ମାତିଉ 24:30 - New Testament in Pengo Parja Language

³⁰ ତାପାଚେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାନି ଚିନ୍ ବାଦାଡ଼୍‌ତ ଚଞ୍ଜ୍‌ଞ୍ଜାନାତ୍। ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ବାଦାଡ଼୍‌ତାକେ ଶାକ୍ତିତାଙ୍ଗ୍ ଆରେ ଗୌରବ ହୁଦାଙ୍ଗ୍ ୱାନାକା ହୁଡ଼୍‌ଜି ୱିଜୁଜାତିର୍ ମାନାୟାର୍ ଆଡ଼୍‌ବାନାର୍।

ସତ୍‌ ବଚନ୍‌ ପୁନି ନିୟମ୍‌

³⁰ ହେ ଏଚେକାଡ଼୍‌ଦ ଆକାସ୍‌ତ ମାନାୟ୍‍ ମାଜ଼ିତି ଇଟ୍‌କାଡ଼୍‌ ଚନ୍‌ଞ୍ଜାନାତ୍‌, ଆରେ ହେୱେଡ଼ାଲିଂ ପୁର୍ତିତ ୱିଜ଼ୁ ଜାତିନି ମାନାୟାର୍‌ ଆଡ଼୍‌ବାନାର୍‌ ଆରି ମାନାୟ୍‍ ମାଜ଼ିଂ ଗାଜା ସାକ୍ତିତାଂ ଆରି ଗାଜା ପାଣ୍‌ ହୁକେ ବାଦାଡ଼୍‍ତ ୱାନାକା ହୁଡ଼୍‌ନାଦେର୍‌ ।

ମାତିଉ 24:30 ပူးပေါင်းရင်းမြစ်များ

ମାତିଉ 24:3

ଯୀଶୁ ଜିତ୍‌ମାର୍‌ ମାନି ମାଡ଼ିତାକେ ହାଚାନ୍, ଚେଲାହିର୍ ଡ଼ୁଗ୍‌ଜି ତା ଲାଗେ ୱାଜି ୱେନ୍‌ବାତାର୍, “ମାଙ୍ଗେଙ୍ଗ୍ ୱେଚ୍‌ଚା ଇଦାଙ୍ଗ୍ ଇନାୱେଡ଼ାଙ୍ଗ୍ ଗଟାଆନାତ୍?” ଆରେ, ଏନେଙ୍ଗ୍ ଆରେରଗ ୱାନାକା ଆରେ ଯୁଗ୍‌ଶେସ୍ ଆନାକା ହେ ଚିନ୍ ଇନାକା।

ମାତିଉ 24:37

ଆରେ ଭବିଷ୍ଯତବକ୍ତା ନୋହ ମାନି ପାଦ୍ନା ଇନେସ୍ ଗଟାଆଜି ମାଚାତ୍। ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାନିହିଙ୍ଗ୍ ପା ହେଲେକେ ନେ ଗଟାଆନାତ୍।

ମାତିଉ 24:39

ଆରେ ଗୁର୍‌ନି ବାତ୍ୟା ୱାଜି ହେୱାରିଙ୍ଗ୍ ବଡ଼ାଇ କିଜି ଅନି ପାତେକ୍ ଇନାକା ଆନାତା ଇଞ୍ଜି ପା ପୁନ୍‌ୱାଦାଙ୍ଗ୍ ମାଚାର୍। ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାନିହିଙ୍ଗ୍ ହେଲେକେ ଗଟାଆନାତ୍।

ମାତିଉ 26:64

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆଁ, ଆନେଙ୍ଗ୍ ଈଶ୍ୱର ମେହି ଖ୍ରୀଷ୍ଟ। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ ଏପେଙ୍ଗ୍ ହାତ୍‌ପା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱିଜୁତାଙ୍ଗ୍ ଶାକ୍ତିକାଟି ଈଶ୍ୱର ତିନିବାଗାଙ୍ଗ୍ କୁଚ୍‍ଚାକା ଆରେ ସରଗ୍‌ନି ବାଦାଡ଼୍‌ତାଙ୍ଗ୍ ୱାନାକା ହୁଡ଼୍‌ନାଦେର୍।”

ମାର୍କ 13:26

ହେପାଦ୍ନା ମାନାୟାର୍ ନାଙ୍ଗେଙ୍ଗ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା, ବାଦାଡ଼୍ ଲାହାଙ୍ଗ୍ ପୁର୍ତିତାକେ ୱାନାକା ହୁଡ଼୍‌ନାଦେର୍। ହେୱାନ୍ ନା ଗାଜା ଶାକ୍ତି ଆରେ ଗୌରବଆଜି ୱାନାକା ହୁଡ଼୍‌ନାର୍।

ମାର୍କ 13:4

ଆରେ, ଏଚେକାଡ଼୍‌ଦ ହେ ଗଟ୍‌ନା ୱାନାତ୍ ଇନାଚିନ୍ ହୁଡ଼୍‌ଜି ଆପେଙ୍ଗ୍ ପୁନାପ୍? ହେ ବିଷୟତାଙ୍ଗ୍ ମାଙ୍ଗେଙ୍ଗ୍ ୱେଚ୍‌ଚା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:27

