ମାତିଉ 4:10 - New Testament in Pengo Parja Language

¹⁰ ହେବେ ଯୀଶୁ ତାଙ୍ଗେଙ୍ଗ୍ ୱେଚ୍‌ଚାନ୍, “ନାବେତାଙ୍ଗ୍ ଦେହା ଆ ଶୟତାନ, ‘ଲାଗିଙ୍ଗ୍ ଈଶ୍ୱର ସାସ୍ତର୍‌ତାକେ ଲେକା ମାନାତ୍, ଏପେଙ୍ଗ୍ ଜାର୍ ମାପୃତିଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିନାଦେର୍, ଆରେ ହେୱାନିଙ୍ଗ୍‌ନେ ହେବା କିନାଦେର୍।’ ”

ସତ୍‌ ବଚନ୍‌ ପୁନି ନିୟମ୍‌

¹⁰ ଜିସୁ ଉତର୍‌ ହିତାନ୍‌, “ଦେହା ଆ ସୟ୍‌ତାନ୍‌ ! ଦରମ୍‌ ସାସ୍ତର୍‌ର୍ତ ଲେକାମାନାତ୍‌, କେବଲ୍‌ ନି ମାପ୍ରୁ ଇସ୍ୱର୍‌ତିଂ ପାର୍ତାନା କିୟା ଆରି ହେୱାନ୍ତି ହେବା କିୟା ।”

ମାତିଉ 4:10 ပူးပေါင်းရင်းမြစ်များ

ମାତିଉ 16:23

ମାତର୍ ଯୀଶୁ ମାସ୍‌ଜି ତା ଚେଲାରିଙ୍ଗ୍ ହୁଡ଼୍‌ତାନ୍, ଆରେ ପିତରତିଙ୍ଗ୍ ଦମ୍‍କାଇକିଜି ୱେଚ୍‌ଚାନ୍, “ଶୟତାନ! ନାବେତାଙ୍ଗ୍ ଦେହା ଆ। ଏନେଙ୍ଗ୍ ନାଙ୍ଗେଙ୍ଗ୍ ବାଦାହିଦ୍‌ନି ଲେକେ ଆନାୟା, ଇନେସ୍‌କି ଏନେଙ୍ଗ୍ ଈଶ୍ୱର ବିଷୟରେ ବାବି କିୱାଦାଙ୍ଗ୍ ମାନାୟ୍ ବିଷୟରେ ବାବିକିନାୟା।”

ମାର୍କ 1:13

ଯୀଶୁ ହେ ଟାଙ୍ଗ୍ରାବାହାତ ଚାଲିଶ୍ ଦିନ୍ ମାଚାନ୍। ଶୟତାନ ତାଙ୍ଗେଙ୍ଗ୍ ପରିକ୍ଷା କିଜି ମାଚାତ୍, ହେ ବାହାତାକେ ରାନ୍‍ତି ପଶୁଙ୍ଗ୍ ପା ମାଚିକ୍। ଆରେ ସରଗ୍‌ନି ଦୁତ୍‌କୁ ୱାଜି ଯୀଶୁଙ୍ଗ୍ ହେବାକିଜି ମାଚିକ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:18

ଇଦାଙ୍ଗ୍ ୱେନ୍‌ଞ୍ଜି ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଶୟତାନ୍‌ତିଙ୍ଗ୍ ଆରାୟ୍‌କିଜି ସରଗ୍‌ତାଙ୍ଗ୍ ବିଜ୍‌ଲି ଲେକେ ଆଜି ଆର୍ଦାନାକା ହୁଡ଼୍‌ତାଙ୍ଗ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:18

ଯଦି ଶୟତାନ ଜାର୍ ଲକ୍ ବିତ୍ରେ ବିରଦ୍ କିନାତ୍, ଲାଗିଙ୍ଗ୍ ତା ରାଜି ଶାନ୍ତିଆଜି ମାଞ୍ଜେଙ୍ଗ୍ ଆଡୁତ୍? ଇନେସ୍‌କି ଆନେଙ୍ଗ୍ ତ ଶୟତାନ ଆତ୍ମା ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାୟ୍ ଇଞ୍ଜି ଏପେଙ୍ଗ୍ ତ ୱେଚ୍‌ଚାନାଦେରା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:16

