ମାତିଉ 20:21 - New Testament in Pengo Parja Language

²¹ ହେବେ ଯୀଶୁ ହେୱାରିଙ୍ଗ୍ ୱେନ୍‌ବାତାନ୍, “ଏପେଙ୍ଗ୍ ଇନାକା ଇଚା କିନାଦେରା?” ହେୱାର୍ ହେୱାନିଙ୍ଗ୍ ୱେଚ୍‌ଚାର୍, “ମି ସାସନ୍ କିନି ରାଜିତାକେ ହେଲେକେ ନା ଇ ରିକାର୍ ହିମ୍‌ଣାଙ୍ଗ୍ ବିତ୍ରେତାଙ୍ଗ୍ ରକାନିଙ୍ଗ୍ ନି ତିନି ବାଗାୟ୍ ଆରେ ରକାନିଙ୍ଗ୍ ଡେବା ବାଗାୟ୍ କୁଚ୍‌ଚେଙ୍ଗ୍ ଆଦିକାର୍ ମାଙ୍ଗେଙ୍ଗ୍ ହିଦା।”

ସତ୍‌ ବଚନ୍‌ ପୁନି ନିୟମ୍‌

²¹ ଜିସୁ ହେଦେଲିଂ ୱେନ୍‌ବାତାନ୍‌, “ଇନାକା ମାନ୍‌ କିନାୟା ?” ହେଦେଲ୍‌ ଇଚାତ୍‌, “ଏନ୍‌ ଏଚେକାଡ଼୍‌ଦ ମି ରାଜିତ ରାଜା ଆନାୟ୍‌, ନା ଇ ରି ହିମ୍‌ଣାକାଂ ନି ବୁଜ୍‌ଣି ଆରି ଡେବ୍ରି ପାଡ଼୍‍କା କୁଚିକିନାୟ୍‍ ଇଞ୍ଜି ବଲ୍‌ ହିଦା ।”

ମାତିଉ 20:21 ပူးပေါင်းရင်းမြစ်များ

ମାତିଉ 18:1

ହେପାଦ୍ନା ଚେଲାହିର୍ ଯୀଶୁ ଲାଗେ ୱାଜି ୱେନ୍‌ବାତାର୍, ଈଶ୍ୱର ସାସନ୍ କିନି ରାଜିତାକେ ଇନେର୍ ଗାଜାକାନ୍?

ମାତିଉ 19:28

ଯୀଶୁ ୱେଚ୍‌ଚାନ୍, “ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ପୁନି ଯୁଗ୍‌ଦ ଏଚେକାଡ଼୍‌ଦ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ତା ଜୟ୍-ଜୟ୍ ପାୟାଆନି ସିଂହାସନ୍‌ତାକେ କୁଚ୍‌ନାନ୍, ହେପାଦ୍ନା ନା ବାରଜାଣ୍ ଚେଲାର୍ ପା ବାରଗଟା ସିଂହାସନ୍‌ତାକେ କୁଚ୍‌ଚି ଇସ୍ରାଏଲନି ବାରଗଟା କୁଟୁମ୍‌ନି ମାନାୟାରିଙ୍ଗ୍ ସାସନ୍ କିନାର୍।

ମାତିଉ 20:22

ମାତର୍ ଯୀଶୁ ୱେଚ୍‌ଚାନ୍, “ଏପେଙ୍ଗ୍ ଇନାକା ଏନ୍ତାନାଦେରା ହେଦାଙ୍ଗ୍ ମିଙ୍ଗେଙ୍ଗ୍ ଜାଣା ଆକାୟ୍। ଆନେଙ୍ଗ୍ ଇନେସ୍ କିଜି ଦୁଃକ୍ ପାୟାଆନାଙ୍ଗ୍ ଏପେଙ୍ଗ୍ ପା ହେ ଏନେଙ୍ଗ୍ ଦୁଃକ୍ ପାୟ୍ଆଦେଙ୍ଗ୍ ଇଚାକି?

