ମାତିଉ 26:13 - New Testament in Pengo Parja Language

¹³ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ‘ପୁର୍ତିନି ୱିଜୁ ବାହାତାକେ ଇ ନା ହାର୍ଦିକାବୁର୍ ଶୁଣାୟ୍ କିନିହିଙ୍ଗ୍ ଇ କଗ୍‌ଲେ କିତି କାମାୟ୍‌ତିଙ୍ଗ୍ ପା ହେୱାର୍ ଶୁଣାୟ୍ କିନାର୍ ଆରେ ମାନ୍ତ ହେତୁକିନାର୍।’ ”

ସତ୍‌ ବଚନ୍‌ ପୁନି ନିୟମ୍‌

¹³ ଆନ୍‌ ନିଂ ହାତ୍‌ପା ଇଞ୍ଜ୍‌ନାଙ୍ଗା, ୱିଜ଼ୁ ପୁର୍ତିତ ଇମ୍‌ଣି ବାହାତ ପା ନେକ୍ରିକାବୁର୍‌ ୱେଚ୍ୟାନାତ୍, ହେ ବାହାତ ଇ କଗ୍‌ଲେତି ଏତୁତିଂ ତାଦାଙ୍ଗ୍‌ ଇ କାମାୟ୍‌ନି କାତା ପା ଇନ୍ୟା ଆନାତ୍‌ ।”

ମାତିଉ 26:13 ပူးပေါင်းရင်းမြစ်များ

ମାତିଉ 24:14

ଈଶ୍ୱର ମାନିରାଜି ବିଷୟରେ ହାର୍ଦିକାବୁର୍ ୱିଜୁ ମାନାୟ୍ ଜାତିର୍ କାଜିଙ୍ଗ୍ ସତ୍ ସାକି ଲେକେ ଇ ୱିଜୁ ପୁର୍ତିତାକେ ୱେଚ୍‌ନାକା ମାନାତ୍। ତାପାଚେ ହାଲ୍‌ଜି ଯୁଗ୍‌ଶେସ୍ ଆନାତ୍।

ମାତିଉ 28:19

ଲାଗିଙ୍ଗ୍ ଏପେଙ୍ଗ୍ ହାଲାଟ୍ ଆରେ ୱିଜୁଜାତି ମାନାୟାରିଙ୍ଗ୍ ନା ଚେଲା ରହାଟ୍। ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ଆରେ ପବିତ୍ର ଆତ୍ମା ତର୍‍ଦାଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଡୁବନ୍ ହିୟାଟ୍।

ମାର୍କ 13:10

ଆରେ, ଯୁଗ୍ ୱିଜ୍‍ୱିହିଙ୍ଗ୍ ନା ହାର୍ଦିକାବୁର୍ ୱିଜୁ ଜାତିରିଙ୍ଗ୍ ୱେଚ୍‌ନାକା ମାନାତ୍।

ମାର୍କ 14:9

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ପୁର୍ତିନି ୱିଜୁ ବାହାତାକେ ନା ହାର୍ଦିକାବୁର୍ ଶୁଣାୟ୍ କିନିହିଙ୍ଗ୍ ଇ କଗ୍‌ଲେ କିତି କାମାୟ୍‌ତିଙ୍ଗ୍ ପା ହେୱାର୍ ଶୁଣାୟ୍ କିନାର୍ ଆରେ ମାନ୍ତ ହେତୁକିନାର୍।”

ମାର୍କ 16:15

ଆରେ, ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ୱିଜୁ ଜଗତ୍‍ନିପଣ୍ ହାଲ୍‌ଜି ୱିଜୁ ମାନାୟାରିଙ୍ଗ୍ ହାର୍ଦିକାବୁର୍ ଶୁଣାୟ୍ କିୟାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:47

ଯିରୁଶାଲାମ ସହର୍‌ତାଙ୍ଗ୍ ଆରମ୍ କିଜି ୱିଜୁ ଜାତିର୍‌ତାକେ ପାପ୍ କାମାୟ୍ ପିସ୍ତି ମାପୃ ୱାତିସ୍ ଈଶ୍ୱର ପାପ୍ କେମା କିନି ବିଷୟରେ ମାନାୟାରିଙ୍ଗ୍ ଶୁଣାୟ୍ କିନାର୍।

