ମାତିଉ 26:21 - New Testament in Pengo Parja Language

²¹ ହେୱାର୍ କୁଚ୍‌ଚି ତିନିହିଙ୍ଗ୍ ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ‘ମି ବିତ୍ରେତାଙ୍ଗ୍ ରକାନ୍ ନାଙ୍ଗେଙ୍ଗ୍ ଶାତ୍ରୁ କେଇଦ ଆହିକିଦ୍‍ନାନ୍।’ ”

ସତ୍‌ ବଚନ୍‌ ପୁନି ନିୟମ୍‌

²¹ ତିନି ୱେଡ଼ାଲିଂ ଜିସୁ ଇଚାନ୍‌, “ଆନ୍‌ ମିଙ୍ଗ୍‌ ହାତ୍‌ପା ଇଞ୍ଜ୍‌ନାଙ୍ଗା, ମି ବିତ୍ରେ ରକାନ୍‌ ନାଙ୍ଗେଙ୍ଗ୍‌ ସତ୍ରୁ କେଇଦ ହେଲାୟ୍‌ କିଦ୍‌ନାନ୍‌ ।”

ମାତିଉ 26:21 ပူးပေါင်းရင်းမြစ်များ

ମାତିଉ 26:2

ରିଦିନ୍ ପାଚେ ନିସ୍ତାର୍ ପାର୍ବୁ ଆନାତ୍ ଇଦାଙ୍ଗ୍ ଏପେଙ୍ଗ୍ ପୁନାଟ୍। ଆରେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା କୃଶକାଟ୍‌ତାକେ ହାଃନି କାଜିଙ୍ଗ୍ ଆହିୟା ଆନାଙ୍ଗ୍।

ମାତିଉ 26:22

ଇବେଣ୍ ୱେନ୍‌ଞ୍ଜି ହେୱାର୍ ବେସି ଦୁଃକ୍ କିତାର୍। ୱିଜାର୍ ଚେଲାହିର୍ ଯୀଶୁଙ୍ଗ୍ ୱେନ୍‌ବାତାର୍, “ମାପୃ, ହାତ୍‌ପା ଆନେଙ୍ଗ୍ ଆକାୟ୍‌କି?”

ଜହନ୍‌ 13:18

ଆନେଙ୍ଗ୍ ମିଙ୍ଗେଙ୍ଗ୍ ୱିଜାକାର୍ ବିଷୟରେ ୱେଚ୍‌ଚୁଙ୍ଗା। ଆନେଙ୍ଗ୍ ଇମ୍‌ଣାକାରିଙ୍ଗ୍ ବାଚିକିତାଙ୍ଗ୍‌ନା, ହେୱାରିଙ୍ଗ୍ ପୁନାଙ୍ଗ୍। ମାତର୍ ଦରମ୍ ସାସ୍ତର୍‌ତାକେ ଇନାକା ଲେକା ମାନାତ୍, ହେଦାଙ୍ଗ୍ ଗଟାଆନାତ୍। ଇମ୍‌ଣାକାନ୍ ନା ହୁଦାଙ୍ଗ୍ ମେହାଆଜି ତିନାନ୍, ହେୱାନ୍ ନାଙ୍ଗେଙ୍ଗ୍ ଶତ୍ରୁ କେଇଦ ଆହିକିଦ୍‍ନାନ୍।

ଜହନ୍‌ 13:21

ଯୀଶୁ ଇ କାତା ୱେଚ୍‌ଚି ପାଚେ ହେୱାନ୍ ବେସିଦୁକ୍ ଆଜି ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ମି ବିତ୍ରେତାଙ୍ଗ୍ ରକାନ୍ ନାଙ୍ଗେଙ୍ଗ୍ ଶାତ୍ରୁ କେଇଦ ଆହିକିଦ୍‍ନାନ୍।”

ଜହନ୍‌ 13:22

ଯୀଶୁ ଚେଲାହିର୍ ଜାର୍-ଜାର୍ ହୁଡ଼୍‌କା ଆତାର୍। ହେୱାର୍ ବୁଜା ଆଦେଙ୍ଗ୍ ଆଡ୍‌ୱାତାର୍, ଯୀଶୁ ଇନେର୍ ବିଷୟରେ ୱେଚ୍‌ଚାନାନା।

ଏବ୍ରି 4:13

ଈଶ୍ୱର କାଣ୍‍କୁକାଙ୍ଗ୍ ଇମ୍‌ଣି ମାନାୟ୍ ପା ଡ଼ୁଗ୍‌ୱାତାର୍‌ନା। ଇନେସ୍‌କି ତା କାଣ୍‍କୁକାଙ୍ଗ୍ ୱିଜୁ ବିଷୟ ଚଞ୍ଜି ଆନାତ୍। ଆରେ ତା ମୁମ୍‌ଦ ମାଙ୍ଗେଙ୍ଗ୍ ୱିଜୁ କାତା ୱେଚ୍‌ଚେଙ୍ଗ୍ ଆନାତ୍ ଇନାକା ମା ଜିବୁନ୍ ମାନିହିଙ୍ଗ୍ କିତାସ୍‌ନା।

ହତ୍‌ତି 2:23

ଆନେଙ୍ଗ୍ ତା ହିକ୍ଷାତିଙ୍ଗ୍ ମାନି କିନାକାରିଙ୍ଗ୍ ମାର୍ନେ ଅହ୍‌ନାଙ୍ଗ୍, ଲାଗିଙ୍ଗ୍ ୱିଜୁ ମଣ୍ଡ୍‌ଲିନି ମାନାୟାର୍ ପୁନାର୍ ଯେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ୱିଜାର୍ ମାନ୍ତି ବାବ୍‌ନାତିଙ୍ଗ୍ ଆରେ ଚିନ୍ତାତିଙ୍ଗ୍ ପୁନି ମାନାୟ୍। ଆରେ ଆନେଙ୍ଗ୍ ମି ଜାର୍-ଜାର୍ କାମାୟ୍ ଅନୁସାରେ ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାଙ୍ଗ୍।