ମାତିଉ 3:1 - New Testament in Pengo Parja Language

¹ ହେପାଦ୍ନା ଡୁବନ୍‌ହିନି ଯୋହନ ୱାଜି ଯିହୁଦା ଜିଲ୍ଲାନି ଟାଙ୍ଗ୍ରାବାହାତ ମାନ୍‌ଞ୍ଜି ୱେଚ୍‌ଚେଙ୍ଗ୍ ଲାଗାତାନ୍,

ସତ୍‌ ବଚନ୍‌ ପୁନି ନିୟମ୍‌

¹ ହେ ୱେଡ଼ାଲିଂ ବାପ୍ତିସିମ୍‌ ହିନି ଜହନ୍‌ ଜିହୁଦା ରାଜିନି ବାଟାରାଜିତ ୱାଜ଼ି ସୁଣାୟ୍‌କିଦେଂ ଆରମ୍‌ କିତାନ୍‌ ।

ମାତିଉ 3:1 ပူးပေါင်းရင်းမြစ်များ

ମାତିଉ 11:11

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଡୁବନ୍‌ହିନି ଯୋହନ ଲେକେ ଇନେର୍ ପା ଗାଜାକାନ୍ ହେୱାନ୍‌ତାଙ୍ଗ୍ ଜନମ୍ ଆୱାତାର୍‌ମା। ମାତର୍ ନଙ୍ଗୟ୍ ଇନେର୍ ୱିଜାକାର୍‌ତାଙ୍ଗ୍ ହିରୁକାନ୍ ମାନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ଡୁବନ୍‌ହିନି ଯୋହନତାଙ୍ଗ୍ ପା ଗାଜାକାନ୍ ଆନାନ୍।

ମାତିଉ 11:7

ଇ କାତା ୱେନ୍‌ଞ୍ଜି ଡୁବନ୍‌ହିନି ଯୋହନ ଚେଲାହିର୍ ଲେଉଟା ଆଜି ହାଚାର୍। ହେପାଦ୍ନା ଯୀଶୁ ମାନାୟାରିଙ୍ଗ୍ ଡୁବନ୍‌ହିନି ଯୋହନ ବିଷୟରେ ୱେଚ୍‌ଚାନ୍, “ର ମାର୍‌ତି କେନ୍ଦା ଡ଼ୁଇତାକେ ଇନେସ୍ ଇନି ଆନି ଆଜି ଜଲାଆଜି ମାନାତ୍ ହେଲେକେ ଚାନେକ୍‌ତିଙ୍ଗ୍ ଚାନେକ୍ ଇନି ଆନି ୱେଚ୍‌ନି ମାନାୟ୍‌ତିଙ୍ଗ୍ ଟାଙ୍ଗ୍ରାବାହାତ ହୁଡ଼୍‌ଦେଙ୍ଗ୍ ହାଲ୍‌ଜି ମାଚାଦେର୍? ହେଲେଗ୍‌ଦି ମାନାୟ୍‌ତିଙ୍ଗ୍ ଏପେଙ୍ଗ୍ ହୁଡ଼୍‌ଦେଙ୍ଗ୍ ହାଲ୍‌ୱାଦାଙ୍ଗ୍ ମାଚାଦେର୍।

ମାତିଉ 16:14

ହେୱାର୍ ଯୀଶୁଙ୍ଗ୍ ୱେଚ୍‌ଚାର୍, “କେତେକ୍ ମାନାୟାର୍ ଇନାରା ଡୁବନ୍‌ହିନି ଯୋହନ, ଆରେ କେତେକ୍ ହେନି ଇନାରା ଏଲିୟ, ଆରେ କେତେକ୍ ହେନି ଇନାର୍, ଯିରିମିୟ କି ଭବିଷ୍ଯତବକ୍ତାର୍ ବିତ୍ରେତାଙ୍ଗ୍ ରକାନ୍।”

ମାତିଉ 21:32

ଡୁବନ୍‌ହିନି ଯୋହନ ମି ଲାଗେ ୱାଜି ଦରମ୍ ହାଜ୍‌ଦିଙ୍ଗ୍ ହାଲ୍‌ଜି ହାର୍‌ଦାଙ୍ଗ୍ ଜିନାକା ଚଚ୍‌ଚି ମାନ୍‌ଞ୍ଚାନ୍। ମାତର୍ ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିୱାତାଦେର୍। ମାତର୍ ସିସ୍ତୁଏନ୍‌ନାକାର୍ ଆରେ ଦାରି କାମାୟ୍ କିନାକାର୍ ତା କାତାତିଙ୍ଗ୍ ପାର୍ତି କିତାର୍। ଇଦାଙ୍ଗ୍ ହୁଡ଼୍‌ଜି ପା ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଜି ତାଙ୍ଗେଙ୍ଗ୍ ପାର୍ତି କିୱାତାଦେର୍।”

