ମାତିଉ 23:16 - New Testament in Pengo Parja Language

¹⁶ ଏ କାଣାରିଙ୍ଗ୍ ହାଜି ଚଚ୍‌ନାକାଦେ ମିଙ୍ଗେଙ୍ଗ୍ ହାୟ୍, ଏପେଙ୍ଗ୍ ୱେଚ୍‌ନାଦେରା ଯେ ଇନେର୍ ଈଶ୍ୱର ମାନି ଇଲ୍ ପାର୍ମାଣ୍ କିନାନ୍ ଲାଗିଙ୍ଗ୍ ହେ ପାର୍ମାଣ୍ ଇଟ୍‌ନି ଦର୍‌କାର୍ ଆକାୟ୍। ମାତର୍ ଇମ୍‌ଣାକାନ୍ ଈଶ୍ୱର ମାନି ମନ୍ଦିର୍‌ନି ହନା ତର୍‍ଦାଙ୍ଗ୍ ରାଣ୍ ଇଡ଼୍‌ଜି ପାର୍ମାଣ୍ କିନାନ୍। ଲାଗିଙ୍ଗ୍ ହେୱାନ୍ ହେ ପାର୍ମାଣ୍ ରକ୍ଷା କିୟେନ୍।

ସତ୍‌ ବଚନ୍‌ ପୁନି ନିୟମ୍‌

¹⁶ “ଆଡ଼େ କାଣା ହାଜ଼ି ଚଚ୍‍ନାକାଦେର୍, ମି ଦସା ଏଚେକ୍‌ କସ୍ଟମାନାତ୍ । ଏପେଙ୍ଗ୍‌ ସିକ୍ୟା ହିଜ଼ି ମାନାଦେର୍‌, ଇନେର୍‌ ମନ୍ଦିର୍‌ ତର୍‌ଦ ପାର୍ମାଣ୍‌ କିତିସ୍‌, ହେଦାଂ ହେୱାନ୍‌ ମାନିକିଦେଂ ବଲତ୍କାର୍ ଆକାୟ୍‌, ମାତର୍‌ ମନ୍ଦିର୍‌ତ ମାନି ହନା ତର୍‌ଦ ଇନେର୍‌ ପାର୍ମାଣ୍‌ କିତାର୍‌, ହେୱାନିଂ ହେଦାଂ ମାନିକିଦେଂ ପଡ଼ାନାତ୍ ।

ମାତିଉ 23:16 ပူးပေါင်းရင်းမြစ်များ

ମାତିଉ 15:14

ହେୱାରିଙ୍ଗ୍ ଚିନ୍ତା କିମାଟ୍, ହେୱାର୍ କାଣାଲଗାଙ୍ଗ୍ କାଣା ହାଜି ଚଚ୍‍ନାନ୍। ଆରେ ଇନାୱେଡ଼ାଙ୍ଗ୍ ର କାଣାମାନାୟ୍ ଆରେ ର କାଣା ମାନାୟ୍‌ତିଙ୍ଗ୍ ହାଜି ଚଚ୍‍ନାନ୍, ଲାଗିଙ୍ଗ୍ ରିକାର୍ ପା କଡ଼ିତାକେ ଆର୍‌ନାର୍।”

ମାତିଉ 23:13

ଏ ପଣ୍ଡିତ୍‌ ଆରେ ପାରୁସିଦଳ୍‍ନି ମାନାୟ୍ କାଦେର୍, ଇନେସ୍‌କି ଏପେଙ୍ଗ୍ ସେସ୍‌ଦିନ୍ କେତେକ୍ ବୟଙ୍କାର୍! ଆରେ ହାନି ପାଟ୍‌କାର୍ ମାନାୟ୍, ଈଶ୍ୱର ସାସନ୍ କିନି ରାଜିତାକେ ହାନି ହାଜି ବନ୍ଦ୍ କିତାଦେର୍‌ନା। ଜାର୍ ହେବେ ହାଲୁଦେରା ଆରେ ଇମ୍‌ଣାକାର୍ ହାଞ୍ଜେଙ୍ଗ୍ ଉପାୟ୍ କିନାରା, ହେୱାରିଙ୍ଗ୍ ହାଞ୍ଜେଙ୍ଗ୍ ହିଉଦେରା।

