ମାତିଉ 28:6 - New Testament in Pengo Parja Language

⁶ ହେୱାନ୍ ଇବେ ହିଲୁନ୍, ତା ୱେଚ୍‌ଚିଲେକେ ହେୱାନ୍ ଆରେରଗ ଜିବୁନ୍‌ଆଜି ନିଙ୍ଗ୍‍ତାନ୍‍ନା। ୱାଡ ଇମ୍‌ଣି ବାହାତାକେ ମାଡ଼ା ମାଚାତ୍ ୱାଜି ହୁଡ଼ାଟ୍।

ସତ୍‌ ବଚନ୍‌ ପୁନି ନିୟମ୍‌

⁶ ହେୱାନ୍‌ ଇବେ ହିଲୁନ୍ । ହେୱାନ୍‌ ଇନେସ୍‌ ଇଞ୍ଜି ମାଚାନ୍‌, ହେ ଲାକେ ନିଂତାନ୍ନା । ୱାଡ, ତା ହାତି ମାଡ଼ା ଇମେତାକେ ଇଡ଼୍‌ଜି ମାଚାର୍‌, ହେ ବାହା ହୁଡ଼ାଟ୍‌ ।

ମାତିଉ 28:6 ပူးပေါင်းရင်းမြစ်များ

ମାତିଉ 12:40

ହେଲେକେ ଭବିଷ୍ଯତବକ୍ତା ଯୁନସ୍‌ ତିନ୍‌ଦିନ୍ ଆରେ ତିନ୍‌ରାତି ର ଗାଜା ମିନ୍ ପଟତ ମାଚାନ୍, ହେଲେକେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ତିନ୍‌ଦିନ୍ ଆରେ ତିନ୍‌ରାତି ମେଦ୍‌ନି ବିତ୍ରେ ମାନ୍‌ଗାନାନ୍।

ମାତିଉ 16:21

‌ନଙ୍ଗୟ୍‌ତାଙ୍ଗ୍ ଯୀଶୁ ଖ୍ରୀଷ୍ଟ ତା ଚେଲାରିଙ୍ଗ୍ ବୁଜାଇକିଜି ୱେଚ୍‌ଚେଙ୍ଗ୍ ଲାଗାତାନ୍, ଆନେଙ୍ଗ୍ ଯିରୁଶାଲାମ ସହର୍‌ତାକେ ହାଞ୍ଜେଙ୍ଗ୍ ଆନାତ୍। ହେବେ ପ୍ରାଚିନ୍‌, ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଯିହୁଦି ଦରମ୍‌ନି ପଣ୍ଡିତାର୍ ନାଙ୍ଗେଙ୍ଗ୍ ହିନସ୍ତାକିଜି ମାର୍ନେ ଅସ୍ତାନାର୍। ମାତର୍ ଆନେଙ୍ଗ୍ ତିନ୍‌ଦିନ୍ ପାଚେ ଆରେରଗ ନିଙ୍ଗ୍‌ନାଙ୍ଗ୍।

ମାତିଉ 17:23

ଆରେ ହେୱାର୍ ନାଙ୍ଗେଙ୍ଗ୍ ମାର୍ନେ ଅସ୍ତାନାର୍। ଆରେ ଆନେଙ୍ଗ୍ ହାଃତି ପାଚେ ତିନ୍‌ଦିନ୍‌ତାଙ୍ଗ୍ ଆରେରଗ ଯିବୁନ୍ ଆନାଙ୍ଗ୍।” ହେଦାଙ୍ଗ୍ କାଜିଙ୍ଗ୍ ହେୱାର୍ ବେସିଦୁକ୍ ଆତାର୍।