ପକ୍ୟାତାକା 10:4

କର୍ଣିଲିୟ ଦୁତ୍‌ତିଙ୍ଗ୍ ମାନ୍‌ଦିୟାନ୍ କିଜି ହୁଡ଼୍‌ଜି ପାଣ୍ଡ୍ରାଆଜି ୱେଚ୍‌ଚାନ୍, “ଏ ମାପୃ ଇନାକା ଇଞ୍ଜ୍‌ନାୟା?” ହେ ଦୁତ୍ କର୍ଣିଲିୟଙ୍ଗ୍ ୱେଚ୍‌ଚାତ୍‌, “ନି ପାର୍ତାନା ଆରେ ଦାନ୍ ହିନାକା ୱିଜୁ ପୁଜା କିନିଲେକେ ଈଶ୍ୱରତିଙ୍ଗ୍ ୱାରି କିନାତା।

ରୋମିୟ 10:18

ମାତର୍ ଯିହୁଦି ଜାତିନି ମାନାୟାର୍ ବିଷୟରେ, ଆସେଙ୍ଗ୍ ଇନାକା ଇଞ୍ଜି ୱେଚ୍‌ନାସ୍? ହେୱାର୍ ହାତ୍‌ପା ହାର୍ଦିକାବୁର୍‌ତିଙ୍ଗ୍ ୱେଚାର୍‌ନା କି? ଆଁ, ହେୱାର୍ ୱେଚାର୍‌ନା। ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, ଈଶ୍ୱର ପୁର୍ତି ଉବ୍‌ଜାଇ କିତି ବିଷୟ ୱିଜାର୍ ମାନାୟାର୍ ପୁଚାର୍‌ନା, ଆରେ ତା କାତା ପୁର୍ତିନି ୱିଜୁ ବାହାତାକେ ଇକାତାତ୍‌ନା।”

ରୋମିୟ 15:19

ଈଶ୍ୱର ନାଙ୍ଗେଙ୍ଗ୍ ପବିତ୍ର ଆତ୍ମା ଶାକ୍ତି ହିଜି ମାନ୍‌ଞ୍ଚି କାଜିଙ୍ଗ୍, ଆନେଙ୍ଗ୍ ଶାକ୍ତି ଚିନ୍ ଆରେ ଚାନିଆ କାମାୟ୍ କିଜି ମାଚାଙ୍ଗ୍। ଆନେଙ୍ଗ୍ ଯିରୁଶାଲାମ ସହର୍‌ତାଙ୍ଗ୍ ଇଲୁରିକ ସହର୍‌ତାକେ କେତେକ୍ ବାହାକାଙ୍ଗ୍ ହାଚାଙ୍ଗ୍, ଆନେଙ୍ଗ୍ ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱିଜାକାରିଙ୍ଗ୍ ଶୁଣାୟ୍ କିଜି ମାଚାଙ୍ଗ୍।

୨ କରନ୍ତିୟ 10:18

ଇନେସ୍‌କି ଇମ୍‌ଣାକାର୍ ଜାର୍‌ତିଙ୍ଗ୍ ଜୟ୍-ଜୟ୍ କିନାନ୍, ଈଶ୍ୱର ହେୱାନିଙ୍ଗ୍ ଆହୁନ୍, ମାତର୍ ଇମ୍‌ଣାକାରିଙ୍ଗ୍ ଈଶ୍ୱର ଜୟ୍-ଜୟ୍ କିନାନ୍, ହେଦାଙ୍ଗ୍ ତାବେତାଙ୍ଗ୍ ଅଲ୍‌ଗା।

କଲସିୟ 1:23

ହେୱାନ୍ ମିଙ୍ଗେଙ୍ଗ୍ ପବିତ୍ର କିତ୍‌ତାନ୍‌ନା, ମାତର୍ ଏପେଙ୍ଗ୍ ୱିଜୁଦିନ୍ ଖ୍ରୀଷ୍ଟତାକେ ପାର୍ତି କିଜି ମାନାଟ୍। ଇନେସ୍‌କି ର ବାଡ଼୍‌କାସ୍ ପାଉଣ୍ଡେସେନ୍ ତାକେ ଇଲ୍ ମାନ୍‌ଗାନାତ୍ ହେଲେକେ ପାର୍ତି ଖ୍ରୀଷ୍ଟତାକେ ବାଡ଼୍‌କାସ୍ ଆଜି ମାନେତ୍। ହାର୍ଦିକାବୁର୍ ୱେନ୍‌ଞ୍ଜି ଇମ୍‌ଣି ଆହା ପାୟା ଆତାଦେର୍‌ନା ହେ ଆହାତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତାଙ୍ଗ୍ ଶୁଣାୟ୍ କିନାରା। ଆରେ ଆନେଙ୍ଗ୍ ପାଉଲ ଈଶ୍ୱର ଦାସ୍ ଆଜି ଇ ହାର୍ଦିକାବୁର୍ ଶୁଣାୟ୍ କିନାଙ୍ଗା।

