ମାତିଉ 27:19 - New Testament in Pengo Parja Language

¹⁹ ଗବର୍‌ନର୍ ପିଲାତ ବିଚାର୍‌କିନି ବାହାତାକେ କୁଚ୍‌ଚିହିଙ୍ଗ୍ ତା କଗ୍‌ଲେ ତା ଲାଗାୟ୍ ୱେଚ୍‌ଚାତ୍। ଇ ଦରମ୍ ମାନାୟ୍‌ତିଙ୍ଗ୍ ଇନାକାପା କିମାଟ୍। ଆନେଙ୍ଗ୍ ତା ବିଷୟରେ ମିକା ର କେଚ୍‌କଣ୍ ହୁଡ଼୍‌ତାଙ୍ଗ୍‌ନା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଆଦିକ୍ ଚିନ୍ତା ଆତାଙ୍ଗ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁹ ପିଲାତ ବିଚାର୍‌ ବାହାତ କୁଚ୍‌ଚିମାଚି ୱେଡ଼ାଲିଂ ତା ଡକ୍ରୁହି ର କାବୁର୍‌ ପକ୍ତାତ୍, “ହେ ଦାର୍ମି ମାନାୟ୍‌ତିଂ ଇନାକା ପା କିମା । ୱିଗା ନାଣାଲିଂ ର କେଚ୍‌କଣ୍‌ତ ତା କାଜିଂ ଆନ୍‌ ବେସି ଦୁକ୍‌ ପାୟା ଆତାଙ୍ଗ୍‌ନା ।”

ମାତିଉ 27:19 ပူးပေါင်းရင်းမြစ်များ

ମାତିଉ 1:20

ହେୱାନ୍ ଇଦାଙ୍ଗ୍ ମାନ୍ କିତି ପାଚେ, ମାପୃ ଦୁତ୍ କେଚ୍‍କଣ୍‌ତ ହେୱାନିଙ୍ଗ୍ ଚଞ୍ଜିଆଆଜି ୱେଚ୍‌ଚାତ୍, “ହେ ଦାଉଦ ରାଜା ଲାତ୍ରାନି ମେହି ଯୋଷେପ, ମରିୟମତିଙ୍ଗ୍ ବିବାଆଜି ଇଞ୍ଜ ଅଦେଙ୍ଗ୍ ପାଣ୍ଡ୍ରାଆମା, ଇନେସ୍‌କି ପବିତ୍ର ଆତ୍ମା ସାକ୍ତିତାଙ୍ଗ୍ ମରିୟମ ଗରବ୍‌ତ ମାନାତ୍।

ମାତିଉ 2:19

ହେରୋଦ ରାଜା ହାଃତି ପାଚେ ପା, ଯୋଷେପ ମିସର୍ ଦେସ୍‌ତ ବାହାକିଜି ମାଚାନ୍। ହେପାଦ୍ନା ପା କେଚ୍‍କଣ୍‌ତ ମାପୃ ଈଶ୍ୱରତି ରକାନ୍ ଦୁତ୍ ଯୋଷେପତିଙ୍ଗ୍ ଚଞ୍ଜିଆଆଜି ୱେଚ୍‌ଚାତ୍,

ମାତିଉ 2:22

ମାତର୍ ହେରୋଦ ରାଜା ହାଃତି ପାଚେ ତା ମାଜି ଆର୍ଖିଲାୟ୍‌ ଯିହୁଦା ଜିଲ୍ଲାନି ରାଜା ଆତାନ୍‌ନା ଇଞ୍ଜି ପୁନ୍‌ଞ୍ଜି ଯୋଷେପ ହେବେ ହାଞ୍ଜେଙ୍ଗ୍ ପାଣ୍ଡ୍ରା ଆତାନ୍। ମାତର୍ ଈଶ୍ୱରତାଙ୍ଗ୍ କେଚ୍‍କଣ୍‌ତ ଆଦେସ୍ ପାୟାଆଜି ଯୋଷେପ ଗାଲିଲୀ ଜିଲ୍ଲାତ ହାଚାନ୍।

ମାତିଉ 27:18

ଗବର୍‌ନର୍ ପିଲାତ ପୁନ୍‌ଞ୍ଜି ମାଚାନ୍ ଯେ ମାନାୟାର୍ ଯୀଶୁଙ୍ଗ୍ ରିସା ମାଚାତ୍। ହେଦାଙ୍ଗ୍ କାଜିଙ୍ଗ୍ ହେୱାନ୍ କେଇଦ ହେଲାଇ କିଜି ହିତାର୍‌ନା।

