୍ଗ୍ ତା ଜିନିଷ୍ତିଙ୍ଗ୍ ଉଲ୍ଟା ନଷ୍ଟ କିମାଟ୍, ଆରେ ଇନେର୍ ଯଦି ମିଙ୍ଗେଙ୍ଗ୍ ଇନସ୍ତା କିଦ୍ନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ଉଲ୍ଟା ଇନସ୍ତା କିମାଟ୍। ମାତର୍ ଏପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିୟାଟ୍, ଇନେସ୍କି ଈଶ୍ୱର ମିଙ୍ଗେଙ୍ଗ୍ ବାଚି କିତ୍ତାନ୍ନା, ଯଦି ଏପେଙ୍ଗ୍ ହେଲେକେ କିନାଦେର୍ ଈଶ୍ୱର ମିଙ୍ଗେଙ୍ଗ୍ ଆଶ୍ରିବାଦ୍ କିଦ୍ନାନ୍।
ଯଦି ଏପେଙ୍ଗ୍ ମି ପାର୍ତିକିନି ଟଣ୍ଡେନିଙ୍ଗ୍ ହାଃନି ଦଣ୍ଡ୍ ପାୟାଆୱିଲେଗ୍ଦି ପାପ୍ କାମାୟ୍ କିନାକା ହୁଡ଼୍ନାଦେର୍, ଲାଗିଙ୍ଗ୍ ଏପେଙ୍ଗ୍ ତା କାଜିଙ୍ଗ୍ ପାର୍ତାନା କିୟାଟ୍। ଈଶ୍ୱର ତା ଜିବୁନ୍ତିଙ୍ଗ୍ ରକ୍ଷା କିନାନ୍। ଯଦି ଇନେର୍ ହାଃନି ଦଣ୍ଡ୍ ପାୟା ଆତିଲେକେ ପାପ୍ କାମାୟ୍ କିଜି ମାନ୍ଗାନାନ୍, ମାତର୍ ହେୱାନ୍ ହାଃନି ଦଣ୍ଡ୍ ପାୟା ଆତିଲେକେ ପାପ୍ କାମାୟ୍ କିନି ମାନାୟାର୍ କାଜିଙ୍ଗ୍ ଏପେଙ୍ଗ୍ ପାର୍ତାନା କିୟାଟ୍ ଇଞ୍ଜି ୱେଚ୍ଚୁଙ୍ଗା।
ଈଶ୍ୱରତି ମୁଡ଼୍ ଦୁତ୍ ମୀଖାୟେଲ ଇ ବୁଲ୍ ହିକ୍ଷାହିନି ମାଷ୍ଟେରାର୍ତାଙ୍ଗ୍ ଗାଜାକାନ୍ ଆତିସ୍ପା, ଇୱାର୍ ଲେକେ ବ୍ଯବହାର୍ କିୱାଦାଙ୍ଗ୍ ମାଚାନ୍। ଏଚେପାଦ୍ନା ମୋଶା ଭବିଷ୍ୟତବକ୍ତା ହାଃତି ଗାଗାଡ଼୍ ବିଷୟରେ ଶୟତାନ ମୀଖାୟେଲ ହୁଦାଙ୍ଗ୍ ଜୁକ୍ତି କିବାଆଜି ମାଚାର୍। ମୀଖାୟେଲ ଶୟତାନତିଙ୍ଗ୍ ନିନ୍ଦା କାତା ୱେଚ୍ଚି ଦସି କିୱାଦାଙ୍ଗ୍ ମାଚାନ୍, ହେୱାନ୍ ଶୟତାନତିଙ୍ଗ୍ ଏଚେକ୍ ୱେଚ୍ଚାନ୍ ଯେ, “ମାପୃ ନିଙ୍ଗେଙ୍ଗ୍ ଦମକ୍ ହିଦେନ୍।”
ତାପାଚେ ଇମ୍ଣି ମାନାୟାର୍ ତର୍ ହେ ଜିବୁନ୍ ମାନି ମାନାୟାର୍ ବହିତାକେ ଲେକାଆୱାଦାଙ୍ଗ୍ ମାଚିସ୍ ଈଶ୍ୱର ହେୱାରିଙ୍ଗ୍ ପାତାଳ୍ନି ନାଣି ଆହ୍ନି କୁଣ୍ଡ୍ତାକେ ତୁସିହିନାନ୍। ଇନେସ୍କି ଇମ୍ଣି ମାନାୟାର୍ ତର୍ ଜିବୁନ୍ ମାନି ମାନାୟାର୍ ବହିତାକେ ଲେକାଆୱାତାତ୍ନା, ହେୱାରିଙ୍ଗ୍ ନାଣି ଆହ୍ନି କୁଣ୍ଡ୍ତାକେ ତୁସିହିତାନ୍ନା। ଇ ନାଣି ଆହ୍ନି କୁଣ୍ଡ୍ତାକେ ଦଣ୍ଡ୍ ପାୟାଆନାକା ନେ ଦୁଇ ନମ୍ବର୍ ମାରାଣ୍।
ကြော်ငြာတွေ