ମାତିଉ 17:9

ହେୱାର୍ ମାଡ଼ିତାଙ୍ଗ୍ ଜୁନିହିଙ୍ଗ୍ ଯୀଶୁ ଚେଲାହିରିଙ୍ଗ୍ ଆଦେସ୍ ହିଜି ୱେଚ୍‌ଚାନ୍, “ନେଞ୍ଜେଙ୍ଗ୍ ଇନାକା ହୁଡ଼୍‌ତାଦେର୍‌ନା, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ହାଃଜି ପୁନି ଜିବୁନ୍ ପାୟାଆନି ପାତେକ୍ ଇବେଣ୍ ଇନେରିଙ୍ଗ୍ ପା ୱେଚ୍‌ମାଟ୍।”

ମାତିଉ 20:19

ଆରେ ହେୱାର୍ ହେୱାନିଙ୍ଗ୍ ଜିବୁନ୍ ହିଲାଦାଙ୍ଗ୍ ମାଡ୍‌ହିଜି ଇନସ୍ତାକିଜି କୋରଡା ହୁଦାଙ୍ଗ୍ ଟ୍ରାକ୍‌ଚି ପାଗ୍‌ନାର୍। କୃଶକାଟ୍‌ତାକେ ଦୁପ୍‌ଚି ଅସ୍ତେଙ୍ଗ୍ ବିନ୍‌ଜାତିର୍ କେଇଦ ଆହିକିନାର୍। ଆରେ ତିନ୍‌ଦିନ୍ ହାଚି ପାଚେ ହେୱାନ୍ ଆରେରଗ ଯିବୁନ୍ ପାୟା ଆନାନ୍।”

ମାତିଉ 27:63

ହେୱାର୍ ୱେଚ୍‌ଚାର୍, ମାପୃ ମା ମାନ୍ତ ମାନାତ୍ ଯେ ମିଚ୍ ୱେଚ୍‌ନାକାନ୍ ହେୱାନ୍ ଜିଜି ମାନିହିଙ୍ଗ୍ ୱେଚ୍‌ଚି ମାନ୍‌ଞ୍ଚାନ୍, ତିନ୍‌ଦିନ୍ ପାଚେ ଆନେଙ୍ଗ୍ ଆରେ ଜିବୁନ୍‌ଆଜି ନିଙ୍ଗ୍‌ନାଙ୍ଗ୍।

ମାର୍କ 16:6

ହେବେ ହେ ସରଗ୍‌ଦୁତ୍ କଗ୍‍ଲେକାଙ୍ଗ୍ ୱେଚ୍‌ଚାନ୍, “ଚାନିଆ ଆମାଟ୍! ଏପେଙ୍ଗ୍ କୃଶକାଟ୍‌ତାକେ ହାଃତାକାନିଙ୍ଗ୍ ନାଜରିତ ସହର୍‌ନି ଯୀଶୁଙ୍ଗ୍ ଦାହ୍‍ନାଦେରା। ଯୀଶୁ ନିଙ୍ଗ୍‍ତାନ୍‍ନା, ହେୱାନ୍ ଇବେ ହିଲେନ୍। ହୁଡ଼ାଟ୍, ଇ ବାହାତାକେ ହେୱାର୍ ଯୀଶୁଙ୍ଗ୍ ଇଡ଼୍‌ଜି ମାଚାର୍।

ମାର୍କ 8:31

ଯୀଶୁ ତା ଚେଲାହିରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାନ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ବେସି ଦୁଃକ୍ ପାୟ୍‌କିଦେଙ୍ଗ୍ ଆନାତ୍। ଆରେ ପ୍ରାଚିନ୍‌, ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଯିହୁଦି ଦରମ୍‌ନି ପଣ୍ଡିତାର୍ କାଜିଙ୍ଗ୍ ହିନସ୍ତା ପାୟାଆଜି ହାଃଦେଙ୍ଗ୍ ଆନାତ୍। ଆରେ ହେୱାନ୍ ହାଃଜି ତିନ୍‌ଦିନ୍ ପାଚେ ଆରେରଗ ନିଙ୍ଗ୍‌ନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:12

