ମାତିଉ 5:10 - New Testament in Pengo Parja Language

¹⁰ ଦରମ୍ କାମ୍ କିନି କାଜିଙ୍ଗ୍ ଇମ୍‌ଣି ମାନାୟ୍ ଦୁଃକ୍ ପାୟା ଆନାନ୍ ହେ ମାନାୟ୍ ହାର୍, ଇନେସ୍‌କି ଈଶ୍ୱର ସାସନ୍ କିନି ରାଜି ହେୱାରିଙ୍ଗ୍ ତା ଲକ୍‌ବାକ୍ ଲେକେ ଆହ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁰ ଇସ୍ୱର୍ତି ଇଚାତ କାମାୟ୍‌ କିଜ଼ି ଇମ୍‌ଣାକାର୍‌ ନିନ୍ଦାପାୟାନାର୍‌ ହେୱାର୍‌ ଦନ୍ୟ, ଇନାକିଦେଂକି ସାର୍ଗେ ରାଜି ହେୱାର୍‌ତି ।

ମାତିଉ 5:10 ပူးပေါင်းရင်းမြစ်များ

ମାତିଉ 10:23

ମାତର୍ ହେୱାର୍ ଏଚେପାଦ୍ନା ମିଙ୍ଗେଙ୍ଗ୍ ର ସହର୍‌ତାକେ ଦୁକ୍ ହିଦ୍‌ନାର୍, ହେପାଦ୍ନା ଅଲଗା ସହର୍‌ତାକେ ହାଲାଟ୍। ଇନେସ୍‌କି ମିଙ୍ଗେଙ୍ଗ୍ ଆନେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇସ୍ରାଏଲନି ସହର୍‌କୁକାଙ୍ଗ୍ ଏପେଙ୍ଗ୍ ବୁଲା ଆନାକା ୱିଜ୍‌ୱି ଆଗେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାନାଙ୍ଗ୍।

ମାତିଉ 19:14

ମାତର୍ ଯୀଶୁ ୱେଚ୍‌ଚାନ୍, “ହିରୁ-ହିରୁ ଗାଡ଼୍‌ଚେ ହିମ୍‌ଣାକାଙ୍ଗ୍ ନା ଲାଗେ ତାହିୱାଦେଙ୍ଗ୍ ପିସ୍ତି ହିୟାଟ୍, ହେୱାରିଙ୍ଗ୍ ନା ଲାଗେ ୱାଦେଙ୍ଗ୍ ମୁନା କିମାଟ୍। ଇନେସ୍‌କି ଈଶ୍ୱର ସାସନ୍ କିନି ରାଜି ଇ ଗାଡ଼୍‌ଚେ ହିମ୍‌ଣାଙ୍ଗ୍ ତି ଲେକେ।”

ମାତିଉ 25:34

ଆନେଙ୍ଗ୍ ରାଜା ତା ତିନାବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାଙ୍ଗ୍, ୱାଡ ନା ସରଗ୍‌ନି ଆବା ମିଙ୍ଗେଙ୍ଗ୍ ଆଶ୍ରିବାଦ୍ କିତ୍‌ତାନ୍‌ନା। ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ରାଜି ହିଦ୍‌ଦେଙ୍ଗ୍ ଇଚା କିତ୍‌ତାନ୍‌ନା। ହେଦାଙ୍ଗ୍ ଏପେଙ୍ଗ୍ ପାୟାଆଡୁ। ପୁର୍ତି ଉବ୍‌ଜା ଆନି ପାଦ୍ନା ମି କାଜିଙ୍ଗ୍ ହେ ରାଜି ରହିଆତାତ୍‌ନା।

ମାତିଉ 5:3

“ଇମ୍‌ଣି ମାନାୟ୍ ଈଶ୍ୱରତିଙ୍ଗ୍ ତା ଗରବ୍‌ତାକେ ଆହ୍‌ନାର୍, ଈଶ୍ୱର ସାସନ୍ କିନି ରାଜି ହେୱାର୍‌ତି ଆନାତ୍।

