ମାତିଉ 5:20 - New Testament in Pengo Parja Language

²⁰ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଈଶ୍ୱର ଇଚାନି ଆଦେସ୍‌ତିଙ୍ଗ୍ ମାନିକିଜି ଏପେଙ୍ଗ୍ ପଣ୍ଡିତ୍‌ ଆରେ ପାରୁସିଦଳ୍‍ତାଙ୍ଗ୍‌ ଆଗେ ଆନାଦେର୍। ଲାଗିଙ୍ଗ୍ ଏପେଙ୍ଗ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡ୍‌ନାଦେର୍।

ସତ୍‌ ବଚନ୍‌ ପୁନି ନିୟମ୍‌

²⁰ ଲାଗିଂ ଆନ୍‌ ଇଞ୍ଜ୍‌ନାଙ୍ଗା ଦରମ୍‌ ଗୁରୁର୍‌ ଆରି ପାରୁସିର୍‌ତାଂ ଆଦିକ୍‌ ପାର୍ତି କିଜ଼ି ଇସ୍ୱର୍‌ତି ଇଚା ଲାକେ କାମାୟ୍‌ କିତିସ୍‌ ହାଲ୍‌ଜି ଏପେଙ୍ଗ୍‌ ସାର୍ଗେ ରାଜିତ ହଣ୍ଡେଙ୍ଗ୍‌ ଆଡ୍‌ନାଦେର୍‌ ।

ମାତିଉ 5:20 ပူးပေါင်းရင်းမြစ်များ

ମାତିଉ 16:12

ହେୱାନ୍ ରୁଟିନି ସଡ଼ାକାର୍‌ତାଙ୍ଗ୍ ସାବ୍‌ଦାନ୍ ଆଜି ମାଞ୍ଜେଙ୍ଗ୍ ୱେଚ୍‌ୱାଦାଙ୍ଗ୍ ପାରୁସିଦଳ୍‍ ଆରେ ଯିହୁଦି ଦର୍‍ମନି ସାଦୁକିଦଳ୍‌ନି ହିକ୍ଷାତାଙ୍ଗ୍ ସାବ୍‌ଦାନ୍ ଆଜି ମାଞ୍ଜେଙ୍ଗ୍ ହେୱାରିଙ୍ଗ୍ ୱେଚ୍‌ଚି ମାଚାନ୍, ଇଦାଙ୍ଗ୍ ହେୱାର୍ ହେପାଦ୍ନା ବୁଜାଆତାର୍।

ମାତିଉ 18:5

ଇମ୍‌ଣାକାନ୍ ନା ତର୍‍ଦାଙ୍ଗ୍ ଇଲେକେ ର ହିରୁ ହିମ୍‌ଣାତିଙ୍ଗ୍ ଆହ୍‌ନାନ୍ ହେୱାନ୍ ନାଙ୍ଗେଙ୍ଗ୍ ଆସ୍ତାନାନ୍।

ମାତିଉ 3:10

ଟେଙ୍ଗିଆ ଆସ୍ତି ମାର୍ କାଦ୍‌ଦେଙ୍ଗ୍ ଜାଗ୍ରତ୍ ଆଜି ମାଚିଲେକେ ଈଶ୍ୱର ପା ପାପ୍ କାମାୟ୍ ପିସ୍ତି ମାପୃତାକେ ୱାୱିତି ମାନାୟାରିଙ୍ଗ୍ ଦଣ୍ଡ୍ ହିଦେଙ୍ଗ୍ ଜାଗ୍ରତ୍ ଆତାନ୍‌ନା। ର ପାଡ଼୍‌ ଆହ୍‌ୱି ମାର୍‌ତିଙ୍ଗ୍ ଇନେସ୍ ମାର୍ କାତ୍‌ନି ମାନାୟ୍ ଇନେସ୍‌ଲେକେ କାଦ୍‌ଦି ନାଣିତାକେ ତୁସିହିନାନ୍‌, ହେଲେକେ ଇମ୍‌ଣାକାନ୍ ହାର୍ଦି କାମାୟ୍ କିଉନ୍ ହେୱାନିଙ୍ଗ୍ ଈଶ୍ୱର ଦଣ୍ଡ୍‌ହିଜି କାଚାଆନି ନାଣିତାକେ ତୁହିହିଦ୍‌ନାନ୍।”

ମାତିଉ 7:21

ନାଙ୍ଗେଙ୍ଗ୍ ମାପୃ, ମାପୃ ଇଞ୍ଜି କୁକ୍‌ତିନି ୱିଜୁ ମାନାୟାର୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁର୍। ଇମ୍‌ଣାକାନ୍ ସରଗ୍‌ତାକେ ମାନି ନା ଆବା ଇଚାତାଙ୍ଗ୍ କାମାୟ୍ କିନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡ୍‌ନାନ୍।

ମାର୍କ 10:15

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇନେର୍ ପା ହିରୁ ହିମ୍‌ଣା ଲେକେ ଈଶ୍ୱର ଆଦିକାର୍‌ତିଙ୍ଗ୍ ମାନିକିଉନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍।”

ମାର୍କ 10:25

ର ଉଟ୍ ପଶୁ ହୁଜାକାଣା ତ ହଣାକା କଷ୍ଟ, ମାତର୍ ର ହାଉକାର୍ ମାନାୟ୍ ଈଶ୍ୱର ସାସନ୍ କିନି ରାଜିତାକେ ହାନାକା ହେବେତାଙ୍ଗ୍ ଆରେ ଇଦାଙ୍ଗ୍ ବେସି କଷ୍ଟ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:44

