ମାତିଉ 27:42 - New Testament in Pengo Parja Language

⁴² ହେୱାର୍ ୱେଚ୍‌ଚି ମାଚାର୍, “ହେୱାନ୍ ଜେକନିକାରିଙ୍ଗ୍ ଉଦାର୍ କିଜି ମାଚାନ୍। ନଙ୍ଗୟ୍ ମାତର୍ ଜାର୍‌ତିଙ୍ଗ୍ ଉଦାର୍ କିଦେଙ୍ଗ୍ ଆଡୁନା। ମାନାୟାର୍ ୱେଚ୍‌ନାର୍ ଯେ ହେୱାନ୍ ଇସ୍ରାଏଲନି ରାଜା। ଇ କାତା ଯଦି ସତ୍, ଲାଗିଙ୍ଗ୍ ହେୱାନ୍ ନଙ୍ଗୟ୍ କୃଶକାଟ୍‌ତାଙ୍ଗ୍ ତାରେନ୍ ଜୁଦେନ୍। ଲାଗିଙ୍ଗ୍ ଆପେଙ୍ଗ୍ ହୁଡ଼୍‌ଜି ମା ରାଜା ଇଞ୍ଜି ପାର୍ତିକିନାପ୍।

ସତ୍‌ ବଚନ୍‌ ପୁନି ନିୟମ୍‌

⁴² “ହେୱାନ୍‌ ବିନ୍‌ଲଗାଂ ରାକ୍ୟା କିତାନ୍‌, ଜାର୍‌ତିଂ ରାକ୍ୟା କିଦେଙ୍ଗ୍‌ ଆଡୁନା । ହେୱାନ୍‌ ହିନା ଇସ୍ରାଏଲ୍‌ନି ରାଜା, ହେୱାନ୍‌ ଇ ଦାପ୍ରେ କ୍ରୁସ୍‌ତାଂ ଜୁଜ଼ି ୱାୟେନ୍‌, ତେବେ ଆସେଙ୍ଗ୍‌ ହେୱାନ୍‌ ତାକେ ପାର୍ତି କିନାସ୍‌ ।

ମାତିଉ 27:42 ပူးပေါင်းရင်းမြစ်များ

ମାତିଉ 2:2

“ଯିହୁଦିର୍‌ନି ରାଜା ଆଦେଙ୍ଗ୍ ଜନମ୍ ଆତି ହିମ୍‌ଣା ଇମ୍‌ଣି ବାହାତାକେ ମାନାନ୍? ଇନେସ୍‌କି ମା ଦେସ୍‌ତ ତା ଜନମ୍ ଆତି ହୁକା ହତ୍‌ତାକା ହୁଡ଼୍‌ଜି ଆପେଙ୍ଗ୍ ଯିରୁଶାଲାମ ସହର୍‌ତାକେ ହେୱାନିଙ୍ଗ୍ ଜୱାର୍ କିଦେଙ୍ଗ୍ ୱାତାପ୍‌ନା।

ମାତିଉ 27:37

ସେନାର୍ ଯୀଶୁ ବିରୁଦ୍‌ତାକେ ର ମାର୍ ପାଟା ରସ୍ତି ଯୀଶୁଙ୍ଗ୍ ଦୁପ୍‌ତି କୃଶକାଟ୍ ଜପି ବଡ୍ ଇଡ଼୍‌ତାର୍। ହେ ପାଟାତାକେ ଇଲେକେ ଲେକାଆଜି ମାଚାତ୍, “ଏ ଯିହୁଦିର୍ ରାଜା ଯୀଶୁ।”

ମାତିଉ 27:40

“ଏଡ଼େ ମନ୍ଦିର୍‌ ଡ୍ରିକ୍‌ଚି ଆରେ ତିନ୍‌ଦିନ୍‌ତାଙ୍ଗ୍ ରହ୍‍ନାକାନ୍, ଏନେଙ୍ଗ୍ ଯଦି ଈଶ୍ୱର ମେହି, ଲାଗିଙ୍ଗ୍ କୃଶକାଟ୍‌ତାଙ୍ଗ୍ ଜୁଜିୱାଜି ଜାର୍‌ତିଙ୍ଗ୍ ରକ୍ଷା କିୟା।”

