ମାତିଉ 24:31 - New Testament in Pengo Parja Language

³¹ ଆରେ ହେୱାନ୍ ଗାଜାମରିବାଜା ହୁଦାଙ୍ଗ୍ ଜାର୍ ଦୁତ୍‌କୁକାଙ୍ଗ୍ ପୁର୍ତିତାକେ ପକ୍‌ନାନ୍। ଆରେ ହେୱାର୍ ବାଦାଡ଼୍ ୱିସ୍ତିତାଙ୍ଗ୍ ହାନାର୍। ଆରେ ବାଚିକିତି ମାନାୟାରିଙ୍ଗ୍ ୱିଜୁ ନିପ୍‌ଣି କନାତାଙ୍ଗ୍ ରବେ ରୁଣ୍ଡାଇ କିନାର୍।

ସତ୍‌ ବଚନ୍‌ ପୁନି ନିୟମ୍‌

³¹ ଆରେ, ହେୱାନ୍‌ ଗାଜା ମରି ବାଜା ହୁକେ ଜାର୍‌ ଦୁତ୍‌ରିଂ ପକ୍‌ତାନ୍‌ ଆରି ହେୱାର୍‌ ଆକାସ୍‌ନି ର ହାନ୍ଦିତାଂ ବିନ୍‌ ହାନ୍ଦି ପାତେକ୍‌ ଚାରି ଦିଗ୍‌ତାଂ ଇସ୍ୱର୍ତି ବାଚିକିତି ଲଗାଂ ରୁଣ୍ଡାୟ୍‌ କିନାନ୍‌ ।

ମାତିଉ 24:31 ပူးပေါင်းရင်းမြစ်များ

ମାତିଉ 13:41

ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ନା ଦୁତ୍‌କୁକାଙ୍ଗ୍ ପକ୍ତାନାଙ୍ଗ୍। ଆରେ ହେୱାର୍ ଈଶ୍ୱର ସାସନ୍ କିନି ରାଜିତିଙ୍ଗ୍ ୱିଜୁ ଅଦରମ୍‌ କିନାକାରିଙ୍ଗ୍ ଆରେ ପାପ୍ ମାନାୟାରିଙ୍ଗ୍ ରବେ ରୁଣ୍ଡା କିନାର୍,

ମାତିଉ 24:22

ଆରେ ହେ ଦୁକ୍‌କଷ୍ଟତିଙ୍ଗ୍ ଈଶ୍ୱର ଉଣା କିଦେଙ୍ଗ୍ ମାନ୍ କିତାନ୍‌ନା। ଆୱିତିସ୍ ଇନେର୍ ପା ରକ୍ଷା ପାୟା ଆଦେଙ୍ଗ୍ ଆଡୁର୍। ମାତର୍ ଈଶ୍ୱର ଇନେରିଙ୍ଗ୍ ବାଚି କିତାନ୍‌ନା ହେୱାର୍ କାଜିଙ୍ଗ୍ ନେ ହେ ଦୁକ୍ କଷ୍ଟନି ସମୟ୍ ଉଣା କିତାନ୍‌ନା।

ମାତିଉ 24:24

ମିଚ୍‌ୱା ଖ୍ରୀଷ୍ଟ ଆରେ ମିଚ୍‌ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍‌ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ପା ବୁଲ୍‌କାଇ କିନାର୍।

ମାତିଉ 24:32

ତଗାମାର୍‌ କାତାତାଙ୍ଗ୍ ଏପେଙ୍ଗ୍ ହିକ୍ଷା ଆହାଟ୍। ଏଚେପାଦ୍ନା ତା କେନ୍ଦାକାଙ୍ଗ୍ ଆକିଙ୍ଗ୍ ପିଲ୍‌କା ଆନିକ୍, ହେପାଦ୍ନା ଏପେଙ୍ଗ୍ ପୁନାଦେର୍ ଯେ ପଗୁଣ୍‌ ଲେଞ୍ଜ୍ ଏକିୱାତାତେ।