ମାର୍କ 10:14

ଯୀଶୁ ହେଦାଙ୍ଗ୍ ହୁଡ଼୍‌ଜି ରିସାଆଜି ହେୱାରିଙ୍ଗ୍ ୱେଚ୍‌ଚାନ୍, “ହିରୁ-ହିରୁ ଗାଡ଼୍‌ଚେ ହିମ୍‌ଣାକାଙ୍ଗ୍ ନା ଲାଗେ ୱାଦେଙ୍ଗ୍ ହିଆଟ୍, ହେୱାରିଙ୍ଗ୍ ମୁନା କିମାଟ୍। ଇନେସ୍‌କି ଈଶ୍ୱର ସାସନ୍ କିନି ରାଜି ଇ ଗାଡ଼୍‌ଚେ ହିମ୍‌ଣାଙ୍ଗ୍ ତି ଲେକେ।

ମାର୍କ 10:30

ଆରେ ନଙ୍ଗୟ୍ ଇ ଜୁଗ୍‌ତ ବେସି ଦୁଃକ୍ ପାୟାଆତି ସାଙ୍ଗେ-ସାଙ୍ଗେ ସତ୍ ଗୁଣ୍‌ତାଙ୍ଗ୍ ଇଲ୍‌ଗାଣ୍, ଟଣ୍ଡେନ୍, ତଣ୍‌ଦେଲ୍, ଆୟା, ହିମ୍‌ଣାୱାକ୍‌ଡ଼ା ଆରେ ଦନ୍ ସମ୍ପତି ଆରେ ଜମିବାଡ଼ି ଗାଟାଆନାନ୍ ଆରେ ୱାନିଜୁଗ୍‌ତ ୱିଜ୍‌ୱି ଜିବୁନ୍ ପାୟା ଆନାନ୍। ଇଲେକେ ମାନାୟ୍ ଇନେର୍ ପା ହିଲୁର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:12

ମାତର୍ ଇ ୱିଜୁଗଟ୍‌ନା ଆୱି ଆଗେ, ମାନାୟାର୍ ମିଙ୍ଗେଙ୍ଗ୍ ଆସ୍ତାନାର୍। ଆରେ ଜଇଲ୍ ଇଞ୍ଜ ଗେସ୍ତାନାର୍ ଆରେ ମିଙ୍ଗେଙ୍ଗ୍ କଷ୍ଟ ହିଦ୍‌ନାର୍। ପାର୍ତାନା ଇଞ୍ଜ ମିଙ୍ଗେଙ୍ଗ୍ ବିଚାର୍ କିଦ୍‌ନାର୍ ଆରେ ରାଜା ଆରେ ସାସନ୍ କିନାକାନ୍ ମୁମ୍‌ଦ ହେଲାଇ କିଜି ହିଦ୍‌ନାର୍। ଇନେସ୍‌କି ଏପେଙ୍ଗ୍ ନା ପାଚେ ୱାନି କାଜିଙ୍ଗ୍ ମାନାୟାର୍ ମିଙ୍ଗେଙ୍ଗ୍ ଇଲେକେ ବାଉରା ଆଦ୍‌ନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:29

ନା ଆବା ଈଶ୍ୱର ନାଙ୍ଗେଙ୍ଗ୍ ର ରାଜି ହିତ୍‌ତାନ୍‌ନା। ନା ହୁଦାଙ୍ଗ୍ ଏପେଙ୍ଗ୍ ପା ତା ଜପି ଶାସ୍ କିଦେଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଆଦିକାର୍ ହିଦ୍‌ନାଙ୍ଗା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:20

ଯୀଶୁ ଚେଲାହିର୍ ନିପଣ୍ ହୁଡ଼୍‌ଜି ୱେଚ୍‌ଚାନ୍, “ଇମ୍‌ଣାକାନ୍ ଗରିବ୍ ଆଜି ମାନ୍‌ଗାନାନ୍ ହେୱାନ୍ ଆଶ୍ରିବାଦ୍ ପାୟାଆନାର୍‌। ଇନେସ୍‌କି ଈଶ୍ୱର ସାସନ୍ କିନି ରାଜି ହେୱାର୍‌ତି।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:22

