ମାତିଉ 24:45 - New Testament in Pengo Parja Language

⁴⁵ ଯୀଶୁ ଆରେରଗ ୱେଚ୍‌ଚାନ୍, “ରକାନ୍ ସାତ୍‌ଦାରୁମ୍ ଆରେ ବୁଦିକାଟି ହଲିଆ ଲେକେ। ଇନେର୍ ଜେକନି ହଲିଆରିଙ୍ଗ୍ ତିନିହିଙ୍ଗ୍ କାଦି ତାସିହିତାନ୍। ମାପୃ ହେଲେକେ ହଲିଆହିଙ୍ଗ୍ ପାର୍ତି କିଜି ମାନାନ୍। ଇନେର୍ ହେ ହଲିଆହି ହେ କାମାୟ୍ କିଦେଙ୍ଗ୍ ତା କାମାୟ୍‌ତାଙ୍ଗ୍ ହେ ହଲିଆରିଙ୍ଗ୍ ପାର୍ତିକିନାନ୍।

ସତ୍‌ ବଚନ୍‌ ପୁନି ନିୟମ୍‌

⁴⁵ “ତେବେ ମାପ୍ରୁ ଜାର୍‌ ଲକ୍‌ବାକ୍‍ତିଂ ସମାନ୍‌ ୱେଡ଼ାଲିଂ ବାତ୍ୟା ହିଦେଂ କାଜିଂ ଇନେରିଂ ହେୱାର୍‌ ଜପି ବାଚି କିତାନ୍‌ନ୍ନା, ଏଲେଙ୍ଗ୍‌ବାର୍ତି ପାର୍ତିନି ଆରି ବୁଦିକାର୍‌ୟା ଆଡ଼ିଏନ୍‌ ଇନେର୍‌ ।

ମାତିଉ 24:45 ပူးပေါင်းရင်းမြစ်များ

ମାତିଉ 10:16

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ହୁଡ଼ାଟ୍, ବୁର୍‌କାଙ୍ଗ୍ ବିତ୍ରେ ମେଣ୍ଢାକାଙ୍ଗ୍ ହେଲାଇ କିତିଲେକେ ଆନେଙ୍ଗ୍ ମିଙ୍ଗେଙ୍ଗ୍ ବାର୍ତ ପକ୍ତାନାଙ୍ଗା। ଲାଗିଙ୍ଗ୍ ଏପେଙ୍ଗ୍ ରାଚ୍ ଲେକେ ବୁଦି ଆରେ ପାର୍‌ୱା ଲେକେ ସାଦୁ ଆଡ।

ମାତିଉ 13:52

ଲାଗିଙ୍ଗ୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, ‘ଇମ୍‌ଣି ପଣ୍ଡିତାର୍ ଈଶ୍ୱର ସାସ୍ତର୍‌ନି କାତାତିଙ୍ଗ୍ ବୁଜାଆନାରା ହେୱାନ୍ ଈଶ୍ୱର ସାସନ୍ କିନି ରାଜିନି ଚେଲା ଆନାର୍। ହେୱାନ୍ ରକାର୍ ଇଲ୍‌ନି ମାଲିକ୍ ଲେକେ। ଇନେସ୍‌କି ମାଲିକ୍ ବିତ୍ରେ ଇଞ୍ଜାଙ୍ଗ୍ ପୁନାକା ଆରେ ପାନି ହାର୍ଦି ଜିନିଷ୍ ହପ୍ତାନାନ୍, ହେଲେକେ ଈଶ୍ୱର ସାସନ୍ କିନି ରାଜିନି ଚେଲାର୍ ପାନାକା ଆରେ ପୁନି ହାର୍ଦି ବିଷୟରେ ହିକ୍ଷା ହିନାନ୍।’ ”

