ମାତିଉ 27:32 - New Testament in Pengo Parja Language

³² ତାପାଚେ ସେନାହିର୍ ଯୀଶୁଙ୍ଗ୍ ଅଜି ଦେସ୍ ବାର୍ତ ହାନିହିଙ୍ଗ୍ ଶିମୋନ ତର୍‍ଦାକାନ୍ ରକାନ୍ କୁରିଣିୟ ସହର୍‌ନି ମାନାୟ୍‌ତିଙ୍ଗ୍ ହୁଡ଼୍‌ଜି ଯୀଶୁ କୃଶକାଟ୍‌ତିଙ୍ଗ୍ ପିଣ୍‌ଜି ଅଦେଙ୍ଗ୍ ଜବର୍‌ଦସ୍ତି କିତାର୍।

ସତ୍‌ ବଚନ୍‌ ପୁନି ନିୟମ୍‌

³² ହେୱାର୍‌ ହନି ୱେଡ଼ାଲିଂ ସିମନ୍‌ ତର୍‌ଦି ରକାନ୍‌ କୁରିଣିୟ ବସ୍ତିନିକାନ୍‌ ମାନାୟ୍‌ତିଂ ହୁଡ଼୍‌ଜି ମେଲ୍ୟାର୍‌ ଜିସୁତି କ୍ରୁସ୍‌ ପିଣ୍ଡ୍‌ଦେଂ କାଜିଂ ଟାଟାୟ୍‍ କିତାର୍‌ ।

ମାତିଉ 27:32 ပူးပေါင်းရင်းမြစ်များ

ମାତିଉ 16:24

ହେପାଦ୍ନା ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଇନେର୍ ପା ନା ପାଚେ ୱାଜି ଚେଲା ଆନାନ୍, ଲାଗିଙ୍ଗ୍ ହେୱାନ୍ ଜାର୍ ସୁକ୍ ପିସ୍ତି ଆରେ ଜାର୍ କୃଶ ଆସ୍ତି ନା ପାଚେ ୱାଡ।

ମାତିଉ 5:41

ଆରେ ଇନେର୍ ପା ମିଙ୍ଗେଙ୍ଗ୍ ର କୋଶ (ର କିଲମିଟର୍) ହାଞ୍ଜେଙ୍ଗ୍ ଟାଟାଇ କିଦ୍‌ନାନ୍ ତା ଲାହାଙ୍ଗ୍ ରି କୋଶ (ଦୁଇ କିଲମିଟର୍) ହାଲାଟ୍।

ମାର୍କ 15:21

ହେପାଦ୍ନା ଶିମୋନ ତର୍‍ଦାକାନ୍ ରକାନ୍ କୁରିଣିୟ ସହର୍ ହିରୁନାସ୍‌ତାଙ୍ଗ୍ ଯିରୁଶାଲାମ ସହର୍‌ତାକେ ୱାଜିମାଚାନ୍, ଆରେ ତା ମେହିର୍ ରିୟାର୍ ମାଚାର୍ ଆଲେକ୍‍ଜାଣ୍ଡ୍ରିଆ ଆରେ ରୁପ୍। ସେନାର୍ ଶିମୋନତିଙ୍ଗ୍‌ ଆଦେସ୍ ହିତାର୍ ଇମେତାକେ କୃଶକାଟ୍ ରୁଜ୍‍ନାର୍ ହେବେଅଦେଙ୍ଗ୍ ପିଣ୍ଡିକିତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:26

ସେନାର୍ ଯୀଶୁଙ୍ଗ୍ ଅସାହାନିହିଙ୍ଗ୍ କୁରିଣିୟ ଦେସ୍‌ତାଙ୍ଗ୍ ଶିମୋନ ତର୍‍ଦାକାନ୍ ରକାନିଙ୍ଗ୍ ଆସ୍ତି ଯୀଶୁ ପାଚେ-ପାଚେ କୃଶକାଟ୍ ପିଣ୍‌ଦେଙ୍ଗ୍ ତା ନିପିତ ହେ କୃଶକାଟ୍ ହେୱାନିଙ୍ଗ୍ ପିଣ୍ଡିକିତାର୍।

ଜହନ୍‌ 19:17

ସେନାର୍ ଯୀଶୁଙ୍ଗ୍ ତା ଜାର୍ କୃଶକାଟ୍ ପିଣ୍ଡିକିଜି କାପ୍‌ଡ଼ାନି କପ୍‌ରି ଲେକେ ଚଞ୍ଜ୍‌ନିବାହାତାକେ ଅସିହାଚାର୍। ହେ ବାହାତିଙ୍ଗ୍ ଏବ୍ରୀ ବେଣ୍‌ତାକେ ଗଲ୍‍ଗତା ଇନାର୍।