ମାତିଉ 20:32

ହେବେ ଯୀଶୁ ନିଲ୍‌ଚି ହେୱାରିଙ୍ଗ୍ କୁକ୍‌ଚି ୱେନ୍‌ବାତାନ୍, “ଆନେଙ୍ଗ୍ ମି କାଜିଙ୍ଗ୍ ଇନାକା କିନାଙ୍ଗ୍ ଇଞ୍ଜି ଏପେଙ୍ଗ୍ ଇଚା କିନାଦେରା?”

ମାର୍କ 10:51

ଆରେ ଯୀଶୁ ହେୱାନିଙ୍ଗ୍ ୱେନ୍‌ବାତାନ୍, “ଆନେଙ୍ଗ୍ ନି କାଜିଙ୍ଗ୍ ଇନାକା କିନାଙ୍ଗ୍ ଇଞ୍ଜି ଏନେଙ୍ଗ୍ ମାନ୍ କିନାୟା?” ହେ କାଣାମାନାୟ୍ ଯୀଶୁଙ୍ଗ୍ ୱେଚ୍‌ଚାନ୍, “ଏ ଗୁରୁ, ଆନେଙ୍ଗ୍ ଇନେସ୍ କି କାଣ୍‌କୁ ହୁଡ଼୍‌ନାଙ୍ଗ୍।”

ମାର୍କ 16:19

ମାପୃ ଯୀଶୁ ଇ ୱିଜୁବେଣ୍ ତା ଚେଲାହିରିଙ୍ଗ୍ ୱେଚ୍‌ଚି ପାଚେ ଈଶ୍ୱର ଯୀଶୁଙ୍ଗ୍ ସରଗ୍‌ତାକେ ଅସିହାଚାନ୍, ଆରେ ହେୱାନ୍ ଈଶ୍ୱର ହୁଦାଙ୍ଗ୍ ସାସନ୍ କିଦେଙ୍ଗ୍ ତା ତିନାବାଗାୟ୍ କୁଚ୍‌ଚାନ୍।

ମାର୍କ 6:22

ହେବେ ରାଣି ହେରଦିୟା ଗାଡ଼୍‍ହି ବିତ୍ରେ ୱାଜି ଏନ୍ତାତ୍, ହେରୋଦ ହୁଦାଙ୍ଗ୍ କୁଚ୍‌ଚି ମାଚି ମାନାୟାର୍ ୱାରିୟା ଆତାର୍ ହେଦାଙ୍ଗ୍ କାଜିଙ୍ଗ୍ ହେରୋଦ ରାଜା ଗାଡ଼୍‍ହିଙ୍ଗ୍ ୱେନ୍‌ବାତାନ୍, “ନିଙ୍ଗେଙ୍ଗ୍ ଇନାକା ଦରକାର୍ ନାଙ୍ଗେଙ୍ଗ୍ ୱେଚ୍‌ଚା ଆନେଙ୍ଗ୍ ନିଙ୍ଗେଙ୍ଗ୍ ହିଦ୍‌ନାଙ୍ଗ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:41

ହେ କାଣାମାନାୟ୍ ଯୀଶୁଙ୍ଗ୍ ୱେଚ୍‌ଚାନ୍, “ଏ ମାପୃ, ଆନେଙ୍ଗ୍ କାଣ୍‌କୁ ହୁଡ଼୍‌ଦେଙ୍ଗ୍ ଇଚା କିନାଙ୍ଗା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:11

ଯୀଶୁ ୱେଚ୍‌ଚି ବେଣ୍ ମାନାୟାର୍ ୱେନିହିଙ୍ଗ୍ ଯୀଶୁ ଆରେରଗ କାତା ୱେଚ୍‌ନିଲେକେ କିଜି ୱେଚ୍‌ଚାନ୍, ହେପାଦ୍ନା ଯୀଶୁ ଯିରୁଶାଲାମ ସହର୍ ଲାଗେ-ଲାଗେ ଆଜି ମାଚାନ୍। ହେ ମାନାୟାର୍ ମାନ୍ତ ବାବିକିତାର୍ କି ଈଶ୍ୱର ସାସନ୍ କିନି ରାଜି ବେଗି ୱାନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:24