ଆନେଙ୍ଗ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ନା କାଜିଙ୍ଗ୍ ଇନାୱେଡ଼ାଙ୍ଗ୍ ମାନାୟାର୍ ମିଙ୍ଗେଙ୍ଗ୍ ଗିଣ୍ କିଦ୍‌ନାର୍। ଆରେ ମିହୁଦାଙ୍ଗ୍ ମେହାଆଦୁର୍‌, ମି ବିଷୟରେ ବାନ୍ଯା କାତା ୱେଚ୍‌ଚି ମିଙ୍ଗେଙ୍ଗ୍ ଇନସ୍ତା କିଦ୍‌ନାର୍, ଲାଗିଙ୍ଗ୍ ଏପେଙ୍ଗ୍ ଆଶ୍ରିବାଦ୍ ପାୟାଆନାଦେର୍।

ଜହନ୍‌ 15:20

ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚି ମାନ୍‌ଞ୍ଚାଙ୍ଗ୍ ହେଦାଙ୍ଗ୍ ମାନ୍ତ ଇଟାଟ୍। ରକାନ୍ ହଲିଆ ତା ମାଲିକ୍‌ତାଙ୍ଗ୍ ଗାଜା ଆକାୟ୍। ମାନାୟାର୍ ଯଦି ନାଙ୍ଗେଙ୍ଗ୍ ନିନ୍ଦା କିଦ୍‌ନାର୍, ଲାଗିଙ୍ଗ୍ ହେୱାର୍ ମିଙ୍ଗେଙ୍ଗ୍ ପା ନିନ୍ଦା କିଦ୍‌ନାର୍। ଆରେ ଇନେର୍ ନା ହିକ୍ଷାତିଙ୍ଗ୍ ମାନିକିନାର୍, ଲାଗିଙ୍ଗ୍ ହେୱାର୍ ମି ହିକ୍ଷାତିଙ୍ଗ୍ ପା ମାନି କିଦ୍‌ନାର୍।

ପକ୍ୟାତାକା 5:40

ବିଚାର୍‌କିନି ମିଟିଙ୍ଗ୍‌ନି ମାନାୟାର୍ ତା ବେଣ୍‌ତାଙ୍ଗ୍ ରାଜି ଆତାର୍। ଆରେ ବାଚିକିତି ଚେଲାହିରିଙ୍ଗ୍ ଲାଗେ କୁକ୍‌ଚି ହେୱାରିଙ୍ଗ୍ କର୍‌ଡା ହୁଦାଙ୍ଗ୍ ଟ୍ରାକ୍‌ତାର୍ ଆରେ ଯୀଶୁ ତର୍‍ଦାଙ୍ଗ୍ ଶୁଣାୟ୍ କିୱେଦେଙ୍ଗ୍ ଆଦେସ୍ ହିଜି ପିସ୍ତି ହିତାର୍।

ପକ୍ୟାତାକା 8:1

ଶାଉଲ ସ୍ତିପାନତିଙ୍ଗ୍ ଅସ୍ତେଙ୍ଗ୍ ମେହାଆଜି ମାଚାନ୍। ହେ ଦିନ୍ ମାନାୟାର୍ ଯିରୁଶାଲାମ ସହର୍‌ତାକେ ମାନି ମଣ୍ଡ୍‌ଲିନି ପାର୍ତି କିନାକାରିଙ୍ଗ୍ ଦୁକ୍‌କଷ୍ଟ ହିତାର୍। ହେଦାଙ୍ଗ୍ କାଜିଙ୍ଗ୍ ବାଚିକିତି ଚେଲାହିରିଙ୍ଗ୍ ପିସ୍ତି ଜେକନି ୱିଜାକାର୍ ଯିହୁଦା ଜିଲ୍ଲା ଆରେ ଶମିରଣିୟ ଜିଲ୍ଲାନି ଚାରିବେଣ୍‌ତାଙ୍ଗ୍ ଚିନ୍‌ବିନ୍ ଆତାର୍।

