ମାତିଉ 26:29 - New Testament in Pengo Parja Language

²⁹ ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ନା ଆବା ଈଶ୍ୱର ସାସନ୍ କିନି ରାଜିତାକେ ମିହୁଦାଙ୍ଗ୍ ପୁଃନି ଅଙ୍ଗୁର୍ ରାସ୍ ଉଣି ପାତେକ୍ ଆନେଙ୍ଗ୍ ଆରେ ଇନାୱେଡ଼ାଙ୍ଗ୍ ପା ଇ ଅଙ୍ଗୁର୍ ରାସ୍ ଉଣୁଙ୍ଗ୍।”

ସତ୍‌ ବଚନ୍‌ ପୁନି ନିୟମ୍‌

²⁹ ମାତର୍‌ ଆନ୍‌ ମିଙ୍ଗ୍‌ ଇଞ୍ଜ୍‌ନାଙ୍ଗା, ଇମ୍‌ଣି ଦିନ୍‌ ଆନ୍‌ ନା ବାୱାତି ରାଜିତ ମି ହୁଦାଂ ପୁନି କିଜ଼ି ଅଙ୍ଗୁର୍‌ ପାଡ଼୍‌ନି ରାସ୍‌ ଉଣାଙ୍ଗ୍‌, ହେ ଦିନ୍‌ ପାତେକ୍‌ ନେଞ୍ଜ୍‍ତାଂ ଆନ୍‌ ଇଦାଂ ଇନାୱାଡ଼ାଂ ପା ଉଣୁଙ୍ଗ୍‌ ।”

ମାତିଉ 26:29 ပူးပေါင်းရင်းမြစ်များ

ମାତିଉ 13:43

ଈଶ୍ୱର ସାସନ୍ କିନି ରାଜିତାକେ ଦରମ୍ ମାନାୟାର୍ ୱେଡ଼ାଲେକେ ଅଜଡ଼୍ ଆନାର୍। ଇମ୍‌ଣାକାର୍ ଇବେଣ୍ ୱେଚାଦେର୍ ହେ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ବୁଜାଆଡ। ”

ମାତିଉ 16:28

ଯୀଶୁ ତା ଚେଲାରିଙ୍ଗ୍ ଆରେ ହେବେ ମାଚି ମାନାୟାରିଙ୍ଗ୍ ୱେଚ୍‌ଚାନ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ତା ସାସନ୍ କିନି ରାଜି ୱାୱି ପାତେକ୍ ଇବେ ମାନି କେତେକ୍ ମାନାୟ୍ ହାଃଉର୍।’ ”

ମାତିଉ 18:20

ଇନେସ୍‌କି ନାଙ୍ଗେଙ୍ଗ୍ ପାର୍ତି କିନାପା ଇଞ୍ଜି ର ବାହାତାକେ ରିକାର୍ କି ତିନ୍‌ଜାଣ୍ ରୁଣ୍ଡା ଆନାର୍, ହେ ବାହାତାକେ ହେୱାର୍ କାଜିଙ୍ଗ୍ ଆନେଙ୍ଗ୍ ମାନ୍‌ଗାନାଙ୍ଗ୍।”

ମାତିଉ 25:34

ଆନେଙ୍ଗ୍ ରାଜା ତା ତିନାବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାଙ୍ଗ୍, ୱାଡ ନା ସରଗ୍‌ନି ଆବା ମିଙ୍ଗେଙ୍ଗ୍ ଆଶ୍ରିବାଦ୍ କିତ୍‌ତାନ୍‌ନା। ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ରାଜି ହିଦ୍‌ଦେଙ୍ଗ୍ ଇଚା କିତ୍‌ତାନ୍‌ନା। ହେଦାଙ୍ଗ୍ ଏପେଙ୍ଗ୍ ପାୟାଆଡୁ। ପୁର୍ତି ଉବ୍‌ଜା ଆନି ପାଦ୍ନା ମି କାଜିଙ୍ଗ୍ ହେ ରାଜି ରହିଆତାତ୍‌ନା।

ମାତିଉ 26:28

ଆରେ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇ ଅଙ୍ଗୁର୍ ରାସ୍ ନା ନେତେର୍। ଇ ନେତେର୍ କାଜିଙ୍ଗ୍ ଈଶ୍ୱର ଆରେ ମାନାୟାର୍ ଲାହାଙ୍ଗ୍ ପୁନି ନିୟମ୍ ଆନାତ୍‌। ଆନେଙ୍ଗ୍ ଏଚେପାଦ୍ନା ହାଃନାଙ୍ଗ୍ ହେ ନେତେର୍ ୱିଜାକାର୍ ପାପ୍ କେମା କାଜିଙ୍ଗ୍ ବଡ଼ାଆନାତ୍।