ମାତିଉ 24:46

ଏଚେପାଦ୍ନା ମାପୃ ୱାଜି ହୁଡ଼୍‌ତାନ୍ ଯେ ହେ ହଲିଆ‌ତିଙ୍ଗ୍ ଇମ୍‌ଣି କାମାୟ୍ ହିଜିମାଚାନ୍। ହେ ହଲିଆ ହେ କାମାୟ୍ ହାର୍‌ଦାଙ୍ଗ୍ କିତାନ୍‌ନା। ହେପାଦ୍ନା ହେୱାନ୍ ହେ ହଲିଆ‌ତିଙ୍ଗ୍ ବେସି ୱାରିୟା ଆନାନ୍।

ମାତିଉ 25:2

ହେୱେକ୍ ବିତ୍ରେତାଙ୍ଗ୍ ପାଞ୍ଚ୍‌ଜାଣ୍ ଗାଡ଼୍‌ଚେକାଙ୍ଗ୍ ବୁଦି ହିଲିକିକ୍‌। ଆରେ ପାଞ୍ଚ୍‌ଜାଣ୍ ଗାଡ଼୍‌ଚେକ୍ ଚାଲାକି ମାଚିକ୍।

ମାତିଉ 25:21

ମାଲିକ୍ ୱେଚ୍‌ଚାନ୍, ‘ବଡ଼ିଆ ଏନେଙ୍ଗ୍ ବେସି ହାର୍, ଆରେ ନିଙ୍ଗେଙ୍ଗ୍ ପାର୍ତି କିୟାଆନାତ୍। ଏନେଙ୍ଗ୍ ଉଣା ଡାବୁଙ୍ଗ୍‌ତାଙ୍ଗ୍ ହାର୍ଦି କାମାୟ୍ କିତାଇନା। ଲାଗିଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ଗାଜା ବିଷୟରେ ଦାୟିତ୍‌ପ ହିଦ୍‌ନାଙ୍ଗ୍। ୱା ଆସେଙ୍ଗ୍ ୱାରି କିନାସ୍।’

ମାତିଉ 25:23

ମାଲିକ୍ ୱେଚ୍‌ଚାନ୍, ‘ବଡ଼ିଆ ଏନେଙ୍ଗ୍ ବେସି ହାର୍, ଆରେ ନିଙ୍ଗେଙ୍ଗ୍ ପାର୍ତି କିୟାଆନାତ୍। ଏନେଙ୍ଗ୍ ଉଣା ଡାବୁଙ୍ଗ୍‌ତାଙ୍ଗ୍ ହାର୍ଦି କାମାୟ୍ କିତାଇନା। ଲାଗିଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ଗାଜା ବିଷୟରେ ଦାୟିତ୍‌ପ ହିଦ୍‌ନାଙ୍ଗ୍। ୱା ଆସେଙ୍ଗ୍ ୱାରି କିନାସ୍।’

ମାତିଉ 7:24

ଇମ୍‌ଣାକାନ୍ ନା ଲାଗାୟ୍ ୱାଜି ନା କାତା ୱେନାନ୍ ଆରେ ହେ କାତାତିଙ୍ଗ୍ ମାନି କିନାନ୍, ହେୱାନ୍ ରକାନ୍ କାଲ୍‌ଜପି କୁନାଦି କିଜି ଇଲ୍ ଗାଚ୍‌ନି ବୁଦିକାଟି ମାନାୟ୍ ଲେକେ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:17

ରାଜା ହେ ହଲିଆହିଙ୍ଗ୍ ୱେଚ୍‌ଚାନ୍, ‘ବଡ଼ିଆ ଏନେଙ୍ଗ୍ ବେସି ହାର୍ଦି ହଲିଆ, ନିଙ୍ଗେଙ୍ଗ୍ ହିରୁ-ହିରୁ ବିଷୟତାଙ୍ଗ୍ ପାର୍ତି କିୟାଆନାତ୍ ଇଞ୍ଜି ଆନେଙ୍ଗ୍ ପୁନାଙ୍ଗ୍। ଲାଗିଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ନା ଦଶ୍‌ଗଟା ସହର୍ ସାସନ୍ କିଦେଙ୍ଗ୍ ଦାୟିତ୍‌ପ ହିଦ୍‌ନାଙ୍ଗ୍।’

