ମାତିଉ 26:37 - New Testament in Pengo Parja Language

³⁷ ଯୀଶୁ, ପିତର ଆରେ ଜେବଦି ମେହିର୍ ରିକାରିଙ୍ଗ୍ ତା ଲାହାଙ୍ଗ୍ ଅସାହାଚାନ୍। ତାପାଚେ ଯୀଶୁ ଦୁଃକ୍ ଆରେ କାକୁଲ୍‌ତି ଆଦେଙ୍ଗ୍ ଲାଗାତାନ୍।

ସତ୍‌ ବଚନ୍‌ ପୁନି ନିୟମ୍‌

³⁷ ଆରେ, ଜିସୁ ପିତର୍‌ ଆରି ଜେବ୍‌ଦି ରିକାର୍‌ ମେହିରିଂ ଅତାନ୍‌ । ହେ ଏଚେକାଡ଼୍‌ଦ ଜିସୁ ବେସି ଦୁକ୍‌ ବାଦାତ ବିପ୍ତି ଆଜ଼ି ମାଚାନ୍‌ ।

ମାତିଉ 26:37 ပူးပေါင်းရင်းမြစ်များ

ମାତିଉ 17:1

ଚଅଦିନ୍ ପାଚେ ଯୀଶୁ, ପିତର, ଯାକୁବ ଆରେ ତା ଟଣ୍ଡାହି ଯୋହନତିଙ୍ଗ୍ ଆସ୍ତି ହେୱାର୍ ର ପାନ୍ତି ମାଡ଼ିତ ଅସାହାଚାନ୍।

ମାତିଉ 20:20

ତାପାଚେ ଜେବଦି ଡକ୍ରୁହି ତା ମେହିରିଙ୍ଗ୍ ଆସ୍ତି ଯୀଶୁ ଲାଗାୟ୍ ୱାତାତ୍। ଆରେ ହେଦେଲ୍ ଜୱାର୍‌କିଜି ଯୀଶୁତାଙ୍ଗ୍ ଇନାକା ଇଚ୍‍କେ ଏନ୍ତାତ୍।

ମାତିଉ 4:18

ଯୀଶୁ ଗାଲିଲୀନି ହାମ୍‌ଦୁର୍ କାଣ୍ତିତିଙ୍ଗ୍ ହାନିହିଙ୍ଗ୍ ଶିମୋନ, ଇନେରିଙ୍ଗ୍ ପିତର ଇଞ୍ଜି ଇନାର୍, ଆରେ ତା ଟଣ୍ଡାହି ଆନ୍ଦ୍ରିୟଙ୍ଗ୍, ଇ ରିୟାରିଙ୍ଗ୍ ହାମ୍‌ଦୁର୍‌ତାକେ ଜାଲ୍ ଇଡ଼୍‌ନାକା ହୁଡ଼୍‌ତାନ୍, ଇନେସ୍‌କି ହେୱାର୍ କେଉଟ୍ ମାଚାର୍।

ମାତିଉ 4:21

ଯୀଶୁ ହେବେତାଙ୍ଗ୍ ଆଗେ ହାଲ୍‌ଜି ଟଣ୍ଡ୍ରିୟାର୍ ଯାକୁବ ଆରେ ଯୋହନ ଲାତ୍ରାହି ଜେବଦି ହୁଦାଙ୍ଗ୍ ଡଙ୍ଗାତାକେ ଜାଲ୍ ମାଡ଼୍‍ତାକିନାକା ହୁଡ଼୍‌ଜି ହେୱାରିଙ୍ଗ୍ କୁକ୍‌ତାନ୍।

ମାର୍କ 5:37

ତାପାଚେ ଯୀଶୁ ଯାଇରସ୍‌ ହୁଦାଙ୍ଗ୍ ପିତର, ଯାକୁବ ଆରେ ତା ଟଣ୍ଡାହି ଯୋହନ୍‌ତିଙ୍ଗ୍ ଇ ତିନ୍‌ଜାଣ୍ ତିଙ୍ଗ୍‍ନେ ତା ଲାହାଙ୍ଗ୍ ହାଞ୍ଜେଙ୍ଗ୍ ୱେଚ୍‌ଚାନ୍, ଆରେ ଇନେରିଙ୍ଗ୍ ପା ବିତ୍ରେ ଅୱାତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:44

ଯୀଶୁ ବେସି ଦୁଃକ୍‌ତାକେ ମାନ୍‌ଞ୍ଜି ପା ଆରେ ବେଗି-ବେଗି ପାର୍ତାନା କିଦେଙ୍ଗ୍ ଲାଗାତାନ୍। ତା ମୁମ୍‌ଦାଙ୍ଗ୍ ରୁମି, ନେତେର୍ ଟୁପା ଲେକେ ହସି ନେଲା ଆର୍‍ତାତ୍।

ଜହନ୍‌ 12:27

ଆନେଙ୍ଗ୍ ନଙ୍ଗୟ୍ ବେସି କଷ୍ଟତାକେ ମାନାଙ୍ଗ୍, ଆନେଙ୍ଗ୍ ଇନାକା ୱେଚ୍‌ନାଙ୍ଗ୍? ‘ଏ ଆବା ଈଶ୍ୱର, ନାଙ୍ଗେଙ୍ଗ୍ ଇ ଦୁକ୍ କଷ୍ଟତାଙ୍ଗ୍ ଉଦାର୍ କିଦା,’ ମାତର୍ ଇ ଦୁକ୍‌କଷ୍ଟ ପାୟା ଆଦେଙ୍ଗ୍ ଆନେଙ୍ଗ୍ ୱାତାଙ୍ଗ୍‌ନା।