ମାତିଉ 23:9 - New Testament in Pengo Parja Language

⁹ ଆରେ ପୁର୍ତିତାକେ ଇନେରିଙ୍ଗ୍ ଆଁ ଆବା ଇଞ୍ଜି ହିର୍‌ବାନାକା ଉଚିତ୍ ଆକାଇ। ଇନେସ୍‌କି ମି ଆବା ଆପ୍‌କା ରକାନ୍ ହେୱାନ୍ ସରଗ୍‌ତାକେ ମାନାନ୍।

ସତ୍‌ ବଚନ୍‌ ପୁନି ନିୟମ୍‌

⁹ ଆରେ, ପୁର୍ତିତ ଇନେରିଂ ଏ ଆବା ଇନ୍‌ମାଟ୍‌, ଇନାକିଦେଂକି ମିୱାର୍ତି ରୱାନ୍‌ ଆବା, ହେୱାନ୍‌ ସାର୍ଗେତ ମାନାନ୍‌ ।

ମାତିଉ 23:9 ပူးပေါင်းရင်းမြစ်များ

ମାତିଉ 23:10

ମିଙ୍ଗେଙ୍ଗ୍ ମାପୃ ଇଞ୍ଜି ଇନେର୍ ପା ହିର୍‌ବାଆଦ୍‌ମେର୍, ଇନେସ୍‌କି ରକାନ୍ ମାତର୍ ମାପୃ ଆନାନା ଖ୍ରୀଷ୍ଟ।

ମାତିଉ 6:32

ଇମ୍‌ଣାକାର୍ ଈଶ୍ୱରତିଙ୍ଗ୍ ପୁନ୍‌ୱାତାର୍‌ନା ଇୱିଜୁ ବିଷୟ ପାୟା ଆଦେଙ୍ଗ୍ ଡେକ୍‌ଚି ବୁଲାଆନାର୍, ହେଦାଙ୍ଗ୍ ମି ସରଗ୍‌ନି ଆବା ଈଶ୍ୱର ପୁନାନ୍, ଯେ, ଇୱିଜୁ ବିଷୟ ମିଙ୍ଗେଙ୍ଗ୍ ଦର୍‌କାର୍।

ମାତିଉ 7:11

ଏପେଙ୍ଗ୍ ବାନ୍ଯା ମାନାୟ୍ ଆଜି ମାଚିସ୍ ପା ମି ହିମ୍‌ଣାକାଙ୍ଗ୍ ଇନେସ୍ ଲେଗ୍‌ଦି ହାର୍ଦି ଜିନିଷ୍ ହିଦେଙ୍ଗ୍ ପୁନାଦେର୍। ଲାଗିଙ୍ଗ୍ ସରଗ୍‌ତାକେ ମାନି ମି ଆବା ପୁନାନ୍ ଯେ ହେୱାନିଙ୍ଗ୍ ଏନ୍‌ନି ମାନାୟାରିଙ୍ଗ୍ ହେୱାନ୍ ହାର୍ଦି ଜିନିଷ୍ ହିନାନ୍।”

ପକ୍ୟାତାକା 22:1

ପାଉଲ ହେୱାରିଙ୍ଗ୍ ୱେଚ୍‌ଚାନ୍, “ଏ ଟଣ୍ଡାର୍ ଆରେ ଆବା କାଦେର୍, ନାଙ୍ଗେଙ୍ଗ୍ ବିରଦ୍ କିଦ୍‌ନି ମାନାୟାର୍ ଆନେଙ୍ଗ୍ ନଙ୍ଗୟ୍ ଉତର୍ ହିଦ୍‌ନାଙ୍ଗା ଏପେଙ୍ଗ୍ ୱେନାଟ୍।”

୧ କରନ୍ତିୟ 4:15

ଯଦି ମିଙ୍ଗେଙ୍ଗ୍ ଦସ୍ ହାଜାର୍ ମାନାୟ୍ ହିକ୍ଷା ହିଦ୍‌ଦେଙ୍ଗ୍ ମାଚିସ୍ ପା। ଆନେଙ୍ଗ୍ ନେ ମି ଆବାଲେକେ ଇନେସ୍‌କି ଆନେଙ୍ଗ୍ ନେ ମିଙ୍ଗେଙ୍ଗ୍ ପାର୍ତୁମ୍ ହାର୍ଦିକାବୁର୍ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ଆରେ ଏପେଙ୍ଗ୍ ଖ୍ରୀଷ୍ଟ ଯୀଶୁଙ୍ଗ୍ ପାର୍ତି କିତାଦେର୍।

୨ କରନ୍ତିୟ 6:18

ୱିଜୁ ଶାକ୍ତିମାନି ଈଶ୍ୱର ଇଲେକେ ଇନାତା ଯେ, ଆନେଙ୍ଗ୍ ମି ଆବା ଆନାଙ୍ଗ୍ ଆରେ ଏପେଙ୍ଗ୍ ନା ହିମ୍‌ଣାଙ୍ଗ୍ ଆନାଦେର୍।”

ଏବ୍ରି 12:9

ଇ ପୁର୍ତିତାକେ ମାନି ଆବାରିଙ୍ଗ୍ ଆସେଙ୍ଗ୍ ସନ୍‌ମାନ୍ କିଜି ମାନାସ୍, ଇମ୍‌ଣାକାର୍ ମାଙ୍ଗେଙ୍ଗ୍ ସାସନ୍ କିଦ୍‌ନାର୍। ଲାଗିଙ୍ଗ୍ ସରଗ୍‌ତାକେ ମାନି ଆବାନି ସାସନ୍‌ତିଙ୍ଗ୍ ସନ୍‌ମାନ୍ କିଜି ୱିଜ୍‌ୱିଦିନ୍ ପାତେକ୍ ଜିନି ଦର୍‌କାର୍।

୧ ଯୋହନ 3:1

ମା ଆବା ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିଦ୍‌ନାନ୍ ଯେ, ଆସେଙ୍ଗ୍ ମେହିକାସ୍ ଆଦେଙ୍ଗ୍ ଆଡ୍‌ନାସ୍, ଆରେ ଆସେଙ୍ଗ୍ ହାତ୍‌ପା ତା ମେହିକାସ୍। ହେଦାଙ୍ଗ୍ କାଜିଙ୍ଗ୍ ଇ ପୁର୍ତିନି ମାନାୟାର୍ ମାଙ୍ଗେଙ୍ଗ୍ ଚିନ୍ କିଦୁର୍, ଇନେସ୍‌କି ହେୱାର୍ ଈଶ୍ୱରତିଙ୍ଗ୍ ପା ଚିନ୍ କିୱାଦାଙ୍ଗ୍ ମାଚାର୍।