ମାତିଉ 27:41

ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ପଣ୍ଡିତ୍‌ ଆରେ ପ୍ରାଚିନ୍‌ ହେବେ ମାଚାର୍। ହେୱାର୍ ପା ଯୀଶୁଙ୍ଗ୍ କିଜ୍ରାଇ କିଜି ମାଚାର୍।

ମାର୍କ 15:31

ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଯିହୁଦି ଦରମ୍‌ନି ପଣ୍ଡିତାର୍ ଇନସ୍ତାକିଜି ଇଚାର୍, “ଜେକନିକାରିଙ୍ଗ୍ ଉଦାର୍ କିତାନ୍, ଜାର୍‌ତିଙ୍ଗ୍ ଉଦାର୍ କିଦେଙ୍ଗ୍ ଆଡୁନା!

ମାର୍କ 15:32

ଇୱାନ୍ ନିଜେ ଖ୍ରୀଷ୍ଟ ଇଞ୍ଜି ୱେଚ୍‌ଚି ମାଚାନ୍, ଆରେ ଇସ୍ରାଏଲନି ରାଜା ଇଞ୍ଜି ମାଚାନ୍ ନଙ୍ଗୟ୍ କୃଶକାଟ୍‌ତାଙ୍ଗ୍ ଜୁଜିୱା, ଲାଗିଙ୍ଗ୍ ହୁଡ଼୍‌ଜି ପାର୍ତିକିଦ୍‍ନାପ୍, ଆରେ ମା ରାଜା ଇଞ୍ଜି ପାର୍ତିକିଦ୍‍ନାପ୍।” ତା ହୁଦାଙ୍ଗ୍ କୃଶକାଟ୍‌ତାକେ ଦୁପିଆଜି ମାଚାର୍, ହେୱାର୍ ପା ତାଙ୍ଗେଙ୍ଗ୍ ନିନ୍ଦା କିତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:38

“ଇମ୍‌ଣି ରାଜା ମାପୃ ତର୍‍ଦାଙ୍ଗ୍ ୱାନାନା, ହେୱାନିଙ୍ଗ୍ ଈଶ୍ୱର ଆଶ୍ରିବାଦ୍ କିୟେନ୍, ସରଗ୍‌ତାକେ ଶାନ୍ତି ଆରେ ୱିଜୁ ଈଶ୍ୱରତାଙ୍ଗ୍ ଗାଜା ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:35

ମାନାୟାର୍ ହେବେ ନିଲ୍‌ଚି ଯୀଶୁଙ୍ଗ୍ ହୁଡ଼୍‌ଜି ମାଚାର୍। ଯିହୁଦି ନେତାର୍ ଯୀଶୁଙ୍ଗ୍ ଇନସ୍ତାକିଜି ମାଚାର୍। ହେୱାର୍ ଇଞ୍ଜିମାଚାର୍, “ଯଦି ହେୱାନ୍ ଈଶ୍ୱର କାଜିଙ୍ଗ୍ ବାଚିକିତି ଖ୍ରୀଷ୍ଟ, ଲାଗିଙ୍ଗ୍ ଜାର୍‌ତିଙ୍ଗ୍ ରକ୍ଷା କିୟେନ୍। ହେୱାନ୍ ଜେକନିକାରିଙ୍ଗ୍ ଉଦାର୍ କିଜି ମାଚାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:37

ସେନାର୍ ୱେଚ୍‌ଚାର୍, “ଏନେଙ୍ଗ୍ ଯିହୁଦିର୍ ରାଜାତି, ଲାଗିଙ୍ଗ୍ ଜାର୍‌ତିଙ୍ଗ୍ ଉଦାର୍ କିୟା।”