ଇ କଗ୍‌ଲେଙ୍ଗ୍ ଆନେଙ୍ଗ୍ ହାର୍ କିତାଙ୍ଗ୍ ହେଦେଲ୍ ମା ଅବ୍ରାହାମ୍‌ ଲାତ୍ରାନି ଗାଡ଼୍‌ଚେ ମାଚାତ୍। ଶୟତାନ ହେଦେଲିଙ୍ଗ୍ ଅଟ୍‌ର ବାର୍ହୁ ଆତାତ୍ ହଇରାଣ୍ କିଜି ମାଚାତ୍। ଲାଗିଙ୍ଗ୍ ଇନେସ୍ କିଜି ଜମ୍‌ନିଦିନ୍‌ ନାଞ୍ଜିଙ୍ଗ୍ ହେଦେଲ୍ ହାର୍ ଆନାତ୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:3

ହେପାଦ୍ନା ଯୀଶୁ ବାଚିକିତି ବାରଜାଣ୍ ଚେଲାହିର୍ ବିତ୍ରେତାଙ୍ଗ୍ ଇଷ୍କାରିତିୟ ଯିହୁଦା ତର୍‍ଦାକାନ୍ ତାକେ ଶୟତାନ ହଟାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:31

ଶିମୋନ, ଶିମୋନ, ‘ହୁଡ଼ା ନିଙ୍ଗେଙ୍ଗ୍ ଶୟତାନ୍ ୱିଜାକାରିଙ୍ଗ୍ ପରିକ୍ଷା କିଦ୍‌ଦେଙ୍ଗ୍ ମାପୃ ତାକେଣ୍ଡାଙ୍ଗ୍ ଆଦେସ୍ ଏନ୍ତାତ୍‌ନା, ହାର୍ଦି ମାନାୟ୍‌ତାଙ୍ଗ୍ ବାନ୍ୟା ମାନାୟ୍‌ତିଙ୍ଗ୍ ଜେକ କିଦେଙ୍ଗ୍, ଇନେସ୍‌କି ଚାଷି ଗହମ୍‌ତାଙ୍ଗ୍ ପଲଙ୍ଗ୍ ଅଲ୍‌ଗା କିତିଲେକେ।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:8

ଯୀଶୁ ୱେଚ୍‌ଚାନ୍, “ଦରମ୍ ସାସ୍ତର୍‌ତାକେ ଲେକା ମାନାତ୍, ଏପେଙ୍ଗ୍ ଜାର୍ ଈଶ୍ୱରତିଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିନାଦେର୍, ଆରେ ହେୱାନିଙ୍ଗ୍‌ନେ ହେବା କିନାଦେର୍।”

ଜହନ୍‌ 13:27

ଈଷ୍କାରିୟତ ଯିହୁଦା ରୁଟି ଅତିହିଙ୍ଗ୍ ତା ବିତ୍ରେ ଶୟତାନ୍ ହଟାତ୍। ଯୀଶୁ ଈଷ୍କାରିୟତିୟ ଯିହୁଦାଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଇନାକା କିନି କାତା ହେଦାଙ୍ଗ୍ ବେଗି କିୟା।”

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

ପକ୍ୟାତାକା 5:3

ଇଦାଙ୍ଗ୍ ହୁଡ଼୍‌ଜି ପିତର ୱେଚ୍‌ଚାନ୍, “ଏ ହନନିୟ, ଏନେଙ୍ଗ୍ ଇନା କିଦେଙ୍ଗ୍ ଶୟତାନ୍ ସାଇଜତାଙ୍ଗ୍ ଇନା କିଦେଙ୍ଗ୍ ପବିତ୍ର ଆତ୍ମାତିଙ୍ଗ୍ ମିଚ୍ କାତା ୱେଚ୍‌ଚାଇ। ଏନେଙ୍ଗ୍ ଇନାକା ଜମି ପତି ଡାବୁଙ୍ଗ୍‌ତାଙ୍ଗ୍ ର ବାଗ୍ ଡ଼ୁକ୍‌ଚି ଇଟ୍‌ୱାତାଇ କି?

୧ କରନ୍ତିୟ 5:5

ଇଲେକେ ମାନାୟ୍‌ତିଙ୍ଗ୍ ଏପେଙ୍ଗ୍ ମଣ୍ଡ୍‌ଲିତାଙ୍ଗ୍ ହପାଟ୍‌। ଆରେ ଶୟତାନ ତାଙ୍ଗେଙ୍ଗ୍ କଣ୍ଟ୍ରୁଲ୍ କିନି କାଜିଙ୍ଗ୍ ପିସ୍ତି ହିୟାଟ୍। ଲାଗିଙ୍ଗ୍ ହେୱାନ୍ ତା ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିନାନ୍, ଆରେ ମାପୃ ଯୀଶୁ ଆରେରଗ ପୁର୍ତିତାକେ ୱାନିହିଙ୍ଗ୍ ହେୱାନ୍ ରକ୍ଷା ପାୟା ଆନାନ୍।