ମାତିଉ 26:30

ଆରେ ଯୀଶୁ ତା ଚେଲାହିର୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିଜି ନିସ୍ତାର୍ ପାର୍ବୁନି କେର୍‌କଣ୍ କେର୍‌ତାର। ଆରେ ଯିରୁଶାଲାମ ସହର୍ ନିପଣ୍ ହସି ଜିତ୍‌ମାର୍‌ ମାନି ମାଡ଼ିତାକେ ହାଚାର୍।

ମାତିଉ 28:20

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି-ଇମ୍‌ଣି ବିଷୟ ୱିଜୁ ୱେଚ୍‌ଚାତାଙ୍ଗ୍‌ନା, ହେ ୱିଜୁବେଣ୍ ମାନି କିଦେଙ୍ଗ୍ ମାନାୟାରିଙ୍ଗ୍ ହିକ୍ଷା ହିୟାଟ୍। ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନାଙ୍ଗ୍ ଇଞ୍ଜି ପୁରା ପାର୍ତିକିୟାଟ୍। ଜୁଗ୍ ସେସ୍‌ଆନି ପାତେକ୍ ପା ଆନେଙ୍ଗ୍ ମି ହାଙ୍ଗ୍-ହାଙ୍ଗ୍ ମାନ୍‌ଗାନାଙ୍ଗ୍।”

ମାର୍କ 14:25

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଆନେଙ୍ଗ୍ ଈଶ୍ୱର ସାସନ୍ କିନି ରାଜିତାକେ ପୁନି ଅଙ୍ଗୁର୍ ରାସ୍ ଉଣ୍‌ୱାତାଙ୍ଗ୍‍ନା ହେ ଦିନ୍ ପାତେକ୍ ଆନେଙ୍ଗ୍ ଇନାୱେଡ଼ାଙ୍ଗ୍ ପା ଇ ଅଙ୍ଗୁର୍ ରାସ୍ ଉଣୁଙ୍ଗ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:32

ଏପେଙ୍ଗ୍ ରଞ୍ଜାଙ୍ଗ୍ ହିରୁ ମାନ୍ଦାନି ମେଣ୍ଢାଦଳ୍ ଲେକେ, ଲାଗିଙ୍ଗ୍ ପାଣ୍ଡ୍ରା ଆମାଟ୍। ମି ସରଗ୍‌ନି ଆବା ହେ ସରଗ୍ ରାଜି ହିତ୍‌ଦେଙ୍ଗ୍ ମାନ୍‌କିନାନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:32

ମାତର୍ ନି ହିରୁ ଟଣ୍ଡାଦି ହାଃଜି ମାଚାନ୍। ନଙ୍ଗୟ୍ ହେୱାନ୍ ଆରେରଗ ଜିବୁନ୍ ପାୟାଆତାନ୍‌। ଆରେ ହେୱାନ୍ ଜାଙ୍ଗ୍‌ଜି ମାଚାନ୍, ନଙ୍ଗୟ୍ ହେୱାନ୍ ଗାଟାଆତ୍‌ତାନ୍। ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱାରିତାଙ୍ଗ୍ ଭଜିକିନି ଦର୍‌କାର୍।’ ”

ଜହନ୍‌ 15:11

ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ କାତା ୱେଚ୍‌ଚାତାଙ୍ଗ୍‌ନା, ଆନେଙ୍ଗ୍ ଇନେସ୍ ଇଲେକେ ୱାରିତାକେ ମାନାଙ୍ଗା, ଏପେଙ୍ଗ୍ ପା ନା ଲେକେ ୱାରି ପାୟାଆନାଦେର୍। ଆନେଙ୍ଗ୍ ଇଚା କିନାଙ୍ଗା ମି ୱାରି ପୁରା ଆୟେତ୍।

ଜହନ୍‌ 16:22

ହେଲେକେ ଏପେଙ୍ଗ୍ ନଙ୍ଗୟ୍ ଦୁକ୍ ପାୟା ଆତାଦେର୍‌ନା। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଆରେ ଗିଟା ଆଦ୍‌ନାଙ୍ଗ୍‌, ଆରେ ଏପେଙ୍ଗ୍ ୱାରିଆ ଆନାଦେର୍। ଆରେ ମି ୱାରି ଆନାକାଦିଙ୍ଗ୍ ଇନେର୍ କିସ୍ତି ଅଦେଙ୍ଗ୍ ଆଡୁର୍।

ଜହନ୍‌ 17:13

ଆନେଙ୍ଗ୍ ନି ଲାଗାୟ୍ ନଙ୍ଗୟ୍ ୱାନାଙ୍ଗା। ମାତର୍ ଆନେଙ୍ଗ୍ ପୁର୍ତିତାକେ ମାନୁ-ମାନୁ ଇ ୱିଜୁ କାଜିଙ୍ଗ୍ ପାର୍ତାନା କିନାଙ୍ଗା। ଆନେଙ୍ଗ୍ ଇୱିଜୁ ୱେଚ୍‌ନାଙ୍ଗା, ଇନେସ୍‌କି ଇ ମାନାୟାର୍ ନାବେ ମାନି ୱାରି ପାୟାଆନାର୍‌। ଆନେଙ୍ଗ୍ ଇଚା କିନାଙ୍ଗା, ନା ୱାରି ହେୱାର୍ କାଜିଙ୍ଗ୍ ପୁରା ଆୟେତ୍।

