ମାତିଉ 26:3 - New Testament in Pengo Parja Language

³ ହେପାଦ୍ନା ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ମାନାୟାର୍ ପ୍ରାଚିନ୍‌ କୟାପା ତର୍‍ଦାକାନ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ହୁଦାଙ୍ଗ୍ ପିଣ୍ଡାତ ରବେ ଆତାର୍।

ସତ୍‌ ବଚନ୍‌ ପୁନି ନିୟମ୍‌

³ ହେ ୱେଡ଼ାଲିଂ ମୁଡ଼୍‌ ମାପ୍ରୁହେବାକିନାକାନ୍‌ ଆରି ଲକୁର୍ତି ବୁଡ଼ାଲୁର୍‌ କୟାପା ତର୍‌ନି ମୁଡ଼୍‌ ମାପ୍ରୁହେବାକିନାକାନ୍ତି ହାକ୍‌ଡ଼ିତ ରୁଣ୍ଡା ଆତାର୍‌,

ମାତିଉ 26:3 ပူးပေါင်းရင်းမြစ်များ

ମାତିଉ 26:69

ହେପାଦ୍ନା ପିତର ହାକ୍‌ଡ଼ି ମାଦି କୁଚ୍‌ଚି ମାଚାନ୍। ର ଚାକ୍‌ରାଣି ପିତର କଚଣ୍‌ତ ୱାତାତ୍। ହେଦେଲ୍ ୱେଚ୍‌ଚାତ୍, “ଏନେଙ୍ଗ୍ ପା ଗାଲିଲୀ ଜିଲ୍ଲାନି ଯୀଶୁ ହୁଦାଙ୍ଗ୍ ମାଚାୟ୍।”

ମାତିଉ 27:27

ତାପାଚେ ପିଲାତ ଗବର୍‌ନର୍ ସେନାହିର୍ ଯୀଶୁଙ୍ଗ୍ ପିଲାତ ରାଜା ହାକ୍‌ଡ଼ିତାକେ ଅସାହାଲ୍‌ଜି ୱିଜୁସେନାର୍ ଯୀଶୁ ଚାରିବେଣ୍‌ତାଙ୍ଗ୍ ରୁଣ୍ଡାଆତାର୍।

ମାର୍କ 14:54

ପିତର ଅଲପ୍ ଦେହା ମାନ୍‌ଞ୍ଜି ହେୱାର୍ ପାଚେ-ପାଚେ ହାଚାନ୍ ଆରେ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ହାକ୍‌ଡ଼ିତାକେ ହାଚାନ୍। ଆରେ ହେୱାନ୍ ମନ୍ଦିର ଜାଗୁୱାଡ଼ି ହୁଦାଙ୍ଗ୍ କୁଚ୍‌ଚି ନାଣି କାଇଜି ମାଚାନ୍।

ମାର୍କ 14:66

ପିତର ହେ ହାକ୍‌ଡ଼ିତ ହେପାଦ୍ନା ପାତେକ୍ ନାଣି କାୟ୍‍‍ଜି ମାଚାନ୍, ହେପାଦ୍ନା ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରିନି ଚାକ୍‌ରାଣି ହେୱାନିଙ୍ଗ୍ ହୁଡ଼୍‍ତାତ୍।

ମାର୍କ 15:16

ତାପାଚେ ପିଲାତ ଗବର୍‌ନର୍ ସେନାହିର୍ ଯୀଶୁଙ୍ଗ୍ ରୋମିୟ ସର୍‌କାର୍ ଇଲ୍‌ନି ହାକ୍‌ଡ଼ିତାକେ ଅସାହାଚାର୍, ହେବେ ୱିଜୁସେନାର୍ ଦଳ୍‌ତିଙ୍ଗ୍ କୁକ୍‌ଚି ରବେ ଆତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:55

ସେନାର୍ ମାଦି ହାକ୍‌ଡ଼ିତ ନାଣି କାଚାୟ୍ କିଜି ରବେ କୁକ୍‌ଚି ମାଚାର୍, ପିତର ପା ହେୱାର୍ ହୁଦାଙ୍ଗ୍ କୁଚ୍‌ଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:2

ହାନାନ ଆରେ କୟାପା ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍‌ ମାଚାର୍‌। ହେପାଦ୍ନା ଡୁବନ୍‌ହିନି ଯୋହନ ଟାଙ୍ଗ୍ରାବାହାତାକେ ବାହାକିଜି ମାଚାନ୍। ଈଶ୍ୱର ଜିକରିୟନି ହିମ୍‌ଣା ଯୋହନତିଙ୍ଗ୍ ମାନାୟାରିଙ୍ଗ୍ ଶୁଣାୟ୍ କିଦେଙ୍ଗ୍ ଆଦେସ୍ ହିତାନ୍।

ଜହନ୍‌ 11:57

ମାତର୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ପାରୁସିଦଳ୍‍ ଯୀଶୁ ବିଷୟରେ ର ଆଦେସ୍ ହିଜି ମାଚାର୍। ହେୱାର୍ ୱେଚ୍‌ଚି ମାଚାର୍ ଯେ, ଯୀଶୁ ଇମେତାକେ ମାନାନ୍ ଇଦାଙ୍ଗ୍ ପୁଚାକାର୍ ସାଙ୍ଗେ-ସାଙ୍ଗେ ୱାଜି ମାଙ୍ଗେଙ୍ଗ୍ ୱେଚ୍‌ଚାନାର୍। ଲାଗିଙ୍ଗ୍ ଆପେଙ୍ଗ୍ ଯୀଶୁଙ୍ଗ୍ ଆସ୍ତି ବନ୍ଦିକିଦେଙ୍ଗ୍ ଆଡ୍‌ନାପ୍।

ଜହନ୍‌ 18:24

ଲାଗିଙ୍ଗ୍ ହାନାନ ଯୀଶୁଙ୍ଗ୍ ଗାଚ୍‌ଚି ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି କୟାପା ଲାଗାୟ୍ ପକ୍ତାନ୍।

ଜହନ୍‌ 18:28

ତାପାଚେ ହେୱାର୍ କୟାପା ଇଞ୍ଜାଙ୍ଗ୍ ଯୀଶୁଙ୍ଗ୍ ରମିୟ ଗବର୍‌ନର୍ ପିଲାତତାକେ ଅସିହାଚାର୍। ହେପାଦ୍ନା ନାଣାଙ୍ଗେ ଅଜଡ଼୍‌ଆଜି ମାଚାତ୍। ଯିହୁଦିର୍ ଇଲ୍ ବିତ୍ରେ ହାଲ୍‌ୱାତାର୍। ହେୱାର୍ ଜାର୍‌ତିଙ୍ଗ୍ ଅପବିତ୍ର କିଦେଙ୍ଗ୍ ଇଚା କିୱାଦାଙ୍ଗ୍ ମାଚାନ୍, ଇନେସ୍‌କି ହେୱାର୍ ନିସ୍ତାର୍ ପାର୍ବୁ ବଜି ଚିଞ୍ଜେଙ୍ଗ୍ ଇଚାକିଜି ମାଚାର୍।