ପକ୍ୟାତାକା 11:20

ମାତର୍ ହେୱାର୍ ବିତ୍ରେତାଙ୍ଗ୍ କେତେକ୍ କୁପ୍ରିୟ ଦ୍ୱିପ୍ ଆରେ କୁରିଣିୟ ସହର୍‌ନି ମାନାୟାର୍ ଆନ୍ତିୟକିଆ ସହର୍‌ତାକେ ୱାତାର୍। ଆରେ ହେୱାର୍ ଗ୍ରୀକ୍ ଜାତି ମାନାୟାର୍‌ତାକେ ଯୀଶୁ ଖ୍ରୀଷ୍ଟ ବିଷୟରେ ହାର୍ଦିକାବୁର୍ ଶୁଣାୟ୍ କିତାର୍।

ପକ୍ୟାତାକା 13:1

ଆନ୍ତିୟକିଆ ସହର୍‌ନି ମଣ୍ଡ୍‌ଲିତାକେ ଭବିଷ୍ଯତବକ୍ତାର୍ ଆରେ ଗୁରୁର୍ ମାଚାର୍। ହେୱାର୍ ତର୍‌ ଇଲେକେ ବର୍ଣ୍ଣବା, ଶିମିୟନ ତର୍‌ ନିଗର ପା ଇନାର୍, କୁରିଣିୟ ସହର୍‌ନି ଲୁକିୟ, ହେରୋଦ ରାଜା ମାନିହିଙ୍ଗ୍ ମନହେମ, ଶାଉଲ ମାଚାର୍।

ପକ୍ୟାତାକା 2:10

ଆରେ କେତେକ୍ ହେନି ମାନାୟ୍ ଫ୍ରୁଗିଆ ଆରେ ପପୁଲିଆ ରାଜି ନିକାର୍। ଆରେ କେତେକ୍ ହେନି ମିସର୍ ଦେସ୍, ଆରେ କୁରିଣି ସହର୍ ଲାଗାୟ୍ ମାନି ଲିବିୟା ରାଜିନି ମାନାୟାର୍। ଆରେ କେତେକ୍ ହେନି ରୋମ ଦେସ୍‌ତାଙ୍ଗ୍ ୱାଜିମାଚି ଯିହୁଦିର୍ ଆରେ ଯିହୁଦି ଦରମ୍ ମାନିକିନି ମାନାୟାର୍।

ପକ୍ୟାତାକା 6:9

ମାତର୍ କେତ୍‌ଜାଣ୍ ସ୍ତିପାନତିଙ୍ଗ୍ ବିରଦ୍ କିତାର୍। ହେୱାର୍ ହଲିଆ କାମାୟ୍‌ତାଙ୍ଗ୍ ମୁକ୍ତି ପାୟାଆତି ଯିହୁଦି ମାନାୟାର୍, କୁରିଣିୟ ସହର୍, ଆଲେକ୍‌ଜାଣ୍ଡ୍ରିଆ ସହର୍‌ନି ପାର୍ତାନା ଇଲ୍‌ନି କେତ୍‌ଜାଣ୍ ମାନାୟ୍, କିଲିକିୟା ଆରେ ଏସିଆ ଜିଲ୍ଲାନି ମାନାୟାର୍ ମାଚାର୍। ଇୱାର୍ ସ୍ତିପାନତିଙ୍ଗ୍ ଜୁକ୍ତି କିଦେଙ୍ଗ୍ ଲାଗାତାର୍।

ପକ୍ୟାତାକା 7:58

ଆରେ ହେୱାର୍ ହେୱାନିଙ୍ଗ୍ ଯିରୁଶାଲାମ ସହର୍‌ତାଙ୍ଗ୍ ହପ୍‌ଚି କାଲ୍‌କୁ ହୁଦାଙ୍ଗ୍ ଟ୍ରାକ୍‌ତେଙ୍ଗ୍ ଲାଗାତାର୍। ଇମ୍‌ଣାକାର୍ ସ୍ତିପାନ ବିରଦ୍‌ତାକେ ମିଚ୍ ସାକି ହିଜି ମାଚାର୍, ହେୱାର୍ ଜପି ଉସ୍‌ପିନି କଟ୍ ଉନ୍‌ନ୍ଦି ଶାଉଲ ତର୍‍ଦାକାନ୍ ର ବେଣ୍ଡିଆ ହିମ୍‌ଣା ଲାଗାୟ୍ ଇଡ଼୍‌ତାର୍।