ମାତିଉ 3:8

ମିଙ୍ଗେଙ୍ଗ୍ ଜାର୍ କାମାୟ୍‌ତାଙ୍ଗ୍ ଚଚିୟାଆଦେଙ୍ଗ୍ ଆନାତ୍‌ ଯେ, ଏପେଙ୍ଗ୍ ହାତ୍‌ପା ପାପ୍ କାମାୟ୍ ପିସ୍ତି ମାପୃତାକେ ୱାତାଦେର୍‌ନା।

ମାର୍କ 1:15

ହେୱାନ୍ ଇଦାଙ୍ଗ୍ ୱେଚ୍‌ଚେଙ୍ଗ୍ ହାଙ୍ଗ୍‌ତାନ୍, “ଈଶ୍ୱର ବାଚିକିତି ସମୟ୍ ଆତାତ୍, ଈଶ୍ୱର ସାସନ୍ କିନି ରାଜି ଲାଗେ ଇକାୱାନାତା। ହେଦାଙ୍ଗ୍ କାଜିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଡ ଆରେ ହାର୍ଦିକାବୁର୍‌ତିଙ୍ଗ୍ ପାର୍ତିକିୟାଟ୍।”

ମାର୍କ 1:2

ଭବିଷ୍ଯତବକ୍ତା ଯିଶାୟ ତା ସାସ୍ତର୍‌ତାକେ ଲେକା ମାନାତ୍, ଈଶ୍ୱର ତା ମେହିଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ୱେଚ୍‌ଚାନ୍, ହୁଡ଼ା, “ଆନେଙ୍ଗ୍ ନା ଡାଣ୍ଡାସିଙ୍ଗ୍ ନି ଆଗେ ପକ୍ତାନାଙ୍ଗ୍, ହେୱାନ୍ ନି ହାଜି ରହନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:76

ଆରେ ଏ ହିମ୍‌ଣା! ଯୋହନ ପା ୱିଜୁ ଈଶ୍ଵରତାଙ୍ଗ୍ ଗାଜା ଈଶ୍ୱରନି ରକାନ୍ ଭବିଷ୍ଯତବକ୍ତା ଆନାୟ୍। ଆରେ ମାପୃ ୱାନିଦିନ୍ ମାନାୟାରିଙ୍ଗ୍ ଜାଗ୍ରତ୍ କିନି କାଜିଙ୍ଗ୍ ମାପୃ ଆଗେ-ଆଗେ ଡାଣ୍ଡାସି ଲେକେ ଆଜି ହାନାୟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:24

ଡୁବନ୍‌ହିନି ଯୋହନ ଡାଣ୍ଡାସିର୍‌ ହାଚି ପାଚେ ଯୀଶୁ ମାନାୟାରିଙ୍ଗ୍ ଡୁବନ୍‌ହିନି ଯୋହନ ବିଷୟରେ ୱେଚ୍‌ଚେଙ୍ଗ୍ ଆରମ୍ କିତାନ୍, “ର ମାର୍‌ତି କେନ୍ଦା ଡ଼ୁଇତାକେ ଇନେସ୍ ଇନି ଆନି ଆଜି ଜଲାଆଜି ମାନାତ୍, ହେଲେକେ ଚାନେକ୍‌ତିଙ୍ଗ୍-ଚାନେକ୍ ଇନି ଆନି ୱେଚ୍‌ନି ମାନାୟ୍‌ତିଙ୍ଗ୍ ଟାଙ୍ଗ୍ରାବାହାତ ହୁଡ଼୍‌ଦେଙ୍ଗ୍ ହାଲ୍‌ଜି ମାଚାଦେର୍ କି? ହେଲେଗ୍‌ଦି ମାନାୟ୍‌ତିଙ୍ଗ୍ ଏପେଙ୍ଗ୍ ହୁଡ଼୍‌ଦେଙ୍ଗ୍ ହାଲ୍‌ୱାଦାଙ୍ଗ୍ ମାଚାଦେର୍।