ମାତିଉ 23:17

ଏପେଙ୍ଗ୍ କାଣା ଆରେ ବକ୍‌ଆ ଆଦିକ୍ ଗାଜାକା ଇମ୍‌ଣାକା? ହନା କି ଈଶ୍ୱର ମାନି ମନ୍ଦିର୍‌, ହେ ମନ୍ଦିର୍‌ନି ହନାତିଙ୍ଗ୍ ପବିତ୍ର କିନାତ୍ ଲାଗିଙ୍ଗ୍ ହେ ମନ୍ଦିର୍‌ ବେସି ଗାଜା।

ମାତିଉ 23:19

ଏପେଙ୍ଗ୍ କାଣାକାଦେର୍ ଇନାକା ବୁଜାଆଉଦେରା। ଗାଜାକାନ୍ ଇନେର୍? ବେଦି କି ପୁଜା? ବେଦି ପୁଜାତିଙ୍ଗ୍ ପବିତ୍ର କିଜି ମାନ୍‌ଗାନାତ୍। ଲାଗିଙ୍ଗ୍ ବେଦି ଗାଜା।

ମାତିଉ 23:24

ଏ କାଣା ହାଜ୍‌ଦିଙ୍ଗ୍ ଅନାକାଦେର୍‌। ମାତର୍ ଏପେଙ୍ଗ୍ ୱିଜୁତିଙ୍ଗ୍ ମାନି କିନିଲେକେ ହିରୁ ନିୟମ୍‌ତିଙ୍ଗ୍ ମାନିକିନାଦେର୍ ଆରେ ଉଟ୍‌ତିଙ୍ଗ୍ ଗୁସ୍ତି ଲେକେ ଗାଜାଗାଜା ନିୟମ୍‌ତିଙ୍ଗ୍ ମାନି କିଉଦେରା।

ମାତିଉ 23:26

ଏ କାଣା ପାରୁସିଦଳ୍‍, ପାର୍ତୁମ୍ ଗିନାନି ବିତ୍ରେନିକା ନୁଜ୍‌ଜି ହାର୍‌କିନାଦେରା। ମାତର୍ ହାତ୍‌ପା ଗିନାନି ବିତ୍ରେନିକା ସପା ମାଚିସ୍, ବାର୍ତ ପା ସପା ଆଦେଙ୍ଗ୍ ଆଡ୍‌ନାତ୍।

ଗାଲାତିୟ 5:3

ଆନେଙ୍ଗ୍ ଆରେରଗ ୱେଚ୍‌ଚେଦେଙ୍ଗ୍ ଇଚା କିନାଙ୍ଗା, ଏପେଙ୍ଗ୍ ଯଦି ସୁନତ ବିଦି ମାନିକିନି କାଜିଙ୍ଗ୍ ଈଶ୍ୱର ଦୟା ପାୟା ଆଦେଙ୍ଗ୍ ଇଚା କିନାଦେରା, ଲାଗିଙ୍ଗ୍ ଏପେଙ୍ଗ୍ ମୋଶା ଲେକିକିତି ନିୟମ୍ ସାସ୍ତର୍ ୱିଜୁ ମାନିକିନି ଦର୍‌କାର୍।

ଜାକ୍‌ବ 5:12

ଏ ନା ପାର୍ତିକିନି ଟଣ୍ଡାର୍‌କାଦେର୍ ସେସ୍ କାତା ୱେନାଟ୍, ପାର୍ମାଣ୍ କିମାଟ୍, ସରଗ୍‌ନି ପାର୍ମାଣ୍ ଆୟେତ୍ କି ପୁର୍ତିନି ପାର୍ମାଣ୍ ଆୟେତ୍, କି ଜେକନି ଇମ୍‌ଣି ପାର୍ମାଣ୍ ଆୟେତ୍। ମାତର୍ ମିଦାଙ୍ଗ୍ ଆଁ ବେଣ୍ ଆଁ ଆୟେତ୍, ଆକାୟ୍ ବେଣ୍ ଆକାୟ୍ ଆୟେତ୍। ଲାଗିଙ୍ଗ୍ ଏପେଙ୍ଗ୍ ବିଚାର୍ ଦିନ୍‌ତ ଦଣ୍ଡ୍ ପାୟା ଆଉଦେର୍।