ଜହନ୍‌ 1:49

ତାପାଚେ ନିତନିୟେଲ ଯୀଶୁଙ୍ଗ୍ ୱେଚ୍‌ଚାନ୍, “ଏ ଗୁରୁ, ଏନେଙ୍ଗ୍ ଈଶ୍ୱର ମେହି। ଏନେଙ୍ଗ୍‍ନେ ଇସ୍ରାଏଲ ଜାତିନି ରାଜା।”

ଜହନ୍‌ 12:13

ହେୱାର୍ କାଜ୍‌ରି ଡାଡ଼ିଙ୍ଗ୍ ଆସ୍ତି ଯୀଶୁଙ୍ଗ୍ ହୁଡ଼୍‌ଦେଙ୍ଗ୍ ହାଚାର୍। ହେୱାର୍ ୱାରିତାଙ୍ଗ୍ ଗାଜା କାଟ୍‌ତାଙ୍ଗ୍ ୱେଚ୍‌ଚେଙ୍ଗ୍ ଲାଗାତାର୍, “ହେୱାନିଙ୍ଗ୍ ଜୟ୍-ଜୟ୍ କିୟାଟ୍, ଇନେର୍ ମାପୃ ତର୍‍ଦାଙ୍ଗ୍ ୱାନାନ୍, ଈଶ୍ୱର ହେୱାନିଙ୍ଗ୍ ଆଶ୍ରିବାଦ୍ କିୟେନ୍, ଈଶ୍ୱର ଇସ୍ରାଏଲନି ରାଜାଙ୍ଗ୍ ଆଶ୍ରିବାଦ୍ କିନାନ୍।”

ଜହନ୍‌ 12:47

ଇମ୍‌ଣାକାର୍ ନା ହିକ୍ଷାତିଙ୍ଗ୍ ୱେନାର୍, ମାତର୍ ହେ ହିକ୍ଷାତିଙ୍ଗ୍ ମାନିକିଉର୍। ଆନେଙ୍ଗ୍ ହେ ମାନାୟାରିଙ୍ଗ୍ ବିଚାର୍ କିଦେଙ୍ଗ୍ ୱାୱାତାଙ୍ଗ୍‌ନା। ମାତର୍ ଆନେଙ୍ଗ୍ ଇ ପୁର୍ତିନି ମାନାୟାରିଙ୍ଗ୍ ଉଦାର୍ କିଦେଙ୍ଗ୍ ୱାତାଙ୍ଗ୍‌ନା।

ଜହନ୍‌ 9:24

ହେବେତାଙ୍ଗ୍ ଯିହୁଦି ନେତାର୍ ହେ ଜନମ୍ ଦିନ୍‌ତାଙ୍ଗ୍ କାଣା ମାଚି ମାନାୟ୍‌ତିଙ୍ଗ୍ ଆରେରଗ ହିର୍‌ବିସ୍ ୱେଚ୍‌ଚାର୍, “ଏନେଙ୍ଗ୍ ଈଶ୍ୱରତିଙ୍ଗ୍ ଜୟ୍-ଜୟ୍ କିୟା। ହେୱାନ୍ ରକାନ୍ ପାପି ମାନାୟ୍ ଇଞ୍ଜି ଆପେଙ୍ଗ୍ ପୁନାପ୍।”

ପକ୍ୟାତାକା 4:14

ଆରେ ହେ ଚଟାତାଙ୍ଗ୍ ହାର୍‌ଆତି ମାନାୟ୍ ପିତର ଆରେ ଯୋହନ ହୁଦାଙ୍ଗ୍ ନିଲ୍‌ତାକା ହୁଡ଼୍‌ଜି, ହେୱାର୍ ବିରୁଦ୍‌ତାକେ ଇନାକା ୱେଚ୍‌ଚେଙ୍ଗ୍ ଆଡ୍‌ୱାତାର୍।