କଲସିୟ 1:6

ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତି ମାନାୟାର୍ ୱେଚାର୍ ଆରେ ବେସିହେନି ପାର୍ତିକିନାରା। ଏପେଙ୍ଗ୍ ଇନେସ୍ ପାର୍ତୁମ୍ ହାର୍ଦିକାବୁର୍ ୱେନ୍‌ଞ୍ଜି ଆରେ ଈଶ୍ୱରତି ମହାନ୍ ଦୟା ବିଷୟନି ସତ୍ ବିଷୟତିଙ୍ଗ୍ ପୁନ୍‌ଞ୍ଜି ଇନେସ୍ ମି ଜିବୁନ୍ ବାଦ୍‌ଲା ଆତାତ୍‌ନା, ହେଲେକେ ୱିଜୁ ବାହାନି ମାନାୟାରିଙ୍ଗ୍ ଜିବୁନ୍ ବାଦ୍‌ଲାୟ୍ କିନାତା।

୧ ତିମତି 2:6

ହେୱାନ୍ ୱିଜାକାରିଙ୍ଗ୍ ପାପ୍ ଆରେ ହାଃନି ଶାକ୍ତିତାଙ୍ଗ୍ ମୁକ୍ତିକିନି କାଜିଙ୍ଗ୍ ତା ଜିବୁନ୍‌ତିଙ୍ଗ୍ ଡାବୁଙ୍ଗ୍ ହିସାବ୍‌ରେ ହିତାନ୍। ହେୱାନ୍ ହାଃତିଲେ, ଈଶ୍ୱର ଟିକ୍ ସମୟ୍‌ତ ଚଚ୍‌ଚାନ୍‌ନା ଯେ ହେୱାନ୍ ୱିଜାକାରିଙ୍ଗ୍ ରକ୍ଷା କିଦେଙ୍ଗ୍ ଇଚା କିନାନା।

ଏବ୍ରି 6:10

ଈଶ୍ୱର ନ୍ୟାୟ୍ ବିଚାର୍ କିନାକାନ୍। ଏପେଙ୍ଗ୍ କିଜିମାଚି କାମାୟ୍ ଆରେ ହେୱାନିଙ୍ଗ୍ ଲାଡ୍‌କିଜି ଜେକନିକାନିଙ୍ଗ୍ ସାଇଜ କିଜିମାଚି କାମାୟ୍‌ତିଙ୍ଗ୍, ହେୱାନ୍ ବାଣାଆଉନ୍। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ପାତେକ୍ ହେୱାରିଙ୍ଗ୍ ସାଇଜ କିନାଦେରା ଇଞ୍ଜି ହେୱାନ୍ ମାନ୍ତ ଏତୁ କିଦ୍‌ନାନ୍।

ହତ୍‌ତି 14:6

ତାପାଚେ ଆରେ ରଞ୍ଜି ଦୁତ୍ ବାଦାଡ଼୍‌ତାକେ ଉମ୍‌ଜି ବୁଲା ଆନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାନ୍ ପୁର୍ତିନି ୱିଜୁ ଦେସ୍ତି ମାନାୟାର୍, ୱିଜୁ ଜାତିନି ମାନାୟାରିଙ୍ଗ୍ ଆରେ ୱିଜୁ ବାଷାନି ମାନାୟାରିଙ୍ଗ୍ ଶୁଣାୟ୍ କିନି କାଜିଙ୍ଗ୍ ୱିଜୁଦିନ୍ ମାନି ହାର୍ଦିକାବୁର୍‌ତିଙ୍ଗ୍ ଆସ୍ତି ମାଚାନ୍।