ମାତିଉ 26:65 - New Testament in Pengo Parja Language

⁶⁵ ହେବେ ଯୀଶୁ ୱେଚ୍‌ଚି ବେଣ୍‌ତିଙ୍ଗ୍ ୱେନ୍‌ଞ୍ଜି ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ରିସାଆଜି ଜାର୍ ଆଙ୍ଗିତିଙ୍ଗ୍ କେଚ୍‍ଚାନ୍, ଆରେ ହେୱାନ୍ ୱେଚ୍‌ଚାନ୍ “ଇୱାନ୍ ଇମ୍‌ଣି ୱିଜୁବେଣ୍ ୱେଚ୍‌ଚାତାନ୍ ତା କାଜିଙ୍ଗ୍ ଈଶ୍ୱରତିଙ୍ଗ୍ ନିନ୍ଦା କିନାନା। ଆରେ ମାଙ୍ଗେଙ୍ଗ୍ ସାକି ଦର୍‌କାର୍ ଆକାୟ୍। ଏପେଙ୍ଗ୍ ଈଶ୍ୱରତିଙ୍ଗ୍ ନିନ୍ଦାକିନାକା ୱେଚାଦେର୍। ଏପେଙ୍ଗ୍ ନଙ୍ଗୟ୍ ଇନାକା ଇନାଦେରା?”

ସତ୍‌ ବଚନ୍‌ ପୁନି ନିୟମ୍‌

⁶⁵ ହେବେଣ୍ଡାଂ ମୁଡ଼୍‌ ମାପ୍ରୁହେବାକିନାକାନ୍‌ ଜାର୍‌ ହେନ୍ଦ୍ରା କେଚ୍‌ଚି ଇଚାନ୍‌, “ଇୱାନ୍‌ ଇସ୍ୱର୍‌ ନିନ୍ଦା କିତାନ୍‌, ସାକିତ ମାଦାଂ ଆରେ ଇନାକା ଲଡ଼ା ? ହୁଡ଼ାଟ୍‌ ଦାପ୍ରେ ଇୱାନ୍‌ ଇସ୍ୱର୍‌ ନିନ୍ଦା ତ ଏପେଙ୍ଗ୍‌ ୱେଚାଦେର୍ ।

ମାତିଉ 26:65 ပူးပေါင်းရင်းမြစ်များ

ମାତିଉ 9:3

କେତେକ୍ ଯିହୁଦି ଦରମ୍‌ନି ପଣ୍ଡିତାର୍ ଇଦାଙ୍ଗ୍ ୱେଚାର୍। ହେୱାର୍ ଜାର୍-ଜାର୍‌ବିତ୍ରେ ୱେଚ୍‌ପା ୱେଚ୍‌ପି ଆତାର୍, “ଇୱାନ୍ ଇଲେଗ୍‌ଦି ବେଣ୍ କିନାନା, ହାତେନେ ହେୱାନ୍ ହେ ଈଶ୍ୱରଲେକେ। ଇଦାଙ୍ଗ୍ କାଜିଙ୍ଗ୍ ହେୱାନ୍ ଈଶ୍ୱରତିଙ୍ଗ୍ ନିନ୍ଦା କିନାନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:21

ହେବେତାଙ୍ଗ୍ ଯିହୁଦି ଦରମ୍‌ନି ପଣ୍ଡିତାର୍ ଆରେ ପାରୁସିଦଳ୍‍ ଜାର୍-ଜାର୍‌ବିତ୍ରେ ୱେଚ୍‌ପା ୱେଚ୍‌ପି ଆତାର୍, “ଇ ମାନାୟ୍ ଇନେର୍? ଈଶ୍ୱରତିଙ୍ଗ୍ ପିସ୍ତି ଇନେର୍ ପା ପାପ୍ କେମା କିଦେଙ୍ଗ୍ ଆଡୁର୍। ଇୱାନ୍‌ତ ଈଶ୍ୱର ନିନ୍ଦା କିନାନା।”

ଜହନ୍‌ 10:33

ଯିହୁଦି ନେତାର୍ ୱେଚ୍‌ଚାର୍, “ଆପେଙ୍ଗ୍ ଇମ୍‌ଣି ଚାନିଆଆନି କାମାୟ୍ କିତାକା ମାନିକିଉପା। ମାତର୍ ଏନେଙ୍ଗ୍ ଇନାକା ୱେଚ୍‌ନାୟା ହେଦାଙ୍ଗ୍ ଈଶ୍ୱର ନିନ୍ଦା ବିରୁଦ୍‌ତାକେ ୱେଚ୍‌ନାୟା। ଏନେଙ୍ଗ୍ ରକାଇ ମାନାୟ୍ ନେ, ମାତର୍ ଜାର୍‌ତିଙ୍ଗ୍ ଈଶ୍ୱର ଲାହାଙ୍ଗ୍ ହାମାନ୍ ଇଞ୍ଜି ଇନାୟା। ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ନିଙ୍ଗେଙ୍ଗ୍ କାଲ୍ ହୁଦାଙ୍ଗ୍ ଅସ୍ତେଦେଙ୍ଗ୍ ଇଚା କିନାପା।”

ଜହନ୍‌ 10:36

ଲାଗିଙ୍ଗ୍ ଏପେଙ୍ଗ୍ ଇନା କିଦେଙ୍ଗ୍ ଇନାଦେରା, ଆନେଙ୍ଗ୍ ଇନାକା ଈଶ୍ୱର ନିନ୍ଦା ବିରୁଦ୍‌ତାକେ ୱେଚ୍‌ଚାନାଙ୍ଗା ଇଞ୍ଜି। ଇନେସ୍‌କି ଆନେଙ୍ଗ୍ ୱେଚ୍‌ଚାନାଙ୍ଗା, ‘ଆନେଙ୍ଗ୍ ଈଶ୍ୱର ମେହି।’ ନାଙ୍ଗେଙ୍ଗ୍ ଈଶ୍ୱର ବାଚି କିତ୍‌ତାନ୍‌ନା ଆରେ ପୁର୍ତିତାକେ ପକ୍ତାତାନ୍‌ନା।

ପକ୍ୟାତାକା 14:14

ମାତର୍ ବାଚିକିତି ଚେଲା ପାଉଲ ଆରେ ବର୍ଣ୍ଣବା ଇଦାଙ୍ଗ୍ ୱେନ୍‌ଞ୍ଜି ଜାର୍-ଜାର୍ ହେନ୍ଦ୍ରାଙ୍ଗ୍ କେଚ୍‌ଚାର୍। ହେୱାର୍ ମାନାୟ୍ ଲାଗାୟ୍ ହନ୍‍ଚିହାଚାର୍। ଆରେ ହେୱାର୍ ଗାଜାକାଟ୍ କିଜି ୱେଚ୍‌ଚାର୍,