ମାତିଉ 22:18 - New Testament in Pengo Parja Language

¹⁸ ମାତର୍ ଯୀଶୁ ହେୱାର୍ ବାଟ୍‌ପାଣ୍ ପୁନ୍‌ଞ୍ଜି ୱେଚ୍‌ଚାନ୍, “ଏ ପାଟ୍‌କାର୍ କାଦେର୍ ଇନା କିଦେଙ୍ଗ୍ ନାଙ୍ଗେଙ୍ଗ୍ ପରିକ୍ଷା କିଦ୍‍ନାଦେରା?

ସତ୍‌ ବଚନ୍‌ ପୁନି ନିୟମ୍‌

¹⁸ ମାତର୍‌ ଜିସୁ ହେୱାର୍‌ତି କୁଟ୍‌ ପୁଞ୍ଜି ମାଚାନ୍‌ । ଲାଗିଂ ହେୱାନ୍‌ ଇଚାନ୍‌, “ଆଡ଼େ କାପ୍‌ଟିୟାର୍‌, ନାଙ୍ଗ୍‌ ଡ଼ୁକାତ ରାତ୍‍ତେଦେଂ ଇନେକିଦେଂ ସେସ୍ଟା କିନାଦେରା ?

ମାତିଉ 22:18 ပူးပေါင်းရင်းမြစ်များ

ମାତିଉ 12:15

ଯୀଶୁ ହେଦାଙ୍ଗ୍ ପୁନ୍‌ଞ୍ଜି ହେବେତାଙ୍ଗ୍ ଏଡ଼ାଆଜି ହସିହାଚାନ୍। ହେବେତାଙ୍ଗ୍ ବେସିହେନି ମାନାୟ୍ ତାପାଚେ ହାଚାର୍। ଆରେ ହେୱାନ୍ ୱିଜାରିଙ୍ଗ୍ ହାର୍‍କିତାନ୍।

ମାତିଉ 19:3

ତାପାଚେ ପାରୁସିଦଳ୍‍ନି ମାନାୟାର୍ ଯୀଶୁଙ୍ଗ୍ ଗୁପାଇ କିଦେଙ୍ଗ୍ ୱେନ୍‌ବାତାର୍, “ଇନା ବିଷୟରେ ପା ଆଣ୍ଡ୍ରେନ୍ କଗ୍‌ଲେଙ୍ଗ୍ ହେଲ ନାଟ୍‍ନାକା ନିୟମ୍ ମାନାତ୍ କି?”

ମାତିଉ 22:17

ଲାଗିଙ୍ଗ୍ ମାଙ୍ଗେଙ୍ଗ୍ ୱେଚ୍‌ଚା, ‘ନି ଇଚା ଇନାକା? ରୋମ୍‍ନି କାଇସର୍ ମହା ରାଜାଙ୍ଗ୍ ସିସ୍ତୁ ହିନାକା ମୋଶା ସାସ୍ତର୍ ତା ବିଦି ମାନାତ୍ କି ଆକାୟ୍?’ ”

ମାତିଉ 22:19

ହେ କାସୁ ଡାବୁ ନାଙ୍ଗେଙ୍ଗ୍ ଚଚ୍‌ଚାଟ୍।” ହେବେତାଙ୍ଗ୍ ହେୱାର୍ ହେ ଡାବୁ ତାସି ଯୀଶୁଙ୍ଗ୍ ହିତାର୍।

ମାର୍କ 12:5

ହେୱାନ୍ ଆରେ ରକାନିଙ୍ଗ୍ ହଲିଆହିଙ୍ଗ୍ ପକ୍ତାନ୍, ହେୱାର୍ ହେୱାନିଙ୍ଗ୍ ପା ମାର୍ନେ ଅସ୍ତାର୍। ହେବେତାଙ୍ଗ୍ ହେ ବାଡ଼୍ ମାଲିକ୍ ଆରେ ବେସି ହେନିତିଙ୍ଗ୍ ପକ୍ତାନ୍, ହେୱାରିଙ୍ଗ୍ ପା କେତେକ୍ ଜାଣ୍‌ତିଙ୍ଗ୍ ଟ୍ରାକ୍‌ତାର୍ ଆରେ କେତେକ୍ ଜାଣ୍‌ତିଙ୍ଗ୍ ମାର୍ନେ ଅସ୍ତାର୍।

ମାର୍କ 2:8

ଯୀଶୁ ହେଦାପ୍ରେ ହେୱାର୍ ମାନ୍ତି ବାବ୍‌ନା ପୁନ୍‌ଞ୍ଜି ହେୱାରିଙ୍ଗ୍ ୱେନ୍‌ବାତାନ୍, “ଏପେଙ୍ଗ୍ ଇନା କିଦେଙ୍ଗ୍ ଏଲେଙ୍ଗ୍ ଲେଗ୍‌ଦି ବେଣ୍ ଜାର୍-ଜାର୍ ମାନ୍ତ ବାବିକିନାଦେରା?

