ମାତିଉ 21:21 - New Testament in Pengo Parja Language

²¹ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଯଦି ଈଶ୍ୱରତାକେ ମି ପାର୍ତି ମାଚିସ୍, ଏପେଙ୍ଗ୍ ଜାର୍ ଗରବ୍‌ତାକେ ଡାଉଟ୍ କିମାଟ୍। ଲାଗିଙ୍ଗ୍ ଇ ତଗାମାର୍‌ତାଙ୍ଗ୍ ଇନେସ୍ କିତାଙ୍ଗ୍ ହେଲେକେ ଏପେଙ୍ଗ୍ କିନାଦେର୍। ହେଦାଙ୍ଗ୍ ଆକାୟ୍, ଏପେଙ୍ଗ୍ ଇ ମାଡ଼ିତିଙ୍ଗ୍ ପା ଏନେଙ୍ଗ୍ ନିଙ୍ଗ୍‌ଞ୍ଜି ହାମ୍‌ଦୁର୍‌ତାକେ ହାଲ୍‌ଜି ଆରା ଇଞ୍ଜି ୱେଚ୍‌ଚିସ୍ ହେଦାଙ୍ଗ୍ ଆର୍ନାତ୍।

ସତ୍‌ ବଚନ୍‌ ପୁନି ନିୟମ୍‌

²¹ ଜିସୁ ଉତର୍‌ ହିତାନ୍‌, “ଆନ୍‌ ମିଙ୍ଗେଙ୍ଗ୍‌ ହାତ୍‌ପା ଇଞ୍ଜ୍‌ନାଙ୍ଗା, ଜଦି ମି ପାର୍ତି ମାନାତ୍‌, ଆରେ ଏପେଙ୍ଗ୍‌ ପାର୍ତି କିଉଦେର୍‌, ଲାଗିଂ ଇ ତଗା ମାର୍‌ କାଜିଂ ଇନେସ୍‌ କିୟାଆତାତ୍‌ନା, କେବଲ୍‌ ଇନେର୍‌ ହେ ଲାକେ କିନାଦେର୍‌, ହେଦାଂ ଆକାୟ୍‌, ମତର୍‌ ଜଦି ଇ ମାଡ଼ିତିଂ ପା ଏନ୍‌ ନିଙ୍ଗ୍‌ଜି ହାମ୍‌ଦୁର୍‌ତ ହାଲ୍‌ଜି ଆରା ଇଞ୍ଜି ଇନାଦେର୍‌, ତା ଆତିସ୍‌ ହେଦାଂ ଗିଟା ଆନାତ୍‌ ।

ମାତିଉ 21:21 ပူးပေါင်းရင်းမြစ်များ

ମାତିଉ 14:29

ଯୀଶୁ ୱେଚ୍‌ଚାନ୍, “ୱା।” ହେବେତାଙ୍ଗ୍ ପିତର ଡଙ୍ଗାତାଙ୍ଗ୍ ଯୁଜି ଏଜୁଙ୍ଗ୍ ଜପି ତାଙ୍ଗ୍‌ଜି ଯୀଶୁ କଚଣ୍‌ତ ହାଚାନ୍।

ମାତିଉ 17:20

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଅଲପ୍ ପାର୍ତି କିନାଦେରା। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଯଦି ମିବେ ର ହାର୍‌ହୁ ମାଞ୍ଜି ଲେକେ ପାର୍ତି ମାନ୍‌ଗାନାତ୍, ଲାଗିଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହେବେ ଗୁଚାଆ ଇଞ୍ଜି ୱେଚିସ୍ ହେ ମାଡ଼ି ଗୁଚା ଆନାତ୍। ଆରେ ଇନାକାପା ନି ବେଣ୍‌ତିଙ୍ଗ୍ ମାନିକିୱାକା ହିଲ୍‌ଗୁତ୍।

ମାତିଉ 21:20

ଚେଲାହିର୍ ହେ ତଗାମାର୍‌ ୱାଚ୍‌କା ହୁଡ଼୍‌ଜି କାବାଆଜି ୱେଚ୍‌ଚାର୍, “ତଗାମାର୍‌ ଇନେସ୍ କିଜି ହେଦାପ୍ରେ ୱାଚ୍‌ଚାତ୍?”

ମାତିଉ 8:12

ମାତର୍ ଯିହୁଦିର୍ ମାନାୟାରିଙ୍ଗ୍ ବାର୍ତ ମାଜ୍‌ଗାତାକେ ତୁସିହିନାର୍। ହେବେ ହେୱାର୍ ଦୁକ୍ କଷ୍ଟତାଙ୍ଗ୍ ଟାଡାଙ୍ଗ୍ କାପ୍‌ଚି କିଲ୍‌ବିଲ୍ ଆନାର୍।”

୧ କରନ୍ତିୟ 13:2

ଆରେ ଯଦି ଆନେଙ୍ଗ୍, ଈଶ୍ୱର କାତାତିଙ୍ଗ୍ ବୁଜାୟ୍ କିନି ଶାକ୍ତି ମାନାତ୍, ଆରେ ଈଶ୍ୱର ଡ଼ୁକ୍‌ତି ଉପାୟ୍ ବିଷୟତିଙ୍ଗ୍ ପୁନ୍‌ଞ୍ଜି ମାଚିସ୍ ପା, ମାତର୍ ଜେକନିକାରିଙ୍ଗ୍ ଲାଡ୍ କିୱିତିସ୍ ଇନା ଲାବ୍ ଆକାୟ୍। ଆରେ ନା ପାର୍ତି ଇଲେକେ ମାଚିସ୍ ପା, ଯଦି ଆନେଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହାବେ ଗୁଚାୟ୍ କିଦେଙ୍ଗ୍ ଆଡ଼୍‌ତିସ୍, ଆରେ ଆନେଙ୍ଗ୍ ଜେକନିକାରିଙ୍ଗ୍ ଲାଡ୍ କିୱିତିସ୍ ନାଦି ଇନା ମୁଲ୍ଯ ଆକାୟ୍।

ଜାକ୍‌ବ 1:6

ମାତର୍ ଏଚେପାଦ୍ନା ହେୱାର୍ ଈଶ୍ୱରତାକେ ପାର୍ତାନା କିନିହିଙ୍ଗ୍ ଅଲପ୍‌ପା ଡାଉଟ୍ କିୱାଦାଙ୍ଗ୍ ପାର୍ତି କିନାକା ମାନାତ୍। ଇନେସ୍‌କି ହାମ୍‌ଦୁର୍‌ନି ଲଉଡ଼ି ଡ଼ୁଇ ୱାତିସ୍ ଇନେସ୍ ଇନିଆନି ଆନାତ୍ ହେଲେକେ ଡାଉଟ୍ କିନି ମାନାୟାର୍।