ମାତର୍ ପିତର ନିଙ୍ଗ୍‌ଞ୍ଜି ଦୁଗେର୍‌ତାକେ ହନ୍‍ଚିହାଚାନ୍, ଆରେ ଟଡ଼୍‌ଜି ଦୁଗେର୍ ବିତ୍ରେ ହୁଡ଼୍‌ତାନ୍ ହୁର୍‌ପିମାଚି ଣିଞ୍ଜ୍‌ନି ହେନ୍ଦ୍ରା ପିସ୍ତି ଆରେ ଇନାକାପା ହୁଡ଼୍‌ୱାତାନ୍। ପିତର ହେ ଗଟ୍‌ନା ହୁଡ଼୍‌ଜି ଚାନିଆ ଆଜି ଇଞ୍ଜ ୱାତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:23

ମାତର୍ ହେବେ ତା ଗାଗାଡ଼୍ ହିଲାତାତ୍। ହେୱେକ୍ ସରଗ୍ ଦୁତ୍‌ତିଙ୍ଗ୍ ହୁଡ଼୍‌ତି ବେଣ୍ ପା ହେୱେକ୍ ୱାଜି ମାଙ୍ଗେଙ୍ଗ୍ ୱେଚ୍‌ଚିତିକ୍। ସରଗ୍‌ଦୁତ୍‌କୁ ହେ କଗ୍‍ଲେକାଙ୍ଗ୍ ଯୀଶୁ ଜିବୁନ୍ଆତି ବେଣ୍ ୱେଚ୍‌ଚି ମାଚିକ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:44

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ମି ଲାଗାୟ୍ ଆନେଙ୍ଗ୍ ମାନି ୱେଡ଼ାଙ୍ଗ୍‌ନି କାତାତିଙ୍ଗ୍ ଏତୁକିୟାଟ୍। ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍ ଯେ ମୋଶା ଲେକିକିତି ନିୟମ୍‌ନି ସାସ୍ତର୍‌ତାକେ, ଭବିଷ୍ଯତବକ୍ତା ବହିତାକେ ଆରେ କେର୍‌କଣ୍‌ବିହିତାକେ ନା ବିଷୟରେ ଇନାକା ୱିଜୁ ଲେକାଆତାତ୍‌ନା, ହେ ୱିଜୁ ହାତ୍‌ପା ଗଟାଆତାତ୍‌ନା।”

ଜହନ୍‌ 10:17

ଲାଗିଙ୍ଗ୍ ନା ଆବା ଈଶ୍ୱର ନାଙ୍ଗେଙ୍ଗ୍ ଲାଡ୍ କିଦ୍‌ନାନା, ଆନେଙ୍ଗ୍ ମେଣ୍ଢାଙ୍ଗ୍ କାଜିଙ୍ଗ୍ ନା ଜିବୁନ୍ ହିନାଙ୍ଗା, ଇନେସ୍‌କି ନା ଜିବୁନ୍ ଆରେରଗ ପାୟାଆନାଙ୍ଗ୍।

ଜହନ୍‌ 2:19

ଯୀଶୁ ୱେଚ୍‌ଚାନ୍, “ଏପେଙ୍ଗ୍ ଇ ଈଶ୍ୱର ମାନି ମନ୍ଦିର୍‌ତିଙ୍ଗ୍ ବାଡ଼୍‌ହାଇ କିୟାଟ୍। ଆରେ ଆନେଙ୍ଗ୍ ଇଦାଙ୍ଗ୍‌ ତିନ୍‌ଦିନ୍‌ତାଙ୍ଗ୍ ଆରେରଗ ରସ୍ତି ହିଦ୍‌ନାଙ୍ଗ୍।”

ପକ୍ୟାତାକା 2:24

ମାତର୍ ଈଶ୍ୱର ଯୀଶୁଙ୍ଗ୍ ହାଃନିତାଙ୍ଗ୍ ରକ୍ଷା କିଜି ହେୱାନିଙ୍ଗ୍ ଆରେରଗ ଜିବୁନ୍ କିତାନ୍‌ନା। ଇନେସ୍‌କି ହାଃନି ଶାକ୍ତି ହେୱାନିଙ୍ଗ୍ ଆସ୍ତେଙ୍ଗ୍ ଆଡ୍‌ୱାତାତ୍।