୨ କରନ୍ତିୟ 4:17

ଇନେସ୍‌କି ଆସେଙ୍ଗ୍ ନଙ୍ଗୟ୍ ପାୟାଆନି ଦୁଃକ୍ କଷ୍ଟ ୱିଜୁ ହିରୁ ଆରେ ବେସିଦିନ୍ ମାନ୍‌ଗୁତ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱିଜ୍‌ୱି ଜିବୁନ୍ ପାୟାଆନାସ୍, ଇମ୍‌ଣାକା କି ୱିଜୁ ଜିନିଷ୍‌ତାଙ୍ଗ୍ ଗାଜା ଆରେ ୱିଜୁଦିନ୍ ମାନ୍‌ଗାନାତ୍।

ପିଲିପିୟ 1:28

ମିଙ୍ଗେଙ୍ଗ୍ ଇନା ବିଷୟରେ ପା ବିରଦ୍ କିଦ୍‌ନି ମାନାୟାରିଙ୍ଗ୍ ଏପେଙ୍ଗ୍ ପାଣ୍ଡ୍ରା ଆମାଟ୍। ମି ସାହାସ୍ ହେୱାର୍ କାଜିଙ୍ଗ୍ ନଷ୍ଟ ଆନି ଚିନା, ମାତର୍ ମି କାଜିଙ୍ଗ୍ ଈଶ୍ୱର ହିତ୍‌ତି ଉଦାର୍ ପାୟାଆନି ଚିନା।

୨ ତିମଥି 2:12

ଯଦି ଆସେଙ୍ଗ୍ ହେୱାନ୍ କାଜିଙ୍ଗ୍ ସାହାସ୍ ଆସ୍ତି କିନାସ୍, ଲାଗିଙ୍ଗ୍ ହେୱାନ୍ ହୁଦାଙ୍ଗ୍ ପା ରାଜା ଲେକେ ଆଜି ସାସନ୍ କିନାସ୍। ଯଦି ଆସେଙ୍ଗ୍ ହେୱାନିଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍‌ନାସ୍, ଲାଗିଙ୍ଗ୍ ହେୱାନ୍ ପା ମାଙ୍ଗେଙ୍ଗ୍ ତା ମାନାୟ୍ ଇଞ୍ଜି ୱେଚୁନ୍।

୨ ତିମଥି 3:11

ମାନାୟାର୍ ନାଙ୍ଗେଙ୍ଗ୍ ଦୁକ୍‌କଷ୍ଟ ଆରେ ବେସିଦୁକ୍ ହିତାର୍‌ନା। ଆନ୍ତିୟକିଆ, ଇକନିୟ ଆରେ ଲୁସ୍ତ୍ରା ସହର୍‌କୁକାଙ୍ଗ୍ ନା ହୁଦାଙ୍ଗ୍ ଇନାକା ୱିଜୁ ଗଟାଆତାତ୍‌ନା ହେ ବିଷୟରେ ଏପେଙ୍ଗ୍ ପୁଚାଦେର୍‌ନା। ଆନେଙ୍ଗ୍ ହେ ୱିଜୁ ମାନିକିଜି ମାଚାଙ୍ଗ୍, ଆରେ ମାପୃ ନାଙ୍ଗେଙ୍ଗ୍ ହେ ୱିଜୁତାଙ୍ଗ୍ ଉଦାର୍ କିଜି ମାନ୍‌ଞ୍ଚାନ୍।

ଜାକ୍‌ବ 1:12

ଇମ୍‌ଣି ମାନାୟ୍ ପରିକ୍ଷା ଆତିହିଙ୍ଗ୍ ପା ଈଶ୍ୱରତାକେ ପାର୍ତି କିଜି ମାନାନ୍, ହେୱାନ୍ ଆଶ୍ରିବାଦ୍‌ନି ମାନାୟ୍। ଇନେସ୍‌କି ଈଶ୍ୱରତିଙ୍ଗ୍ ଲାଡ୍‌କିନି ମାନାୟ୍‌ରିଙ୍ଗ୍ ଇମ୍‌ଣି ୱିଜ୍‌ୱି ଜିବୁନ୍‌ନି ମୁକୁଟ୍ ହିଦେଙ୍ଗ୍ ଈଶ୍ୱର ପାର୍ମାଣ୍ କିତାନ୍‌ନା। ପରିକ୍ଷାତାଙ୍ଗ୍ ଜିତାଆତି ପାଚେ ହେ ମାନାୟାରିଙ୍ଗ୍ ହେ ମୁକୁଟ୍ ଈଶ୍ୱର ହିନାନ୍।

