ମାତିଉ 24:27 - New Testament in Pengo Parja Language

²⁷ ବିଜ୍‌ଲି ଇନେସ୍ ଲେକେ ପୁର୍ବନିପଣ୍ ଆଜି ପଶ୍ଚିମ ନିପଣ୍ ବାଦାଡ଼୍‌ତିଙ୍ଗ୍ ଅଜଡ଼୍ ଆନାତ୍ ହେଲେକେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାନାକା ହୁଡ଼୍‌ନାର୍।

ସତ୍‌ ବଚନ୍‌ ପୁନି ନିୟମ୍‌

²⁷ ଇନାକିଦେଂକି ବିଜ୍‌ଲି ଇନେସ୍‌ ୱେଡ଼ାହନିତାଂ ଇଡ଼୍‌ଜି ୱେଡ଼ାହାନି ପାତେକ୍‌ ବାଦାଡ଼୍‌ ଅଜଡ଼୍‌ ଆନାତ୍‌, ହେ ଲାକେ ମାନାୟ୍‌ ମାଜ଼ିତି ୱାନାକା ହେ ଲାକେ ଆନାତ୍‌ ।”

ମାତିଉ 24:27 ပူးပေါင်းရင်းမြစ်များ

ମାତିଉ 16:27

ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜାର୍ ଆବା ଗୌରବ ହୁଦାଙ୍ଗ୍ ଜାର୍ ଦୁତ୍‌କୁ ହୁଦାଙ୍ଗ୍ ୱାନାନ୍। ଆରେ ହେପାଦ୍ନା ଯୀଶୁ ୱିଜୁ ମାନାୟାରିଙ୍ଗ୍ ତା କିତି କାମାୟ୍‌ତାଙ୍ଗ୍ ପାଡ଼୍‌ ହିଦ୍‌ନାନ୍।

ମାତିଉ 16:28

ଯୀଶୁ ତା ଚେଲାରିଙ୍ଗ୍ ଆରେ ହେବେ ମାଚି ମାନାୟାରିଙ୍ଗ୍ ୱେଚ୍‌ଚାନ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ତା ସାସନ୍ କିନି ରାଜି ୱାୱି ପାତେକ୍ ଇବେ ମାନି କେତେକ୍ ମାନାୟ୍ ହାଃଉର୍।’ ”

ମାତିଉ 24:26

ହୁଡ଼ାଟ୍ ହେୱାନ୍ ଟାଙ୍ଗ୍ରାବାହାତାକେ ମାନାନ୍ ଇଞ୍ଜି ଯଦି ମାନାୟାର୍ ଇଞ୍ଜ୍‌ନାର୍ ହେବେ ହାଲ୍‌ମାଟ୍। କି ହେୱାର୍ ଇଞ୍ଜ୍‌ନାର୍ ହୁଡ଼ାଟ୍ ଇବେ ହେୱାନ୍ ଡ଼ୁକ୍ତାନ୍‌ନା ହେୱାରିଙ୍ଗ୍ ପାର୍ତି କିମାଟ୍।

ମାତିଉ 24:3

ଯୀଶୁ ଜିତ୍‌ମାର୍‌ ମାନି ମାଡ଼ିତାକେ ହାଚାନ୍, ଚେଲାହିର୍ ଡ଼ୁଗ୍‌ଜି ତା ଲାଗେ ୱାଜି ୱେନ୍‌ବାତାର୍, “ମାଙ୍ଗେଙ୍ଗ୍ ୱେଚ୍‌ଚା ଇଦାଙ୍ଗ୍ ଇନାୱେଡ଼ାଙ୍ଗ୍ ଗଟାଆନାତ୍?” ଆରେ, ଏନେଙ୍ଗ୍ ଆରେରଗ ୱାନାକା ଆରେ ଯୁଗ୍‌ଶେସ୍ ଆନାକା ହେ ଚିନ୍ ଇନାକା।

ମାତିଉ 24:37

ଆରେ ଭବିଷ୍ଯତବକ୍ତା ନୋହ ମାନି ପାଦ୍ନା ଇନେସ୍ ଗଟାଆଜି ମାଚାତ୍। ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାନିହିଙ୍ଗ୍ ପା ହେଲେକେ ନେ ଗଟାଆନାତ୍।

ମାତିଉ 24:39

ଆରେ ଗୁର୍‌ନି ବାତ୍ୟା ୱାଜି ହେୱାରିଙ୍ଗ୍ ବଡ଼ାଇ କିଜି ଅନି ପାତେକ୍ ଇନାକା ଆନାତା ଇଞ୍ଜି ପା ପୁନ୍‌ୱାଦାଙ୍ଗ୍ ମାଚାର୍। ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାନିହିଙ୍ଗ୍ ହେଲେକେ ଗଟାଆନାତ୍।

ମାତିଉ 24:44

ଲାଗିଙ୍ଗ୍ ଏପେଙ୍ଗ୍ ପା ଜାଗ୍ରତ୍ ଆଜି କାସିମାନାଟ୍। ଇନେସ୍‌କି ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଇନାୱେଡ଼ାଙ୍ଗ୍ ୱାନାନ୍। ଇନାୱେଡ଼ାଙ୍ଗ୍ ଏପେଙ୍ଗ୍ ୱାନାନ୍ ଇଞ୍ଜି ପା ବାବି କିୱାଦାଙ୍ଗ୍ ମାନ୍‌ଗୁଦେର୍।”

ମାତିଉ 8:20

ହେବେତାଙ୍ଗ୍ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “କଲିଆ ମାଞ୍ଜେଙ୍ଗ୍ ପାରା ମାନାତ୍। ବାଦାଡ଼୍‌ତ ବୁଲା ଆନି ପଟିକାଙ୍ଗ୍ ଗୁଡା ମାନାତ୍। ମାତର୍ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତଙ୍ଗ୍‌ ଆନେଙ୍ଗ୍ (ଯୀଶୁ) ମାଞ୍ଜେଙ୍ଗ୍ ବାହା ହିଲେତ୍।”

ଜାକ୍‌ବ 5:8

ହେଲେକେ ଏପେଙ୍ଗ୍ ପା ସାସ୍ ଆସ୍ତି ମାନାଟ୍ ଆରେ ଆହା କିଜି ମାନାଟ୍, ଇନେସ୍‌କି ମାପୃ ୱାନିଦିନ୍ ଲାଗେ ମାନାତ୍।

୨ ପିତର 3:4

ଆରେ ହେୱାର୍ ୱେଚ୍‌ନାର୍ “ହେୱାନ୍ ଆରେରଗ ୱାନି ପାର୍ମାଣ୍ ସତ୍ ଆକାୟ୍! ହେୱାନ୍ ଇନାୱେଡ଼ାଙ୍ଗ୍ ପା ୱାଉନ୍! ଇମ୍‌ଣାକାର୍ ମା ଆଗେ ନେତାର୍ ଆଜି ମାଚାର୍, ହେୱାର୍ ୱିଜାକାର୍ ହାଃତାର୍, ଆରେ ଅଲପ୍‌ପା ବାଦ୍‌ଲା ଆୱାତାତ୍। ଇନେସ୍‌କି ଈଶ୍ୱର ପୁର୍ତିତିଙ୍ଗ୍ ଉବ୍‌ଜାଇ କିତି ସମୟ୍‌ତାଙ୍ଗ୍ ଇନେସ୍ ମାଚାତ୍, ହେଲେକେ ନଙ୍ଗୟ୍ ପାତେକ୍ ମାନାତା।”