ମାତିଉ 25:31

ଏଚେପାଦ୍ନା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଆରେରଗ ହେୱାନ୍ ଗୌରବ ହୁଦାଙ୍ଗ୍ ୱାନାନ୍। ହେୱାନ୍ ହୁଦାଙ୍ଗ୍ ସରଗ୍‌ନି ଦୁତ୍‌କୁ ୱାନିକ୍। ହେୱାନ୍ ରାଜା ଆନାନ୍ ଆରେ ତା ଗାଜା ସିଂହାସନ୍ ଜପି ୱିଜାକାରିଙ୍ଗ୍ ବିଚାର୍ କିଦେଙ୍ଗ୍ କୁଚ୍‌ନାନ୍।

ମାତିଉ 28:18

ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍‌ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

ମାର୍କ 13:27

ଆନେଙ୍ଗ୍ ବାଚିକିତି ମାନାୟ୍‌ତିଙ୍ଗ୍ ରୁଣ୍ଡାୟ୍ କିଦେଙ୍ଗ୍ ନା ଦୁତ୍‌କୁକାଙ୍ଗ୍ ପକ୍ତାନାଙ୍ଗ୍, ହେୱାନ୍ ପୁର୍ତି ଆରେ ବାଦାଡ଼୍ ୱିସ୍ତିତାଙ୍ଗ୍ ହାନାର୍ ଆରେ ମାନାୟାରିଙ୍ଗ୍ ୱିଜୁ ନିପ୍‌ଣି କନାତାଙ୍ଗ୍ ରବେ ରୁଣ୍ଡାଇ କିନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:47

ଯିରୁଶାଲାମ ସହର୍‌ତାଙ୍ଗ୍ ଆରମ୍ କିଜି ୱିଜୁ ଜାତିର୍‌ତାକେ ପାପ୍ କାମାୟ୍ ପିସ୍ତି ମାପୃ ୱାତିସ୍ ଈଶ୍ୱର ପାପ୍ କେମା କିନି ବିଷୟରେ ମାନାୟାରିଙ୍ଗ୍ ଶୁଣାୟ୍ କିନାର୍।

ଜହନ୍‌ 11:52

ଆଁ ଯିହୁଦି ଜାତିର୍ କାଜିଙ୍ଗ୍, ଇସ୍ରାଏଲ ଜାତିନି ମାନାୟାର୍ କାଜିଙ୍ଗ୍ ଆରେ ଇମ୍‌ଣାକାର୍ ପୁର୍ତି ଚାରିବେଣ୍‌ତାଙ୍ଗ୍ ଈଶ୍ୱରତାଙ୍ଗ୍ ଚିନ୍‌ବିନ୍ ଆତାକାରିଙ୍ଗ୍ ପା ୱିଜାକାରିଙ୍ଗ୍ ଏକ୍ କିଦେଙ୍ଗ୍ ଯୀଶୁ ହାଃନାନ୍।

ରୋମିୟ 10:18

ମାତର୍ ଯିହୁଦି ଜାତିନି ମାନାୟାର୍ ବିଷୟରେ, ଆସେଙ୍ଗ୍ ଇନାକା ଇଞ୍ଜି ୱେଚ୍‌ନାସ୍? ହେୱାର୍ ହାତ୍‌ପା ହାର୍ଦିକାବୁର୍‌ତିଙ୍ଗ୍ ୱେଚାର୍‌ନା କି? ଆଁ, ହେୱାର୍ ୱେଚାର୍‌ନା। ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, ଈଶ୍ୱର ପୁର୍ତି ଉବ୍‌ଜାଇ କିତି ବିଷୟ ୱିଜାର୍ ମାନାୟାର୍ ପୁଚାର୍‌ନା, ଆରେ ତା କାତା ପୁର୍ତିନି ୱିଜୁ ବାହାତାକେ ଇକାତାତ୍‌ନା।”