ପକ୍ୟାତାକା 10:41

ହେୱାନ୍ ୱିଜୁ ଯିହୁଦି ମାନାୟାରିଙ୍ଗ୍ ଚଞ୍ଜି ଆୱାତାନ୍‌ନା, ମାତର୍ ଈଶ୍ୱର ମାଙ୍ଗେଙ୍ଗ୍ ଆଗେ ବାଚିକିଜି ମାନ୍‌ଞ୍ଚାନ୍, ଲାଗିଙ୍ଗ୍ ହେୱାନ୍ ମାଙ୍ଗେଙ୍ଗ୍ ନେ ଚଞ୍ଜି ଆତ୍‌ତାନ୍‌ନା। ହେୱାନ୍ ହାଃତାକାନ୍‌ତାଙ୍ଗ୍ ଜିବୁନ୍‌ଆଜି ନିଙ୍ଗ୍‌ତି ପାଚେ ଆପେଙ୍ଗ୍ ତା ହୁଦାଙ୍ଗ୍ ଚିଚାପ୍ ଉଟାପ୍‌।

ଏବ୍ରି 12:2

ଯୀଶୁତାକେ ମା ଟାର୍ଗେଟ୍‌ ଇଡ଼୍‌ଜି ଇଦାଙ୍ଗ୍ କିନି ଦର୍‌କାର୍, ଇନେସ୍‌କି ହେୱାନ୍ ମା ପାର୍ତିନି ପୁରାପୁରି ଟିକ୍ ନେତା। କୃଶକାଟ୍ ଜପି ଲାଜା ପାୟାଆଜି ହାଃଦେଙ୍ଗ୍ ଯୀଶୁ ଇଚା କିତାନ୍, ଇନେସ୍‌କି ହେୱାନ୍ ପୁନ୍‌ଞ୍ଜି ମାଚାନ୍ ଯେ ଇଦାଙ୍ଗ୍ ପାଚେ ୱାରି ମାନାତ୍। ଲାଗିଙ୍ଗ୍ ନଙ୍ଗୟ୍ ହେୱାନ୍ ଈଶ୍ୱର ତିନାକେଇନି ବେସି ଗୌରବ ପାୟାଆନି ବାହାତାକେ କୁଚ୍‌ଚାନ୍‌ନା।

ହତ୍‌ତି 14:3

ହେ ୧, ୪୪,୦୦୦ ମାନାୟାର୍, ଈଶ୍ୱର ସିଂହାସନ୍, ଚାରିଗଟା ଜିବୁନ୍ ମାନି ପଶୁ ଆରେ ୨୪ ଜାଣ୍ ପ୍ରାଚିନାର୍ ମୁମ୍‌ଦ ନିଲ୍‌ଚି ମାଚାର୍। ହେୱାର୍ ନେ ହେ ମାନାୟାର୍ ଇମ୍‌ଣାକାରିଙ୍ଗ୍ ଈଶ୍ୱର ପୁର୍ତିନି ମାନାୟାର୍‌ତାଙ୍ଗ୍ ଉଦାର୍ କିତାନ୍‌ନା। ହେୱାର୍ ରଞ୍ଜି ପୁନି କେର୍‌କଣ୍ କେର୍‌ଜି ମାଚାର୍ ହେ କେର୍‌କଣ୍‌ତିଙ୍ଗ୍ ଇନେର୍ ପା ହିକାଆଦେଙ୍ଗ୍ ଆଡୁର୍।

ହତ୍‌ତି 7:17

ଇନେସ୍‌କି ମେଣ୍ଢା ଗଡ଼ିୟା ଇନେସ୍ ତା ମେଣ୍ଢାକାଙ୍ଗ୍ ଉଦାର୍ କିନାନ୍ ହେଲେକେ ହେ ସିଙ୍ଗାସନ ଆଗେ ନିଲ୍‌ତି ମେଣ୍ଢା ଇନେର୍‌କି ଯୀଶୁ ହେୱାରିଙ୍ଗ୍ ଉଦାର୍ କିନାନ୍‌। ହେୱାନ୍ ହେୱାରିଙ୍ଗ୍ କିଲେର୍ ଏଜୁଙ୍ଗ୍ ଉଣ୍ଡେଙ୍ଗ୍ ହିନାନ୍ ଇମ୍‌ଣି ଏଜୁଙ୍ଗ୍ ମାନାୟାରିଙ୍ଗ୍ ଜିବୁନ୍ ହିନାତ୍। ଆରେ ଈଶ୍ୱର ହେୱାର୍ କାଣ୍‌କୁନି ୱିଜୁ କାଣେଲିଙ୍ଗ୍ ନେନ୍ଦ୍‌ନାନ୍।”