ପକ୍ୟାତାକା 20:28

ଏପେଙ୍ଗ୍ ଆରେ ପାର୍ତି କିନାକାଦେର୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ପବିତ୍ର ଆତ୍ମା ଇ ମାନାୟାର୍ ବିତ୍ରେ ବିଶପ୍‌ କିଜି ଦାଇତ୍‌ପ ହିତ୍‌ତାନ୍‌ନା। ଆରେ ଈଶ୍ୱର ତା ମେହି ଯୀଶୁ ନେତେର୍‌ତାଙ୍ଗ୍ ଇମ୍‌ଣି ମଣ୍ଡ୍‌ଲିତିଙ୍ଗ୍ କଡ଼୍‌ତାନ୍‌ନା, ହେ ମଣ୍ଡ୍‌ଲିନି ଗଡ଼ିୟା ଆଜି ମାନାଟ୍।

୧ ତିମତି 1:12

ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆନେଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ହେୱାନ୍ ନାଙ୍ଗେଙ୍ଗ୍ ତା ହେବା କିଦେଙ୍ଗ୍ ଶାକ୍ତି ହିତ୍‌ତାନ୍‌ନା, ହେୱାନ୍ ନାଙ୍ଗେଙ୍ଗ୍ ବିସ୍‌ବାସ୍ କିଜି ତା ହେବା କାମାୟ୍ କିଦେଙ୍ଗ୍ ଦାୟିତ୍‌ପ ହିତ୍‌ତାନ୍‌ନା।

୨ ତିମଥି 2:2

ଆନେଙ୍ଗ୍ ନିଙ୍ଗେଙ୍ଗ୍ ବେସି ମାନାୟାର୍ ମୁମ୍‌ଦ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ନାକା ୱେଚାଙ୍ଗ୍‌ନା। ଇମ୍‌ଣାକାର୍ ଜେକନିକାରିଙ୍ଗ୍ ପା ହିକ୍ଷାହିଦେଙ୍ଗ୍ ଆଡ୍‌ନାର୍, ଇଲେକେ ବିଶ୍ୱସ୍ତ ମାନାୟାରିଙ୍ଗ୍ ହେ କାତା ୱେଚା।

ଏବ୍ରି 3:5

ମୋଶା ଈଶ୍ୱର ପରିବାର୍‌ନି ମାନାୟାର୍‌ତାଙ୍ଗ୍ ହେବା କିଦେଙ୍ଗ୍ ବିସ୍‌ବସ୍ତ ମାଚାନ୍। ଆରେ ଇମ୍‌ଣି ୱିଜୁ କାମାୟ୍ ମୋଶା କିତାନ୍‌ନା ହେଦାଙ୍ଗ୍ ଈଶ୍ୱର ବବିଷ୍ଯତରେ ୱେଚ୍‌ନି ବିଷୟରେ ପୁନିକିନାତା।

ହତ୍‌ତି 2:13

ଆନେଙ୍ଗ୍ ପୁଚାଙ୍ଗ୍‌ନା ଯେ, ଶୟତାନ ମି ସହର୍‌ତିଙ୍ଗ୍ କଣ୍ଟ୍ରୁଲ୍ କିନାତା, ମାତର୍ ଆନ୍ତିପାଙ୍ଗ୍ ବେସି ଆଗେ ମାର୍ନେ ଅସ୍ତି ମାଚାର୍। ହେୱାନ୍ ପା ମି ଲେକେ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିୱାତାନ୍‌ନା ଆରେ ଆନେଙ୍ଗ୍ ହିକାୟ୍ କିତ୍‌ତି ହିକ୍ଷାତିଙ୍ଗ୍‌ ବାଣା ଆୱାତାଦେର୍‌ନା। ହେୱାନ୍ ଦରମ୍‌ଆଜି ମି ସହର୍‌ତାକେ ନା ହାର୍ଦିକାବୁର୍ ଶୁଣାୟ୍ କିତି କାଜିଙ୍ଗ୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍ ଇନେସ୍‌କି ମି ସହର୍‌ତିଙ୍ଗ୍ ଶୟତାନ କଣ୍ଟ୍ରୁଲ୍ କିନାତା।