୧ କରନ୍ତିୟ 15:52

ହେଦାଙ୍ଗ୍ କାଣ୍‌କୁ ମିଟ୍‌କା ଇଡ଼୍‌ତିଲେକେ ହଟାତ୍ ୱାନାତ୍, ଏଚେପାଦ୍ନା ସେସ୍ ମରିନି ସବଦ୍ ଆନାତ୍ ହେପାଦ୍ନା ଏଚେଜାଣ୍ ଖ୍ରୀଷ୍ଟଙ୍ଗ୍ ପାର୍ତି କିଜି ହାଃତାର୍‌ନା ହେୱାନ୍ ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଆରେରଗ ଜିବୁନ୍ କିନାନ୍। ଆରେ ଆସେଙ୍ଗ୍ ଏଚେଜାଣ୍ ଜିବୁନ୍ ମାନାସ୍, ହେୱାନ୍ ମା ଗାଗାଡ଼୍‌ନି ରୁପ୍‌ତିଙ୍ଗ୍ ବାଦ୍‌ଲାୟ୍ କିନାନ୍।

ଏପିସିୟ 1:10

ଈଶ୍ୱର ଜଜ୍‌ନା କିତି ଟିକ୍ ସମୟ୍ ୱାତିସ୍, ସରଗ୍‌ତାକେ ଆରେ ପୁର୍ତିତାକେ ମାନି ୱିଜୁ ବିଷୟ ଖ୍ରୀଷ୍ଟ ତାରେନ୍ ଇଟ୍‌ନି କାଜିଙ୍ଗ୍ ଈଶ୍ୱର ଇଚା କିଜି ମାଚାନ୍।

୧ ଥେସଲନୀକିୟ 4:16

ମାତର୍ ମାପୃ ଯୀଶୁ ନିଜେ ଆଦେସ୍ ହିଜି ସରଗ୍‌ତାଙ୍ଗ୍ ପୁର୍ତିତାକେ ୱାନିହିଙ୍ଗ୍, ମାନାୟାର୍ ଈଶ୍ୱରତି ମରି ବାଜା ଆରେ ଦୁତ୍‌ତି ର କାଟ୍ ୱେନାର୍, ହେପାଦ୍ନା ଖ୍ରୀଷ୍ଟଙ୍ଗ୍ ପାର୍ତି କିଜି ହାଃତାକାର୍ ଆରେରଗ ପାର୍ତୁମ୍ ଜିବୁନ୍ ଆନାର୍।

୨ ଥେସଲନୀକିୟ 2:1

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନି ବିଷୟରେ ମି କାଜିଙ୍ଗ୍ ଲେକିକିନାପା, ହେପାଦ୍ନା ଆସେଙ୍ଗ୍ ୱିଜାସ୍ ମାହାଆଜି ହେୱାନିଙ୍ଗ୍ ବେଟା ଆନାସ୍।

ଏବ୍ରି 12:19

ଇନେସ୍‌କି ଇସ୍ରାଏଲନି ମାନାୟାର୍ ର ମରିନି ସବଦ୍ ଆରେ ଈଶ୍ୱର କାତା ୱେନ୍‌ଞ୍ଜି ପାଣ୍ଡ୍ରା ଆତାର୍। ଆରେ ହେୱାର୍ ଈଶ୍ୱରତିଙ୍ଗ୍ ଆରେ ବେଣ୍ କିୱି କାଜିଙ୍ଗ୍ ଗୁୱାରି କିତାର୍।

ହତ୍‌ତି 1:20

ନା କେଇଦ ମାନି ସାତ୍‌ଗଟା ହୁକାଙ୍ଗ୍ ଆରେ ସାତ୍‌ଗଟା ହନାତାଙ୍ଗ୍ ରସ୍ତି ବଇଟା ଇଟ୍‌ନି ବିଷୟନି ଅର୍ତ ଇଲେକେ। ସାତ୍‌ଗଟା ହୁକାଙ୍ଗ୍‌ନି ଅର୍ତ ସାତ୍‌ଗଟା ମଣ୍ଡ୍‌ଲିନି ସାତ୍‌ଗଟା ଦୁତ୍‌କୁ, ଆରେ ସାତ୍‌ଗଟା ହନାତାଙ୍ଗ୍ ରସ୍ତି ବଇଟା ଇଟ୍‌ନି ବିଷୟନି ଅର୍ତ ସାତ୍‌ଗଟା ମଣ୍ଡ୍‌ଲି।”