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:25

ରଦିନ୍ ଯୀଶୁ ମାନାୟାରିଙ୍ଗ୍ ହିକ୍ଷାହିଜି ମାଚାନ୍। ତାପାଚେ ରକାନ୍ ପଣ୍ଡିତ୍‌ ୱାଜି ନିଲ୍‌ତାନ୍। ହେୱାନ୍ ଯୀଶୁଙ୍ଗ୍ ପରିକ୍ଷା କିଦେଙ୍ଗ୍ ୱେନ୍‌ବାତାନ୍, “ଏ ଗୁରୁ, ୱିଜ୍‌ୱି ଜିବୁନ୍ ପାଇକିଦେଙ୍ଗ୍ ଆନେଙ୍ଗ୍ ଇନାକା କିଦେଙ୍ଗ୍ ଆନାତ୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:23

ମାତର୍ ଯୀଶୁ ହେୱାର୍ ଚାତୁର୍ ବୁଜାଆଜି ୱେଚ୍‌ଚାନ୍, “ର ରୁପାଡାବୁ ନାଙ୍ଗେଙ୍ଗ୍ ଚଚ୍‌ଚାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:22

ମାତର୍ ଯୀଶୁ ହେୱାର୍ ମାନ୍ତି ବାବ୍‌ନା ପୁନ୍‌ଞ୍ଜି ହେୱାରିଙ୍ଗ୍ ୱେନ୍‌ବାତାନ୍, “ଏପେଙ୍ଗ୍ ଇନା କିଦେଙ୍ଗ୍ ଜାର୍-ଜାର୍ ମାନ୍ତ ବାବିକିନାଦେରା?

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:47

ମାତର୍ ଯୀଶୁ ହେୱାର୍ ମାନ୍ତି କାତା ପୁନ୍‌ଞ୍ଜି, ର ହିରୁ ହିମ୍‌ଣାତିଙ୍ଗ୍ କୁକ୍‌ଚି ତା ଲାଗାୟ୍ ନିଲି କିତାନ୍।

ଜହନ୍‌ 2:25

ହେୱାନ୍ ମାନାୟାରିଙ୍ଗ୍ ହାର୍‌ଦାଙ୍ଗ୍ ପୁନ୍‌ଞ୍ଜି ମାଚାନ୍। ଲାଗିଙ୍ଗ୍ ମାନାୟାର୍ ବିଷୟ ପୁଞ୍ଜେଙ୍ଗ୍ ଆରେ ହେୱାନିଙ୍ଗ୍ ଇମ୍‌ଣାକାନ୍ ଦର୍‌କାର୍ ହିଲାତାତ୍।

ଜହନ୍‌ 8:6

ହେୱାର୍ ଯୀଶୁଙ୍ଗ୍ ପରିକ୍ଷା କିଦେଙ୍ଗ୍ ହେଲେକେ ପ୍ରଶ୍ନ ୱେନ୍‌ବାତାର୍। ଇନେସ୍‌କି ହେୱାର୍ ଯୀଶୁଙ୍ଗ୍ ବୁଲ୍ ଆସ୍ତି ଦସି କିଦେଙ୍ଗ୍ ଇଚାକିଜି ମାଚାର୍। ମାତର୍ ଯୀଶୁ କାପ୍‌ଡ଼ା ତାରେନ୍ କିଜି ୱାଚ୍‌କା ହୁଦାଙ୍ଗ୍ ମେଦ୍‌ନି ଜପି ଇନାକା ଲେକିକିଦେଙ୍ଗ୍ ଲାଗାତାନ୍।

ପକ୍ୟାତାକା 5:9

ତାପାଚେ ପିତର ହେଦେଲିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ର ମାନ୍‌ଆଜି ପବିତ୍ର ଆତ୍ମାତିଙ୍ଗ୍ ଇନାକାଦେଙ୍ଗ୍ ପରିକ୍ଷା କିତାଦେର୍? ହୁଡ଼ା, ଇମ୍‌ଣାକାର୍ ନି ଡକ୍ରାଦିଙ୍ଗ୍ ଦୁଗେର୍‌ତାକେ ମୁଚ୍‍କାତାର୍, ହେୱାର୍ ଦୁୱେର୍ ଲାଗାୟ୍ ଏକିୱାତାରେ, ଆରେ ହେୱାର୍ ନିଙ୍ଗେଙ୍ଗ୍ ପା ମୁଚ୍‍ଚେଙ୍ଗ୍ ପିଣ୍‌ଜି ଅଦ୍ନାର୍‌।”

ହତ୍‌ତି 2:23

ଆନେଙ୍ଗ୍ ତା ହିକ୍ଷାତିଙ୍ଗ୍ ମାନି କିନାକାରିଙ୍ଗ୍ ମାର୍ନେ ଅହ୍‌ନାଙ୍ଗ୍, ଲାଗିଙ୍ଗ୍ ୱିଜୁ ମଣ୍ଡ୍‌ଲିନି ମାନାୟାର୍ ପୁନାର୍ ଯେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ୱିଜାର୍ ମାନ୍ତି ବାବ୍‌ନାତିଙ୍ଗ୍ ଆରେ ଚିନ୍ତାତିଙ୍ଗ୍ ପୁନି ମାନାୟ୍। ଆରେ ଆନେଙ୍ଗ୍ ମି ଜାର୍-ଜାର୍ କାମାୟ୍ ଅନୁସାରେ ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାଙ୍ଗ୍।