ମାତିଉ 20:22 - New Testament in Pengo Parja Language

²² ମାତର୍ ଯୀଶୁ ୱେଚ୍‌ଚାନ୍, “ଏପେଙ୍ଗ୍ ଇନାକା ଏନ୍ତାନାଦେରା ହେଦାଙ୍ଗ୍ ମିଙ୍ଗେଙ୍ଗ୍ ଜାଣା ଆକାୟ୍। ଆନେଙ୍ଗ୍ ଇନେସ୍ କିଜି ଦୁଃକ୍ ପାୟାଆନାଙ୍ଗ୍ ଏପେଙ୍ଗ୍ ପା ହେ ଏନେଙ୍ଗ୍ ଦୁଃକ୍ ପାୟ୍ଆଦେଙ୍ଗ୍ ଇଚାକି?

ସତ୍‌ ବଚନ୍‌ ପୁନି ନିୟମ୍‌

²² ଜିସୁ ଜେବ୍‌ଦି ରିୟାର୍‌ ମାଜ଼ିରିଂ ଉତର୍‌ ହିତାନ୍‌, “ଏପେଙ୍ଗ୍‌ ଇନାକା ଏନ୍‌ନାଦେରା, ହେଦାଂ ପୁନୁଦେରା । ଆନ୍‌ ଦୁକ୍‌ ବଗ୍‌ନି ବାହାତ ଉଣ୍ଡେଙ୍ଗ୍‌ ହାନାଙ୍ଗା ? ହେବେ କି ଏପେଙ୍ଗ୍‌ ଉଣ୍ଡେଙ୍ଗ୍‌ ଆଡ୍‌ନାଦେର୍‌ ?” ହେୱାର୍‌ ତାଙ୍ଗ୍‌ ଇଚାର୍‌, “ଆଡ୍‌ନାପ୍‌ ।”

ମାତିଉ 20:22 ပူးပေါင်းရင်းမြစ်များ

ମାତିଉ 26:35

ପିତର ଇବେଣ୍ ୱେନ୍‌ଞ୍ଜି ଯୀଶୁଙ୍ଗ୍ ୱେଚ୍‌ଚାନ୍, “ନି ହୁଦାଙ୍ଗ୍ ଆନେଙ୍ଗ୍ ହାଃନାଙ୍ଗ୍ ହିନା ମାତର୍ ଇନାୱେଡ଼ାଙ୍ଗ୍ ପା ନିଙ୍ଗେଙ୍ଗ୍ ପୁଞ୍ଜୁଙ୍ଗ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁଙ୍ଗ୍।” ବାକି ଚେଲାହିର୍ ପା ହେଲେକେ ବେଣ୍ ଇଚାର୍।

ମାତିଉ 26:39

ହେୱାର୍ ତାକେତାଙ୍ଗ୍ ଅଲପ୍ ଦେହା ତାଙ୍ଗ୍‌ଜି ହାଚି ପାଚେ ମେଣ୍ଡାକୁନ୍ଦିକିଜି ପାର୍ତାନା କିତାନ୍, “ଏ ଆବା ନାଙ୍ଗେଙ୍ଗ୍ ଇ ଦୁଃକ୍‌କଷ୍ଟତାଙ୍ଗ୍ ଦେହାକିଦା। ନା ଇଚା ଆକାୟ୍ ମାତର୍ ନି ଇଚାଆଏତ୍।”

ମାତିଉ 26:42

ଆରେରଗ ଯୀଶୁ ହାଚାନ୍, ଆରେ ପାର୍ତାନା କିତାନ୍, “ଏ ନା ଆବା, ଯଦି ଇ କଷ୍ଟନି ବାହା ନାବେତାଙ୍ଗ୍ ଦେହାଆୱିତିସ୍, ହେଲେକେ ଆୟେତ୍ ହେଦାଙ୍ଗ୍ ଆନେଙ୍ଗ୍ ଉଣାଙ୍ଗ୍। ଲାଗିଙ୍ଗ୍ ଆନେଙ୍ଗ୍ ପାର୍ତାନା କିନାଙ୍ଗା ଯେ, ଏନେଙ୍ଗ୍ ଇନାକା ଇଚା କିନାୟା ହେଦାଙ୍ଗ୍‌ନେ ଆଏତ୍।”