ମାତିଉ 27:24

ଗବର୍‌ନର୍ ପିଲାତ ହୁଡ଼୍‌ତାନ୍ ଯେ, ହେୱାନ୍ ମାନାୟାର୍ ଇଚା ପୁରା କିଦେଙ୍ଗ୍ ଇନାକା କିଦେଙ୍ଗ୍ ଆଡୁନ୍। ଆରେ ମାନାୟାର୍ ବେଲାତିଙ୍ଗ୍ ବେଲା ଗଣ୍ଡ୍‍ଗଲ୍ ଆଜି ନିଙ୍ଗ୍‌ନାରା। ଗବର୍‌ନର୍ ପିଲାତ ଇଚୁଡ଼ିଙ୍ଗ୍ ଏଜୁଙ୍ଗ୍ ଅତାନ୍, ଆରେ ୱିଜାକାର୍ ମୁମ୍‌ଦ ତା କେଇକୁ ନୁସ୍ତାନ୍। ଆରେ ୱେଚ୍‌ଚାନ୍, ଇୱାନ୍ ହାଃନି ଦାୟି ଆନେଙ୍ଗ୍ ଆକାୟ୍। ଏପେଙ୍ଗ୍ ନେ ଇୱିଜୁ କିନାଦେରା।

ମାତିଉ 27:4

ହେୱାନ୍ ୱେଚ୍‌ଚାନ୍, ଆନେଙ୍ଗ୍ ପାପ୍ କିତାଙ୍ଗ୍‌ନା। ଆନେଙ୍ଗ୍ ଦସ୍ ହିଲ୍‌ୱି ମାନାୟ୍‌ତିଙ୍ଗ୍ ଅସ୍ତେଙ୍ଗ୍ ମି କେଇଦ ଆହିକିଜି ହିତ୍‌ତାଙ୍ଗ୍‌ନା। ଯିହୁଦି ନେତାର୍ ୱେଚ୍‌ଚାର୍, ଇବେ କିଚି ଯାଏ ଆସେ ଆକାୟ୍। ମି କାତା ଏପେଙ୍ଗ୍ ବୁଜାଆଡ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:41

ଏନେଙ୍ଗ୍ ଆରେ ଆନେଙ୍ଗ୍ ରିକାସ୍ ଚର୍। ଆସେଙ୍ଗ୍ ଦସ୍ କିଜି ମାଚାପ୍। ଲାଗିଙ୍ଗ୍ ଆସେଙ୍ଗ୍ ଇନାକା ପାୟା ଆଦେଙ୍ଗ୍ ଦର୍‌କାର୍, ଆସେଙ୍ଗ୍ ହେଦାଙ୍ଗ୍ ପାୟାଆତାସ୍‌ନା। ମାତର୍ ଇୱାନ୍ ଇନା ଦସ୍ କିୱାତାନ୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:47

ସେନାଦଳ୍‌ନି ଶହେଜାଣ୍‌ ସେନାର୍‌ତାଙ୍ଗ୍ ମୁଡ଼୍‌ଦାକାନ୍ ହେବେ ଇନାକା ଗଟାଆତି ଗଟ୍‌ନା ହୁଡ଼୍‌ତାନ୍। ଆରେ ହେବେ ଇବେଣ୍ ୱେଚ୍‌ଚି ଈଶ୍ୱରତିଙ୍ଗ୍ ଦନ୍ଯବାଦ୍‍କିଜି ୱେଚ୍‌ଚାନ୍, “ଆନେଙ୍ଗ୍ ପୁନାଙ୍ଗ୍ ଯେ, ଇୱାନ୍ ରକାନ୍ ହାର୍ଦି ମାନାୟ୍ ମାଚାନ୍!”

ଜହନ୍‌ 19:13

ପିଲାତ ଗବର୍‌ନର୍ ଯିହୁଦି ମାନାୟାର୍ ଇବେଣ୍ ୱେଚ୍‌ଚାନ୍। ଲାଗିଙ୍ଗ୍ ହେୱାନ୍ ଯୀଶୁଙ୍ଗ୍ ବିଚାର୍‌କିନି ମଣ୍ଡପ୍‌ତାକେ ତାସିୱାତାନ୍। ଏବ୍ରୀ ବେଣ୍‌ତାକେ ଗବ୍ବଥା ଇଞ୍ଜି ଇନାର୍। ପିଲାତ ଗବର୍‌ନର୍ ମଣ୍ଡପ୍‌ତାକେ ମାନି ବିଚାର୍‌କିନି ବାହାତାକେ କୁଚ୍‌ଚାନ୍।

ପକ୍ୟାତାକା 12:21

ହେ ସହର୍‌ନି ମାନାୟାର୍ ହୁଦାଙ୍ଗ୍ ମେହାଆଦେଙ୍ଗ୍ ର ବାଚିକିତି ଦିନ୍‌ତ ହେରୋଦ ରାଜା ଆଙ୍ଗି ଉସ୍‌ପିସ୍ ବିଚାର୍ କିଦେଙ୍ଗ୍ ସିଙ୍ଗାସନ୍‌ତାକେ କୁଚ୍‌ଚାନ୍। ଆରେ ହେୱାନ୍ ହେୱାର୍ ଲାଗାୟ୍ ବାଷଣ୍ ହିଦେଙ୍ଗ୍ ଲାଗାତାନ୍।

ପକ୍ୟାତାକା 18:12

ମାତର୍ ଗାଲ୍ଲିୟନ୍ ଆକାୟା ଜିଲ୍ଲାନି ରାଜା ମାନିହିଙ୍ଗ୍ ଯିହୁଦିର୍ ଏକ୍ ଆଜି ପାଉଲତିଙ୍ଗ୍ ଆସ୍ତାର୍। ଆରେ ହେୱାନିଙ୍ଗ୍ ବିଚାର୍‌କିନି ବାହାତାକେ ଅସାହାଚାର୍।