ଜାକ୍‌ବ 5:11

ଏପେଙ୍ଗ୍ ପୁଚାଦେର୍‌ନା ଯେ, ଇମ୍‌ଣାକାନ୍ ଦୁକ୍‌କଷ୍ଟ ଆତିହିଙ୍ଗ୍ ପା ଦରମ୍‌ଆଜି ମାନାନ୍, ହେୱାନିଙ୍ଗ୍ ଆପେଙ୍ଗ୍ ଆଶ୍ରିବାଦ୍‌ନି ମାନାୟ୍ ଇଞ୍ଜି ୱେଚ୍‌ଚି ମାନାସ୍। ଏପେଙ୍ଗ୍ ଆୟୁବନି ଦରମ୍ ବିଷୟରେ ୱେଚାଦେର୍‌ନା, ଆରେ ମାପୃ ହେୱାନିଙ୍ଗ୍ ଆଶ୍ରିବାଦ୍ କିତାକା ପା ହୁଡ଼୍‌ତାଦେର୍‌ନା। ଲାଗିଙ୍ଗ୍ ମାପୃ ବେସି ଲାଡ୍ ଆରେ ଦୟା କିଦ୍‌ନାନ୍।

୧ ଯୋହନ 3:12

ଆସେଙ୍ଗ୍ ଆଦମ ମେହି କୟିନ ଲେକେ ଆଉସ୍, ହେୱାନ୍ ଶୟତାନନି ଲକ୍ ମାଚାନ୍, ଆରେ ତା ଟଣ୍ଡାହିଙ୍ଗ୍ ମାର୍ନେ ଅସ୍ତାନ୍‌। ଇନେସ୍‌କି ତା ଟଣ୍ଡାହି ଦରମ୍ କାମାୟ୍ କିଜି ମାଚାନ୍। ମାତର୍ କୟିନ କରାପ୍ କାମାୟ୍ କିଜି ମାଚାନ୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ତା ଟଣ୍ଡାହିଙ୍ଗ୍ ମାର୍ନେ ଅସ୍ତାନ୍‌।

ହତ୍‌ତି 2:10

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦୁଃକ୍ କଷ୍ଟ ପାୟାଆନାପା ଇଞ୍ଜି ପାଣ୍ଡ୍ରା ଆମାଟ୍। ମି ବିତ୍ରେତାଙ୍ଗ୍ କେତ୍‌ଜାଣ୍‌ତିଙ୍ଗ୍ ଶୟତାନ୍ ବନ୍ଦିକିଜି ଜଇଲ୍ ଇଞ୍ଜ ଇଡ଼୍‌ଦାନାତ୍ ଆରେ ମିଙ୍ଗେଙ୍ଗ୍ ପରିକ୍ଷା କିଦ୍‌ନାତ୍। ଏପେଙ୍ଗ୍ ଦଶ୍‌ଦିନ୍ ପାତେକ୍ ବେସି ଦୁଃକ୍ କଷ୍ଟ ପାୟାଆନାଦେର୍। ମାତର୍ ଯଦି ହେୱାନ୍ ମିଙ୍ଗେଙ୍ଗ୍ ମାର୍ନେ ଅସ୍ତିତିସ୍ ପା ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିମାଟ୍, ଇନେସ୍‌କି ଏପେଙ୍ଗ୍ ଜିତାଆତି କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁଦିନ୍ ମାନି ଜିବୁନ୍ ପୁରଷ୍କାର୍ ହିଦ୍‌ନାଙ୍ଗ୍।”