୧ କରନ୍ତିୟ 7:5

ଏପେଙ୍ଗ୍ ହୁଞ୍ଜା ମାଗା ଆୱେଦେଙ୍ଗ୍ ଜାର୍-ଜାର୍‌ବିତ୍ରେ ଅଲ୍‌ଗା ମାନ୍‌ମାଟ୍, ମାତର୍ ଯଦି ଏପେଙ୍ଗ୍ ବେସି ପାର୍ତାନା କିନି କାଜିଙ୍ଗ୍ ଅଲ୍‌ଗା ମାନାଦେରା, ଲାଗିଙ୍ଗ୍ ଜାର୍-ଜାର୍‌ବିତ୍ରେ ରାଜି ଆଜି ଅଲ୍‌ଗା ମାନାଟ୍। ଶୟତାନ ମିଙ୍ଗେଙ୍ଗ୍ ପରିକ୍ଷା କିଦେଙ୍ଗ୍ ଆଡ଼୍‌ଦାନାନ୍, ଇନେସ୍‌କି ଏପେଙ୍ଗ୍ ଜାର୍‌ତିଙ୍ଗ୍ କଣ୍ଟ୍ରୁଲ୍ କିଦେଙ୍ଗ୍ ଆଡୁଦେରା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଆରେରଗ ହୁଞ୍ଜା ମାଗା ଆଡ।

୨ କରନ୍ତିୟ 11:14

ମାତର୍ ହେୱାର୍ କାଜିଙ୍ଗ୍ ଆନେଙ୍ଗ୍ ଚାନିଆ ଆଉଙ୍ଗା, ଇନେସ୍‌କି ଶୟତାନ ଜାର୍‌ତିଙ୍ଗ୍ ଅଜଡ଼୍‌ନି ଦୁତ୍ ଇଞ୍ଜି ୱେଚ୍‌ନାତା।

୨ କରନ୍ତିୟ 12:7

ମାତର୍ ଈଶ୍ୱର ନାଙ୍ଗେଙ୍ଗ୍ ଚଚ୍‌ଚି ମାନ୍‌ଞ୍ଚି ଚାନିଆଆନି ବିଷୟରେ ଚଞ୍ଜିଆ ଆନି ଦର୍‌କାର୍ ଆକାୟ୍। ଇନେସ୍‌କି ଶୟତାନନି ଡାଣ୍ଡାସି ନା ଗାଗାଡ଼୍‌ତାକେ ର ୱାଡ଼ି କଷ୍ଟ ପାୟା ଆଦେଙ୍ଗ୍ ହିତ୍‌ତାନ୍‌ନା ଆରେ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବାଟ୍‌ପାଣ୍ ଆଦେଙ୍ଗ୍ ଆଡୁଙ୍ଗା।

୨ କରନ୍ତିୟ 2:11

ଲାଗିଙ୍ଗ୍ ଶୟତାନ ମା ଜପି ଜିତା ଆଦେଙ୍ଗ୍ ଆଡୁତ୍, ଇନେସ୍‌କି ଆପେଙ୍ଗ୍ ପୁଚାପ୍‌ନା ଯେ, ହେ ଶୟତାନ ୱିଜୁଦିନ୍ ମାଙ୍ଗେଙ୍ଗ୍ ପାପ୍ କାମାୟ୍ କିୟିକିଦେଙ୍ଗ୍ ଉପାୟ୍ କିନାତା।

ଜାକ୍‌ବ 4:7

ଲାଗିଙ୍ଗ୍ ଏପେଙ୍ଗ୍ ଈଶ୍ୱରତିଙ୍ଗ୍ ମାନିକିଜି ମାନାଟ୍, ଆରେ ଶୟତାନତିଙ୍ଗ୍ ବିରଦ୍ କିୟାଟ୍। ଲାଗିଙ୍ଗ୍ ହେ ଶୟତାନ ମି ଲାଗାୟ୍‌ତାଙ୍ଗ୍ ହନ୍‍ଚି ହାନାତ୍।

୧ ପିତର 5:9

ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍ ପାର୍ତି କିଜି ହେ ଶୟତାନତିଙ୍ଗ୍ ବିରଦ୍ କିୟାଟ୍। ଏପେଙ୍ଗ୍ ମାନ୍ତ ଇଟାଟ୍ ଯେ, ଏପେଙ୍ଗ୍ ଦୁଃକ୍ କଷ୍ଟ ପାୟା ଆତିଲେକେ ଇ ପୁର୍ତିନି ଖ୍ରୀଷ୍ଟଙ୍ଗ୍ ୱିଜାର୍ ମାନାୟାର୍ ହେଲେକେ ଦୁଃକ୍ କଷ୍ଟ ପାୟାଆନାରା।