ଚେଲାହିର୍ ବିତ୍ରେତାଙ୍ଗ୍ ଇନେର୍ ଗାଜାକାନ୍ ଇଞ୍ଜି ଜାର୍-ଜାର୍‌ବିତ୍ରେ ୱେଚ୍‌ପା ଆଦେଙ୍ଗ୍ ଲାଗାତାର୍।

ଜହନ୍‌ 15:7

ନାବେ ମାନାଟ୍ ଆରେ ନା ହିକ୍ଷାତିଙ୍ଗ୍ ମାନି କିୟାଟ୍। ଏପେଙ୍ଗ୍ ଯଦି ଏଲେଙ୍ଗ୍ କିନାଦେର୍, ଲାଗିଙ୍ଗ୍ ଇନାକା ଇଚା କିନାଦେର୍ ହେଦାଙ୍ଗ୍ ଏନାଟ୍ ହେଦାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ହିଦ୍‌ନାଙ୍ଗ୍।

ପକ୍ୟାତାକା 1:6

ଦିନେକ୍ ବାଚିକିତି ଚେଲାହିର୍ ଯୀଶୁ ହୁଦାଙ୍ଗ୍ ରବେ ଆତାର୍। ହେପାଦ୍ନା ହେୱାର୍ ହେୱାନିଙ୍ଗ୍ ୱେନ୍‌ବାତାର୍, “ମାପୃ, ନଙ୍ଗୟ୍ ଏନେଙ୍ଗ୍ ରମିୟ ସରକାର୍‌ତିଙ୍ଗ୍ ଆରାଇ କିଜି ଇସ୍ରାଏଲନି ଦେସ୍‌ତିଙ୍ଗ୍ ଆରେରଗ ହିନାଇ କି?”

ରୋମିୟ 12:10

ଏପେଙ୍ଗ୍ ଜାର୍ କୁଟୁମ୍‌ନି ମାନାୟାରିଙ୍ଗ୍ ଲାଡ୍ କିନିଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍। ଆରେ ଜାର୍-ଜାର୍‌ତିଙ୍ଗ୍ ସନ୍‌ମାନ୍ ହିବାଆଡ।

ରୋମିୟ 8:34

ଇନେର୍ ପା ମାଙ୍ଗେଙ୍ଗ୍ ଦସି କିତ୍‌ଦେଙ୍ଗ୍ ଆଡ଼୍‌ଦୁର୍, ଇନେସ୍‌କି ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ହାଃତାନ୍‌ନା। ଆରେ ହେ ମାରାଣ୍‌ତାଙ୍ଗ୍ ମା କାଜିଙ୍ଗ୍ ଜିବୁନ୍ ଆତାନ୍‌ନା। ହେୱାନ୍ ସନ୍‌ମାନ୍ ପାୟାଆନି ବାହାତାକେ ଈଶ୍ୱରତାକେ ତିନାବାଗାୟ୍ କୁଚ୍‌ଚାନ୍‌ନା, ଆରେ ହେୱାନ୍ ମାପଣ୍ଡାଙ୍ଗ୍ ଆଜି ଈଶ୍ୱରତିଙ୍ଗ୍ ଗୁୱାରି କିନାନା।

କଲସିୟ 3:1

ଏଚେପାଦ୍ନା ଯୀଶୁ ଖ୍ରୀଷ୍ଟ ହାଃଜି ଆରେରଗ ଜିବୁନ୍‌ଆଜି ନିଙ୍ଗ୍‌ତାନ୍, ହେଲେକେ ନେ ମିଙ୍ଗେଙ୍ଗ୍ ପା ଈଶ୍ୱର ନିକ୍ତାତାନ୍‌ନା। ଈଶ୍ୱର ସନ୍‌ମାନ୍ ବାହାନି ତିନାବାଗାୟ୍ ଖ୍ରୀଷ୍ଟ କୁଚ୍‌ଚାନ୍‌ନା, ହେ ସରଗ୍‌ତାକେ ମାନି ୱିଜୁ ବିଷୟତାକେ ଏପେଙ୍ଗ୍ ମାନ୍ ହିୟାଟ୍।