ମାତିଉ 26:56

ମାତର୍ ଭବିଷ୍ଯତବକ୍ତାର୍ ଇନେସ୍ ଲେକେ ଲେକିକିଜି ମାଚାର୍। ହେଲେକେ ଆଦେଙ୍ଗ୍ ଇୱିଜୁ ଗାଟାଆତାତ୍।” ତାପାଚେ ୱିଜାର୍ ଚେଲାହିର୍ ଯୀଶୁଙ୍ଗ୍ ପିସ୍ତି ହନ୍‍ଚିହାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:50

ଆନେଙ୍ଗ୍ ବେସି ଗାଜା କଷ୍ଟ ବେଗି ପାୟାଆନାଙ୍ଗ୍‌ଦେ। ହେଦାଙ୍ଗ୍ ଆୱି ପାତେକ୍ ଆନେଙ୍ଗ୍ ବେସି ଦୁଃକ୍‌ତ ମାନାଙ୍ଗ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:42

“ଏ ଆବା ନାଙ୍ଗେଙ୍ଗ୍ ଇ ଦୁଃକ୍‌କଷ୍ଟତାଙ୍ଗ୍ ଦେହାକିଦା, ନି କେଇଦ ୱିଜୁଆନାତ୍ ନା ଇଚା ଆକାୟ୍ ମାତର୍ ନି ଇଚାଆଏତ୍।”

ଜହନ୍‌ 18:11

ହେବେତାଙ୍ଗ୍ ଯୀଶୁ ପିତରତିଙ୍ଗ୍ ୱେଚ୍‌ଚାନ୍, “ନି କାଣ୍ଡା ନି ଲାଗାୟ୍ ଇଟା। ଆବା ଈଶ୍ୱର ନାଙ୍ଗେଙ୍ଗ୍ ଇ ଦୁକ୍ ପାୟା ଆଦେଙ୍ଗ୍ ହିତ୍‌ତାନ୍‌ନା, ଆନେଙ୍ଗ୍ ଇଦାଙ୍ଗ୍ ପାୟାଆନି ଦର୍‌କାର୍।”

ରୋମିୟ 8:26

ଆରେ, ଆସେଙ୍ଗ୍ ଦୁଃକ୍ ଆଜି ମାନିହିଙ୍ଗ୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିଦ୍‌ନାତା, ଇନେସ୍‌କି ଆସେଙ୍ଗ୍ ଇନେସ୍‌କିଜି ପାର୍ତାନା କିୟାଆନାତ୍ ଆରେ ଇନାକାଦିଙ୍ଗ୍ ପାର୍ତାନା କିୟାଆନାତ୍ ହେଦାଙ୍ଗ୍ ଆସେଙ୍ଗ୍ ପୁନ୍‌ୱାତାସ୍‌ନା ପା। ମାତର୍ ପବିତ୍ର ଆତ୍ମା ମା କାଜିଙ୍ଗ୍ ଆଡ଼୍‌ବିସ୍‌ ପାର୍ତାନା କିନାତା ଯେ, ଆସେଙ୍ଗ୍ ହେଦାଙ୍ଗ୍ କାତାତାକେ ବୁଜାୟ୍ କିୟାଆଉତ୍।

ଜାକ୍‌ବ 4:3

ଏପେଙ୍ଗ୍ ଈଶ୍ୱରତିଙ୍ଗ୍ ଏନ୍‌ନାଦେରା, ମାତର୍ ଈଶ୍ୱରତାଙ୍ଗ୍ ଇନାକା ପାୟା ଆଉଦେରା। ଇନେସ୍‌କି ଜାର୍ କରାପ୍ ଇଚାତାଙ୍ଗ୍ ପୁରା କିଦେଙ୍ଗ୍ ଏପେଙ୍ଗ୍ ଏନ୍‌ନାଦେରା।