ହତ୍‌ତି 11:15

ତାପାଚେ ଏଚେପାଦ୍ନା ସାତ୍ ନମ୍ବର୍ ଦୁତ୍ ମରି ତୁପ୍‌ତାତ୍, ଆରେ ସରଗ୍‌ତାକେ ଗାଜାକାଟ୍ କିଜି ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍। “ୱିଜୁ ପୁର୍ତିତିଙ୍ଗ୍ ମା ମାପୃ ଈଶ୍ୱର ସାସନ୍ କିଦେଙ୍ଗ୍ ରାଜି ଆତାନ୍ ଆରେ ତା ଖ୍ରୀଷ୍ଟଙ୍ଗ୍ ଅଦିକାର୍ ହିତାନ୍, ଆରେ ହେୱାନ୍ ଯୁଗ୍-ଯୁଗ୍ ପାତେକ୍ ସାସନ୍ କିନାନ୍।”

ହତ୍‌ତି 7:1

ତାପାଚେ ଆନେଙ୍ଗ୍ ହୁଡ଼୍‌ତାଙ୍ଗ୍, ଚାରିଗଟା ଦୁତ୍‌କୁ ପୁର୍ତିନି ଚାରିଗଟା କନାକାଙ୍ଗ୍ ନିଲ୍‌ଚି ମାଚିକ୍। ହେ ଦୁତ୍‌କୁକାଙ୍ଗ୍ ପୁର୍ତିନି ହାମ୍‌ଦୁର୍ ଆଏତ୍ କି ମେଦ୍‌ନି ଆଏତ୍ ବିନାସ୍ କିନି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ଅଦିକାର୍ ହିଜିମାଚାନ୍। ହାମ୍‌ଦୁର୍‌ତାକେ, ମେଦ୍‌ନି ଜପି, ଆରେ ମାର୍‌କୁକାଙ୍ଗ୍ ପା ଦୁକା ଆମେତ୍ ଇଞ୍ଜି ପୁର୍ତିନି ଚାରିଗଟା କନାକାଙ୍ଗ୍ ହେୱାର୍ ଦୁକାତିଙ୍ଗ୍ ଟେବାଇ କିଜି ଇଡ଼୍‌ଜି ମାଚାର୍। ଆରେ ଜେକନିକା ର ଦୁତ୍ ୱେଡ଼ା ହତ୍‌ନି ନିପଣ୍ ହତ୍‌ନାକା ହୁଡ଼୍‌ତାଙ୍ଗ୍, ତାବେ ୱିଜୁଦିନ୍ ଜିବୁନ୍ ମାନି ଈଶ୍ୱରତି ସିଲ୍ ମାଚାତ୍, ହେ ଦୁତ୍ ଗାଜାକାଟ୍ କିଜି ଚାରିଗଟା କନାକାଙ୍ଗ୍ ମାନି ଦୁତ୍‌କୁକାଙ୍ଗ୍ ୱେଚ୍‌ଚାତ୍।

ହତ୍‌ତି 8:2

ଆରେ ସାତ୍‌ଗଟା ସରଗ୍‌ନି ଦୁତ୍‌କୁ ଈଶ୍ୱର ଆଗେ ନିଲ୍‌ତାକା ଆନେଙ୍ଗ୍ ହୁଡ଼୍‌ତାଙ୍ଗ୍, ହେୱାରିଙ୍ଗ୍ ସାତ୍‌ଗଟା ମରିଙ୍ଗ୍ ହିଜିମାଚାନ୍।‌