ହେପାଦ୍ନା ମାନାୟାର୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍, ଶାକ୍ତିତାଙ୍ଗ୍ ଆରେ ଗୌରବ ହୁଦାଙ୍ଗ୍ ବାଦାଡ଼୍ ଜପିତାଙ୍ଗ୍ ୱାନାକା ହୁଡ଼୍‌ନାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:69

ମାତର୍ ନଙ୍ଗୟତାଙ୍ଗ୍ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଈଶ୍ୱର ସିଂହାସନ୍‌ନି ତିନାବାଗାୟ୍ ଆଦିକାର୍‌ତାଙ୍ଗ୍ କୁଚ୍‌ନାଙ୍ଗ୍।”

ପକ୍ୟାତାକା 1:11

ଦୁତ୍‌କୁ ହେୱାରିଙ୍ଗ୍ ୱେଚ୍‌ଚିକ୍, “ହେ ଗାଲିଲୀ ଜିଲ୍ଲାନି ମାନାୟ୍ କାଦେର୍, ଇନା କିଦେଙ୍ଗ୍ ନଙ୍ଗୟ୍ ପାତେକ୍ ଏପେଙ୍ଗ୍ ବାଦାଡ଼୍ ନିପଣ୍ ହୁଡ଼୍‌ଜି ନିଲ୍‌ତାଦେର୍‌ନା? ଇ ଯୀଶୁ ଇନେରିଙ୍ଗ୍ ଈଶ୍ୱର ସରଗ୍‌ଜପି ଅତାନ୍‌ନା, ଆରେ ଏପେଙ୍ଗ୍ ଇନେସ୍ କିଜି ହାନାକା ହୁଡ଼୍‌ତାଦେର୍‌ନା ହେଲେକେ ନେ ଆରେରଗ ପୁର୍ତିତାକେ ୱାନାକା ହୁଡ଼୍‌ନାଦେର୍।”

୨ ଥେସଲନୀକିୟ 1:7

ହେପାଦ୍ନା ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନି ମାନାୟାରିଙ୍ଗ୍ ଈଶ୍ୱର ହେଲେକେ ନେ ହେୱାରିଙ୍ଗ୍ ଦୁଃକ୍ କଷ୍ଟ ହିନାନ୍। ଆରେ ଏପେଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚି କାଜିଙ୍ଗ୍ ହେୱାନ୍ ମା ହୁଦାଙ୍ଗ୍ ମିଙ୍ଗେଙ୍ଗ୍ ଶାନ୍ତି ହିଦ୍‌ନାନା, ଇଦାଙ୍ଗ୍ ନେ ଈଶ୍ୱରତି ନ୍ୟାୟ୍ ବିଚାର୍।

ହତ୍‌ତି 1:7

ହୁଡ଼ାଟ୍ ହେୱାନ୍ ସରଗ୍‌ତାଙ୍ଗ୍ ବାଦାଡ଼୍ ହୁଦାଙ୍ଗ୍ ମାହାଆଜି ୱାନାନ୍। ଆରେ ୱିଜାକାର୍ ହେୱାନିଙ୍ଗ୍ ହୁଡ଼୍‌ନାର୍, ଆରେ ପା ତାଙ୍ଗେଙ୍ଗ୍ ବାଲା ହୁଦାଙ୍ଗ୍ କୁନ୍ତାକାର୍ ହୁଡ଼୍‌ନାର୍। ଆରେ ଇ ପୁର୍ତିନି ୱିଜୁ ଦେସ୍‌ନି ମାନାୟାର୍ ତା କାଜିଙ୍ଗ୍ ଆଡ଼୍‌ବାନାର୍। ଆମେନ୍।

ହତ୍‌ତି 12:1

ଏଚେପାଦ୍ନା ହେଦାଙ୍ଗ୍ ୱିସ୍ତାତ୍, ବାଦାଡ଼୍‌ତାକେ ର ଚାନିଆଆନି ଚିନ୍ ଚନ୍‌ଞ୍ଚାତ୍। ହେଦାଙ୍ଗ୍ ଇଲେକେ ର କଗ୍‌ଲେ ଲେଞ୍ଜ୍ ଜପି ନିଲ୍‌ଚି ମାଚାତ୍ ଆରେ ୱେଡ଼ାଲେକେ ଚଞ୍ଜ୍‌ନି ହେନ୍ଦ୍ରା ଉସ୍‍ପି ମାଚାତ୍, ହେଦେଲ୍ ତା କାପ୍‌ଡ଼ାତ ର ମୁକୁଟ୍ ତୁସ୍‌ଦି ମାଚାତ୍ ହେ ମୁକୁଟ୍‌ତାକେ ବାରଗଟା ହୁକାଙ୍ଗ୍ ମାଚିକ୍।