ମାତିଉ 4:9 - New Testament in Pengo Parja Language

⁹ ଆରେ ଶୟତାନ ଯୀଶୁଙ୍ଗ୍ ୱେଚ୍‌ଚାତ୍, “ଏନେଙ୍ଗ୍ ଯଦି ନାଙ୍ଗେଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିତ୍‌ତିସ୍, ଆନେଙ୍ଗ୍ ଇୱିଜୁ ଦନ୍ ସମ୍ପତି ନିଙ୍ଗେଙ୍ଗ୍ ହିଦ୍‌ନାଙ୍ଗ୍।”

ସତ୍‌ ବଚନ୍‌ ପୁନି ନିୟମ୍‌

⁹ “ଜଦି ଏନ୍‌ ଏଚେକାଡ଼୍‌ଦ ମେଣ୍ଡାଙ୍ଗ୍‌ କୁନ୍ଦିକିଜ଼ି ନାଙ୍ଗେଙ୍ଗ୍‌ ପୁଜା କିଦ୍‍ନାୟ୍‌, ଇ ୱିଜ଼ୁ ନିଙ୍ଗେଙ୍ଗ୍‌ ଆନ୍‌ ହିଦ୍‌ନାଂ ।”

ମାତିଉ 4:9 ပူးပေါင်းရင်းမြစ်များ

ମାତିଉ 26:15

“ଆନେଙ୍ଗ୍ ମିଙ୍ଗେଙ୍ଗ୍ ଯୀଶୁଙ୍ଗ୍ ଚଚ୍‌ଚାନାଙ୍ଗ୍ ନାଙ୍ଗେଙ୍ଗ୍ ଇନାକା ହିଦ୍‌ନାଦେର୍?” ଯିହୁଦି ଦରମ୍ ମୁଡ଼୍‌ଦି ପୁଜାରିର୍ ଇଷ୍କାରିତିୟ ଯିହୁଦାଙ୍ଗ୍ ତିରିଶ୍ ଗଟା ରୁପା ଡାବୁଙ୍ଗ୍ ହିତାର୍।

ମାତିଉ 4:10

ହେବେ ଯୀଶୁ ତାଙ୍ଗେଙ୍ଗ୍ ୱେଚ୍‌ଚାନ୍, “ନାବେତାଙ୍ଗ୍ ଦେହା ଆ ଶୟତାନ, ‘ଲାଗିଙ୍ଗ୍ ଈଶ୍ୱର ସାସ୍ତର୍‌ତାକେ ଲେକା ମାନାତ୍, ଏପେଙ୍ଗ୍ ଜାର୍ ମାପୃତିଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିନାଦେର୍, ଆରେ ହେୱାନିଙ୍ଗ୍‌ନେ ହେବା କିନାଦେର୍।’ ”

ଜହନ୍‌ 12:31

ନଙ୍ଗୟ୍ ଇ ପୁର୍ତିତିଙ୍ଗ୍ ବିଚାର୍‌କିନି ଦିନ୍ ଏକିୱାତାତ୍, ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍‌ତିଙ୍ଗ୍ ବାର୍ତ ତୁସିହିନି ଦିନ୍ ୱାତାତ୍।

ଜହନ୍‌ 13:3

ଆବା ଈଶ୍ୱର ଯୀଶୁଙ୍ଗ୍ ୱିଜୁ ବଷୟରେ ଆଦିକାର୍ ହିଜିମାଚାନ୍। ହେୱାନ୍ ଈଶ୍ୱରତାଙ୍ଗ୍ ୱାତାନ୍‌ନା ଆରେ ଈଶ୍ୱରତାକେ ହାନାଙ୍ଗ୍ ଇଞ୍ଜି ଯୀଶୁ ଇଦାଙ୍ଗ୍ ପୁନ୍‌ଞ୍ଜି ମାଚାନ୍।

ଜହନ୍‌ 14:30

ଆନେଙ୍ଗ୍ ମିହୁଦାଙ୍ଗ୍ ଆରେ ବେସି ବେଣ୍ କିଦ୍‌ଦେଙ୍ଗ୍ ଆଡ଼୍‌ଦୁଙ୍ଗ୍। ଇ ପୁର୍ତିନି ସାସନ୍ କିନାକାନ୍ ୱାନାନା, ଆରେ ନାବେ ହେୱାନ୍‌ତି ଇନାକାପା ଆଦିକାର୍ ହିଲୁତ୍।

ଜହନ୍‌ 16:11

ନ୍ୟାୟ୍ ବିଚାର୍ ବିଷୟରେ ପୁର୍ତିତିଙ୍ଗ୍ ଚଚ୍‍ନାନ୍, ଇନେସ୍‌କି ପୁର୍ତିନି ସାସନ୍ କିନି ଶୟତାନ୍ ବିଚାର୍ ଆତାନେ।

୨ କରନ୍ତିୟ 4:4

ଆସେଙ୍ଗ୍ ଶୁଣାୟ୍ କିନି ହାର୍ଦିକାବୁର୍‌ତିଙ୍ଗ୍ ପାର୍ତିକିୱି ମାନାୟାରିଙ୍ଗ୍ ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍, ତା ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା ଆରେ ବୁଜା ଆଦେଙ୍ଗ୍ ହିଉତା। ଲାଗିଙ୍ଗ୍ ଈଶ୍ୱରଲେକେ ଚଞ୍ଜ୍‌ନି ଖ୍ରୀଷ୍ଟ ଯୀଶୁ ବିଷୟନି ହାର୍ଦିକାବୁର୍ ଆରେ ତା ଗୌରବତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

୧ ତିମତି 3:6

ହେୱାନ୍ ନୁଆଁରେ ପାର୍ତିକିନାକାନ୍ ଆୱାଦାଙ୍ଗ୍ ମାନ୍‌ଗାନାନ୍, ନଇଲେ ହେୱାନ୍ ବାଟ୍‌ପାଣିଆ ଆନାନ୍ ପାଚେ ଶୟତାନ୍ ଇନେସ୍ ବାଟ୍‌ପାଣିଆ ଆଜି ଦଣ୍ଡ୍ ପାୟାଆଜି ମାଚାତ୍ ହେୱାନ୍ ପା ହେଲେକେ ଦଣ୍ଡ୍ ପାୟା ଆନାନ୍।

ହତ୍‌ତି 19:10

ତାପାଚେ ଆନେଙ୍ଗ୍ ହେ ଦୁତ୍ କାଲ୍‌ପାନାତାକେ ମୁଣ୍ଡିଆ ଇଡ଼୍‌ଜି ପୁଜା କିତାଙ୍ଗ୍, ମାତର୍ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାତ୍, “ଆକାୟ୍ ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଈଶ୍ୱର ଦାସ୍ ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନାରା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା। ଇନେସ୍‌କି ପବିତ୍ର ଆତ୍ମା ହେ ମାନାୟ୍ ଇନେର୍ ମାନାୟାରିଙ୍ଗ୍ ଯୀଶୁ ଖ୍ରୀଷ୍ଟ ସତ୍ ବିଷୟ ଶୁଣାୟ୍ କିଦେଙ୍ଗ୍ ସାଇଜ କିନାତା।”

ହତ୍‌ତି 19:16

ତା ହେନ୍ଦ୍ରାତାକେ ଆରେ ତା କୁଟାତ ରାଜା ବିତ୍ରେ ରାଜା ଆରେ ମାପୃ ବିତ୍ରେ ମାପୃ ଇଞ୍ଜି ଲେକାଆଜି ମାଚାତ୍।