ପକ୍ୟାତାକା 18:16

ଲାଗିଙ୍ଗ୍ ହେୱାରିଙ୍ଗ୍ ବିଚାର୍‌କିନି ବାହାତାଙ୍ଗ୍ ବାର୍ତ ହପ୍ତେଙ୍ଗ୍ ସେନାହିରିଙ୍ଗ୍ ରାଜା ଆଦେସ୍ ହିତାନ୍।

ପକ୍ୟାତାକା 18:17

ଲାଗିଙ୍ଗ୍ ହେୱାର୍ ପାର୍ତାନା ଇଲ୍‌ନି ମୁକ୍ୟା ସୋସ୍ତନା ତର୍‌ଦି ମାନାୟ୍‌ତିଙ୍ଗ୍ ଆସ୍ତାର୍, ଆରେ ହେୱାର୍ ବିଚାର୍‌କିନି ବାହା ମୁମ୍‌ଦ ନେ ଟ୍ରାକ୍‌ତାର୍। ମାତର୍ ଗାଲ୍ଲିୟନ୍ ରାଜା ହେ ବିଷୟରେ ମାନ୍‌ଦିୟାନ୍ କିୱାତାନ୍।

ପକ୍ୟାତାକା 25:10

ମାତର୍ ପାଉଲ ୱେଚ୍‌ଚାନ୍, “ଆନେଙ୍ଗ୍ ନଙ୍ଗୟ୍ ରୋମ୍ ଦେସ୍‌ନି ମହା ରାଜା ସିଙ୍ଗାସନ ଆଗେ ନିଲ୍‌ତାଙ୍ଗ୍‌ନା, ଇ ବାହାତାକେ ନେ ନାଙ୍ଗେଙ୍ଗ୍ ବିଚାର୍ କିଦ୍‌ନି ଦର୍‌କାର୍। ଏପେଙ୍ଗ୍ ହାର୍‌ଦାଙ୍ଗ୍ ପୁଚାଦେର୍‌ନା ଯେ, ଆନେଙ୍ଗ୍ ଯିହୁଦିରିଙ୍ଗ୍ ଇନେରିଙ୍ଗ୍ ପା ଅନ୍ୟାୟ୍ କିୱାତାଙ୍ଗ୍‌ନା।

ପକ୍ୟାତାକା 25:17

ଲାଗିଙ୍ଗ୍ ହେ ଯିହୁଦି ନେତାର୍ ନା ହୁଦାଙ୍ଗ୍ କାଇସରିଆ ସହର୍‌ତାକେ ୱାତାର୍। ଆନେଙ୍ଗ୍ ଡେରି କିୱାଦାଙ୍ଗ୍ ନେ ତା ଆର୍‌କାତ୍ ନାଞ୍ଜିଙ୍ଗ୍ ସିଙ୍ଗାସନ୍‌ତାକେ କୁଚ୍‌ଚି ବିଚାର୍ କିଦେଙ୍ଗ୍ ପାଉଲତିଙ୍ଗ୍ ତାହିୱାଦେଙ୍ଗ୍ ଆଦେସ୍ ହିତାଙ୍ଗ୍।

ପକ୍ୟାତାକା 25:6

ରାଜା ଯିରୁଶାଲାମ ସହର୍‌ତାକେ ଆଟ୍ ଦଶ୍‌ଦିନ୍ ମାଚାନ୍, ପାଚେ କାଇସରିଆ ସହର୍‌ତାକେ ହାଚାନ୍। ତା ଆର୍‌କାତ୍ ନାଞ୍ଜିଙ୍ଗ୍ ବିଚାର୍‌କିନି ବାହାତାକେ କୁଚ୍‌ଚି ପାଉଲତିଙ୍ଗ୍ ତାସି ୱାଦେଙ୍ଗ୍ ଆଦେସ୍ ହିତାନ୍।

୧ ପିତର 2:22

ହେୱାନ୍ ଇନାୱେଡ଼ାଙ୍ଗ୍ ପା ପାପ୍ କାମାୟ୍ କିୱାତାନ୍‌ନା କି, ଇନେରିଙ୍ଗ୍ ଟକାୟ୍ କିୱାତାନ୍‌ନା।

୧ ଯୋହନ 2:1

ଏ କାଡ଼୍‌ଦେର୍, ଏପେଙ୍ଗ୍ ଇନେସ୍‌କି ପାପ୍ କିଉଦେର୍, ଇଦାଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା। ମାତର୍ ଏପେଙ୍ଗ୍ ଯଦି ପାପ୍ କିନାଦେର୍, ଆବା ଈଶ୍ୱର ଆଗେ ମାପଣ୍ଡାଙ୍ଗ୍ ଆଜି ୱେଚ୍‌ନାକାନ୍ ର ମାନାୟ୍ ମାନାନ୍, ହେୱାନ୍ ଦରମ୍ ଯୀଶୁ ଖ୍ରୀଷ୍ଟ।