ଆରେ ପା ମି କାଜିଙ୍ଗ୍ ଦୁକ୍‌ନି ବିଷୟ, ଏପେଙ୍ଗ୍ ଡ଼ୁଗ୍‌ଜିମାଚି ହେ ଦୁଗେର୍ ଲେକେ, ତା ଜପି ମାନାୟାର୍ ପୁନ୍‌ୱାଦାଙ୍ଗ୍ ଦଗାୱିହାକିଜି ତାଙ୍ଗ୍‌ଜି ହାନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:1

ହେପାଦ୍ନା ବେସିହେନି ମାନାୟ୍ ରବେଆଜି ଜାର୍-ଜାର୍ ଜପି ଟେଲାହେମ୍‌ଲା ଆଜି ମାଚାର୍। ହେପାଦ୍ନା ଯୀଶୁ ପାର୍ତୁମ୍ ଚେଲାହିରିଙ୍ଗ୍ ୱେଚ୍‌ଚେଙ୍ଗ୍ ଲାଗାତାନ୍, “ପାରୁସିଦଳ୍‍ ସଡ଼ାକାର୍ ଲେକେ ବାଟ୍‌ପାଣ୍ ଆନି ବିଷୟତାଙ୍ଗ୍ ସାବ୍‌ଦାନ୍ ଆଜି ମାନାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:17

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇନେର୍ ପା ହିରୁ ହିମ୍‌ଣା ଲେକେ ଈଶ୍ୱର ଆଦିକାର୍‌ତିଙ୍ଗ୍ ମାନିକିଉନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍।”

୨ କରନ୍ତିୟ 3:9

ଯଦି ହେ ଦସି କିଦ୍‌ନି ପାନି ପାର୍ମାଣ୍ ଗୌରବ ମାଚାତ୍, ଲାଗିଙ୍ଗ୍ ହେୱାନ୍‌ତାଙ୍ଗ୍ ଇ ପୁନି ପାର୍ମାଣ୍ ଇମ୍‌ଣାକା ଈଶ୍ୱର ମୁମ୍‌ଦ ଦରମ୍ ମାନାୟ୍ କିଦ୍‌ନାନ୍ ହେଦାଙ୍ଗ୍ ଆଦିକ୍ ଗୌରବ ମାନାତ୍।

୨ କରନ୍ତିୟ 5:17

ଲାଗିଙ୍ଗ୍ ଇ ଅର୍ତ ଇନାକା? ଯଦି ରୱାନ୍ ଖ୍ରୀଷ୍ଟାନ୍ ଆନାନ୍ ଲାଗିଙ୍ଗ୍ ହେୱାନ୍ ପୁନାକାନ୍ ଆନାନ୍ କି? ଆଁ ହେୱାର୍ ଆରେ ଆଗେଲେକେ ହାମାନ୍ ମାନ୍‌ଗୁର୍‌, ଇନେସ୍‌କି ଆଗେଲେକେ ଜିବୁନ୍ କାଟି କିନାକା ନଷ୍ଟ ଆତାତ୍‌ନା, ମାତର୍ ନଙ୍ଗୟ୍ ପୁନି ଜିବୁନ୍ କାଟି କିନାକା ଆରମ୍ ଆତାତ୍‌ନା।

ପିଲିପିୟ 3:9

ଆନେଙ୍ଗ୍ ମୋଶା ନିୟମ୍‌ତିଙ୍ଗ୍ ମାନିକିନି କାଜିଙ୍ଗ୍ ଆନେଙ୍ଗ୍ ଦରମ୍ ମାନାୟ୍ ଆୱାତାଙ୍ଗ୍‌ନା, ମାତର୍ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ଆନେଙ୍ଗ୍ ଦରମ୍ ମାନାୟ୍ ଆତାଙ୍ଗ୍‌ନା। ହେ ଦରମ୍‌ନି ବିଷୟ ଈଶ୍ୱର ହିତ୍‌ତାନ୍‌ନା।

ଏବ୍ରି 12:14

ୱିଜାକାର୍ ହୁଦାଙ୍ଗ୍ ଶାନ୍ତିରେ ମାଞ୍ଜେଙ୍ଗ୍ ଆରେ ପବିତ୍ର ଜିବୁନ୍ କାଟି କିଦେଙ୍ଗ୍ ଉପାୟ୍ କିୟାଟ୍। ଇନେସ୍‌କି ଇମ୍‌ଣାକାର୍ ପବିତ୍ର ଆକାୟ୍ ହେୱାର୍ ମାପୃଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍।

ହତ୍‌ତି 21:27

ମାତର୍ କରାପ୍ ମାନାୟାରିଙ୍ଗ୍ କି, ପାପ୍ କାମାୟ୍ କିନାକାରିଙ୍ଗ୍ କି, ମିଚ୍ ୱେଚ୍‌ନାକାର୍ ଆଏର୍, ଇଲେକେ ଗିଣ୍ କାମାୟ୍ କିନାକାରିଙ୍ଗ୍ ଇନାୱେଡ଼ାଙ୍ଗ୍ ପା ହେ ସହର୍‌ତାକେ ହାଞ୍ଜେଙ୍ଗ୍ ହିଉର୍। ଇଲେଗ୍‌ଦି ମାନାୟାର୍ ହେ ସହର୍‌ତାକେ ହାନାର୍ ଯେ, ଇନେର୍ ତର୍‌ ମେଣ୍ଢା ଇନେର୍‌କି ଯୀଶୁ ବହିତାକେ ଲେକାଆଜି ମାନ୍‌ଗାନାତ୍, ହେ ବହିତାକେ ଜିବୁନ୍ ମାନି ମାନାୟାର୍ ତର୍‌ ଲେକାଆତାତ୍‌ନା।